好叉好味 (多寶樓) (Closed)

第一次食呢一間係一年前啱啱開業時，嗰陣OpenRice 外賣自取焦蜜叉燒飯係46蚊，依家再食就加到49蚊。由開鋪嗰陣就成日諗點解唔係每日都排長龍，可能係因為價錢太平，附近返工既人睇唔上眼，又或者因為無堂食，又或者叉燒飯太單一唔能夠滿足所有人既慾望（男同事可能鐘意食，但係女同事未必鐘意，所以夾埋一齊都未必會考慮呢一間）。講返食物質素，飯有焦香味係一大賣點，食落非常好食，配上惹味豉油汁同香煎流心蛋，每次食都忍唔住清哂啲飯。再食一啖叉味濃郁的半肥瘦叉燒，真係好叉好食！！

食佐好多次，一直都好中意食佢哋嘅蜜汁叉燒菜飯，今次食到一半，竟然有鋼絲！差啲吞佐！😅😅唔係好明已經全部都係外賣嘢，淨係食物都會有呢種情況出現，希望之後有所改善！

一年多前係灣仔瑞安中心食過叉燒辛麻菜飯，一試難忘，叉燒滑又香，菜飯正又唔太濕，辣度適中。鰂魚涌店新開時都有幫襯過，但冇瑞安中心的那間店好味。見咁耐冇食今晚買咗兩個叉燒、一個雞菜飯睇下有冇改善，打開個蓋見到煎燶蛋好吸引，我仲話比屋企人知好好食㗎！大家大啖食落去，嘩！啲叉燒同雞好‘鞋’飯又多水，啲辣放咗勁多⋯⋯噴火咁滯🔥謂阿老闆，麻煩你睇睇比番啲質素，鰂魚涌店初開時排晒隊買，成50幾蚊一個飯唔係平架，抽時間落舖跟下🙏🏼

公司同事不斷吹奏 好叉好味 真係好X好味平時lunch hour 時間亦見門口經常大排長龍今日終於有機會 買個焦蜜雙拼白飯外賣 一嘗其風采點知一試 慘過食西北風首先，先唔講成盒飯 因為淋左豉油&汁 加上 俾個勁實嘅蓋焗住 外賣嘅時間 令啲飯濕到好似食漿糊的口感其主打嘅叉燒 先至係不了不了嘅最大原因好食嘅蜜汁叉燒 半肥瘦，鬆 ，蜜糖味，豬肉味 適當的咸味 五大因素 缺一不可但今次我食到嘅 只有干，柴，酸係呀，你冇聽錯 係酸!!!!!!!!!一間主打叉燒的食店 佢嘅叉燒竟然食到酸味！你話如果 $3x 嘅叉燒飯 我會講 算啦 咕一聲呑落肚但你同我講盒野 $5x - $60 我會話 我X你X味 冇下次！

可樂經常未雪凍已經難飲，還要在客人未拿外賣之前與其他食物一起一袋過放入暖櫃，本來是好意，但可樂放入暖櫃簡直no sense亦是懶惰的表現。炎夏將至，就算是冬天，相信都無人會想飲暖可樂吧！請盡快改善，不想每次都要花時間自己將可樂再雪凍才可飲用。叫雞肉义燒雙拼，次次雞肉少還要多雞皮，現在也不敢叫了，明顯欺場，雞收得貴點但還要俾咁少，實在有問題！此店人手不足，當疫情嚴重時不多人買飯還好，一多點人就要拿外賣的客人，不輪在app還是現場買的叫幾次唔該都無人理，收銀得一個人，入面的職員又手忙腳亂，請做事快手跟專業點吧，打工仔實在沒太多時間等！

令小弟忍唔住動筆畫畫介紹嘅打工仔恩物來了🥹//如果係太古附近返工嘅人都知一放飯成個鰂魚涌都變成掠食地獄 ☠️所以Takeaway Shops其實都有佢嘅Market最近一次番去就試左依間幾搶眼嘅叉燒專門店 🐷🐷//因為遲落單所以等左三四個字但一揭開就有驚喜！我呢 就會話隻燶邊太陽蛋其實先係成杯(?)飯嘅主角 🫶🏻真係好少可見到太陽蛋煎到脆邊咁上仲要keep到隻蛋黃咁流心 🥹🥹因為杯飯都唔細 所以蛋汁唔太夠撈飯如果唔係真係正到喊(飯底如果可以比少少甜豉油/煲仔飯豉油就一絕了) 😤//因為佢都幾深 撩開左咁影都唔太靚 haha所以不才嘅小弟畫左個Section比大家參考參考 😳我果日叫左WOW焦蜜雙拼菜飯 有叉燒同烤雞佢另外仲有啲好邪惡嘅爆蒜味 黃金味etc.可以揀選揀困難嘅我掙扎左好耐 🙈雖然我揀嘅係基本款 不過都非常唔錯叉燒都係半肥瘦 有幾舊再偏肥啲啲甜甜地嘅蜜汁叉燒令我有少少後悔叫左烤雞🤣(烤雞其實都唔差㗎！不過叉燒好食啲🫢但食全杯叉燒又可能有啲膩 唔知呢？)//分數: 9/10✨前提係用OpenRice外賣自取會有7折60蚊變42蚊實在令人驚喜！朋友好叻！原價會扣翻0.5分 🫣🤣(岩

食咗幾次wow叉燒！一見到隻豬就覺得好得意！個外買飯盒好特別，圓桶型外面都有嗰隻豬🐷😅一打開全部首先係隻太陽蛋，然後就有好多叉燒！啖啖肉！wow叉燒仲好有心機，一層肉，一層飯，再一層肉，再一層飯。令你一路食，一路有叉燒送飯。唔止有豉油撈飯，仲有蛋汁撈飯添。個飯仲可以揀菜飯，不過啲菜略嫌少咗啲。咁耐以黎試左三款叉燒飯，每次嘅叉燒肥瘦都好適中！少少燶邊😋🔸焦蜜即係原味嘅叉燒飯，都不錯！評分：7.5/10價錢：$54🔸柚香幾清新，同原味有啲似，都係甜甜地，不過多咗啲柚子味評分：7/10價錢：$58🔸辛麻呢個最惹味！我最鐘意食呢個😆評分：8/10價錢：$58上圖係食過嘅一次温泉蛋，唔係太陽蛋。不過個人覺得太陽蛋好味啲😆

我想食佢好耐嫁喇🤩#辛麻叉燒菜飯 🐷真係 好～好～味～呀～叉燒肥瘦適中，麻辣又好惹味佢仲要好細心，除咗飯面舖咗一層叉燒中層都有一層，唔怕食完上半之後下半要齋扒飯不過啲飯腍咗啲

朋友打比我,叫我唔好食飯,佢買野我食,講到咁更係留肚啦,原來佢買左好叉好味既新出品,香酥烤雞卷比我,佢話佢一見新出,已經買左叉燒卷試過,好食所以買比我試XD都係,哩排少左去鰂魚涌做野,有新野出都唔知,同潛艇一樣,用紙包住一卷,打開睇,原來係手抓餅,包住烤雞或叉燒,同埋沙律菜,咦,個酥餅....有蔥既....原來係蔥油餅.Oh...但係聞落又唔係咁重蔥味喎,個餅都烤得幾靚,金黃色唔太燶,好彩...食落又唔重蔥味,仲幾香添.酥脆蔥油餅包住沙律菜,有少少沙律醬,蜜味烤雞,甜甜地,今次舊雞好滑,唔錯,就咁搣開張紙,單手食都方便,可以做住野食吖,如果我買的話,就會買辣雞啦,辛麻辣雞配酥香蔥油餅應該仲正XDD話說.添福都有凍雞卷,不過唔係用手抓餅/蔥油餅,兩種風味都好食,哎呀,又想食XDD搵日一凍一熱一次過一齊食XD

好叉好味地址: 鰂魚涌海堤街2號多寶樓地下E5號舖焦蜜叉燒你就食得多，柚香叉燒你又食過未😌？層層杯呢個idea就係幾新奇，柚香叉燒菜飯 🥡 $54，底係一層菜飯跟住一層叉燒，叉燒同菜飯係一層一層咁梅花間竹，然後再係飯面上放咗一隻燶邊煎蛋🍳。成杯有成兩層都係叉燒，仲要舊舊粒粒叉燒都好厚切😋，甜甜鹹鹹的焦蜜味，再加試蛋黃與甜豉油融入飯底中，令到成個味道豐潤渾厚層次再加升華，正😆。#nicefoodie鰂魚涌

叫呢個名真係有啲自大，其實好鬼普通，一D都唔可以叫好味～好多燒味舖嘅叉燒又平又好食過佢～呢啲新派叉燒舖流流地得個樣～老闆你去多啲唔同嘅地方食吓人哋咩叫做义燒先啦⋯⋯

上次wills 老闆見到我post哩個叉燒飯,佢都想試下,我經開就買個比wills老闆試啦,見到有新既冬季限定,係焦蜜臘腸同辛麻臘腸,姐係叉燒撈臘腸飯,跟住見到哩張紙,的確之前d飯真係好大碗,食唔曬都唔奇既,不過我都係想d 雞切返細d,最衰都係d 投訴L,有新既有汽水,試飲價,要埋,今次仲可以分開豉油添,不過,老實啦,繁忙時間我就唔會要人咁做啦,不過我次次買都係過左lunch time,冇人先買XD又不過,係附近返工一陣路程,都唔洗分汁啦,個個好似我咁搭成個鐘車咩XD新出有汽水換購價買,試埋,飯量少左今日隻蛋靚d分開裝既豉油焦蜜叉燒臘腸白飯wills 老闆話日光下影得靚d XDD臘腸同叉燒粒好豐富咁,破蛋,等蛋汁流落飯度,落埋豉油,禮成.WILLS 老細食後感:好飽XD蛋煎得靚,豉油都唔洗落好多,叉燒同臘腸都夠味,加埋蛋汁撈埋,好味.不過佢減肥,咁大碗飯唔可以成日食XDD

日日lunch time行過都超多人排隊,等我又跟隊一齊排下先,第一印象覺得佢只係一間包裝過嚟叉飯店,個招牌太可愛, 其實真係吸引到好多女仔, 通常呢啲打咭店都唔多好食, 仲要個名叫charsiu, 有啲似我去到外國時候嗰啲欺騙外籍人仕嘅假中餐, 點知一試就知佢有幾wow,首先面頭煎蛋係脆邊流心, 完美～叉燒大大粒又好 滿足～,黃金coating好香口 加分～, 個飯先係重點, 啲汁滴左落去之後, 又有啲肉嘅餘溫, 令到喺呢幾日有啲凍嘅情況下都加點暖意, 原來個招牌得意嘅餐廳都可以係好食嘅, 下次再嚟試埋個雞先, 

我經Openrice order 外賣自取黃金叉燒飯。發現黃金叉燒飯連一丁點咸蛋味也沒有，貨不對版。我已經Openrice 向餐廳反映，餐廳回應指咸蛋不是原隻上，而是經攪碎後混入飯中。這點常識我是知道的，但問題是飯裏連一點咸蛋味也沒有，所以我肯定餐廳是出錯了，只是不肯承認。

新派叉燒飯店，只做外賣，有印仔儲。由於我同小朋友都好鍾意食叉燒嘅關係，我哋已經食過好幾次，試過唔同款，今次就做一個評測。讚嘅地方：1️⃣叉燒汁係好味嘅，無論最Basic嘅焦蜜，定係柚香，果汁做得非常出色，尤其係柚香，如果你真係鍾意柚子，你一定會覺得非常好味。佢仲有好邪惡嘅黃金汁叉燒，聽到都想試2️⃣一層飯喺最底，然後一層叉燒，再一層飯，再一層叉燒，然後最面係隻煎蛋👍🏻細心嘅做法，令到你唔使喺個食物盒入邊翻嚟翻去3️⃣可以跟菜飯4️⃣多飯唔使錢輪到彈嘅地方：1️⃣選擇只係得叉燒同埋烤雞，選擇唔多2️⃣回到基本嘅叉燒，佢用嘅叉燒太瘦，比較chewy，如果唔鍾意食瘦叉燒的話，就應該唔會鍾意呢度嘅叉燒。佢嘅叉燒本身唔算出色，只係啲汁令到佢好味總結如果想食半肥瘦叉燒嘅話，呢度就未必啱你。如果你本身係鍾意食瘦叉燒嘅話，我覺得可以嚟呢度試吓。