多彩皇宮

Open Now

Now Closed

很少去石硤尾，之前未去過多彩皇宫都没想過石硤尾會有一間咁大面積嘅酒樓，石硤尾站出口步行5至7分鐘左右就見到，重要係有兩層，樓底幾高下，兩旁都有很多電视機和盡頭有部超大型LED顯示屏，這裡飲茶一定有位，除非休息。一行四人，朋友叫了個套餐，可揀4個點心＋半隻雞和一個炒粉飯麵，食完坐到差有多埋單走人，個侍應行埋來問食左點品未，原來還有甜品送，係紅豆沙，甜左少少，食了半碗就算，埋單每人70蚊，論價錢算係幾抵食，四個大男人未致好飽，這裡啱一些喜歡嘆茶長者，能夠提供一個咁舒適嘅地方給長者消遣，真係功德無量。至於食物就视乎自己口味，忘了影相，所以一張相片都没有發佈，請諒解！這個食評確有點難評，這款舊式酒樓應該飬活了一班弱勢社群，讓長者街坊有一個低消费嘅地方，都希望它能維持下去，碰啱大時大節四圍無位，呢度都係一個好選擇。