泓一拉麵

Open Now

Now Closed

已經第二次去了，上次食過雞白湯好食，今次再叫過！🤤🤤🍜🍜🍜泡沫雞x豚湯拉麵 $105雞白湯啲泡泡好多，口感綿密🍜🍜個湯底有濃濃雞同豚香味，又唔會太咸，質地有少少杰杰哋幾好入口🥳啲拉麵係小麥麵🌾可能係佢哋特登就個湯夾過嘅，因為朋友叫過嘅鹽味拉麵唔係用呢隻☀️☀️有一塊叉燒、一塊雞胸肉同一整隻溏心蛋。叉燒有啲粉紅色幾嫩👍雞胸就正常發揮🐔蛋就我覺得可以再熟啲，兩次嘅熟度都差唔多，不過可能係個人喜好問題🥚🥚配菜有大葱絲（好似係）同筍干，增加咗整體味道同口感嘅層次👍👍我同朋友都認為喺度叫雞白湯好過其他款🐔105蚊一碗，唔使加一，我覺得合理喎🍜太子區算中上價，不過比平時嘅一般拉麵加有更多細節，protein類都有三款，蛋又有全隻，都質素唔錯！中環都有泡沫拉麵，我會選擇去呢間，平幾十蚊但唔差得遠，交通又方便🚌🚌 本來想私藏呢間，不過見佢好似唔太旺（定因為咁啱係平日😅？），所以都留個笑樣，希望佢做得住！

太子日常:日日都响附近食足三餐 ，以前見有人排隊，我就無試，今日路經無人喎，咪試吓佢囉， 一試就奶嘢了~在太子這種貨色，茶記常餐60蚊已有埋嘢飲!QR係常識啦～睇圖𠺢嘛，碗麵嚟到，我問:唔該， 呢碗嘢係唔係我𠺢，我果碗有紫菜嗰喎，妹妹答:唔好意思， 我地無哂貨呵~係有禮貌的， 咁我就算啦~支嘢飲嚟，唔問都唔比飲筒𠺢，原來係紙，放咗落去，攞唔返出嚟~果碗麵其實真係好一般。現成味噌湯，豬同雞 胸都係韌，拉麵係平價貨。唔抵係包裝到日本仔好專咁， 其實流得很~一次算了吧😑

放工見泓一拉麵唔洗排隊就去食冇諗過食完咁難食第二次再去食味道完全同開新舖開張既時候唔一樣叫左兩碗拉麵分別係地鷄醬油同地鷄鹽味拉麵湯底又油又鹹 飲唔晒麵唔掛湯 好似出前一丁味道鷄肉偏細而薄放左其他配料 例如紫洋蔥冇咩特別味道出咗咁

【日本食材。自家制拉麵】被喻為香港最好食的雞白湯拉麵之一，總店在紅磡。太子分店離地鐵站出口步行2分鐘，很方便。拉麵店嚴選日本材料自家制食物。店內空間較小，大約有10個座位。❈ 豚x雞 白湯拉麵 HK$105雞白湯底嚴選日本九州香草雞雞殼熬煮，表面有氣泡，這樣處理會讓湯底比較絲滑，口感會更豐富，味道清新不油膩。薄片真空低溫的叉燒肉味濃，雞胸是嫩滑，帶點煙燻味。糖心蛋咸香十足。自家製拉麵，麵條富麥香，有嚼感。❈ 大阪燒餃子 HK$38餃子薄皮肉多，再香脆一點會更出色。

本人好中意食拉麵每次行過都見到呢間拉麵店好多人排隊所以有所期待今日早左放工就去試下6點到 無人排隊 店員都好nice我跟女朋友叫左一份 豚X雞白湯拉麵 HK$105一份 地雞醬油拉麵 HK$108一份 日式煎餃 HK$33雞白湯拉麵 - 湯底非常淡 冇乜雞味醬油拉麵 - 湯底超級鹹 係死鹹味道平時食拉麵最後我一定會飲晒成碗湯底但今次真係鹹到飲唔到，都係第一次兩碗拉麵的慢煮雞叉燒都超級薄嘅同時冇咩雞味及口感有啲差，係淋淋地有啲爛嘅狀態。兩碗拉麵嘅醬油糖心蛋嘅熟度無問題，但都係超級鹹！！好似直接食咗一匙羹鹽入口咁(無誇張）。但公平而論兩碗拉麵嘅麵底都係彈牙嘅其他配料例如筍，大蔥 都ok同埋店舖好貼心，枱上有準備一些黑色髮圈，估計應該係for女仕食拉麵時可以紮起長頭髮。最後就係日式煎餃，餡料好足，餃子皮好薄總括而言，以上嘅食物質素加上價錢，我真心唔會再食多次。因為佢唔係一間普通嘅餐廳而係一間拉麵專門店。

泓一拉麵價錢💲: $105好味程度😋: 4.5/5服務🍴: 3.7/5環境🗾: 3.7/5性價比🥢: 3.7/5回頭率😚: 4.3/5-係黃埔一路好出名的人氣雞白湯拉麵，近排係太子開左新分店。店鋪size一樣唔係好大，大概只有10個位置，不過咁啱一開門就去所以唔洗排隊。第一次試當日係叫最signature的泡沫雞白湯拉麵啦！果然無失望😍-✅✅豚x雞白湯拉麵。飲得曬d湯係我覺得好食的拉麵criteria第一位，如果做到呢項，呢碗拉麵就不得了，因為係我心目中湯底>所有元素。呢個湯底將雞湯面頭打成泡沫，入口綿滑濃厚，質感非常濃厚。飲落口帶黏口的感覺😆湯頭味道鮮甜，完全無雞的腥味。口味偏鹹小小，但絕對唔會鹹到飲唔到，係個濃郁得來恰到好處的味道！-用上幼麵，能夠掛起好多白湯。見到麵條入面的小麥粒，有淡淡的小麥味。以幼麵來講唔算太軟。-配料上分別有一片慢煮叉燒同一片雞肉。慢煮叉燒個人還好，嫩得來有肉香，但無火炙過/特別烹調過。雞肉有好濃的煙燻味道，但因為雞胸部分所以避免一定有d鞋🥹 所以2片肉我都麻麻哋。另外仲有d荀同生洋蔥🧅等。生洋蔥的辛辣能夠中和雞湯的膩。-溏心蛋有醬油香，咬開d鮮橙色

食完其他拉麵後，念念不忘泓一既味道，今日又走來食佢，試佢第三款拉麵地雞鹽味拉麵。🐻今日温度驟降，鋪頭都校暖左仲有少少焗，不過都無阻我食麵既決心。碗麵來到摸一摸個碗，相當有熱度，可以係寒冷既天氣維持湯既温度，值得一讚。食麵前飲啖湯係基本，一飲就感到濃縮既雞味夾雜少少調味，鹽同雞味混合得相當好。不過個麵就有啲太淋，唔夠咬口。其他配料都好出色，係叉燒上既黑椒過強烈，破壞左湯底既清新，食流心蛋都要小心，唔可以滴啲蛋汁落湯到。例牌叫多個替玉，要求硬身啲，淨麵食落麥味唔強烈，適合鹽味湯底，果然無叫錯。食到最後，個碗依然微暖，細心之處令人感動，期待下次再到訪

點餐如下：朋友點咗個 豚x雞 白湯拉麵我點咗 煮干醬油拉麵另外朋友加咗個慢煮雞叉燒我試咗白湯底一啖覺得味道有雞嘅鮮甜，上面啲泡都係鮮甜嘅，明顯係有心熬製過，但覺得湯身比較水，個人喜歡再企身啲嘅湯。不過始終無食曬成個拉麵，所以唔俾太多評語。講返我叫嘅主角，煮干醬油拉麵。湯底望落比較清，面頭有一層油，飲落去味道比較複雜，我都唔係咁飲到裏面有用咩材料，先有（我估）豚肉/油嘅甜味，後勁有一陣醬油嘅香，整體嚟講有少少鹹，但配上其他配料同拉麵係絕對無問題。因為佢無得揀麵質，所以應該大家食到嘅質感都係差唔多。麵本身彈牙得嚟唔會太硬，接近意粉al dente嘅感覺，但份量比較少。配料個人認為好壞參半。青類素材非常新鮮。筍味道鮮甜清新，口感脆中間位置有少少硬，食得出係自己整嘅。慢煮雞叉燒味道smoky得嚟都保留到雞嘅味道，但口感真係差咗啲，係軟林林哋得嚟有少少爛個隻，應該係慢煮得太耐。豚肉叉燒味道一般，口感唔太好，首先佢係薄切已經無咩肉地可言，另外佢肉質都係正常偏軟爛，應該都係慢煮耐咗啲。但我朋友就話佢個塊ok，所以係唔係全部豚肉叉燒都係咁就難講啲。蛋熟度非常好，直頭爆漿，但味道有啲偏甜，我覺得唔太夾個

因為見到拉麵關注組長期討論，終於有機會試吓，平日六點左右唔係咁多人，等咗5分鐘就有位，入面好細，座位唔多，不過都唔算太迫嘅。我叫咗地雞鹽味拉麵，配料有叉燒，筍，半熟蛋，慢煮雞胸，京蔥和洋蔥。因為我鍾意食硬麵，所以特別同店員講要求硬麵。湯底係好清甜嘅雞湯，雖然放了雞油，不過唔油膩，一邊食一邊飲湯，食到最後會覺得偏鹹。雞胸有煙熏味，幾特別，不過有少少鞋。配料放了大量京蔥和紫洋蔥碎，都幾重口味，如果唔鍾意蔥或者唔想食完個口全日一大浸味，可以走蔥。餐廳有一個細心位，就係有橡筋提供俾客人們紮起啲頭髮，我都係第一次見枱面有橡筋提供

泓一拉麵 🍜✨相信拉麵界，大家對於泓一拉麵完全唔會陌生啦！其實我都久仰大名好耐啦，但是由於黃埔店店內座位較少，等候時間較長，所以至今都仲未試過！😮今次佢哋係太子開了分店，座位數量多左，門口有增設了拎飛機，所以今次可以拎完飛附近行住等。但是大家要切記留意叫號，我兩次唔小心miss左，到第三次先食到。（過左3個no就不設補飛，但係可能啲人都周圍走，所以連跳幾個）🥺🥺入正題先，講返個拉麵。我去到19:30左右，雞白湯就已經賣曬啦，所以今次就正係試左醬油湯湯底，醬油味係清香濃厚但有唔會死鹹，最鍾意係加左蔥油，第一啖飲入口係有驚喜，兩者配合得好夾，冇搶曬味。配料就每碗一個蘭王糖心蛋🥚，豬叉燒🐷，雞叉燒🐔，大蔥同埋筍。叉燒味道就正正常常，不過我果塊雞叉燒我略嫌柴左啲，糖心蛋調味可以濃味啲，不過見到個蛋黃都夠靚仔。面質其實就偏淋，唔係彈牙口感，但我可以，所以就見仁見智啦～😋總括而言，醬油湯底的拉麵，佢係香港都應該佔有一席，要試要試！下次要試埋佢個雞白湯，希望排隊熱潮可以短啲啦！🙏🏻🍜

香港嘅拉麵舖越開越高質，今次試咗喺太子啱啱試業嘅泓一拉麵。豚x雞白湯拉麵$105雞白湯底會首先打到起泡，飲落去唔會太結身。湯底味道濃得嚟唔會過咸，配幼身嘅拉麵食好食👍🏼豚肉比雞肉做得出色，薄切嘅豬肉味好出，但雞肉相對起比較細舊，肉身唔夠滑。糖心蛋亦做得好出色，半熟嘅蛋再同白湯一齊食好好食。唔好唔記得試佢放係枱上面嘅蒜蓉，超級濃! 同辣! 完全係刺激會五官，個蒜味係12個鐘內都唔會散🤣舖頭座位唔多，目測有12個位。

煮干醬油湯底味道同香氣都ok，魚香味突出亦食到昆布味，鮮甜冇苦味，但少少偏鹹，配料有頗多生洋蔥，個人覺得同湯底唔夾，有啲搶味。湯面油份多，令麵食落滑身啲。高加水麵條質地不錯，夠滑身爽口，唔會煮到過淋。豚x雞白湯上枱睇落好creamy，但食落未到好濃郁，雞味較重，但豚味完全被蓋過，唔算好特別。麵條同醬油湯嘅唔同，帶麥粒麥香會較出。兩碗嘅配料雞肉正正常常帶煙燻味，唔算好嫩。慢煮叉燒肉質唔粗都有肉香，荀都ok冇奇怪異味，可惜隻蛋太生，蛋黃太流心而且唔夠入味。整體嚟講覺得兩碗都合格但未算好抵食好完美，麵嘅份量不算好多，男仔食應該都要加麵。個人就比較鐘意煮干醬油湯。餐廳仲係試業期，見到之前不少評論都話檸檬或柚子較多餘，當日去餐廳已將佢地刪減，相信佢地會聽更多意思再作改善。

🐻今日食拉麵煮干醬油拉麵。之前食過另外三款拉麵各有特色，令我食完都回味，對醬油拉麵更有期待。🐻拉麵來到湯底傳來陣陣醬油味，一飲啖湯，濃厚既醬油配下好輕輕既魚乾味湧出來，魚干味惹有惹無，咸味同苦澀味蓋過所有。麵質今次偏軟身，不過拉麵本身質素好好，係煮得太耐。配料叉燒今次出左事，特別柴，肥肉位難咬得很。幸好替玉來到幫碗麵加返分，剛好煮既拉麵無比湯浸軟，更彈牙有咬勁，一放落湯到食唔會太咸，真係要用速度取勝，以快打慢。🐻想不到最後一款麵先滑鐵盧，下次都係食返其他三款拉麵平衡下先得。

見到成日有人排隊，以為好好食，試完只覺普普通通，唔值得去排，座位好窄好迫，入座一張二人枱，張枱又窄又短，中等身材坐落去，會掂住對方膝頭😅😅 ，如果唔識嘅，真係好尷尬，影相要用廣角才影到，可以想像到有幾窄🤣🤣雞白湯拉麵，最大問題係湯唔夠熱，拉麵口感OK，湯有點鹹，伴麵一齊食還可，淨飲飲不下，太鹹，仲有啲似金華火腿的鹹味🤣🤣，食完口渴。雞肉同豚叉燒都係慢煮，我哋仲追加一份豚叉燒，做到軟嫩口感，但味道普通無驚喜，溏心蛋正常發揮。由於湯唔夠熱，我哋都趕快食完，半小時完成晚餐，埋單走人。

太子分店人龍消失，即興入去試食，覺得無人講到咁劣，但亦未到神仙級數。🐷豚x雞白湯拉麵($105)湯頭好濃, 有雞肉既味道, 唔會好咸。地雞🐔鹽味拉麵($108)依款麵湯頭望落油膩,食落還好, 唔死咸, 都幾香。配料方面, 豚肉薄身香口, 唔會有「so」味, 岩我夠瘦唔會好肥, 口味問題。可能有人唔鍾意無油花。雞肉好滑, 入口有煙燻🚬嘅味道, 層次豐富, 幾驚喜! 蛋合格, 麵🍜偏淋身, 岩我心水。(我煮麵都碌到好軟先食) 如果想食有咬口, 可能要提一提廚師。 最後, 鍾意佢有紫洋蔥碎, 惹味。荀片合格, 個人更喜歡再硬身一點的。至於環境, 有少少焗, 店面細坐得迫就旺區餐廳通病, 都無得講。服務尚可, 幾友善!