王牌冰室 (彌敦道) (Closed)

放工約了小機及田會長到了朗豪坊一轉打卡www，大約9:00到食飯，呢個時間必去茶記，今次指定去了王牌冰室(因為有個抽獎)，因為時間比較夜加上平日之下冇乜人。來得王牌冰室，當然係食佢王牌沙嗲牛肉麵，餐廳面積大，茶記格局，港式之感。王牌常餐A-王牌特濃沙爹牛肉公仔麵，$48。熱咖啡，咖啡味好醒神。牛乳炒蛋及丹麥多士，丹麥多士入口脆，香甜，炒蛋夠滑。沙嗲牛肉麵，茶具精美，相機食先，因為掛住整野之下冇趁熱食....>_<，攪到個麵索水有點影響左味道...沙嗲味濃郁，帶點花生香、微微的辣，牛肉份量尚多，口感軟腍，如果熱食必更加好食。個侍應堅好人呀~~~~~~勁比我地幾個煩住都耐心幫助~~~~~~~~下次要再幫襯~。食物有正準，態度友善，坐得舒服。去朗豪坊果轉，支持ERROR~!

近期活動在旺角區，午飯時候四處覓食，去到彌敦道726，全座大廈有多間食店，其中地下的茶餐廳都去過三幾次。勝在地方寬躺，高樓低，選擇不多不少，出品企理。我午餐試過叫過菠蘿沙爹肥牛炒河$57+凍飲$3、咖喱牛脷飯$55+凍飯$3、常餐蕃茄濃湯牛肉通粉$48+凍飯$3等。整體不太油、不太鹽。奶茶不是太濃茶味，但沒有茶澀味。真材實料例湯，無味精。用朋友叫了蒸雞飯$55、蒸魚套餐$88⋯價錢可能比一些地道茶餐廳貴一點。但勝在用料認真，一個蒸雞飯都有四、五隻靚冬菇及幾個豆卜，佢哋個飯嘅分量都好多，一般女士可能食唔哂，可以叫「扣低」、「打包」、或者三人二人分享。值得再次光顧！

有一間餐廳，是我認為最好味的餐廳，不過已經係以前嘅事啦，因為每一日嘅早上，或者午餐嘅時間，一飲到去杯有靈魂嘅凍咖啡，真係成個人都錦上添花。但係剛剛去的那一次，杯咖啡已經唔同以前一樣有香濃嘅咖啡味亦都有淡淡的烘焙味，就好似咖啡溝水一樣，送到過嚟嘅時候啲冰已經用晒啦。我必定食嘅係滑蛋蝦仁叉燒炒飯，以前嘅蝦仁係唔會有雪藏味，今次蝦仁全部都是雪藏未，啲叉燒亦都比佢哋煮到太硬啦。如果咖喱飯，而雞扒係好鞋啦，佢個招牌上面寫住咖喱雞球飯，變咗咖喱雞扒飯。我最唔喜歡嘅就係送到過嚟嘅時候啲白飯已經係凍㗎啦。

作為沙嗲牛麵關注組嘅一員, 大食妹今日就同大家評測一下網上風評唔錯嘅王牌冰室啦<王牌特濃沙嗲牛肉公仔麵>王牌特濃沙嗲牛肉公仔麵上枱嘅時候, 沙嗲牛肉又真係似模似樣喎牛肉份量好多, 沙嗲汁都夠濃郁, 360度零死角包裹住牛肉沙嗲汁有少少鹹辣鹹辣, 牛肉都唔錯但係公仔麵就略嫌有少少過熟啦彈性一般, 但份量幾多<牛乳炒蛋、丹麥多士>牛乳炒蛋都算幾水嫩, 但蛋香唔太夠, 都吵得有啲散丹麥多士更係超油, 沙嗲牛合格, 但配料就普普通通<凍咖啡>跟餐嘅凍咖啡奶多啡少, 作為早餐嘅話, 咖啡因可能唔太夠, 但口感幾順滑

旺角區的冰室愈開愈多，今次經過就試下彌敦道726地下嘅 王牌冰室 地方大、而且食物選擇唔少，價錢都合理嘅！（王牌常餐）王牌特濃沙嗲牛肉公仔麵 $48 配牛乳炒蛋+丹麥多士沙嗲牛肉帶嚼勁唔韌，唔係平時會俾鬆肉粉淋到一沱果種，沙嗲方面果然是特濃。好少港式茶記會常餐配丹麥多士甘好，像牛角包口感酥脆有牛油香。孖寶茶餐 $38-$42呢個價錢有雙併，可任選雞翼/豬扒雞髀配沙律/薯條/西多士 個人覺得最抵食係雞髀配西多士，不過今次我就食左其他款式！爆香蔥油煎蛋豬扒撈公仔麵 /可配飯 $58連飲品蔥油爆得夠香夠多，撈公仔麵就會好加分。王牌西多 $36可選傳統花生或流心芝士餡，加入糖漿，我就幾中意咸咸甜甜感覺。

呢日出開去旺角處理文件野，攪左成朝都冇食野落肚，超級肚餓就同老公同囡囡去左附近既王牌冰室食飯。食飯時間比較多人，等左15分鐘左右就有位了叫左2個飯餐1茶餐，天氣甘熱當然要飲番杯凍飲+$10轉左檸樂，+$6紅豆冰，解渴 王4 特濃牛乳炒滑蛋叉燒蝦仁雙併飯$68咀刁爸B話蛋好滑，叉燒同蝦仁雙重口感重仲要個豉油帶少甜撈飯好好食港1 雪菜肉絲炆鴛鴦米$58好夠鑊氣，肉絲又多，米粉同粉絲混合一齊炒，好味，成左半碟已飽飽地，雖然已經飽飽地但都好想食番件西多茶1王牌西多(花生醬)$36，厚度有3cm甘厚外脆內軟，好味。餐廳位置方便，旺角地鐵站上天橋行過對面就到

15-05-2021 今天同朋友旺角行，隨性的入去了這間餐廳吃下午茶，入到去我們選了卡位座，座位都寬敞，待應服務都不錯，坐下，看了一會餐牌，我選了公司三文治，朋友選了自選雙併麵，公司三文治放上枱，個買相已好吸引我，我咬了一口，個麵包烘得很脆，很有口感，包入面個蛋是厚蛋，厚蛋得來很滑身，牛肉很有牛味同暖滑，個番茄片，很鮮甜同多汁，好開胃，朋友的自選雙併麵，米粉很幼身同湯底都鲜甜，個仿鮑片，鮑片雖細少，口感有厚身感同爽口，咬了第一口很容易嘴爵，很重鮑魚味

隨便跳上一架小巴將我地輕輕的帶到花園街一帶，上網做咗一陣research隨心咁樣走入呢間茶餐廳，殊不知好有驚喜！王牌特濃沙嗲牛肉公仔麵果然冇令人失望，特濃沙嗲醬好厚身好香花生味，牛肉好嫰滑，仲罕有咁得到foodie同事兼沙嗲牛肉麵關注組會員嘅認證！配埋好滑嘅牛乳炒蛋同丹麥多士，勁滿足！脆炸肉絲炒麵不愧為王牌推介，見到咁evil 嘅display就忍唔住order左～炸麵好盞鬼，一粒粒好似巨大化左嘅特別版杯裝童星點心麵麵餅，淋埋個肉絲茨汁食落勁脆卜卜，喺茶記先有嘅經典味道啊！茨汁個色水目測就好似同display有d偏差，可能師傅特登落少d老抽!今次個experience 好好，如果就得到都想試埋佢個晩市煲仔系列！Menu-

經過彌敦道見到這間冰室，被冰室嘅懷舊裝潢吸引。天氣悶熱走入去冰室食嘢，飲杯冰涼嘅紅豆冰消暑脆炸肉絲炒麵 $64有酒樓煮嘅咁夠鑊氣，炒麵炸到圓柱形狀，脆卜卜好惹味，點咗肉絲嘅汁後麵就變得淋身，兩種食法，好滋味滑蛋蝦仁珍珠帶子炒河 $72蝦仁大粒又爽口，帶子同樣爽口，河粉有蛋嘅味道及好香滑蕃茄濃湯牛肉通粉配炒蛋同丹麥多士 $48蕃茄湯濃郁，牛肉軟腍，炒蛋香滑，丹麥多士好脆好味飲品椰汁紅豆冰 跟餐+$6紅豆軟綿綿，有椰香嘅味道，甜度適中熱杏霜 跟餐+$4杏仁味道香濃，飲出港式味道王牌冰室📍旺角彌敦道726號地下1-2號舖

荃灣間王牌冰室食過唔錯，未食太子個間，經過見到無人排隊就入去試下。😁😁😁叫左最出名嘅常餐 — 沙爹牛肉麵，拼多士+滑蛋。😁😁😁沙爹味好鹹，麵質一般，食完會感到好口渴😅😅，感覺有d失望，同荃灣分店有d差距。😅多士同滑蛋無特別，中規中矩。🙂🙂飲品揀左凍檸水，無咩特別！希望今次係失水準先會咁鹹，因為王牌冰室係我食過最好味嘅沙爹牛肉麵，唔想咁快無左水準。我會俾多次機會的😆😆😆😆😆

今日約左好友係佢公司附近食下午茶，揾咗王牌餐廳貪佢坐得舒適d傾吓計食吓下午茶， 一坐落望到好多個餐牌好多嘢食好吸引呀 ❤Woo❤最終我哋都敵唔過港式經典鐵板餐餐牌😅由諗住食下午茶變咗鋸扒啦🤣😂 叫咗“巨人珍寶雜扒餐”同埋“美式西冷牛扒餐”， 每個餐跟餐湯、多士同埋嘢飲㗎先來兩碗羅宋湯好足料 兩塊牛油多士軟淋淋好好味呀 主菜嚟啦嘩！西冷牛扒好大塊喎 仲好入味所以我老友好快就ko曬成塊啦🤭🤭 到我啦！我個雜扒餐就經典啦🤩多嘢到我都差幾乎食唔曬🤭 有啲乜嘢呢😍豬扒、雞扒、煙肉、煎雞蛋、珍寶腸、薯條， 最正嘅係就係佢啲蔬菜有蕃茄、西蘭花同埋牛油粟米呀😋😋 出面嗰啲通常都就咁畀粟米畀你就算架啦！而王牌就好窩心啲粟米係用牛油粟米所以特別入味特別好味， 唔經唔覺就全部啲粟米食曬🤣 仲有兩杯嘢飲， 大熱天時我個老友緊係飲紅豆冰🥤woo椰奶紅豆冰有好多紅豆好正呀咁我梗係清清哋飲檸檬茶啦真係超抵食呀西冷扒都係88蚊雜扒就78蚊咋 見個下午茶餐個潛艇包好吸引咁我哋都唔執輸叫咗個鹹牛肉抄蛋潛艇㗎🤩 連埋啲嘢飲都係36蚊嘩個咸牛肉炒蛋潛艇真係超好味我同我friend一人一半ko埋佢埋單都係215蚊真係好抵食下次

旺角食店林立 ，下午茶都好多食店選擇 今日想食港式下午茶 位於彌敦道 王牌冰室 地點夠方便 肚餓喇入去食嘢先 😍 先叫西多士 揀左原裝花生醬版嘩～西多士黎到 比平日茶記更厚嘅 視覺效果好滿足 即炸西多外脆內軟 配上鮮牛油同糖漿 好正呀奶茶涷和熱都用黑白奶logo杯 奶茶飲起黎特別好飲 尤其係熱奶茶 茶與奶比例調教得好好 香濃嘅茶味 加香滑既花奶 一杯茶就係一間冰室成功嘅元素 茶沖得好就多人幫襯😋所以是日下午茶時段都人頭湧湧再點多一份瑞士雞髀🍗配薯條🍟。雞髀瑞士汁味道剛好不會太鹹重點是薯條 薯條用曲曲薯條懷念童年是嘅感覺 現在不太多地方有薯條好香脆

魚香茄子煲（包老火湯、白飯）$72脆炸肉絲炒麵$64椰香紅豆冰+$10熱檸水+$4好味指數：😋😋😋😋😋抵食指數：💲💲💲💲💲環境舒適：😌😌😌環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：最近天氣熱得很，每天30多度，戴著口罩在街上行，真的有點辛苦，就連找餐廳，也不多願做了。今天去了旺角花園街附近買東西，買完路經位於彌敦道的這間冰室，被店舖內的一句「是是旦旦叉燒蛋飯」吸引了入去。因為我當刻真的覺得是旦吧，只是想找個地方嘆冷氣，沒有多大的食慾，句子正配合我心情，就給它一個機會。一坐下，就感到冷氣充足，胃口漸漸回復。所以跟友人點了2樣食物。魚香茄子夠鑊氣，茄子煮完仍是紫色的，這是我自己做不到。真的好想向廚師們請教一下，為什麼我自己煮的是啡啡的。煲內除了茄子，還有薑、蒜粒、芫荽、蔥、椒絲、肉碎，夠足料。那些汁帶點酒味，吃起來更惹味，更醒胃，配飯一流。脆炸肉絲炒麵是王牌推介。喜歡汁另上，不怕炒麵被汁浸腍。炒麵的形狀一個個圓柱形狀，好得意。老火湯足料，有陳皮、南北杏、粟米、豬骨。不覺有味精，又不油。因為加了陳皮和粟米🌽，所以喝起來，覺得特別甘甜。有禮貌，態度友善的伙記因為忘了

之前看到網上有人推薦他們的沙爹牛肉麵，所以決定前來一試究竟！▪️特濃沙嗲牛肉通粉 ［配丹麥多士、牛乳炒滑蛋］$48個人覺得沙爹牛肉除了配公仔麵之外，配通粉也同樣美味！主角沙爹牛肉沒讓我失望，牛肉份量適中，口感頗嫩。很喜歡他們的沙爹醬，不算太杰身，但花生味夠香，每一口通粉都索滿湯汁，非常惹味，如果有花生粒會更好！多士烘得很脆但比較硬，滑蛋頗滑嫩，亦富蛋香。▪️特濃牛乳炒滑蛋叉燒蝦仁雙拼飯 $68也是他們的招牌推介之一，叉燒份量十足，啖啖叉燒很過癮，叉燒與彈牙的蝦仁也頗合襯，加上香滑的炒蛋和甜豉油，撈飯一流！很快就吃完整碟！👍▪️瑞士雞髀 配西多士(半份）$38最後還是忍不住點一份茶餐孖寶試試！瑞士汁甜甜的很惹味，雞髀頗大隻，划算👍但可以再入味一點。即使只有半份西多但絕對不馬虎，裡面還加了花生醬，再沾些糖漿和牛油，馬上邪惡度大增，不過真的很美味😋

早餐老公想吃沙嗲牛肉麵，幫他找了附近的王牌冰室，點了王牌早餐。沙嗲味濃厚，吃後口內仍保留沙嗲香，牛肉也夠軟冧，確實是王牌。雖然是即食麵但也煮得剛好，整個配搭不錯