王林記潮州魚蛋粉麵 (Closed)

工展會最後一天。難得調到這附近工作。但因已經接近完結。所以沒有入場遊覽。那就選擇最近的大坑尋食。本想去食Hello Kitty cafe. 但原來已經關門了。那就普通食點東西就算。發現這間麵店，就去試一試。這間麵店總店在筲箕灣。這間是分店。今天大坑很寧靜。所以慢慢食都沒有太大壓力。最後聽職員說。原來工展會帶旺維園，反而令四周食店變得人少了。都好呀。可以慢慢來。今日我選擇了下面這個配搭：這裡沒有套餐。飲品要分開點。我選了大可樂。價值$11。其實都幾貴。不過車仔麵沒有可樂，又唔係太滿足。講回那個麵，這裡選擇唔多，丸類比較多。但只選擇丸類又覺得唔值這個價錢，所以特意選擇了豬手，開始時都唔會太大期望。因為覺得這裡的價錢，只反映這裡的租金和物價指數。但食後很驚喜，豬手很易入口，很「琳身」。很有味道，真係估唔到呀。反之那些牛筋丸就唔太合水準。食落一點都唔彈牙，沒有太多筋。似普通牛丸。有點失望。如果要選擇我想我下次要一個豬手麵可以了。還可以便宜一點。

十多年前當我還未回港定居時，有一次回港渡假，好友特地駕車帶我到筲箕灣東大街吃「(魚)片頭切(牛)腩豉油撈粗(麵)」，一試難忘。數年後回港工作，我亦不時獨自過來吃「撈粗」，通常光顧的都不外乎那兩家麵店，最近得知其中一家落戶大坑，因為地點離家較近，所以特別方便。今天專程去試試大坑分店的水準，假日下午十二時半抵達，門外已有八人等候，這店不大，大概只有十到二十個座位，幸好獨個來，不用等位；點了我的例牌「(魚)片頭切(牛)腩豉油撈粗(麵)」後五分鐘，麵便到枱，清湯牛腩的色澤油潤，吃一口，牛腩不單肥瘦均勻，亦炆得腍，但我個人較喜歡有嚼口的牛腩；粗麵煮得爽口，但麵身過濕，豉油微甜；魚片頭一貫的彈牙，水準與老店一樣；值得一提的是枱上有炸蒜蓉和兩種不同辣度的辣椒油以供佐食。我很高興再不用到東大街也可吃到我喜愛的香港道地美食！

港式魚蛋粉 近十年不少傳統名店都相繼結業。兒時最愛食既香港仔謝記魚蛋幾年前都敵不住租金關係結業租出去，另一主要原因係搵唔到靚魚。收工6點​幾去到唔需要等位， 一睇餐牌魚蛋種類比平時多 （有白魚旦，炸魚蛋 同香蔥魚蛋）。問完姐姐，佢推介香蔥魚蛋出面無得食 等食期間，另一枱嘅兩個客人多多要求，樓面姐姐依然好好態度推介餐牌食物。真係而家小店難得一見，服務態度100分 店舖設計走復古風,用咗格仔地磚摺凳圓枱 有以前大排檔嘅感覺 魚片頭豉油皇撈粗 $47 (評分:8/10) 魚片頭份量多與湯另上, 豉油皇撈粗 食落爽口唔咸. 魚片頭食到係手打,表面炸過唔油而且非常彈牙一啲都唔腥,本身已經調味但味道適中. 香蔥魚蛋豉油皇撈粗 $47 (評分:8.5/10) 香蔥簡直係主角, 而且切得比較大粒仲可以食到一粒粒嘅口感.雖然 蔥嘅份量好多,但味道清淡. 唔食蔥嘅我都食唔停口. 記得一定要點佢哋嘅自家製辣油 (有分兩種 -普通和大辣). 普通辣油香,食埋啲渣炒得好香. 一間會自己炒辣油嘅魚蛋舖,絕對會加分呀.

在大坑散策，經過這間樸緻的魚蛋粉店，看見乾淨的木枱，收拾企理的調味品架，便不得不入內一試，因經驗所得，這般企理的小店出品一定不會差。大碗上桌，熱騰騰的，用匙羹另外盛着葱花，吃那刻才想走青也可。先喝口湯，湯屬清甜，混着腩汁便更濃郁，牛筋腩份量不多，肉跟筋份量相等，肉是吃得出一絲絲，不算太腍，是我喜歡的質感，滷汁入味，有明顯桂皮、薑、八角的味道，不會過鹹，筋也做得軟滑。吃口河粉，實淨不爛，屬較幼身的類别，難得有少許米味。再吃葱花魚蛋，咬下爽口，味也甜不腥，倘若彈牙度再加強更佳！第二轉，加入辣椒油(細心位有大辣或小辣之選),  喝湯、吃牛腩、河粉、魚蛋，風味又與別不同。下次會在正餐時再來，試試這兒的炸魚蛋，片頭及豬手！

去開房協，發現附近有好多餐廳，行過睇咗好多間，但我一心只想食湯粉就揀喱間。位置不多，得四五張圓枱。過咗午飯時候所以人不多。個餐牌都寫到明係魚蛋老手始於1950，點都要試下佢啲魚蛋既。有得單拼or雙拼，叫左碗雙拼（豬手+炸魚蛋)湯河，豬手炆行幾腍，肉質彈牙入味，反而炸魚蛋比較遜色，太過淋又唔彈牙。河粉係一夾起就碎一夾起碎，好無瘾。總括黎講，食道味道麻麻，普通份量，環境方面佢對住啲車房，好吸塵又嘈👎🏻。

lunch突然想吃河粉，去左大坑吃，最中意去一些很古老，有歷史的店，我叫左一碗粗牛根丸河，服務員幾nice下，介紹我吃蔥花魚蛋，我以為系普通魚蛋加蔥花系面，我話唔使啦！後來來了3個女仔系度討論吃埋，個個話出名系蔥花魚蛋好出名。只是牛根丸也相當不錯，很彈牙呢！有牛肉味。家上冬菜更加香，辣椒油夠曬辣，不過唔夠香味。$36蚊吃個lunch都OK。最欣賞有冬菜。好好味

週末相約友人在銅鑼灣逛街，閒逛了數小時，便開始飢腸轆轆 。眾所週知，鄰近的大坑是美食集中地，小巷之間食店林立。於是，我們便沿路從銅鑼灣走到大坑覓食。友人向我推薦了老字號王林記，因我亦對它的手打魚蛋慕名已久，便立刻拍板到王林記醫肚。友人曾多次到訪王林記，甫坐下便向我誠意推介它的炆腩撈粗配香蔥魚蛋。柱侯牛腩帶少許肥肉，入口滑嫩，炆得入味而不黏牙；撈粗乾爽，亦不見油膩；只可惜麵質略硬，實為美中不足。相比之下，我更欣賞香蔥魚蛋。手打魚蛋果然入口爽滑彈牙，而且魚肉非常新鮮，絲毫不見腥味 。加上魚蛋裡混入了粒粒香蔥，彈牙新鮮的魚肉帶有蔥的清香，可謂相得益彰。雖然我嫌撈粗麵身偏硬，但魚蛋好吃，而炆腩亦頗有水準，值得再訪！

Came here wandering around Tai Hang for a hole-in-the-wall. Wasn't crowded but had a flavorful soup noodle with tender beef brisket and good fish cake/balls. Server was helpful in asking what I liked and explaining the (English) menu that is laid out in a way that makes it difficult to interpret.

Hk style zhajiang noodle is quite different from the shanghai style or the taiwan style. Coming to Wong Lam Kee, although famous for its fish ball noodles, my urge for the zhajiang noodle was craving on the day.Using mainly the chilli bean spicy sauce and tomato sauce, the mixed sauce will be on the chilli side. Having distinct sweetness and chilli on palate, the experience was being describe by others as chilli version of sweet and sour sauce. Using sliced pork fillet and HK egg noodle, this di

入大杭唔食火車頭唔去CAFE, 我走左去食牛腩麵, 新開既分店係大杭既小街, 叫左牛腩麵, 同魚旦魚片。價錢正常唔算太平, 牛腩麵唔夠淋, 可以唔洗試, 麵都夠彈牙冇咩鹼水味, 麵質算唔錯。魚旦同魚片好普通, 冇咩特別, 不值一提, 唔太彈牙, 粉既成份比較多, 冇咩魚味, 可以唔洗試。值得一提既係佢D 醬, 夠香而且唔似放左好耐果D。

先講環境係裝修扮懷舊地方淺窄多人食就勸你地唔好嚟再講味道食碗墨魚丸幼麵墨魚丸‘痴‘牙，好一般，可以用唔好食嚟形容麵質還可以，無咩鹼水味唯一個湯底還可以飲多啖鍾意飲湯既可以食最後服務超差聽講係老闆娘對熟客就多謝前多謝後我呢啲第一次去，就係咁問叫唔叫埋其他野，加菜? 加碟蘿蔔? 唔叫就語氣超差，落完order唔該多謝都無句係舖頭講客人是非就好有中氣有客人剛走，背後就講人黄絲乜乜乜聽到已經唔舒服我坐低想拉隔離枱張櫈放低袋，實在太多野個老闆娘一句話唔好咁樣拉張櫈放野，叫我地放返自己張枱既櫈，心諗: 當時成張枱都無人坐，一張櫈就咁不近人情，洗唔洗咁既態度，好似偷左佢野咁，手指指完全對小店失望，以為有風味，又有小店既人情味，原來只係偽小店。

今日PJ同松松大爺去大坑go 街街，路經呢間 since 1950 由筲箕灣起家的王林記粉麵分店，見有露天戶外位，暗喜，於是便帶埋坐在手推車內的松松在這裡嘆個下午茶。禮貌上先問店家會否介意，店內這位大姐回應的態度，為這編食評服務這欄拿下最低分埋下了伏線...話說阿J問完這位大姐後，大姐的回應是: "坐出去!!" 哦，知道，於是我們便坐出門口位置看餐牌。好，可以點菜，點了凈蘿蔔及魚蛋河，然後問阿姐蔥可否另上，阿姐說係咪走蔥，我說蔥可否另上，阿姐再說係咪走蔥，我又說蔥可否另上，阿姐忽然大聲說d蔥是放在匙羹另上的...哦，知道了。 在等待食物期間，八卦的我聽見店長跟這位阿姐商量返工更表，說可否在某天返工不放假之類的，阿姐氣焰的回應說: 睇下點，遲下再話過你知，不如攞長假好唔好.... PJ 的小生意亦需要編繁複的更表，真慶幸我們的工作團隊全都非常專業及合作。凈蘿蔔 ~ 清甜無渣，可惜個湯好鹹，所以鼓起勇氣問阿姐可否比杯水，阿姐今次無出聲，改用凌厲的眼神回應; 極不願意咁拎個水壺埋黎。阿姐，洗唔洗咁兇先.... 魚旦魚片河啲湯都係好鹹,，主角魚旦魚味欠奉，我只吃到極重的胡椒粉味。魚片

忽然好想食牛腩叫咗清湯坑腩粗麵、炆牛腩墨丸米坑腩夠淋又有口感，都好入味！另一碗炆牛腩份量都幾多，仲有好多牛筋👍牛腩較坑腩略為咸，一點也不覺得韌，炆嘅時間相信要拿捏得好好！米粉又滑，湯嘅味道濃郁，墨丸新鮮彈牙有墨魚味另外亦提供多款配料，炸蒜、冬菜、辣椒油亦有大辣之分！會再去

在中央圖書館玩完，大家有點肚餓，但之後又食晚餐，唔想食咁重磅，所以唸住去大坑食拉麵，點知去到唔係落場就倒閉！轉轉下見到呢間麵店，我在筲箕灣食過幾好味，唔想再搵就坐低，店內行懷舊風，唯一唔同係唔用摺枱摺櫈！係用實木圓枱櫈，唔迫幾舒服！地方乾淨！快快叫食物！牛腩撈粗（$48）粗麵煙韌彈牙，撈埋香濃豉油，豉油唔咸，牛腩比較硬，不過炆得入味，牛筋粗身炆得入味，充滿骨膠，好味！跟湯一碗夠熱，魚蛋河（$33）媽咪食，偷佢一粒魚蛋，潮式魚蛋係一塊魚餅有好多粒魚蛋，再一粒粒摵出來，所以形狀好不規則，有魚味兼彈牙，好味！蘿蔔（$33）清湯蘿蔔，無筋爽甜，好好味！店員有禮，服務勤快！對小朋友好nice!落單時只叫兩碗粉，女店員會問一下會唔會叫多碟菜！又介紹蘿蔔！唔錯！要讚下個辣椒油，好香，而且仲好窩心分開一盅大辣！有辣度指示！

以手打魚蛋出名的筲箕灣「王林記」在大坑開了新店，這天正好路過，就入內吃了一頓早來的簡單晚餐。雖說早於1950年便已開業的「王林記」是間老字號，但這間新店卻在刻意保留傳統古舊面貌之餘，看得出店中的擺設，小至地下的階磚，大至擺放的桌椅，從牆上的老照片，到天花上的鳥籠燈，都下了一番工夫設計，能給人一個簡單得來又舒服的感覺。店內的馳名食品首推特色「青蔥魚蛋」莫屬，不過這天我不想吃魚蛋，只想吃牛腩，所以便叫來「秘醬炆牛腩河」，再加多支樽裝可樂做晚餐。雖然這兒的「秘醬牛腩」不算非常出色，比起自己吃過質素最高的牛腩還有一段距離，但其實已算不錯，肉質軟腍不韌，不會太瘦，也不會過肥，吃來感覺不差，同場加映的牛筋也柔軟腍滑，配以青蔥、菜心與河粉，已足以給予一個及格的評價。老婆仔不愛牛腩，所以叫來「魚蛋魚片豉油皇撈粗麵」做晚餐。這撈粗的魚蛋和魚片是不差的，魚蛋彈牙和有魚味，魚片也有水準，不過豉油皇撈粗的味道就只是普通，沒有筲箕灣另一更出名的名店「安利」的出品那麼好，而且還吃得出有點兒梘水味。此外，這撈麵的湯也味道偏鹹，相信與下了「師傅」有關，也不太令人滿意。在油菜與上湯蘿蔔兩個選擇，我們揀了「上湯蘿蔔」伴粉