王牌冰室 (彌敦道) (Closed)

呢排都係食外賣多，海南雞飯真係好難搵到一間好食嘅，首先雞要入味仲要夠熟但不老，已經有難度，見到啲雞嘅骨仲有鮮紅色嘅血，真係未食都已經飽啦。呢間，雖然啲骨啲血未至於鮮紅色，只係淡淡的粉紅色，不過心理作用，都係覺得佢未完全熟透。而且啲雞好肥，好多肥膏，真係唔可以一大啖咬落去，享受唔到囉。。個飯睇顏色就好夠喎，不過其實佢係冇乜味，唔知佢落咗啲咩粉落去染黃色，一定唔係純雞油囉。完全冇雞油嘅香味。仲有嗰兩個醬啊，個盒都已經唔係大㗎啦，仲要入得三份一，啲醬係咪真係咁貴呀，完全唔夠用！

薑絲雞湯鮮牛肉通就咁睇字面，雞湯嘅淡雅配上鮮牛肉嘅嫩，再加上薑絲嘅辛香會好滋味。點知，一碗咁家常嘅通粉可以咁難食，真係我諗多咗通粉烚得不算太冧軟，算係可以。但係個湯頭真係淡如水，牛肉嘅鬆肉粉重手咗，完全冇味，而且牛肉片好薄，更加乸走晒d味。反而，薑絲本身就最有味炒蛋呢？冇出水，唔算好滑，蛋味本身香，不過落啲鹽會提吓味會好啲。還是廚師想食客食得健康啲？多士上面pet牛油係全餐最有味嘅，多士偏甜，不過就烘得太柴奶茶不過不失，茶味偏淡。雖然餐款選擇多，但如此水準與同區相比，認真失色。

收工諗住坐車返屋企，見肚餓。完全唔想搵有咩食。見到就入嚟。點知係失望嘅。坐低已經決定咗食咩。舉手舉咗好耐都未有侍應行過嚟。但係因為我真係太肚餓。所以佢哋有時應走埋嚟嘅時候終於叫到嘢食。等承諾嘅時間唔算太耐。大約五至10分鐘呢啲合理時間啦。叫咗呢個之外豬扒飯，首先我想講個炸豬扒係淋林嘅，而且有少少凍。我相信都放咗一段時間。另外嗰隻係得個咸字。完全冇其他味道可言。依家餐廳真係可一不可再。冇乜必要都唔會返嚟再食。

佢嘅沙嗲牛算係全港頭三，外賣差咗少少，但都好龍濃味。多士厚度適中，但都香滑的。之前食過荃灣嗰間非常高質，依家可能係新開，整體方面仍需努力。個麵亦都林晒，建議分開碗上。最需要改善嘅係服務態度，我係買外賣，收銀個中年大媽超級冇禮貌，好似唔想做生意咁，本身嗌凍檸茶之後轉熱檸茶佢啤住我仲要話咁鬼麻煩，今時今日咁嘅服務態度我唔會再幫襯！佢話完我本身都想走人，但太熱愛佢嘅沙嗲牛好似好難食。絕對需要換咗個個呀姐

今日幾個人一齊出去食早餐，就去左附近依間王牌冰室，裝修幾新、環境乾淨，黎到就一定要試下佢地出名好濃味、好好食嘅沙爹牛肉，試完覺得依間嘅沙爹牛就比較甜、重花生醬味，比起偏鹹嘅沙爹牛，我就幾中意甜甜地嘅。佢地嘅早餐套餐有野飲，當其他人叫奶茶果陣，我就叫左杯茶走，茶走係茶加煉奶，味道似奶茶，但我懶，叫茶走就唔洗開多包糖。個餐仲包埋牛乳炒蛋同埋牛油多士，仲可以加$20轉蒜容多士，雖然早餐黎講都幾奢侈，但間中食下都幾開心嘅。

放假出旺角幫屋企人買啲嘢， 之後就喺附近搵地方食飯， 因為唔係好知有咩好食，是但見到搭車返屋企嘅地方，有間茶餐廳望入去地方幾企理，又闊落，所以就入咗去， 非常肚餓， 真係乜嘢都想食， 但係最終都控制咗自己 ，只係叫咗個下午茶餐，有我想食嘅嘢薯條，雞髀。 薯條好食熱辣辣但係只係得幾條 ，個庵列真係睇樣都知道又乾又冇料， 豉油雞髀大小一般， 肉質幾滑唔鞋， 但係個豉油汁真係幾香 ，唔錯幾好味，你見到佢一滴豉油都冇畀我就知幾驚貴啦！ 我寧願唔要啲茄汁，畀小小鼓油我就好啦！

去旺角買嘢, 行行下見肚餓就入呢間冰室醫醫肚～HK-style fast food restaurant "Char Chan Tang"▶️常餐：沙爹牛肉麵配炒蛋多士 (配熱飲) HK$48(加咗HK$2轉蒜蓉多士)沙爹牛肉醬汁真係好濃呀‼️濃到好似醬咁撈麵‼️▶️王牌飯類：蕃茄焗豬扒飯 HK$64(+HK$4 有熱飲)豬扒夠大塊肉質夠淋, 番茄醬比起其他餐廳酸度高dd, 視乎個人喜好啦, 我喜歡酸d朋友喜歡甜d😜 ▶️下午茶：咸牛肉炒蛋潛艇 (配熱飲) HK$36 好大個包🤣炒蛋整得幾滑, 潛艇有搽牛油, 整體唔錯😋 如果有埋青瓜或者番茄片就更加好‼️

下午茶想食個茶餐，但偏偏就揀左個常餐A，王牌沙嗲牛肉麵配炒蛋多士，多士搽上牛油夠鬆軟，但炒蛋唔明點解碎濕濕咁。沙嗲牛肉麵本身係唔錯嘅，湯都夠濃有淡淡嘅花生味帶微辣，汁亦都可以掛到係每一塊牛肉度，只係略嫌牛肉份量太少，如果多2-3塊應該會開心d不過個人口味唔知係咪湯太濃，略嫌過於杰身，會有少少漏嘅感覺，可能係個人喜好鍾意每啖麵都要連少少湯一齊食，同埋唔知係咪有落味精？食完勁口渴，再加上杯跟餐凍奶茶敗筆，成杯都冰，奶茶得果兩啖，唔多解釋睇圖最實際，勁失望，名乎其實真多冰

今日聖誕節，遲左出門，因為想去尖沙咀看燈飾，2點半左夻就先去到太子行街，先搵地方食飯，不過四圍都好多人，一路搵就行到去王牌冰室，因為有卡位，我一向都想有個舒服既位食飯。餐牌熱飲加$4，凍飲加7元。所以我地就叫左是日精選。乾炒豬扒意$57及干蔥啫啫雞$59。干蔥啫啫雞，幾特別，有叉燒，不過叉燒不是特別好吃，正正常常咁，雞都唔錯既因為用左雞扒黎做。最失望係無放辣，丁點辣都無放。乾炒豬扒意，就有少少辣，豬扒太瘦，所以都好乾，有點韌，還有豬扒可能無醃，唔係好食到味道。

據說最近fb群組香港沙嗲牛肉關注組，一直在討論邊間沙牛好食🐂我當然要去食一食喇😋同朋友點了常A王牌特濃沙嗲牛肉公仔麵，同常H金寶雞湯香煎豬扒麵，2個都轉左蒜蓉多士，凍奶茶🧋沙嗲牛肉係幾好食😋湯底香濃，牛肉上面舖滿醬汁🤣肉質軟綿綿，有入口即溶感覺，食落幾嫩口，用料應該好新鮮😙蒜蓉多士都好好食，重蒜香味，岩哂重口味人士🤣炒蛋幾juicy，好驚食到炒蛋乾哂水，一d蛋汁都無😝炸豬排就比較失色了，雖然都炸到香脆，不過賣相就差一點🧐期待下次再去，會有所進步😚

同朋友去旺角行街肚仔餓，經過王牌冰室，進入量度體溫，確保食客安全。餐牌多種類，有常餐、特餐、鑊氣小炒、咖哩、炒粉麵飯等等。我們點了王牌西多士(花生醬味)，西多士炸至黃金色，配上糖漿加切開花生醬，好味到停唔到口! 瑞士雞翼撈麵，瑞士汁好入味，雞肉香嫩，撈麵煙韌，perfect match!特濃牛乳炒滑蛋叉燒蝦仁雙拼飯，香滑牛乳嘅炒蛋，放入葱花香口，蝦仁爽口，叉燒軟綿多汁，好味道!另外，點了2杯特飲，椰汁紅豆冰及凍檸七。紅豆軟綿綿加上椰汁及花奶，唔太漏!

今日放假同朋友👭🏻行街，咁啱見到太子有間新開嘅店舖，門口裝修又靚又特別，所以就入去坐低食嘢，環境大、坐得幾舒服 加上兩個人好肚餓，所以就叫咗好多嘢食🍽朋友就叫咗王牌常餐嘅王牌特濃沙爹牛肉公仔麵🍜 配埋多士 + 炒蛋 $48呢個沙爹牛肉麵湯底好香濃，仲好好飲添，要做出一碗好味嘅湯底，真係好難，呢碗就真係好正；沙爹牛肉，肉質軟綿綿，有入口即溶嘅感覺；香脆牛油西多士🧈，配香滑炒蛋，真係好抵食 我就叫咗精選炒粉麵飯嘅瑤柱蛋白炒飯 $60 呢個連職員都推介，好香好好食，好多瑤柱絲 好足料，🥚蛋白同瑤柱都好多，最重要唔會油膩，粒粒飯分明🍚 飲品就叫咗凍齋啡🥤少甜 跟餐+$3 及 熱朱古力☕ 另外再叫多一份 經典茶餐王牌西多士(花生醬) $36好少見到成吋厚嘅西多士🍞，香脆西多士，裡面軟綿綿嘅口感，夾住滿滿的花生醬，真係又香又好味 食到捧住個肚走，真係好正嘅午餐😋 王牌冰室(旺角分店）旺角彌敦道726號地下1-2號舖

又一間連鎖冰室開業。。為咗試吓所以連續兩日都去食早餐。。。去嗰日就係剛剛開張營業。。門口仲有拜神儀式。。座位很舒適多數是卡位。。。當然我又係試吓佢嘅火腿仿鮑魚絲通粉早餐啦。。。咁佢個價錢又合理。。同區$32算平。。。不過我就覺得佢個炒蛋🍳做炒唔夠好。。一啲都唔滑仲太熟添🙅🏻‍♀️。。第二日俾多次機會再去試佢其他款式早餐。。。另一個至愛❤️蕃茄濃湯午餐肉粒通心粉。。。呢個通粉都OK呀好彩我今次就特別order隻炒蛋不要過熟。。所以今次嘅炒蛋就比較滿意😍整體兩次來講還算可以。。。不過多士兩次都唔夠脆熱。。但係論價錢來講暫時同區算合理

王牌冰室進駐旺角，開旗艦店❗❤️人氣之選 特濃牛乳炒滑蛋叉燒蝦仁雙拼飯，蛋夠香滑、蝦仁爽口、叉燒軟腍流心芝士西多士 炸過嘅厚切吐司香脆，內部軟綿綿，切開吐司有流心嘅芝士及配搭埋糖漿，齒夾留香👍🏻瑞士汁雞脾撈麵雞脾肉有香甜嘅瑞士汁嘅味道，撈麵軟硬適中，食到舔舔脷😋椰汁紅豆冰椰汁味濃，甜度適中，紅豆綿綿😊📍地址：旺角彌敦道726號地下1&2號舖營業時間：07:00 - 23:00

再訪#王牌冰室不過是旺角店，🥚滑蛋叉燒飯 🥚炒蛋依舊是王牌Ace，用了 北海道 3.6 牛乳 炒的， 所以特別既香滑。 叉燒肥肉少， 不會落太多嘅蜜糖好甜膩咁。🍲 沙爹牛肉麵沙爹汁特別香濃 ，牛肉唔會老鞋，完食!仲有我最是掛念的椰汁紅豆冰!「王牌」生紅豆，此物最相思。所以我每次都忍不住點。你飲過就會明。