Woodsage

Open Now

Now Closed

openrice 訂3位，準時到後安排入座，坐在貼近水吧位座位，睇完餐牌後落單，當等待上菜時有位戴眼鏡員工問我哋係幾多位，當知道係3位後，要求我地轉去隔離位，問她原因她說得不清楚但又提及3位，問題係原位同隔離位都係4人位，真係令人不解，今次係再次幫襯，但相信係最後一次🤨

記得幾年前梁祖堯推介過呢間餐廳，就算相隔幾年，水準一樣keep到👍🏻仲轉咗新menu，除咗有舊menu嘅嘢食，仲加咗d新菜式。———辣肉腸蟹肉忌廉薯餅 $68上枱時熱辣辣，炸得好香脆———蟹肉墨魚汁意粉 $108充滿墨魚汁，味道好香濃😋意粉煮得啱啱好，唔會太淋，口感好彈牙👍🏻蟹肉撈埋墨魚汁之後唔太食得出蟹味，如果係墨魚/帶子會更美味。———龍蝦汁海鮮焗飯 $90芝士控表示好滿足，因為充滿住芝士🤤裡面d料有蝦，青口，魷魚。蝦肉煮得幾好，好爽彈。我覺得呢間餐廳嘅食物味道都幾細緻，絕對值得一試👍🏻加一後2人埋單$292，人均$146

呢日嚟到一間朋友介紹嘅餐廳，位於元朗，叫做 Woodsage，真係好好食！非常推薦大家去試試！💕 餐廳主打泰國西式 Fusion，我哋三個人點咗兩個主食、一個小食，仲有三杯飲品。兩個 pasta（冬陰功海鮮同埋卡邦尼）都非常出色，但如果要我揀一個，我會選擇卡邦尼多啲。兩個 pasta 都掛汁好香，啲粉煙韌有口感，食落好滿足。冬陰功的味道酸酸辣辣，真係好開胃，特別適合夏天食。而卡邦尼就冇平時咁滯，口感輕盈，食完都唔會感覺沉重。至於鹹蛋黃薯條，鹹蛋味好香濃，搭配埋薯條，簡直係絕配！我們嘅三杯飲品分別係士多啤梨 smoothie、泰式奶茶，同埋奶蓋抹茶拿鐵。全部飲品都唔會太甜，反而有啲驚喜，真係好味！🤩最重要嘅係，唔理價錢隨意叫食物，埋單只係 $401！😱以呢個質素真係非常划算。我一定會再帶朋友去食架！🥳

身為元朗人嘅小編梗係會explore 下呢度唔同嘅Cafe啦而呢間係我encore 超多次午市超抵嘅好食Cafe明太子蟹肉忌廉意大利粉$72🍝7/10忌廉同明太子味道都唔錯不過就略嫌忌廉可能太重明太子唔夠但係意粉都有啖啖蟹肉味Cafe嚟講呢個價位嘅蟹肉意粉算唔錯粟米芝士雞肉墨西哥配薯條$68 8/10個人認為嚟呢度好推介嘅墨西哥卷有脆脆嘅感覺入面嘅芝士亦都做到拉絲嘅效果🧀🧀配埋粟米同雞肉真係好正🤤🤤🤤係真係一個超級好食嘅wrap

已經幫襯左呢間小店好多次, 今次各自試左幾個set, 流心蛋燒豬頸肉飯, 咖哩吉列蝦同紅咖哩肉鬆札肉飯.流心蛋燒豬頸肉飯, 沙律菜配柚子汁, 清新.豬頸肉唔肥, 入味, 如果多一塊會更好.咖哩吉列蝦飯, 咖哩汁有椰香, 吉脆蝦熱辣辣, 好脆口, 呢個值得推介.紅咖哩肉鬆札肉飯, 咖哩汁辣度適中, 札肉口感好好, 如果多一塊會更好, 男士可能唔夠食, 不過整體上好好食.Lunch黎講呢間抵食, 套餐跟凍芒果紅茶/青檸梳打, 兩款都好飲; 另外menu應該一兩星期轉一次, 如果可以星期為單位(一至日不同menu)會更好.

回頭度🍪7.5/10｜人均消費💰~$60-100- 🤍大蝦喇沙湯金邊粉 $65湯底有椰香🥥金邊粉好索湯食咗一啖都覺得惹味🤤有蝦🦞蛋🍳同埋豆卜但朋友覺得有啲太辣🤣味道🌕🌕🌕🌗🌑-🤍香葉肉碎臘腸意大利麵 $56番茄味偏重🍅都有唔少肉碎🍝惹味到食唔停口😋但覺得辣啲同乾身啲會比較有泰式嘅感覺🤣味道🌕🌕🌕🌗🌑-整體味道🌕🌕🌕🌗🌑抵食🌕🌕🌕🌕🌑

有一段時間無食突然又有啲掛住Woodsage,所以呢日第一次嚟食午餐。我同朋友超好彩地坐左最後兩個位，最後我哋叫左流心蛋燒豬頸肉飯、粟米芝士雞肉墨西哥卷配薯條再加個芒果糯米飯。因為全場都係岩岩入座既原因，我哋叫左嘢食上左飲品後，最後等左近半個鐘先有嘢食上🥲好彩最後都無搞到朋友返工遲到嘢食方面，燒豬頸肉幾好食，點埋應該係沙嗲汁一齊食就更好食。 個墨西哥卷朋友話覺得太少料，而我就覺得ok, 個皮剪到脆左幾好食。 最後芒果糯米飯就同平時一樣咁好食😋

假日食brunch好去處餐廳環境木系，坐得舒服。而且假日menu每個餐都附送飲品！All Day Breakfast 賣相吸引，最有驚喜係薯絲蝦！炸得好脆好絲！軟殼蟹星洲蕃茄意大利麵軟殼蟹好大隻，炸得好脆；調味微辣，加上甜甜蕃茄仔及洋蔥，食落好清新又惹味！加上意粉份量頗多！

元朗好多泰國嘢食，呢間位於內街嘅泰式西餐廳，佈置走簡約嘅工業風格，感覺舒服。食物有驚喜，下次可以食埋其他款式，去發掘更多驚喜。 🔸奶蓋泰式奶茶 $35⭐飲落有驚喜⭐厚厚嘅奶蓋好杰身，入口好滑，帶少少咸😋出面嘅泰式奶茶好多都好鬼甜😑 呢到嘅甜度是微甜，合適香港人嘅口味👍 泰茶底好香好出色👍 分開飲有兩個層次，搞埋一齊飲又另一感覺😋 最勁係個奶蓋由食飯前挻到食完飯都仲係咁creamy 😋 飲完一杯都幾飽😝🔸冬蔭公海鮮意大利麵$108睇字面都知呢個菜有創意😎估吾到西mix 泰mix得出嚟好夾無違和感🤩有驚喜😋 酸酸地微辣嘅冬蔭公汁夠濃夠creamy, 每夾一條扁意粉都掛到冬蔭公汁，扁意粉有口感煙韌，配帶大蝦，青口同埋魷魚😋 呢碟意粉好有驚喜👍🔸炸軟殼蟹青咖哩配烤餅$98軟殼蟹炸得好脆，入口唔油膩😋 青咖哩內有西蘭花，翠肉瓜，小蕃茄，粟米仔都幾豐富😊略嫌個汁稀咗少少，杰返少少用來點烤餅會更好食😋 炸嘢旁邊有沙律菜，好似有解膩嘅作用，很清新😋🔸柚子梳打$32金色嘅柚子漿配藍色嘅梳打水，打咭able 很吸晴😍 柚子與梳打水比例很好，飲落唔會很甜😊

已訪N次穩陣好食泰西fusion，泰奶最正要奶爆😛・・・・・・・・・・・・・・・・・・・・🍜 冬蔭公海鮮意大利麵 HK$108・味道：酸酸地微辣嘅creamy扁麵，泰mix西mix得幾夾，開胃！不過個人覺得可以酸辣味再重啲更正！鮮蝦青口新鮮彈口。幾大份，食完會幾滿足嘅份量！・口感：個扁麵幾有咬口而且幾彈，冬蔭公creamy汁幾掛汁～🦀 蟹肉蟹籽墨汁意大利飯 HK$108・味道：呢個幾surprise，調味啱啱好，出面食開嘅墨汁risotto都係偏鹹，呢款完全冇喎！反而係用蟹籽新鮮鹹香爆返出嚟，蟹肉正常發揮，唔係霉但唔算好新鮮。・口感：飯粒係幾外硬內軟嘅意大利飯，煙韌好食的。🦑 泰式辣炒魷魚 HK$108・味道：呢款個冬蔭公酸辣味就夠正喇，真心正！夠辣，辣波大喜。・口感：動L級彈牙，唔韌好鮮，yum yum！🧋 泰式奶茶 HK$18 (原價$30，套餐-$12)・味道：出色的，甜度完全係港式，唔係泰式糖尿病嗰種XD，0甜波對呢個三分甜讚好，泰茶底好出好香口！・口感：好滑身香醇，唔澀順喉，要試！・・・・・・・・・・・・・・・・・・・・🤰性價比：高～🤰9衝度：9衝～🤰結論：食過幾次，每次製作

這家Café距離港鐵「朗屏站」大約5分鐘步程，剛到達餐廳已經有超多人在等候，如果不想排隊的話，也可以跟我們一樣先用電話訂座。這家餐廳同樣設有限時（大約60/90分鐘），這點要注意！說起Café，通常會想起西式料理，不過這家餐廳非常特別，主打泰西fusion菜，例如「冬陰公海鮮忌廉意大利麵」、「紅咖哩海鮮薄餅」、「泰茶tiramisu」等，在西式的食物上加上泰式食物的元素，感覺比一般的Café更有特色，而且也能品嚐泰國最有名的「芒果糯米飯」，很適合喜歡泰國菜的人！這次我選擇了「大蔥鴨肉薄餅」（$94），薄餅很薄而且很香脆，每一塊都能夠吃到鴨肉，鴨肉與鹹鹹甜甜的醬汁很搭配，加上大蔥的香味，整個薄餅都很美味！朋友則選擇了「咸蛋黃豆腐蟹肉配飯」（$128），朋友說雖然沒有咸蛋味，但是配蟹肉的咖哩汁很香濃，十分美味！

想喺朗屏站附近同朋友搵個地方慢慢食吓野傾吓計，無意中就發掘到呢間工業文青風Cafe，望落去以為只係一間西式cafe，點知原來呢到係主打西泰fusion菜～凱薩沙津+雞胸💰HK$83超足料，雞胸肉唔會dry，勁多生菜，感覺清新解膩～黑松露芝士薯條💰HK$52黑松露醬好好味，粗薯條夠哂熱辣辣同香脆，食到停唔到口～冬蔭公忌廉海鮮意大利麵💰HK$108聽到冬陰功忌廉好似幾特別，即刻叫咗嚟食下，個醬汁食得出係呢到自家特製嘅，味道夠濃，意大利麵口感煙韌，仲有大大隻蝦、青口同埋魷魚，成碟野好出色～Mocha💰HK$38個拉花好靚，濃濃嘅朱古力咖啡～總結係呢到啲食物價錢唔貴又大份，下次要再試埋其他有特色嘅西泰fusion菜式先～

由佢開業至今，一直都保持住水準🤩真心唔容易。而我都仲會周不時幫襯，因為佢嘅嘢食真係從來都冇令過我失望，每次去都食唔同嘅嘢，每次都係好食嘅😚呢一個價錢，呢個質素，絕對感受到佢每樣嘢食嘅用心製作😌有好多西餐廳就係個價位差唔多，但係啲嘢食嘅質量真係好普通。佢嘅質量絕對對得住佢嘅價錢！性價比好高👍🏻仲記得佢19年嘅時候超多人食，排隊都排到傻。而家新餐廳越來越多，已經冇咁多人食。我係星期日晏晝去食唔使等位直接入得😜✨大頭蝦星洲蕃茄忌廉意大利麵 $118👍🏻👍🏻👍🏻佢嘅蕃茄忌廉醬唔係就咁買返嚟嘅醬汁，食得出佢調配得好好😋而且意大利麵係煙靭嘅，唔係嗰啲一咬就爛！加埋佢大大隻蝦🦐正！✨黑醋燉牛面肉配白汁薯糰 $148👍🏻👍🏻👍🏻牛面肉淋身，一咬成口肉汁，而且加埋個黑醋汁超夾！仲要佢嗰個薯糰（gnocchi）唔係度度都有得食！gnocchi係意大利粉嘅一種，用麵粉加埋薯仔搓成麵團，口感有啲似像年糕，但比較軟身一啲！佢嘅牛面肉已經夠特別，再加埋呢個薯糰，簡直係誠意之作！📍Woodsage元朗福田徑2-16號樂富大廈地下7號舖

2023-08-15呢日一家人食飯，total 四大兩小，因為之前食過所以介紹屋企人食呢間。因為小朋友們都表示好肚餓所以叫既嘢食比較多。因為我哋人數比較多，我哋已經早咗食，但都等左一陣先有位。坐低後叫完嘢食都好快地上齊晒。Overall, 呢餐飯性價比超高😬最好食既係炒雜菜、原隻烤魷魚、烤雞同糯米飯！炒雜菜好有細個既味道，烤雞都好夠味同埋肉質好嫩。入面仲有兩個薯仔，小朋友好開心地清晒🤣糯米飯算係暫時係香港食過好食既糯米飯top 3,椰汁都好香。其他食物都有中上，而咁多嘢加埋都係$726 咋，超抵食！😋

今日去試咗lunch menu嘅藍青口明太子湯烏冬同忌廉蕃茄牛柳意粉👉藍青口明太子湯烏冬烏冬的確好多青口但個湯勁淡完全食唔出明太子味近乎普通烚烏冬仲要好奇怪地無啦啦有幾粒唔索湯嘅豆卜成個組合極奇怪😂👉忌廉蕃茄牛柳意粉一食落口完全係屋企都炒到嘅味，冇層次得嚟蕃茄味極單調，個牛柳就普普通通，至少有味過個烏冬👍唯一值得讚嘅係waiter態度幾好而且環境唔錯幾好坐但嘢食真心完全唔及水準唔會再有下次😀