王公館

Open Now

Now Closed

Lunch time 1小時過黎食小菜 叫完20分鐘 咩菜都未上 不停吹 30分鐘先上左一半 四季豆食到有鹽粒 其實有心開午市 唔會做到甘差 不論好唔好食 最基本上唔上齊菜都做唔到 係開黎做咩 一共叫左6個小菜 40分鐘先黎左5個小菜整體黎講 食物質素ok 只要你有時間又有耐性又願意等既話 可以試一試

見到雞煲烤魚放題又唔使等位就試下，點知好無食就唔知因為根本無食到，由九點等到十點足足一個鐘個煲都上唔到枱，一開始等左十幾分鐘左右都未見到煲上枱都覺得好耐，樓面態度幾好都唔想計較，問左話漏落單，咁唔緊要又再等，三十幾分鐘上菜又係無煲，咁上菜無煲點食呢？又催，催左幾次都話黎緊再催催，點知見到隔離枱遲過我黎嘅煲上左卑隔離枱先，真係忍唔住！我呢枱由漏單再催等成個鐘煲都唔黎，唔知你地呢間店點管理嘅，個廚房員工可以咁西利，係唔想做生意嘅就唔好接客，請個咁嘅員工等執笠？唔想做真係可以唔做，早d關門好無，仲聽到有一枱都係咁等左好耐都無上個煲，最后我地選擇走，因為根本唔知仲要等幾耐，白白浪費人白等一個鐘嘅時間都唔無得食，餓住肚咁，係到等你地廚房員工心情好先出煲？？仲未講今日咁嘅日子，個個食完野去倒數，咁樣嘅做法真係第一次見現場一個話到事嘅人都無，廚房唔接單嘅，點解唔關門，要接客嘅又唔出野卑人食？搵個正常人出黎解釋下你地餐廳點解可以咁樣做生意？餐廳老板知唔知你地員工咁樣反工？想做就做唔想做就唔做睇心情出餐？？請d咁嘅員工趕客都無任何處理嘅，建議快d唔好做關門算啦，香港飲食業多得你地店又多個差評

一向懶寫食評，但都好想為呢一間寫😇已經幫襯過幾次，不過全是午餐時段，lunch set份量很足，平均每一道菜的味道都不錯我哋姊妹們特別鍾意他們的梅菜扣肉，好邪惡又好好味，蒸魚也是每次來必點👍每次來都是一行十數人，靠窗的一張大枱，環境舒服。店員也很親切有禮貌。因為全是女士食量少，所以我哋會share食他們平均每個午餐大約55蚊，這次可以選擇送一碗湯/一包紙包飲品，試過幾次他們的例湯都好好飲整體呢間食店都給我們很滿意，所以每個月都會來1-2次。

提提大家,勁近朗豪坊,亞皆老街行樓梯,上海街搭升降機🛗小菜一樓,打邊爐二樓上次試左雞煲打邊爐,今次黎試下佢地既川粵小菜,真係無得輸😱💖一定要試推介,特色招牌 酸菜魚🐟😍酸菜魚 生魚 例牌 $218魚新鮮嫩滑無骨,一舊接一舊食,三歲仔仔都好鍾意💗東坡肉 $138好少機會食到,見到立刻叫黎食,唔只賣相靚,肥瘦適中,價錢仲好抵🥰酒釀乾燒明蝦 $198見到幾特別就叫黎試下,酸酸甜甜好開胃🤤蝦仲要係新鮮彈牙架蒜泥白肉 $52有樣有內涵😚有驚喜我留意到佢地兩層都有VIP房,仲有唱k同打麻雀添,下次叫埋d朋友來一齊食同玩先👍👏🏻💯

😍朋友推薦去左新開無耐,呢間近旺角朗豪坊既雞煲火鍋任食,仲有烤魚和粵川菜的,下次再試😋揀左奇味雞煲 走辣,咁大個女覺得最好食既雞煲,覺得完全無落味精,我地食得慢,滾住好耐,雞胸都唔會｢鞋｣仲好滑,真係私心推介🤩😋💖精選幾樣火鍋配料推介💖🐮美國肥牛 — 打邊爐必選,肥牛肥瘦適中,牛味勁香,超好味🦐蝦 — 新鮮彈牙🦑墨魚滑 — 每啖咬落去都有墨魚粒係度,非常好食🦐蝦滑 — 爽口彈牙,每啖都有蝦係度🪱鱔片 — 新鮮爽口飲品都有幾多選擇,仲有幾款自家制既茶飲,好濃味唔慳家,仔仔都好鍾意😋🍵#旺角 #雞煲 #火鍋 #任食 #任飲 #王公館 #牛 #蝦 #墨魚 #雞 #鱔 #九龍美食 #旺角美食 #旺角餐廳 #香港美食 #打邊爐

星期一至四成人$188 晚市120分鐘，性價比高，環境乾淨，兩個人食無諗過又有烤魚又有雞煲食，食完一樣再上一樣已經飽飽，極度推介蝦滑真係好好食👍🏻真係有蝦肉，好味

上次星期六共8個人龍蝦伊麵 (預訂的)蒸大帶子 (預訂的) 冧的西蘭花炒龍躉片 (預訂的)壽包 (預訂的)咕嚕肉 黃金蝦 孜然鮮魷 文昌雞 蜜汁一口牛 瑤柱蛋白炒飯 蛋糕上次嘗試吓一家人 在王公館 食飯 很不錯…佢地有Vip房 有免費 麻雀枱 同埋卡拉OK…一個聚會party嘅好地方 最緊要隨時食隨時飲都可以 夠晒方便貼切下次再來 吃火鍋一個很方便的地理位置 樓下很近就係旺角地鐵站C2出口 基本上C2出口直行就見到 對面街就係朗豪坊方便食完飯可以行吓街..

二人餐188+10% $207 出菜速度都係5-8分鐘 。以5-6枱客係度黎講 速度算唔錯 服務態度好好由入座講解優優晚請套餐 清晰 加有心水煮牛肉分量一點都無因套餐優惠而偷工減料，味道好地道四川風味。梅菜扣肉惹味 扣肉食係上黎唔算太肥 。肥瘦適中花菜夠哂四川風味 店長仲好好人話新套餐推廣期間 送左兩碗例湯同糖水比我地試下 。例湯一飲就知足料 糖水都好好味最後明明好飽都要同老婆清哂所有餸先走總括黎講係旺角區食個有質素有分量價錢

二人套餐，6個菜選擇，揀3個，食物份量都唔細，有飯有老火湯。食咗兩餐試過晒，不過不失，地方環境正，長假期無物人，地方乾淨企理，靜靜地一個晚餐，有機會試吓打邊爐。

甩單情況嚴重，出單慢，基本上食2個鐘，最少9個字是等食物，每次落單起碼等15分鐘先有食物到，重要追單先有。人手極少，成日都搵唔到人加湯或追單，唯一讚的是員工的態度是好的。食物普通無特別，所謂甜品就只是有冰粉及啫喱，連最cheap的雪糕杯都無。試一次怕怕，基本上係食清個煲入面的剩餘食物飽了，因其他邊爐食物等極都未到，就唯有食個煲入面的剩餘物資，到有食物到時就已經食飽咗，等得太耐都冇癮再食。真係唔會有下次。

旺角做完野, 喺Openrice見到呢間係新店開張, 裝修好新所以即管試吓。2樓係火鍋區, 1樓係食川菜的, 咁樣分區又幾好喎。放題嘅啤酒汽水任飲已經覺得好抵 (好少咁平嘅嘅放題啤酒都任飲), 火鍋食材又新鮮, 星期五至日每個套餐都係貴$10, 所以可以講係性價比高嘅火鍋放題。下次去試下川菜先^.^

周圍都好多人排隊，得呢度冇，以為唔好食，點知好cute好食，價錢合理，好食，又大份，正，就係個餐牌冇圖畫，地點不太明顯，其實菜式好美麗，點解唔影相呀？又多一間食飽食剩的想打包返屋企食嘅餐廳。然後如果兩個人嚟食嗌嘢食兩個餸就好啦，你會食唔晒，然後就好似我哋咁打包返屋企，記得嗌酒飲，因為好Q辣，亦都好爽，信我嚟食，包你食到三碗飯，依家食一碗宵夜食一碗，再加啤酒三四支，咁樣一個享受，愉快的週末，開心到蹦蹦聲