好叉好味 (J Senses) (Closed)

叉燒飯食得多，Lunch灣仔勁多人，試下呢間好似比較新穎嘅叉燒飯，只係做外賣冇堂食的，見佢係用一個類似杯麵咁嘅碗裝住個飯。初時諗住佢嘅份量可能好少啦，但食落就知份量好足。叉燒係切粒嘅，我揀咗蜜汁叉燒，啲肉好淋及juicy，唔會柴，加埋隻窿邊蛋真係冇得輸。而且叉燒飯可以撰配菜飯，感覺就係好似上海菜飯咁，呢個配搭真係第一次見，非常好味，而且感覺食菜飯幾健康，一定好味過撘條烚菜。另外唔食飯好似仲可以選配沙律。我今次揀嘅叉燒係蜜味，佢仲有辛麻味同雞扒，我一定會再試吓。

同事最近話我知灣仔船街新開左間好叉好味，終於唔洗行到去港灣道咁遠，而家連星期日都有得食啦~WOW Special Combo ($69)佢地推出左個優惠套餐，有齊主食、薯寶小食同飲品，味道有焦蜜、柚香、辛麻同爆蒜，我就揀左個焦蜜味雙拼菜飯 (+$6)，上面有隻燶邊太陽蛋，可以篤穿蛋黃撈飯最正，叉燒唔算太肥岩哂我，一層叉燒一層菜飯再加一層烤雞同一層菜飯，叉燒燒得香噴噴，加上蜜糖既香甜真係冇得輸，烤雞都好Juicy，小食方面佢地既薯寶即叫即炸，拎到返屋企仲熱辣辣，外脆內軟既薯寶好正呀~灣仔返工既朋友又多個午飯之選啦~

2年前係上環食過一次，仲記得個次係食麻辣叉燒 辣到我hihi，所以我記住左佢 😆近排見佢係灣仔開左新店，決定再試今次試左黃金叉燒 同 墨魚丸黃金叉燒其實係蜜汁叉燒上面灑d鹹蛋黃碎但食落兩頭唔到岸.... 鹹蛋唔夠香 蜜汁唔夠甜但係佢個叉燒肉質唔錯 好過好多燒臘檔成日有乾 瘦 柴 叉燒留意番 小胃嘅女仔 千祈唔好食左半盒飯就扔 因為佢係叉燒同菜飯分層相隔 記得睇清楚仲有無叉燒係底下呀同埋佢勝在有隻燶邊蛋同有得揀菜飯 食落無咁邪惡墨魚丸 來貨 正常發揮 佢唔係粉得緊要個種墨魚丸 算係有咬口外賣好方便 杯麵式嘅外賣兜 相對燒臘檔仲用緊發泡膠 算係環保左一大步