紅跑車越南餐室 (Closed)

諗起越南，舊時會見到好多三輪車，而家就周街摩托車，但點都唔會諗起紅色嘅跑車，唔知佢老闆係夢想有架紅色跑車抑或鍾意聽太極D歌呢?中午嚟到人未算多，一人獨佔一個卡位。裝修就不敢恭維，有點不倫不類，既不中亦不越，同跑車更加扯唔上關係，整個架響門口掛著D假洋葱又阻著人睇電視，唔知佢想點。不過幾欣賞佢響牆上貼咗D越南嘅相，如果放大佢仲好。菜單方面，午市有套餐由$23至$3X不等，似港式或港越混合式俱多，又配港式奶茶、咖啡，非我杯茶，散叫好過。打開餐牌，真正越式的食品唔多，以檬粉、湯河為主，小食亦不多。叫咗個牛肉乾撈檬($32)，發現有原裝法國入口嘅Porter39 ($21)，咁就order番樽，飲品先到，幾好入口又無乜泡，但略嫌唔夠凍。等咗一陣碗粉就到，牛肉與洋葱炒好放響一邊，粉上面鋪滿芽菜、青瓜、生菜、葱、花生碎同蒜片，完全無調味，食個時就自已加魚露。呢度魚露可能係自家製，好香吓。落咗魚露之後成碗粉唔同晒，撈埋D粉同配菜一齊食就好正越食越好味。牛肉好滑又夠肉味，用料唔錯，睇唔出平凡嘅一間小鋪都可以有D咁正宗嘅美食，好滿足嘅一餐。番到office，見老細未返就瞓番，發夢見到紅色跑車，風馳電掣。

第一次黎幫襯,一入去見到waitress都係著住越南人既衫,估計應該係越南人開,會幾地道卦!!全店九成係卡位,中間個d都幾迫,後面仲要坐左個細路係咁郁,搞到我坐得好唔舒服!!叫左個生牛河,粉卷,香茅豬扒+春卷撈檬,青蠔(青口),牛肉蝦片,估唔到d牛幾正喎,但太多河粉,青口都幾好,個粉卷太飽了,兩個人食真係太多,老板娘仲會周圍同d客傾計,感覺幾親切!!兩個人叫得太多,食到超飽,埋單二百蚊,總括黎講食物唔錯,又幾抵食,只係有d茶餐廳feel,仲有電視睇添!!見到個餐牌好多野想試,下次一定會再黎!!

今晚因媽子沒有煮飯，所以到外面醫肚，找到這家越南餐廳，見到相片都幾吸引，就去試下。食左木瓜芒果沙律－－但不覺有芒果，味道不及泰國木瓜沙律的清甜和爽口。香茅豬排－－香茅唔夠香馬拉盞青菜－－青菜炒得好，可惜馬拉盞唔夠越南檬要－－之前未食過，有一個蟹殼有羔及半隻蟹身（唔知另一半係唔係去了第二枱），蕃茄做湯底，味道可以越南蒸粉包－－最好食，要上枱後馬上食，粉皮好滑，比腸粉仲滑總括來講只係一般，希望在味道上落下工夫。這間餐廳開了不久，但裏面的裝修就，而且天花的冷氣有塵應該要清理下。每位待應都好nice....

家母相約在荃灣,兩個人上酒家又吃到不多,我提議去試新店,就是在兆和街的"紅跑車越南餐室".這頭紅色跑車,是否帶著神秘?晚上六點多來到,人客不多.身穿旗袍的越南女侍應叫我們隨便坐.餐廳是小店格,同那些火車頭,越南站的走相同路線,但沒有大坑兩間的高級,這是荃灣嘛.今次來不吃生牛河,一試店方主打檬要,家母不敢吃生牛河,唯有要個茄汁牛腩河.她一向不多吃,所以連頭盤小吃也不要.因為我有心理準備,要分擔家母的一半腩河.檬要內的材料有蟹,番茄,通菜等等,加上番茄同蟹,湯底一定鮮甜,沒有一味番茄的酸味,因蟹本身的味道,已經融入在這個海鮮湯底內.而蟹亦充滿著蟹羔,檬粉幼細滑溜,份量很多.在荃灣地段收$45一碗,如過去到大坑的話,價錢起碼會貴兩成.而家母的茄腩河,番茄湯汁酸甜有度,質感適中.有些地方,不是是否打獻打得重手,杰過漿糊.牛腩做得稔熟入味,河粉同樣地滑口,不出所料,最後要同家母分享半碗.這兩道吃罷感覺不錯,其生牛河又如何?要留待下一次來再分解.紅色的跑車不算是神秘,但藍色的街燈,就充滿樂與悲.

(12/10/08)呢條街都幾多o野食,選左較少食的越南o野。Tea time 與老公吃了沙嗲牛肉法包、香茅豬扒蜆殼粉,飲奶茶,咖啡。如轉越式咖啡要加$10!!未免貴左d ar!? 而呢兩杯普通餐茶….., 前者奶太多,後者有酸味,已是很不合格,完全飲淨晒!食物方面,沙嗲牛肉法包又幾好喎!尤其個包,夠熱,算外脆內軟,失分是,沙嗲味較淡。香茅豬扒也不錯,香茅味重,而且很香口,可惜薄身同埋細小。湯粉味淡。荃灣無乜越南o野,偏港式既,都可食吓。

茄汁牛腩，　牛腩很諗，　牛味香濃，　值得一讚，　附送的蒜容法包烘得好脆，　好味藍青口，　份量頗多，　雖不夠鮮味，　但味道ｏｋ咸檸檬梳打，用上玻璃樽裝梳打水，　正，　可惜不是原個咸檸檬，　只是一ｄ類似咸檸檬醬既野仲有叫左其他野，　不過印象唔深，唔記得係咩喇　最後encore 左蒜容法包，　不過今次烘得唔夠脆，　有少少失望．＊＊老闆娘見個個客都sell咖哩蟹，　有ｄ煩用埋openrice coupon , 2 ppl $220.

和朋友在行山前的早餐兆和街茶餐廳聚多遠見翠華好似要等位..很隨便的就揀左呢到早餐選擇不及茶餐廳多..點了沙爹牛肉出前一丁,配炒蛋腸仔多士先講沙爹牛肉出前一丁,因為連湯底都用了出前一丁,很濃麵不會太"林"剛剛好牛肉份量適中,不"un",好食炒蛋腸仔多士其實和一般的茶餐廳都一樣但多士是厚多士,,有2大塊早餐的份量很多~!抵食!味道又不錯!

茶餐廳林立的兆和街最近出現了一間名叫紅跑車的食肆，是做越南菜的，我們一行三人去試試佢。因有下場，來既目的也只是試一試菜，不叫太多東西，點一個二人套餐另加一份香茅豬扒就行。這裡的服務員都似是越南人，加上簡單而富特色的裝修，心想呢間嘢的越南菜也應該會幾正宗的。二人餐先來牛肉清湯。先喝一口湯，確是幾清甜，牛肉切得不算太厚，但看似比較老身，原來吃落卻好夠淋也好有牛味，也不失咬口，夾著爽口的芽菜食，相當好的配搭，第一味菜大家都好滿意。接著來的是馬拉盞炒通菜，香噴噴又熱呼呼的，一端上來時已感到好有霸氣。通菜青綠爽口，馬拉盞味道重，溫度又足，又是有水準。之後的菠蘿炒飯雖未有通菜咁搶鏡，都不會失禮。金黃色的炒飯，有提子乾、魷魚粒、蝦仁，幾香口好味的。另加的香茅豬扒，份量幾大，侍應還主動奉上刀叉，服務細心。豬扒顏色對辦，同埋又淋又入味，伴碟還有生菜，夾住豬扒食又掂。食物唔錯，服務也可，唯一要彈的是候餐時間太耐。當時還沒有太多客人，也要等好一段時間。若繁忙時間，真是不敢想像。

尋晚兩個人去咗紅跑車試吓,叫咗生牛河,越式拚盤,越式生菜包,兩個啤酒,共一百九十蚊,加一后209找數生牛河~32蚊老闆話冇味精,仲用安格斯牛肉,跟一碟金不換,青檬同辣蕉,咁足料都係32蚊越式拚盤~58蚊有扎肉,春卷,柚子沙津同藍青口,柚子沙津好清甜,春卷都好食,藍青口有成十隻,但個人喜歡凍食多D,扎肉能厚D仲好,越式生菜包~48蚊同泰式差唔多,但用牛肉炒,都好食老闆仲教我地飲越南啤酒,好nice下次會再去,會試咖哩蟹,燒魚等等今次冇帶 coupon,老闆冇打折,下次一定帶coupon去,老闆 Roney,下次見到我要打折比我,同請我食嘢,哈哈

兆和街咁多間茶餐廳, 紅跑車呢個D餐應該係最抵食.1. 兩大塊厚多士: 烤得唔均勻唔夠耐一件事, 到底兩片厚多士都算見得人, 一般唔係得一塊就係普通麵包.2. 炒旦: 呢個就有D挑戰底線, 完全唔覺得係炒旦, 似塊旦片多D. 3. 沙嗲牛面: 係完完整整一個一丁豬骨濃湯麵底, 仲有包秘制醬俾你自己落, 絕對係誠意之作. 沙嗲牛切成絲都仲係沙嗲梳打牛, 同尋常既沙嗲牛無分別.4. 熱咖啡: 酸酸地果種囉, O茶算啦.以上份量全足料有特, 強烈建議兩個人叫一份, 以免浪費或食滯.

早在上個月已想試試此間 越南餐廳, 今晚早啲出去食然後趕回家看奧運!二人叫了越式蒸粉包, $38, 牙車快沙律, $28, 和紅跑車湯河, $48!蒸粉包唔夠熱, 裡面既餡亦唔多, 牙車快主要有雞絲同椰菜絲, 雞絲少少嚡, 整體都幾粗糙! 紅跑車有牛丸, 扎肉, 肥牛, 豬肉...連牛百葉都有, 樣樣都一般, 係個湯底最好飲, 夠甜, 無味精敏感!食物其實一般, 試多次都可以, 但成間食店既侍人都有少少問題....我見到有5, 6個在影相, 包括店內外, 有2, 3 個在買飾物 (有人在店內賣飾物)! 不知道當中有沒有老闆, 但人客在時就有點那個!

在香港，吃過「檬曉」，但未吃過「檬要」，﹝照我所知﹞其實也是湯檬粉，不過湯底不同罷了。本來去吃同街的刀削麵，路經此地，卻在門外的餐牌看到這個項目，就轉了目標，來了這裡。 店內有不少的卡位，人客也不算少，但阿姐都幾好人，未滿座也可以讓我一人獨佔卡位的。看環境，應該也是間有特色的越式食店。但看餐牌，也供應不少的港式食物，如早餐餐牌就是一例。只簡簡單單的要了碗越南檬要，另外一杯凍咖啡。 這裡的檬要是用上海鮮湯底，喝起來夠味，幾清甜，但沒有什麼鮮味，賣45蚊一碗的湯檬，好像要求也可以高一點的。配料是不同的菇菌類，如木耳、蘑菇、秀珍菇等等。檬粉幾滑，加上魚露，幾好吃。 不算差，但如果還有下次來，吃其他的東西好了。 阿姐的服務很好，如不知是我叫錯還是真的落錯單，要了凍咖啡，送來的是熱咖啡。向並反映，立即拿杯冰來，從善如流。 埋單45蚊，一試無妨。