和味館 (Closed)

為佢隻乳鴒再次返去點知今次差左好多, 變返普通水準叫左蒜香骨, 好大碟, 肥多過瘦不過得8 成熟拎去返炸點知拎返出黎, 熟晒但凍晒未炸之前仲好熱, 炸完之後凍晒?怪!!炒貴刁, 普遍野但勁大碟

一行8 人, 叫左2 虫, 5 餸 , 1 湯服務比想像中好( 我預佢好差)會行黎同你傾計, 不過你叫佢就唔多應小菜有水準, 乳鴨必食( 自稱係石歧)係我食過最好食, 夠大又夠滑據朋友甲所講, 未係佢食中過最好, 但算得上AA 級

好耐無寫食評,估唔到一寫就要寫D咁野!!簡直就係過份!!早排見雜誌就呢度有得食蒜頭雞,咪諗住試下囉,而且openrice都搞過function兩次黎呢度.斷估都無死啦.去到同佢講三位,無人采我地...企左幾分鐘,佢叫我地坐埋某張枱度,但係果張枱面全部都係垃圾...叫佢執,完全唔采我,爭持左幾分鐘...終於有人肯執...其實衛生差一D都唔緊要!!預左,點知佢真係差到你唔信.D快子有漬既...一粒粒野痴係上面,同佢講,佢竟然同我講"咪俾左水你洗囉" 我真係X丫!!算數...自己洗...我忍!!跟住叫野食,D人十問九唔應...,等左個幾字...終於有人采我地..跟住叫左個肥牛煲,蒜頭雞,椒鹽鮮魷,炒蜆.跟住無耐野食黎...個蒜頭雞無乜蒜頭....失望...跟住我地叫左三個白飯,順便吹吹佢話差個鮮魷.但係佢竟然話無白飯!!蒸緊喎!!算...唔出奇...我等...結果...等左幾個字...D送凍晒都仲同我講未有飯!!仲要我地食炒麵!!我采佢都有味@@再等多個幾兩個字...佢同我地講"仲有兩個飯,食唔食住等?" 有無搞錯!!有飯就早出聲!!死未呀佢!!我又順路吹吹佢..仲差個鮮魷...跟住食住等第

睇完食評, 自己又經常去新蒲崗, 咁咪去試下囉...尤記得第一次食呢類昆蟲物體, 係o向廣州. o個次我一路都唔敢食, 成檯人係咁叫我試... 最後我見有個同我差唔多年紀o既後生女都食, 我先至驚驚地咁食... 嘩!食落又幾好味喎, 仲爭住黎食潻...講番今次, 我地叫左鹽水禾味龍虱, 砵仔禾蟲焗蛋, 刁手蝦膏燒腩蘭心炒飯+ 啤酒.鹽水禾味龍虱- 好少肉, 剝殼拔腳先食到少少肉. 飲住啤酒, 嗒嗒下都OK既...(因我地未食過, 問個阿姐點食, 阿姐好好人示範拆一隻比我地睇, 記得要抆腸架!)砵仔禾蟲焗蛋- 都幾香, 唔覺食緊禾蟲, 好似食緊豬肉焗蛋咁囉... 最鍾意面頭o個層蛋皮, 焗得很香脆...刁手蝦膏燒腩蘭心炒飯- 普通, OK囉...招呼就無乜架喇, 自己照顧自己啦. 老闆同食客都好多粗口架, 不過又唔係鬧你, 大家唔同文化唧...我地打算下次再黎食竹蟲同蜂蛹...

如果連蟲都未試過食，作為Openrice的食友，成何體統？大大話話搞了幾十個Openrice的聚會，港九新界中西越泰菜色都食勻，係時候走下偏鋒。其實一早已想在這裡搞一次「蟲」宴，但時機一直未到。直到推出了「全蛇宴」，發覺都幾受歡迎，加上作為本地最具人氣的飲食網站，有些聚會也應是別有特色的，所以又發起了這次以各類「蟲」為主題的聚會。報名的留言一出，不足一小時已報滿十二位，可見有興趣這小眾口味的人都不少。當晚老闆娘自全蛇宴後再下一城，今次還要連肥叔叔也拉了來。在這裡點菜，不用看餐牌也不需多思索，就以幾種蟲為主，再配以其他的菜色，加炒飯及炒麵各一，已經足夠。﹝每道菜的詳細食評，請看之後的版頭文章﹞其實已來吃過多次，一路下來，都吃了不少的菜色，是夜的都可以保持一貫水準。蟲菜中，以蜂蛹最滋味，竹蟲同蘆葦蟲同樣鹹香可口，是椒鹽炒的功效，都適合下酒。可惜龍虱已過造，不夠肥美，又沒有沙虫，期待的禾蟲亦全沒鮮味，有點美中不足。吃過幾款「蟲菜」，不止在座食友亦當然眉飛色舞，連店內的食客也引起了小哄動。都是時候試一下店子內的其他菜色，就叫了幾味「普通」一點的。先來蒸雞，用上新鮮雞已是味道的保證，所以就只點了

一行五人看完開飯網頁和無記的回味無窮之後, 很想挑戰自己膽量, 所以前兩晚專登去幫襯.點知去到之後, 剛剛D位滿哂, 於是問D阿姐拿檯, D阿姐招呼態度簡直是"九流", 問又唔答, 答又脾氣差到頂點, 最後自己終於霸到一張檯, 坐落D阿姐又唔識來執檯, 跟著又發現D蝦在膠盆浸到像標本一樣白雪雪, 最後大家都是決定抽身而去.大家唔好再去幫襯這間店!!!!!!!!

真係聞名不如見面! 你o地o既勇氣, 只可以講一個字... 勁!

多名市民誤墮港版Fear Factor天仙局＊＊＊＊＊＊＊＊【本報獨家消息】本報接獲熱心市民來電，聲稱發現新蒲崗的食肆《和味館》里日前有多人聚集，秘密部署參加港版Fear Factor【港譯：誰敢來挑戰】的策略。為更深入了解事件真相，本報特派記者叉燒飯親到現場採訪。來自廟街的華弟一邊熟練地替龍虱殼，一邊眉飛色舞地說：「唔好同我爭，記得留番龍虱俾我，即係和味龍，蟲入面佢至甘香鮮味架喇，黎送酒一流啦。蛋白質豐富，好補架。阿叔今晚房定廳睇晒佢啦！Sssssu, 我啜。」來自旺角的卡門：「唔制，人地成日要返夜，記住留番蜂蛹俾我呀。炸到佢色澤金黃，外脆內嫩就最好架喇，貪佢蛋白高脂肪低兼夾可以平衡荷爾蒙嘛。」說畢即彈了彈手中的香煙，然後徐徐地吐出一縷輕飄的煙霧。來自花墟既大塊田：「竹蟲等我黎喇。係就係韌D，但係大大隻，好好‘唧’，又有‘浸’竹既清香，留係D牙罅度，諗起都盞呀！食到興起我直情要用手。聽大陸D電台節目講，隻野重有10多種人體所需既氨基酸添呀。聽我講，‘食竹蟲，冇捉蟲！’」說罷即鬼祟地把剛挖出來的鼻屎搓在鄰座花花的褲襠上。來自藍田既花花，流著兩行鼻涕地說：「呢排忙考試，成日要捱夜讀書，老

雖然我個人有乜墨水，寫唔出靚文章，但係都要黎評一評分。首先聲明，我係勁怕曱甴！我有次仲驚到衝咗落街！所以今次我驚薑食和味龍，簡直係我歷史性既時刻。不過真係要推介下，事關原來蟲既味道係咁鮮。我係gathering中既一個new-comer，一坐底都未同大家傾未夠十句，就已經有人將一碟"曱甴"放係張台度，其實果時我諗住食少少蟲warm up下先，所以果陣驚得黎都唔知點好，唯有硬著頭皮，頂硬上。我想講俾未食過和味龍、而又驚曱甴既朋友知，食果陣其實已經搣晒曱甴最恐怖既部份，所以入口果陣既外型其實都可以接受架喇。味道鮮甜，老闆話係啜d汁，但係我食第二隻果陣發覺其實有少少羔，我食埋，都ok喎！蜂蛹我覺得係果晚咁多蟲之中，最好味既一隻！味道似蝦。竹蟲就其次好食既一種，味道冇蜂蛹咁濃。蘆葦虫--我真係覺得好似桃哈多，不過同木蟲一樣，條蟲越大條就好似冇咁好食，可能真係同個皮太韌。大致上好似最初上台既野食都好味d，好味指數隨著出場次序遞減。禾蟲蒸蛋好味過先前果幾碟蟲，可能係蒸既關係，食落口既口感比較好、比較滑、味道仲鮮，如果可以成兜俾晒我食既話，送飯一流！我好鍾意呢個餸！水煮魚係蟲以外既道選推介。如果一大

如果上周元朗蛇王如飯局,比人label另類的話,昨夜新蒲崗"和味館",比蛇宴更加小眾.即係在國際電影節入面,有Melinda vs Melinda唔睇,而走去睇"9 songs".話雖如此,出席人數比蛇宴更多,一位咁大把.夠薑十三小強,應該無形容錯嘛.和味館在新蒲崗有好一段日子,身邊朋友唔好此道,一直絕緣,難得KC兄搞局,當然要捧場.執口水尾,身為全港最大最受歡迎飲食網站,從未正式搞過此類"小眾"飯局,又真係太不像話.當年寶記除左有譚校長,一樣有達明一派等組合並全,就係呢個道理.全港只此一家,供應昆虫菜式,亦係今夜來主要目的.所有菜由KC發瓣,例牌不用操心.首先上桌係鹽焗龍蝨,俗稱.叫水"小強".外表的確嚇人,真係同隻小強無兩樣.食法就係剝殼剝腳,只取其汁,甘香非常.連第一次出席gathering的一號蝗虫,吃罷話今後唔再驚小強.之前聽聞龍蝨對男仕們來講,對某些功能,特別有效.姑且聽之.蜂蛹係咁多隻虫當中,質感最豐富之一位成員.咬落感覺很粉.相信蛋白質,非常豐富.其後竹虫,食味同口感,似足蝦條.如果覺得睇波送蝦條食到厭左的話.不妨諗諗佢.再黎蘆葦虫,無論外型,同食味,基本上係走牛油的桃

成日經過見好多人, 有日同朋友去開果頭決定入去試試一睇過菜牌, 嘩, 乜咁多古怪野架居然有禾蟲, 朁蟲, 蜂蛹同龍蝨等昆蟲做既菜色賣我都真係第一次去有依d野食賣既舖頭雖然我平時乜都食, 但講到昆蟲難免有d難接受但咁難得黎到又無理由唔試下, 於是最後都叫左個禾蟲焗蛋砵, 加多個醉雞煱, 油爆鮮魷同上湯豆苗油爆鮮魷唔得, 上枱時凍左一半, 完全唔香口醉雞鍋唔錯, 雖然酒味唔太勁但雞好滑同有雞味, 只係雞件數量太少, 唔夠食豆苗又好味又大碟, 送飯靠晒佢\食晒等左半個鐘, 追左無數次, 終於先到禾蟲出場禾蟲焗蛋原砵上, 食落去口感同魚肉蒸蛋差唔多, 但總係覺得有陣味, 但可以接受到總括黎講幾有特式, 衰在服務同上菜速度有待改善有機會下次挑戰d大條d既

君無戲言, 講就要做...........1:10am到增輝, d煲仔唔見哂既, 暗叫不妙, 略帶江湖味既女侍應走近, 女侍應: 咩呀, 又煲仔飯呀, 冇啦, 今年唔做煲仔飯啦, 但係今年有新, 你睇今期飲食男女啦.仁: 點解呀? 宜家邊度重有呀?女侍應: 咩呀, 一定要煲仔飯呀?仁: 係呀, 要"得"既.女侍應: 咩呀,"得"既? 冇呀, 睇今期飲食男女啦.仁: 啊....咁就唔見五分鐘, 點好呢? 有, 和味館!1:25am到和味館,馬上同老細落單.仁: 三個煲仔飯行街, 一個窩蛋牛肉加兩條潤腸, 一個豉汁排骨, 一個滑雞. 快, 趕時間!老板娘: 一個滑蛋牛, 一個排骨加潤腸, 一個雞加臘腸.老細: 咩呀, 你係咪黐卵左線呀! (跟住, 一批想信此店沒有出售既菜, 包括有: 超記鹵味蟹, 狗, 家橙, 卵,大量由老細口中衝出)老細: 人地要窩蛋牛肉加兩條潤腸, 排骨同雞呀, 你聽乜卵呀.老板娘:咪, 滑蛋牛加臘腸, 排骨同雞呀. 佰世蚊啞老細:你講乜卵呀! (此店沒有出售既菜再次由老細口中重覆, 同時將音量提高至頂點)仁: 細煲仔飯幾錢呀?老細: 四十.老板娘:加臘腸, 加10

用上杞子冬菇加上紹興酒做湯底，小了一些湯渣型的其他材料。最重要的，係用新鮮走地黃油雞。 雖然仍然係較肥，但有雞味就係有雞味。何謂雞味？當咬落舊雞度時，入口的唔係雪味而係一種油香味。雞肉彈牙而不實，能夠從肌肉中間分開，咁就為之雞味。

呢度有禾蟲食0架,貪得意試0下...咦,都几好食0番,有種好吸引0既甘香.但最好食都係隻和味雞,咸咸香香嫩滑又入味,食到有金華火腿香味,好正.另外呢度D小炒都唔錯0架,所以夜晚好多人幫趁0者