X2劉住您

Open Now

Now Closed

.#foodie #hk #hkfoodie#HTB美食推介【📍葵芳｜必飲極濃足料蝦湯】🐨北海道松葉蟹三兄弟蝦湯稻庭烏冬 $70推薦度：⭐️⭐️⭐️⭐️⭐呢款係季節限定，首先講吓個蝦湯，蝦味極濃啖啖都飲到鮮蝦味，又唔會話好漿口而且好順滑，淨係個湯底已經值回票價。另外仲有松葉蟹三兄弟🦀分別係蟹鉗、蟹肉同蟹柳，蟹鉗就保持到鮮味、蟹肉吸盡晒蝦湯、蟹柳就做到啖啖肉，三兄弟各有特色！另外仲配有櫻花蝦🦐令到口感更加豐富。米粉可轉拉麵或稻庭烏冬，設計貼心，總有一款啱你口味～.🐨1985玉子燒 $38 芝士+$5推薦度：⭐️⭐️⭐️⭐️⭐見住佢現場即整玉子燒，食落熱辣辣，捲咗好多層，蛋香味濃好嫩滑...另外只要加$5就可以有埋芝士🧀又點可以錯過呢～有埋芝士就做到鹹香同有拉絲嘅感覺...味道口感層次都更加豐富！！建議大家一定要加～絕對係掃街嘅首選🥚🍳.🐨日式雞皮餃子 $35推薦度：⭐️⭐️⭐️⭐️見佢係新推出一於試埋！！好想講佢真正份量仲大過佢張圖🤣好少圖文不符係我會有賺～雞皮唔算好厚會有雞皮嘅香味，而且煎到外脆唔乾，入邊亦保留到肉汁...——☼——☼——☼——☼——☼——X2劉住您📍地址：葵芳葵富路7-11號葵涌廣場2樓20

🌸北海道松葉蟹三兄弟蝦湯拉麵 $70🌟🌟🌟🌟🌟脹卜卜松葉蟹蟹鉗，蝦湯非常濃郁，帶點煙靭的拉麵，湯汁能掛在拉麵上，還有啖啖肉的松葉蟹蟹肉，口感味蕾，非常豐富。🌸蝦子醬爆炒卜卜蜆 $60🌟🌟🌟🌟🌟大大兜卜卜蜆，炒得好有鑊氣，蝦子醬爆香非常惹味，每一隻卜卜蜆都脹卜卜非常入味，而且沒有沙。🌸哈哈哈蝦籽味冷麵 $45🌟🌟🌟🌟🌟係超巨型的蝦，蝦頭滿滿蝦膏，蝦肉非常結實，冷麵配搭有青瓜絲，拌入蝦籽醬非常惹味。🌸蝦兵蟹將蝦湯米粉$78🌟🌟🌟🌟🌟蝦湯非常濃郁，大大隻蝦肉質非常鮮嫩，蟹鉗也啖啖肉，爽口米粉索晒湯汁非常好味。

今日終於有機會嚟葵廣2樓試蝦湯麵分別叫咗最強蝦湯拉麵，北海道松葉蟹三兄弟蝦湯烏冬，留住你必食口爆冷麵同1985玉子燒+芝士最強蝦湯拉麵平時出去食拉麵最多得2-3隻蝦，呢到好大方，俾足5大隻蝦，一啲都唔孤寒而且價錢仲好實惠食麵之前飲咗一啖湯好似比蝦圍住咗咁，好鮮甜嘅蝦味，好好飲北海道松葉蟹三兄弟蝦湯話係季節推介，原本係米線但我轉左做烏冬起初諗左陣點樣三兄弟，原來有蟹鉗蟹柳同埋蟹肉呢個湯底無最強鮮蝦咁濃味，但反而突出到主角“松葉蟹”烏冬掛起湯底既汁，每一啖有齊蝦蟹味，好滿足！留住你必食口爆冷麵蟹籽多到每一啖都食到蟹籽粒！真係無改錯名，每一啖都口爆😂😂😂配料落得好大方，同個麵1:1咁濟 1985玉子燒+芝士一開始以為芝士就咁鋪喺面原來係擺喺中間做餡面頭都落咗蟹籽增加口感中間芝士份量做到拉絲效果玉子燒整得啱啱好，唔會太老如果作為晚餐，呢個價錢絕對係抵食又飽又滿足😌😌😌😍

同事介紹葵涌廣場二樓掃街位置，有間人氣爆登出名香濃蝦湯麵的小店，店舖名叫「X2劉住你」，推出自家製香濃蝦湯麵，配上多款時令海鮮，扇貝燒蠔、蜆青口等，除咗蝦湯底仲有冬陰功湯味多款小食，燒蠔、炸燒賣、玉子燒、冷麵炸魚蛋雞腎，總有一款啱心水。炸燒賣(HKD 20): 外皮的酥脆和內餡的鮮美，口感層次分明。外皮變得金黃酥脆，內餡是魚肉，鮮嫩多汁，再加上蜜糖芥末醬和蜜糖粉，外皮的酥脆與內餡的柔軟形成鮮明對比，咬一口時，先是感受到外皮的香脆，接著是內餡的鮮嫩和汁水，最後是調味的甜。蒜味牛油煎焗生蠔🦪：(HKD 59):生蠔的鮮甜，蒜香的濃郁和牛油的醇厚，口感豐富且層次分明。生蠔本身帶有海洋的鮮味和自然的甜味，經過煎焗後，肉質更加嫩滑，汁水被鎖住，咬下去時能感受到濃郁的鮮味，用牛油煎香，香氣會在口中停留，停吾到口。蝦醬蟹將湯米粉（HKD 78): 呷一啖香濃蝦湯，味道鮮甜濃郁，用上蝦頭和蝦殼經過熬煮後，釋放出濃郁的蝦味和天然的甜味，湯底非常鮮美。湯中加入爽彈大虎蝦數隻，仲有肉質紮實已脫殼的蟹鉗，方便食用，加埋櫻花蝦吊味，增加口感的層次感。湯頭的鮮味會在口中停留，米粉吸收湯底精華，好味。櫻花蝦卜卜蜆扇

我去葵廣掃街通常係食小食，二樓個角位有好多野食，呢間個名玩食字無乜感覺，但望到啲相片餐牌又幾吸引，咁啱店前張枱有位可以立食就響度開餐。① 冬蔭公炒腸粉 $30個冬蔭公味幾香濃，加埋椰菜絲，蘿蔔絲炒，微微酸辣幾開胃，食到後期覺得有啲油但我幾鍾意呢個炒腸粉。② 蝦子醬爆炒卜卜蜆 $60炒蜆幾大份，幾大隻，炒得入味，食得滋味，唔錯。③ 櫻花蝦海老軍團蝦湯拉麵 $59賣相幾吸引，五隻大蝦掛邊，肉身爽口。蝦湯湯底非常香濃，好飲，飲完唔覺口渴，應該無加味精，推！呢個價錢響葵廣唔算話好抵食，但論性價比絕對高，香港應該無咩地方收呢個價錢做得到呢個質素。係爭在食用環境唔夠舒適，如果無埋張枱真係搞唔掂，又蜆殼又蝦殼都幾狼狽。

約咗朋友去葵涌廣場行街，突然見到呢間濃🦐湯麵，D蝦🦐好新鮮同埋好彈牙😋😋仲有抄蜆，雖然D蜆有點少，不過好夠鑊氣，同埋上面加左D樱花🦐仔，好特別配搭，下次再x2劉住你。

平時去親葵涌廣場，都係掃街食小食，同埋撈撈！咁啱我公司就喺附近同事建議去呢間買，因為佢食過話好好食，尤其是係個湯底！咁我就試吓，我試嗰個係蝦湯底，成個湯底橙紅色嘅，老遠都聞到浸蝦味，我同事同我講佢啲蝦超彈牙，因為好大隻，咁我就叫咗個最強蝦湯拉麵，張圖見到五隻大蝦，成個湯橙紅色已經食慾大增，返到公司開出嚟！嗰隻蝦味走出嚟香噴噴，我爭啲連個湯底都飲埋，蝦真係好大隻同好入味！唔錯唔錯！值得推介👍🏼

呢次係我第一次食評，因為真係難食態度又差，忍唔住特登驗證個email寫食評🌚最排見社交媒體網站咁多"foodie"推介，咁咪諗住試下，結果大伏即場叫外賣等得耐都算喇，兩個mk仔態度差到😇結果外賣盒又閂唔實，個盒啲膠又cheap又薄又唔耐熱咁，成個膠面爛咗，俾圖俾大家睇下個盒蓋爛成點🌚咁嘅膠真係安全食用？個外賣膠袋又唔耐熱又穿喎，滴到我屋企走廊同部lift都有搞到要去抹🌚都算喇，重點係好_難食！講到個湯底好似好勁咁，結果淡到😂唔講唔知係蝦湯😂啲蝦又唔新鮮，又有沙，又有蝦腸💩呢個價錢係葵廣有更好選擇，又唔受兩個mk仔店主氣🙏🏻誠意推介俾想食沙、蝦腸、蝦💩嘅人ps以上屬我個人意見同睇法🙏🏻

放假去葵廣搵野食，行到2樓見到有間新開嘅小店。比拒門面各式食物相片吸引。我地三個人就揀左幾樣，因為係即叫即整，需要等5-10分鐘左右。所以食物都好有驚喜，性價比非常高鵝肝鰻魚炒飯 shake shake薯條鵝肝大塊煎香左特別好食，鰻魚飯炒好夠味，大大碗真係食到好飽冬陰功炒腸粉呢個好特別酸酸辣辣唔係好食得辣嘅我都食唔少，個醬真係好好食口爆冷麵超級多配料，蟹籽同多到離晒譜，唔怪之得叫口爆，撈麵個汁好好味。食完一碗唔夠喉再整多碗。夏天食啱晒