Wow! Burger (Closed)

每次來到總想叫芝士牛肉漢堡，十分好食！漢堡又多汁又咸淡適中，加上芝士後十分配合，還有沙津醬，口感很豐富！而包方面亦很不錯，有點溫度有點脆，總之整體上都很配合。另外，我們每次總要加錢要薯格，又脆又有薯仔味！

是日約了我d好朋友仔一起去筲箕灣搵野食。其中一個朋友仔介紹呢間burger店。於是入去試啦，佢d burger 都幾吸引三心兩意既我同一個朋友仔share兩個set一個他他醬魚柳包set同辣汁脆雞包set。再加錢要薯格同轉特飲伊甸園。等左三個字，終於都到啦。個特飲伊甸園係FRUIT PUNCH，OK薯格新鮮滾熱辣，脆呵呵。兩個包夠熱，好好味。OVERALL好LIKE佢既即整，保持質素好。而且個price唔貴，同連鎖快餐店差唔多，仲好食過佢地tim不過服務同衛生not good要改善下今次算佢啦，冇介紹錯。

b車我放工，去左東大街搵野食見到有間漢堡店就二話不說入左去可能接近閂門，有部份既野食都已經賣晒亦因小女子唔食牛肉，所以變相選擇無多點了一個他他醬魚柳漢堡餐同一個燒汁雞肉漢堡等既時候經已聞到好香，心中滿有期待呢兩個漢堡都係新鮮熱辣出爐其中個燒汁雞肉漢堡好好味d汁同整個漢堡都好夾，真係不枉此行快快的食完，人家就要關門了

灣仔活道附近有間 Wow！Burger，經常經過但都沒有機會入去一試。 今次和友人來到東大街，又看到Wow！Burger，友人說牛肉漢堡很美味，一定要一試。 我們便走進這裏，試一試他們得意之作...環境尚可，不算太大陣油煙味...Meun 選擇不多，有幾款漢堡，不包薯條已經要三十多元...比起連鎖霸王的麥XX，和漢堡包連鎖的 Burger Kxxx 都要來得貴...如果要薯條，又要另加錢... 不知道這裏的包是不是相值這價錢...點了： 招牌的牛肉漢堡一看到包... 幾乎是O了咀，甩手之作品，麵包和牛肉分離很開，蕃茄和菜自動甩哂出嚟... 亳無美感...吃到人輪輪盡盡，醬汁不夠多，麵包烘過但烘得太HEA... 牛肉雖然鮮味，但因為麵包不夠熱，微暖又不脆，整個包的價值立即插水式下降... 廿幾元買一個水平如此低的包，除了想跟這店 Say goodbye，都沒有別的意願... 看到職員百無聊賴在得意地交談... 都有一絲失望，與失這樣空閒，何不可以用心做一個包！？唉. 焗薯又一 Hea 爆之作... 賣相嚇親人...芝士明顯焗得不夠耐，到底是食材本身問題，或者人手製作時間不夠的問題？

嘩....哩間wow....真係不得了!!絕對好味過m記同埋漢堡包專門店,,食過一次之後搞到我成日都有郁郁要去食,,店面好細,,坐得廿人倒,,不過唔知點解通常都唔滿,,都唔駛等位..包全部都係即叫即整..要等差唔多十五廿分鍾..最最最鍾意食佢既芝士牛肉漢堡,,正到爆..佢塊牛肉好厚架.,重有佢既芝士加埋沙律醬...好好味啊!!雖然個價錢唔算平,,又唔係好大個..不過都絕對飽..我有時一個星期都會食兩三次~不過分店就得2間..唔怪得唔出名啦...

原本想食出名云吞面因為冇位轉戰包包店!!鋪位細細空間都夠大~1行5人~有位坐梗係殺入去la*當中2人叫芝士牛肉漢堡牛肉漢堡雞翼其實3位都類似的東西款式真少!! 睇menu睇到有d唔開心*我坐爐附近~ 睇住店員整包包包包即叫即整~ 睇落就覺得好好味"包到即食~~~熱辣辣~ 牛肉好juicy!!係我食過最好味o既牛肉包包!!!!芝牛包包仲正~~當然愛芝士o既人就1定要揀呢個la*芝士包包咬1口~~芝士連住包包可以做到pizzaH賣廣告o既誇張效果!! 勁~~~bugerK仲未開甘多分店時都覺得bugerK好味嫁la*而家呢間真係令到bugerK即時比下去~~~講埋雞翼~可能都係即叫即整關係~都幾好味可惜分店太少~有諗過再去灣仔分店試試~不過仲未去~

去完大浪灣, 跟朋友一行六人出返筲箕灣吃晚餐.我們大部分人都吃芝士牛肉漢堡, 而我就吃香辣雞肉漢堡 (只comment on這個吧 )漢堡的雞肉又滑又熱辣辣, 而配料 - 無論是生菜, 洋蔥, 番茄都好新鮮, 只是若洋蔥的份量再多一點就更好! 醬汁也真是一流, 令漢堡變得超香口 : )汽水單售$8, 其他(如檸水檸蜜咖啡奶茶)單售$12, 特飲單售$15. 但跟餐的飲料, 不論是選最便宜的汽水還是最貴的特飲都不用加錢呢 : p 總言之, 與其花上差不多價錢光顧麥當奴 / 肯德基, 倒不如走遠一點 (或灣仔分店), 到這裡享受更高質素的漢堡. 如果尖沙咀分店還在就好喇!

這裡的 Burger 是即叫即做, 剛烤好的烤雞腿漢堡新鮮熱辣奉上, 燒烤醬汁味道十足, 烤雞腿香嫩, 生菜洋蔥能再多加一點更好. 可惜沒有任加自選醬料, 而且 combo 餐只是多加一杯汽水, 份量略嫌不足... 當然這個價錢到麥記一定嘆不到如此質素的漢堡.

嘗試了好幾次，第一次食牛肉漢堡！係即叫即整，牛肉整完超多汁！好香牛肉味，加上沙拉醬真係極頂！第二次食雞肉漢堡，自己估雞會比較乾，但一樣多汁！個麵包好香口又脆口！２個包都一樣咁好味！只係價錢就比較貴

一向好喜歡burger近水樓台就試試這間東大街相比其他店舖, 這裡算是冷清得可憐叫了2個餐burger味道不錯夠熱也夠fresh多士就嘛嘛不過已經咁少人都漏單扣少少分

在愛東行了一會, 距晚飯還有一段時間, 來東大街吃個下午茶也好. 就走進這家漢堡包店. 店內不是很大, 只有數張枱, 餐牌花哩胡碌的, 我要頗費神才揀選到食乜. 叫了個芝士漢堡+汽水, 粒粒西多名堂也俱吸引力, 來一個試試吧... 先來粒粒西多, 看見有點後悔叫了這個, 不是賣相的問題, 只想到炸的包面比平時吃的西多多出很多, 那就不是會很熱氣嗎? 西多內沒有花生醬餡, 只靠鋪面的糖醬, 比較單調... 漢堡包不見得巨大, 也不特出, 未有wow一聲的感覺, 漢堡牛肉味道還可以, 但嫌牛味不足... 落單時員工只在談笑風生, 未顧及客人的感受, 實在失敗!

昨天(2010年1月18日 20:34:25)心血來潮, 到Wow再品嚐粒粒西多, 不知會否再遇到...這天的粒粒西多放到我面前的時候, 依然有油泡在西多面上爆破...這天手起"機"落...影相, 要快...西多要涼了!這天依然"保然水準", caramel不太甜; 不過, 真的希望可以多些蛋味...食了半份西多的時候, 焗薯又放到我面前.咦, 焗薯皮有差不多70mm長, 附有約10mm的薯肉.薯皮應該是先炸, 後放上肉醬和芝士再焗.用的不是濃味芝士, 不會蓋過薯肉味.會是可以飽肚的選擇.不過, 好像太油... 如果有其他選擇...(發噏風) **比喻說...50mm長的薯皮+5mm的薯肉+(任選一款: 炸煙肉碎+芝士 或 pama ham)又或者...70mm長的薯皮+10mm的薯肉+(任選一款: 鵪鶉蛋 或 XO醬)...這個太中式化, 不合這裡的格調, 嘻.**~承惠~ $18.00 芝士肉醬焗薯皮$15.00 焦糖西多士$15.00 薄荷百香果~~~~~~~~~~~~~~~~~~$48.00 總計~~~~~~~~~~~~~~~~~~笑(正，開飯之選) 和 OK(普通，一試無妨

一條友行去筲箕灣搵食見ＷＯＷ個招牌好搶眼去試一試叫了個芝士漢堡餐＋薄菏特飲等了十分鐘才有得食牛肉份量不小．漢堡飽軟軟的薄菏特飲只是一般薄菏梳打總算味道不錯

星期二，寒冷天氣警告生效嘅第二天。一切同水有關嘅活動，包括煮飯、洗碗都要停一停。在筲箕灣東大街走著，經過此店，想試一試這裡的漢堡包。點了一份套餐，有芝士牛肉漢堡包、薯條及菊花檸蜜，值四十六蚊。太座要了他他魚柳漢堡，連餐飲是三十二蚊，另加一份芝士肉醬焗薯皮($18)。牛肉漢堡大小適中，不是太厚，可以一次過咬下，無需「分層」享用。漢堡扒表面煎得不夠好，未能鎖住肉汁，牛肉嘅鮮味流失了不少，結果是淡而無味。芝士是硬生生的放在漢堡扒上，沒有溶化嘅芝士，亦感受唔到芝士嘅奶香味，失望極了。幸好蕃茄生菜都是水份豐富；魚柳包是有驚喜的，雖然魚柳脆皮比較厚身，但成功地鎖住肉汁，故魚柳食落是鮮美多汁的。薯條不是直直一條，是有如彈簧般蜷曲的，十分香口；最後是焗薯皮，並非只是薯皮一塊，實情是薯皮連著不少薯仔肉，在上邊鋪上了芝士肉醬，單吃此小食已可飽幾分了。這個套餐嘅訂價，與其他大型連鎖漢堡包店如Burger King、MOS Burger等相若。主打牛肉漢堡不濟，就算其他包類較優勝，也顯得蝕底少少。

行過東大街,見其他都好貴就試下呢間wow!點了個$25牛堡tea time:加$3多一杯22oz可樂(good)之後就等 等等等....都幾耐下不過出來的牛堡真係幾正牛肉汁好多,mc個至尊都無得比個沙律汁又好吃如果話係我吃過中的最好吃的漢堡包都不為過要彈,就係個combo都唔知有咩,無寫清楚,但如果只是多杯汽水野飲,咁又貴左少少