多彩皇宮

Open Now

Now Closed

呢日來到石硖尾探朋友，咁就來到呢間好多年歷史的酒樓，間酒樓幾大吓，有2層，之前跟D團體聚餐來過。呢日最驚喜係見番都真係幾大個的『大包』，而材料亦足，不是好多地方可以吃到嘅。

8:30坐底，等到10:00先齊野.... 今晚家人食隻，叫左好多野。天麻魚頭燉湯，飲得完足料燉得耐。時間火候足，魚骨都燉到入口即化。而且冇味精。飲完都唔口乾，好飲。生炒骨，真係骨。粉包住裡面就係得骨，完全冇肉...可能我唔好彩，食左4粒，3粒全骨，一粒骨連啲肥膏。啫啫芥蘭蝦膏香口。蝦乾惹味，但太咸沙律海鮮卷，冇乜特別冇乜味，搵唔到海鮮只搵到水果粒。沙巴龍躉夠大條，又滑，$98真係抵食過班仔。蒸得時間剛剛好等到天荒地老嘅 芝士海蝦伊面，廚房話冇芝士改左上湯...8:40話改，等到十點先到，追足廿次單。每次話取消都話煮緊... 等到我女眼訓，走先，冇食。

間野裝修改名後，只幫襯過兩次，兩次都有不快經歷。第一次幫襯 (坐上層)，不快經歷 : 點了炸明蝦角，等了好耐還未有，主動追單才告知炸明蝦角賣哂。酒樓方面不是應該主動告知客人嗎? 這個還未算，埋單仲要計埋炸明蝦角錢。吓?唔係下麻?? 服務差還未夠，管理仲要不善??? 第二次幫襯 (坐下層)，不快經歷 : 舉了點心紙很久，員工可以視而不理，扮望其他地方，舉了好耐才有人理會。好了，食物終於到了，食物竟然不熱，腸粉厚皮不熱，燒味飯凍 (少少暖都得掛)，總之兩個字 "極差"。這個還未算，因為第一次幫襯的不快經歷，這次埋單要求check 單以策安全。一問個收銀阿嬸即黑面，畀錢時仲要講悔氣說話，態度"極差"。吓?唔係下麻?? 客人check 單沒有權利...仲要有錯?? 如果唔係間野，服務差還未夠，管理仲要不善，客人都唔會咁唔放心啦，係咪呀....一間價錢與品質及服務不符的屋村式酒樓?客觀講，咁既價錢，去功X點心飲茶，價錢差唔多，但食物質素+服務都好過依間不知所謂。如果唔係就老人家 ，我都唔會再幫襯第二次。不過都好感恩幫襯了第二次，令我地決定。

多彩皇宮屹立於石硤尾多年，早幾年經過裝修後環境變得更好，也較受街坊歡迎。自己也幫襯過不少次，在我心中它一直都只是一間普通的酒樓。今天與家人一起相約在這飲下午茶，但感覺所有東西都十分差劣。 食物:香煎三色糕 (下午茶 $9.8)不是即煎，用微波爐加熱，十分油膩之餘，口感不扎實，缺乏彈性，超級粉和綿，芋頭糕跟蘿白糕饀料少，味道欠佳沙薑雞腳超級咸，煮得過熟，好林蒸排骨味道正常，份量少，肉的比例也少。雞絲蒸粉卷這個粉卷皮厚，又不夠滑。內裡的餡料不新鮮，感覺放了很久，也吃不到雞絲的味道。廈門炒米味道過於酸和甜，十分奇怪，米粉也太濕，難吃蝦餃蝦餃一般不會難吃，但這裡的蝦餃真的很低質。蝦餃皮十分林，缺感煙韌感，夾起蝦餃時，皮和蝦隨即分離😓燒賣味道正常，不過肉質和蝦同樣不新鮮，不爽口。蔥爆雞軟骨算是味道比較好的食物，味道挺香。 除了食物味道差，這裡的人手不足，服務員經常擺出一副無禮的樣子，態度懶散，不會再來。

很少去石硤尾，之前未去過多彩皇宫都没想過石硤尾會有一間咁大面積嘅酒樓，石硤尾站出口步行5至7分鐘左右就見到，重要係有兩層，樓底幾高下，兩旁都有很多電视機和盡頭有部超大型LED顯示屏，這裡飲茶一定有位，除非休息。一行四人，朋友叫了個套餐，可揀4個點心＋半隻雞和一個炒粉飯麵，食完坐到差有多埋單走人，個侍應行埋來問食左點品未，原來還有甜品送，係紅豆沙，甜左少少，食了半碗就算，埋單每人70蚊，論價錢算係幾抵食，四個大男人未致好飽，這裡啱一些喜歡嘆茶長者，能夠提供一個咁舒適嘅地方給長者消遣，真係功德無量。至於食物就视乎自己口味，忘了影相，所以一張相片都没有發佈，請諒解！這個食評確有點難評，這款舊式酒樓應該飬活了一班弱勢社群，讓長者街坊有一個低消费嘅地方，都希望它能維持下去，碰啱大時大節四圍無位，呢度都係一個好選擇。

第二次來這間酒家，兩次都是跟家人一起來的，多人叫菜是最好選擇。兩次來都不用等直接入坐。兩次同樣地點了片皮鴨，可能是為了片皮鴨而來的。今次還選了鴨肉兩食($298) :片皮鴨 + 七彩炒絲，另外叫了3個菜，本身想點冬瓜盅，可惜已售罄 (當天8點多才來到)點菜後很快就有隻鴨出現在我們眼前。但鴨的香味似乎很微，而且只是暖暖的，可能擱置了一陣子。鴨肉片好就上桌，可是片得一片大一片小什至沒有肉只有一片皮，又沒有多肉汁，實在有點大失望。鴨肉之第二食: 七彩炒絲，鴨肉的份量比我想像中的多，鴨肉今次真的一般，不過配上九菜+銀芽都不錯。可能大家都開始飽，大家都集中在九菜和銀芽上 (是幾好味的) 。米蘭什菌炒蝦仁冬瓜盅售罄了，就換來"米蘭什菌炒蝦仁"取代它。蝦夠大隻，味道清清淡淡，不錯的。啫啫芥蘭煲，味道有點咸﹑濃味，芥蘭有點苦，我覺得還有其他菜會較它好吃。這個這個"金蒜粉絲蒸貴妃蚌"，好味好味真的好味。其實我吃完之後都說了很多次"很好味啊"，不知道家人有否覺得我太誇張呢。其實我很怕吃蒜，怕它的味道，平時在其他地方吃的蒜蒸我都會清走蒜才吃，但這個上桌後它的香味已經令人流口水。貴妃蚌很鮮甜，爽口，加上個豉汁

天氣熱 想食冬瓜盅 解解暑 點知……1。原先 6:45pm 打去問咗南山邨"彩龍" 冬瓜盅 優惠價$38 冇得訂 先到先享 7pm去到 有幾枱客 侍應話: 冬瓜盅賣晒 但正價就有2。再問"城大中菜廳“ 冇聽電話 唯有直接上去 但冇冬瓜盅 …… 仲話今日(30/5) last day啦 換老細3。稻香 (大埔道快樂大廈) 揾唔倒車位 取消 冬瓜盅 $128 龍虾$884。九龍城富臨 冬瓜盅 $98 用湯碗放1大片冬瓜 料多但湯味太濃 都唔係盅唔考慮 兜多幾個圈……見倒多彩又有停車場 冇free泊嘅閒日多彩晚飯6宝優惠 $68 好抵食細半個冬瓜 大大份 料足嘅 虾 帶子 肉片 蓮子 勝瓜粒……但冇夜香花 冇燒鴨冬瓜肉唔入味 湯清太淡 如冬瓜煲水 解暑就一流嘅 但 ……有啲寡大連鮑魚 $35@ 1中1細 難睇肉嫩嘅 菓皮冇香味 細心清潔咗內臟貴妃蚌粉絲蒸4隻 6宝優惠$682隻大夠新鮮 但2隻細 肉縮水咁 蚌有清潔嘅 但仲有啲內臟 & 嘴位皮未清侍應都算好招呼 可能冇爆棚 ……飯後仲送甜品 送乳豬券 要5人起至用倒唔係+10

今日清明節，紅日，飲中午茶，4人叫左10個點心，2個小食1，蝦餃（好食）😁😁2，豆苗餃（一般）😕😕3，燒賣（一般）😕😕4，魚肚（好食）😁😁5，排骨（生既）☹️☹️6、鳳爪（硬，無味）☹️☹️7，腸粉（一般）😕😕8，咸水角（又涷又淋）☹️☹️9，蜂巢蛋糕（膠質口感，無味）😩😩10，蘿白榚（無蘿白，一舊粉）😩😩一個炒米粉（無味）😫韭菜豬紅（難食)🤢埋單$453無下次！再見多彩！！！

年初六，繼續拜年；不過其實我家果D叫團拜多D。以經N年冇好似細個咁，一家家去拜年；起碼有20年時間，係每邊約埋一日團拜，一次過見晒一Group，一Group既親戚群。交換禮盒，交換利是，再去食飯；又或者直接係酒樓碰面，交換禮盒，利是再食飯簡單，快捷又收足利是今日就先去我公公家族既大本營拜年，再一村人（2團枱既人數）去酒樓食晚飯。因為一早Book左位，當然係唔駛等就直入啦。輩份細既我都冇得揀食乜，只係收齊利是就坐定定等上菜。有蝦，有燒肉拼盆，炸子雞，咕嚕肉，翅，魚柳炒西蘭花，糯米飯等，重有D 唔記得，另外有一碟賣相得人驚的，唔知係雞定魚；但見到就唔想食囉。以小朋友黎講，當然係咕嚕肉同炸子雞最吸引佢地啦。淨係依2碟再加碗白飯已經飽左一半，其他的，我仔都唔係好睇得上眼，要我夾比佢先食少少，係糯米飯冇乜蠟味，所以我都食左碗。翅，我仔問係咪碗仔翅囉因為同佢食開既翅好大出入，我都唔覺得自己食緊翅。總體黎講唔算差啦；不過我仔話同我地平時食果D差好遠。當然啦，價錢都差好遠嘛一分錢一分貨；真係事實黎。另外就係服務同衛生都幾得人驚囉；廁所勁Dirty，又成地水，廁所又塞。枱與枱之間唔多位，但重要放左一籃籃

剛同老豆睇完眼，打算同佢去飲下茶揾到呢間酒樓未入去飲吓茶一入到去望吓有冇人帶位，點知冇人理。好啦，咁我未入去自己揾位囉終於揾到張枱係人啱啱走，咁未叫老豆坐住先，等我好叫人嚟執枱。等咗成個字，終於有人睬我哋點知好戲在後頭，執枱阿姐竟然對我哋話：咁多枱都唔坐，係要坐呢張！嘩！激到我吖！就係其他枱冇位，我先坐呢張，仲話咁多位都唔坐😡😡😡呢個阿姐啲服務態度都真係👎🏻樓！其實呢度間酒樓啲嘢食唔係好差，如果 服務態度好少少，以禮待客，我相信我下次陪老豆覆完診都會翻轉頭！

人多聚餐意見多 全包宴最實際&簡單多彩皇宮 屋邨酒樓 普通招呼有啲嘈全包宴 $1,698 冇龍虾冇乳豬餸菜大大碟 大廚出品 味道好(要比較 龍寳/嘉豪$1488 底食啲)晚市贈卷 送乳豬 底番晒......大青班~ 魚蒸得剛剛好 滑 鮮脆皮炸虾卷~ 似足天婦羅 脆 皮唔厚翡翠彩鳳蚌片~ 西蘭花大量 good但蚌片雞片較深色 買相唔靚生菜鮑螺片12片~(唔係鮑片) 蠔油燴生菜底 生菜多幾好味 海皇竹笙燴燕窩~ 虾粒腥 湯腥加餸 生炒骨~ 熱 脆 甜酸適中 海鮮翠塘豆腐~ 旦白底滑嫩 但海鮮粒腥開心聚餐 夠晒食仲有得包 提示：自㩦酒水 問吓有得 free 㗎

多彩是石硤尾屋邨的酒樓。近年裝修後，變得高檔，坐得都舒服。而價格都算實惠，有不少舊街坊雖然搬離石硤尾都陪隨老人家在這裏開飯。呢晚我點了炸子雞，大大隻只是88元，真是抵食爽大件。點D甜燒汁好食。肉崧四桂豆，送飯最啱。奶油大蝦，好邪惡。大蝦淋上咸蛋黃加粉糊一齊炸，好香口，可以連蝦殼一齊食。小炒王 油份比較多，有腰果、蝦仁、蝦乾、咸豬肉、黃椒炒韭菜花。大大隻蝦乾比較香口。鼓油王蒸魚，好新鮮！

好少平日過黎食飯，親戚樓下有間多彩酒家，佢地既燒味部每日都會有一款特價燒味，今日（星期五）係燒bb鴿王，特價$25/隻，決定排隊斬兩隻加餸先~由於得一個師傅切野，所以條隊都幾慢下，不過見前面個師奶一次買六隻咁多，街坊都唔撐，應該無伏啦~因為睇住佢響左面個炸鍋剛剛炸起，所以番到上去親戚屋企要即刻打開佢疏氣，即時成間屋香噴噴！先偷食一舊，熱辣辣，雖然個皮唔脆，但d肉好嫰滑，有肉汁，而且隻鴿唔係瘦架，少少肥，啖啖肉，有dd油！如果係脆皮的話就very good喇！可能岩岩炸好就擺落口，即刻有d熱氣牙肉痛……

我們訂了一圍晚飯，但好可惜上菜方式十分之差勁! 他們上菜方式就像好似趕住收工這樣。我們叫他可以上菜後，真的不到15分鐘就把所有菜式已擺曬在枱上，而且所有餸菜不到20分鐘已吹凍曬! 所以它是提供不到最基本餐宴上應有的服務!!!!!👎👎👎👎👎

說起來好耐冇同家人去午茶,今日就同媽媽去轉午茶,點了幾款點心,帶子餃,得三粒,帶子好細,但幾好味,蘿蔔炸兩炸腸,呢個出色,脆得來蘿蔔好香,甜薄罉有花生椰絲唔錯,但媽媽可能老人家,覺得太甜,總結呢到點心比較特別,味道都ok得一點仔帶子甜薄罉炸兩腸