黃明記粥粉麵家 (Moved) New Location

由於圍繞公司附近的食肆早已攻陷，為食同事大軍唯有向九龍城進發，開闢搵食疆土，今天的目標是黃明記。豬肉丸撈麵：豬肉丸的確好食，爽口，蠔油多得滯，好咸，個撈麵湯更加重味得很，少少胡椒味，碟麵啱女士食，豬肉丸細細粒，五粒唔夠，男士碟麵唔夠飽，同行二位男士都要叫兩碗/一碗一碟先飽肚；豬什鬚：話豬什，好多都係豬潤，加幾條墨魚鬚，芽菜底，味道一般。一行五人，3碗麵加4碟麵加豬什鬚加油菜，共$207，出名的豬肉丸墨魚丸很出色，可惜湯底實在重味，回到辦公室，各人不停灌水還是抵銷不了。

因為食左一間麻麻地的魚旦粉，所以決心要在九龍城食返一碗正常的魚旦粉！資料搜集後，決定一試黃明記。今次沒有試錯了，我又選了四寶河，墨魚丸、豬肉丸彈牙、魚皮餃皮簿但餡少、魚旦沒有腥味。湯底不算太多味精，屬可接受範圍。另外，還要了炸魚皮。很脆口，亦很大碟。尚算抵食。可能因為地點比較偏僻，所以價錢合理。

我叫了我由細吃到大的墨丸河 而我朋友叫了個 芝麻撈麵,..等兩三分鐘已上枱, 芝麻撈麵 的賣相當不錯, .麵上面佈滿了芝麻花生碎, 未吃已聞到很香的芝麻味. 我朋友也立即把麵撈起來 了, 我一口吃了注麵....這時口里像已到了天堂一樣...因口里充滿了芝麻花生的香味, 麵質都幾彈牙, 一字記之曰: 正! 至於我點的墨丸河, 墨丸超彈牙就不用講了, 因這里的墨魚丸是有真的墨魚在其中, 而最令我為這墨魚丸河從不變心就是湯內有我喜歡的金蒜(炸蒜泥)..令湯內發出很香的蒜頭味..很好味架! 不過唯一不好的地方就是湯底的味精多了點..如這點能改善一下 那就 Perfect啦!! 價錢合理, 環境古典, 絕對值得一試再試!!!

又要諗晏晝食乜東東喇.....忽然個腦彈咗 "你" ...黃明記出嚟...咁就 go go go 啦order 咗: 双丸河 & 双丸 + coke双丸- 即係墨丸 & 豬肉丸d 丸好得..!! 夠彈牙...!! 湯底正..!! 不過,就油咗 d 囉.....同埋, 如果可以再加多一點點 "香菜" 就更好啦~~份量都可以...

基本上每次去親九龍城都係去黃明記食【魚旦河走片加紫菜】，一個月黎食２－３次！希望黃明記可以ＫＥＥＰ到Ｄ食物質數啦！仲試過係黃明記見過公仔箱台既ＴＯＢＹ；又見過阿葛（葛民輝），我諗佢地貪黃明記夠偏，唔係唔多人，不過見到既時候都係起碼１１點後。

黎到黃明記同我男友一定係叫魚旦河走片，有時會加紫菜！今次我地２個都係叫左同一樣野：２碗魚旦河（走片）加紫菜 + １碟芥蘭魚旦河（走片）加紫菜：幾時食都係咁好味，湯底味道好似蠔仔粥；上台時，所以配料都係收埋係河粉底；魚旦真係好彈牙、河粉依然都係咁滑；基本上次次黎食既味道都係一樣。芥蘭：No Commet 普通菜一碟（如果簡簡單單一碟菜都唔好食既話，間野真係要收檔啦！）

很多年前，常光顧黃明記，最初是經朋友介紹，第一次吃時已愛上了它的墨魚丸．愛它真才實料，爽口彈牙，湯夠清．有時不單堂吃，還外賣回家．光陰似箭，重臨舊地，小店仍在，急不及待，叫了墨魚丸河一碗，油菜一碟，回味日情懷．墨魚丸仍然彈牙，但覺得墨魚材料比以往少，但質素仍然比很多店舖好，湯很油，那油菜，更不用提了，雖然一時忙了要走油，但也不用這樣重手吧！今次，整體覺得所有食物也很油，質量下降．是今非昔比，還是往日情已逝？前塵往事，蔟湧心頭，一時也不辨是否只是主觀感受，只知道可見未來，也不會重臨舊地．

新裝修過, 靚好多, 涼左好多(以下不夠冷氣)(1) 紫菜豬肉丸及魚蛋河 - 丸子好好味, 友人嫌豬肉丸太滯, 但我ok, 不過河粉煮得太老 ($23)(2) 豬肉丸及魚蛋銀針粉 - 肉子如上評, 銀針粉好吸味, 好食 ($19)(3) 芥蘭 - 好甜, 好綠, 好香, 好大碟 ($10)(4) 一支coke ($7)(5) 凍檸茶少甜 - very good ($12)

佢開張我都未出世....由細食到大嘞曾幾何時,在這裡可以見倒周潤發,and 很多二三線明星....就一個芝麻撈麵,都可以一次差過一次....由撲面芝麻香,彈牙靚麵,至一口無味油及太硬麵...真係睇住佢變.....唯一不變係收錢個阿伯,同埋事頭婆既粗聲粗氣+黑面已經唔願响裡面坐...買個豬什撈外賣豬什份量都唔少,麵....都係硬+梘水味....但呢 d 預左...最難頂係 d 蠔油.......有朋友講過,蠔油係成本好重既一環...好多鋪頭會用 cheap 野慳錢.....以前黃明記 d 蠔油唔覺有問題架.........今次一入口....好似有陣"巷"味....有陣金屬味....同埋極重味精果種"乸"脷感覺...............................以後唔會再食佢有放蠔油既野

因為剛搬到附近住 4月尾第一次食當時我好熱 一入去就覺得唔夠涼叫個阿姐開個風扇, 涼左一陣 另一個阿姐就熄左我又再叫個阿姐開返到5-6月都有食 真係冷氣唔夠最近食那次牆上貼了告示 "因即將裝修, 所以冷氣不足,敬請原諒"無可能4月到6月仲係即將裝修 如果各位想涼涼快快食野 千萬不要入內講返佢d 食物 米粉我覺得硬少少 河粉油左少少

是日兩口子的胃口不太在狀態，決定只吃一碗粉來解決午飯。近年來都可算是少有了吃的依舊是招牌的雙丸 --- 墨魚及豬肉丸。由於胃納不多，平常必吃的芝蔴撈及水撈，今日被迫與之絕緣湯底油份極重，與今日想吃得"清"一點的原則是全然的背道而馳粉淥得太腍，是"爛patpat"的，根本不能輕易用筷子夾起，最後索性用湯匙加筷子將粉"爬"進口內墨魚丸不及從前的爽口彈牙，從前丸內滿口都可吃到細碎的墨魚粒，但現已不復在了豬肉丸同樣令人失望 ---- 肉味欠奉又不彈口。跟在超市買到的普通貨並不分別.....這樣的水準，還吸引到不少人來吃，人流是絡繹不絕的。真令人費解

重味．．係因為碗豬肉丸河真係有點偏咸，而且味精都落唔少．．好味．．係因為味道的而且確係幾豐富．．今次食既呢碗豬肉丸河係一碗落左好多冬菜，蒜頭油落豬骨湯度既重味湯粉，豬肉丸幾大粒，好有豬肉味，感覺係用新解豬肉打出嚟，河粉混入不少份量的芽菜，好爽口，只係覺得味精真係唔少，食完好口乾，叫左支可樂飲完都係幾口渴吓芥蘭好多油，雖然叫油菜，都唔使落咁多，下次一定要叫佢少油先得．．唔怕口乾，可以嚟呢間試吓都幾好食既河粉！

昨晚與小肥和細哨到黃明記懷緬我的青蔥歲月因人生第一份工的所在地便在附近, 當然距今已年代久遠, 那間公司亦已煙沒了. 以前因要輪班的關係. 放工後總愛大伙兒到此吃宵夜. 我們3人共點了2碗雙丸河, 一碟雙丸撈麵,一碟芥蘭菜, 一碗滑蛋牛肉粥和一碗魚片牛肉粥. 先說那雙丸吧, 真的別來無恙. 味道和彈牙口感跟往昔一樣, 值得一說是此店的墨魚丸和豬肉丸跟坊間的不一樣, 它們是比較小巧但卻味道十足, 十分有趙頭. 墨魚丸也不是傳統白色大大粒的但一吃便知與別不同, 值得一試. 另他們還附送了一塊類似扎肉的物體在河粉和麵內, 此扎肉也很可口.小肥對撈麵的評語是麵帶簡水味, 她不喜歡. 這相信是個人口味問題.至於那兩碗粥則無特別驚喜, 不過不失, 但加了蛋的粥確是更添軟滑.

This has been a long forgotten place and i have not been there since the airport has moved to Chek Lap kok.I went there with my girlfriend as it was late and we were craving for something simple and surprise to see this shop still exist!Food- 鱼饺河，墨鱼丸面，芝麻捞面，白酢猪肝和腰these are must eat!The environment is 很怀旧reminds me of those days when mom used to pick us from airport and walk over there to have our night snacks!Service- the ladies there always friendly and recommend us to try new items, feel very w

上星期到了這間我由細食到大的粉麵店叫了兩碗雙丸河它的雙丸河 - 豬肉丸同墨丸依然保持它的水準, 好鬼彈牙再加上它的湯好好味, 雖然下了不少味精, 我亦會飲好多不過D粉的份量就好似比之前少了D但現在我仍然覺得它的雙丸河是最好的