泓一拉麵

Open Now

Now Closed

【Chapter 007 平衡出色拉麵🍜】太子拉麵店愈開愈多，如果淨係要講一間，只會係泓一。餐牌有4個選擇，我地揀左地鷄鹽味拉麵同地鷄醬油拉麵🥢。_地鷄鹽味拉麵 (💰$108）湯頭嘅基調出色，以昆布、豚骨🦴、地雞🐓、煮干🐟等熬製而成。佢係清湯，但味道係複雜而有結構，配搭嘅平衡都好優秀😙。再後加地鷄油，俾依個清湯湯底一種宏厚嘅感覺，鹽味🧂亦有提鮮作用，襯出湯頭嘅鮮美。要留意由於地雞油份量頗多，如果飲浮係上面嘅湯會淨係飲到油🥣。另外湯面有柚子醬，我覺得份量太多，相信主廚想藉由柚子嘅酸味🍋解地雞油嘅膩同帶出湯頭嘅鮮甜，但喧賓奪主。當我想細味湯頭既時候會搶走我注意力，係扣分位🙉。_至於配料，雞有煙燻🔥嘅味道，唔算嫩滑。煙燻味係清湯中頗突出，配搭幾好。叉燒🐖略瘦，但爽口。蛋🥚嘅處理都好恰到好處，熟度啱啱好，外層蛋白挺身，入面有少少嘅蛋白未熟，令口感更加滑溜。_麵都帶俾我好大驚喜🤩，質地非常滑溜柔軟，冇鹼水味。係掛湯嘅同時又會食到麵粉嘅香味😌，唔會好似食米線咁剩係食到湯嘅味道，好夾清湯。_地鷄醬油拉麵(💰$108）都好出色😋，不過醬油的“甘香”未算好突出，而霸道嘅地雞油會穩壓一頭，飲完當下後勁好快

Happy Friday同朋友到太子食飯見到門口有啲人流排隊大約15-20分鐘（位置只有10個左右）門口無menu , 打算食雞白湯點知入到去話賣晒（門口無告示）咁就叫個鹽味拉麵🍜試吓都幾失望，湯頭非常之清淡靠少少紫洋蔥🧅有輕微味道似清湯 沒任何肉味🥲拉麵主要靠個湯但麵質我係欣賞的好彈牙雞蛋🥚都可以 流心同似用日本蛋可惜個湯唔掂🥲 鹽味湯 帶咸香味都無 有機會先試吓雞白湯但一定一定就唔會再排隊食重口味人士唔岩食價錢$108都算定位比較進取 如果以地理位置附近太多又平又好食既餐廳🍴

🐻泓一係太子新開分店，咁啱行過當然要試食下。🐻新店裝修明亮簡潔，四款招牌拉麵每款都好吸引，心思思揀左豚x雞白湯拉麵，下次再來試埋其他。🐻拉麵一上枱熱辣辣，嚐一口湯，湯底濃厚雞味鮮甜，拉麵彈牙有咬口，幾口就成個麵食完，要追加一個替玉。替玉一到先不急著放入湯，品嘗一下原麵味道，麵條上有小麥粒，帶有淡淡麥味，味道剛好突出雞湯的鮮甜，恰到好處。🐻配菜方面，慢煮豬叉燒粉嫩肉香，雞叉燒彈牙雞味濃，糖心蛋流心入味，成碗麵都相當出色，絕對會一試再試！

📍泓一拉麵 (太子)太子汝州街21號英來大廈地下E號舖==============================餐廳距離太子站大約2分鐘位置非常方便，呢間麵店係紅磡總店ge 新分店，係紅磡已經想試，但次次都排哂長龍，今次係太分店終於有機會可以試下喇==============================豚雞白湯拉麵湯底好濃雞湯味，拉麵質地軟硬適中，溏心蛋一定要試，蛋黃剛剛好半熟而且好香醬油味地雞醬油拉麵雞胸係有輕微煙燻味道，質地好滑醬油味湯底好出色

湯底清唔濃，食到好少味!!麵嘅質感同超市拉麵差唔多！！配料方面真係一一般般，未至於出色到有驚喜😅😅😅服務方面港式味重，感受唔到日本餐廳有既服務🙈🙈🙈🙈

泓一係太子開分店，早就知道同紅磡店走唔同路線唔同分格，而自己係鍾意紅磡店嘅清爽，就預咗未必好鍾意太子店。第一次去就先食地雞鹽味拉麵，麵係日本近年偏好嘅超多水麵，受制於香港水質同麵粉新鮮度問題，麵香必然較紅磡店嘅麥粒麵弱，但其滑度同麵質的確係配合清湯底拉麵嘅較佳選擇。湯底明顯較紅磡香濃，相信係因為油份較多，初飲湯只有雞湯和雞油香，配麵之後能夠飲到W湯底的豚骨味，蕃茄乾的香酸味能平衡濃厚感，亦能更帶出湯底其他味道。香港的日式拉麵和日本當地嘅拉麵，差別最大其實就係油量，香港係遠不及日本，而油/脂肪其實就係食物最主要香味來源，亦都係保存湯頭溫度嘅重點。今次泓一新店嘅油量增加咗，亦令到香味同風味更突出。兩種叉燒均美味，其中煙燻雞的煙燻味沒紅磡店的突兀，較柔和但更香，但兩種叉燒同樣太熟。吃到最後，湯頭溫度下降，飲湯後雞油稍冷卻會較稠但留在口中就有更香雞味。期望能夠繼續進步！

去咗試太子新開嘅泓一拉麵，平日去唔使等位，食拉麵喺一個人食飯嘅最好選擇。餐廳比紅磡分店大，我order 左地雞醬油拉麵🍜，由於即叫即整嘅關係，等左10分鐘左右就上，時間可以接受。拉麵賣相可以，可惜麵底太過林，冇乜口感，我唔係幾適合。可能本人比較鍾意食清淡啲嘅湯底，所以覺得呢度偏油膩，不過味道適中，唔算太鹹、亦唔算太淡。雞肉可能用咗雞胸嘅部份，所以比較鞋口。不過整體來講，喺香港嘅話都算唔錯。唔使排隊嘅話，值得一試，性價比唔高，買單100+ 一位

睇過某歌手曾經評價紅磡泓一既雞白湯，話係座銀，鳥華亭之中最濃，於是排隊45分鐘試完，結論係 ：普通到冇得再普通，不但不濃，係三花淡奶既味道，湯又唔夠熱。最近留意到泓一太子開分店，見到menu同紅磡不同，被地雞兩個字同menu相片所吸引，應該好好食先咁自信開分店，引發左我興趣，於是就決定比多次機會佢。我今日點既係 地雞醬油，湯夠熱，面頭擺左好多配料，除了糖心蛋，雞叉燒，豚叉燒，仲包括洋蔥碎，大蔥段，大蔥絲，柚子條，竹筍。呢d配料擺咁多，以為可以豐富到湯頭既味道，點知同醬油湯底係唔夾的。湯頭：只得普通醬油味，食到尾都試唔出雞味，而且細心品嘗既時候，係偏苦的味道。糖心蛋： 個調味係鹹既屬性，食唔出有其他味道。例如冇甜/味醂既元素。雞叉燒：應該係慢煮？但口感食唔出。雖然未到柴既口感，但唔會符合“嫩”既口感，屬於偏老，即係要𡁻好耐。豚叉燒：口感合格，冇特別。洋蔥碎：呢個湯頭係清湯類，不是濃湯，所以我不斷在嘗試細味，試清個湯頭既味道，但係洋蔥碎太突出，擾亂味蕾，扣分之項。 洋蔥碎在雞白湯使用先會加分。柚子條：本來呢樣配料，係用來帶出味蕾新鮮感解膩，點知佢落太多，一來同洋蔥碎一樣搶味道，二來柚子條太

一直都好喜歡泓一但唔常食，因為之前喺黃埔，每次都要喺門口排好耐隊而卻步。今次太子開分店，去到門口見到可以用app拎飛覺得好感動🥹 可以行一陣先再返嚟～（星期日晚上都等咗接近1小時）.試業期間落單紙可惜去到已經冇咗雞白湯🥲面款比起黃埔店較少，可能仍然試業階段，期待之後更多款式，亦有太子店自己嘅特色。.地雞鹽味拉麵 $108除咗雞白湯，鹽味都係泓一好出色嘅拉麵湯底，清得來好香，滲透淡淡果皮味😋😋 糖心蛋都好好食，蛋黃真係流心，而且非常入味👍🏻 不過食到最後會有浸淡淡嘅苦味，應該係配料嘅問題，但仍然係好好食嘅拉麵👍🏻.地雞醬油拉麵 $108相比鹽味拉麵，醬油味太濃，蓋過咗本身湯底嘅清香，我自己比較推介鹽味拉麵，不過鍾意重口味啲嘅朋友，可能較適合呢款🍜.慢煮雞叉燒 $28成餐飯最唔滿意就係雞叉，近乎完全冇味，肉質亦比較嚡口😵‍💫..下次會再試，要試到雞白湯😆店內有14個位，係黃埔店嘅一倍，希望有助解決等位嘅問題😂