夏麵館 (荷里活廣場)

Open Now

Now Closed

自從第一次到訪夏麵館，便很驚豔。誰知，每況愈下，使人怎不失望。但是，以它的價錢和份量而言，它還是值得推介。是日一人用餐，叫了燻蛋、雞扒担担麵和小籠包。燻蛋以這個價錢而言，水準已經很不錯了。蛋黃是半流質狀態，漂亮的燈黃色，入口就是淡淡的煙燻味，加上冰凍的口感。這個實在是一個不錯的冷盤，我每次來都忍不住要order起碼一隻。雞扒担担麵，唉，我一把雞扒放入口中就後悔了。我為什麼不叫排骨担担麵呢？怎麼他們的雞扒竟然比豬扒還要乾～還要鞋～吃一件，我就駡自己一次，為什麼要捨穩陣的排骨而取雞扒呢？最後一件還是沒辦法吃得下，實在太乾了！！！担担麵嘛，我也不知道怎樣評才好，對於我來說，麵質太淋了，湯太淡了。尤記得第一次到訪夏麵館，侍應會貼心的問你麵條的軟硬程度，湯要大辣還是小辣。現在客人多了，水準倒是降了。小籠包倒是保持了水準。皮夠薄，裡面滿滿是湯汁，吃第一口很辣口。只是，肉饀的鮮味一般。總括而言，不算太差（除了雞扒），只是一開始太好了，現在的水準相形見絀罷了，唉～

下午茶時間又係開餐時.叫左:嫩雞煨麵加配煎餃子,炸醬牛肉菜飯,送豆漿嫩雞煨麵:湯底帶有奶油香,幾滑但淡口左小小,雞肉唔多味道一般.麵質幾好唔會太淋.煎餃子:香脆用料足,幾大隻.炸醬牛肉菜飯:菜飯普通味道同白飯分別不大冇咩菜味.炸醬牛肉個汁濃香野味,送飯一流.豆漿:冇豆味,似現成買嘅豆奶多D.整體:一般,價錢唔平,可試冇咩特別.

因為住附近，所以都食過好多次。之前係叫人落單，但今次去就有紙自己劃野食。次次黎都一定叫最愛O既黃魚煨麵。以前叫親都係嫩雞煨麵，但自從食過一次黃魚煨麵之後就移情別戀啦!!不過今次個麵就咸O左少少，多O左D胡椒味，冇之前食咁清甜~我同老公兩個人食，仲叫O左個小籠包，排骨擔擔麵同酒饟丸子。小籠包皮厚O左少少，肉汁唔夠多，但味道都可以。排骨炸得好靚，又唔會好多油，唔錯! 酒饟丸子第一次食，都幾清香，唔算太貴，一個$24~

食上海嘢嘅食店選擇太多，對呢間鋪頭一直都無咩興趣。是日星期五晚八點幾，鑽石山商場嘅食店間間都有好多人等位，最後黎到呢間門口只有三四個人等，肚又餓，唯有決定試呢間啦。 拍青瓜 - 脆身的，無咩味，只有少少蒜香。 小龍包 - 好多湯汁，不過肉餡一般。 鍋貼 - 皮厚，有一些肉汁，沒有很出色。酸辣湯麵 - 離遠少少就嗅到有酸味，不過食落ok，不會過酸亦不會過稠，正常。本來想叫餸（魚香茄子）食飯的，點知9點鐘左右，就話無白飯了，只好揀麵食。排骨擔擔麵 - 擔擔麵幾好食，幾香，麵亦不錯，都幾大碗。（有時有啲鋪頭啲麵，當你食到一半嘅時候，啲麵就會變到好難食。呢間唔會，食晒成碗啲麵都仲好ok）不過排骨唔好食，佢分開碟上的，外面層粉「林林地」，唔夠熱，可能放咗一陣至上枱掛。味道方面，無味，連鹹味都無乜，肉味亦都沒有。整體黎講好一般般，比佢好味道的店有更多其他選擇。所以無咩唔會專登再去。

上海菜館近年好像少了，有水準的更加難找。夏麵館於荷里活也立足好一段時間，今晚既然對晚餐無甚頭緒，就來個外賣見面會吧。小籠包一客4個，屬皮薄那款，湯汁未到澎湃那種不過也合格，如果味道濃一點更好。鍋貼也是皮薄款式，合我胃口，煎得不太油，但是肉也真的少了點。外賣關係，底部已經不脆了，堂吃應該會更好。點了一隻燻蛋試試，略帶酒味，蛋黃呈流心狀，不過鹵得不過入味。蔥油肉絲蝦仁伴麵，麵身可以再爽一點，蔥絲處理得不錯，沒有苦味。蔥油份量夠但可以加多點鹽巴。不過蝦仁的大小真的嚇了我一跳，雖知河蝦仁是小蝦，但這個也未免太小了吧？見面會感覺一般，下次可能試試堂吃。

是日又到鑽石山搵食，太肚餓，梗係去夏麵館呢間水準一向穩定，安全之選是日午市套餐($45) - 麻醬雞絲拌麵 + 熗青瓜 + 豆漿，另+$10 鍋貼3隻唔好睇少呢個份量，食哂好飽的。麵質唔錯，入口爽滑。其實個麻醬無乜味，再咸D更好。不過今日想食清清地，所以還可以啦~個紫菜湯又真係幾咸下，唔通係特登的?脆底抵讚，不過皮肉分離就麻麻地啦。即叫即煎，熱辣辣幾好食。

黎呢度原本想食燻魚燻蛋, 不過得兩丁友, 都係叫套餐抵. 服務幾好, 環境舒服.點了一個蟹膏撈麵, 蟹膏鮮甜分量還可以, 同麵撈埋很開胃容易入口, 汁也濃感覺不錯.雞球麵也不錯, 雞肉彈牙爽口, 分量也夠, 麵彈牙質量好. 醃涼瓜酸酸的很爽口開胃.

環境很好，木椅也很舒適，我坐的是四人桌，二人坐滿不錯，但見鄰坐四人坐則較迫。擔擔面面底不錯，彈牙有面粉香，但湯底劣，不杰也不濃，沒花生味，沒鮮味，只覺很油，且有點辣。排骨一看便知不好吃，很薄，也很乾，看顏色便知油不好，層炸粉又乾又有油味，實在吃不下口。六十多元一個面，卻如此質素，實在難以接受！

突然心血來潮想吃上海菜，所以就openrice search下鑽石山哪裡有得食，看到近近地有呢間夏麵館，就試試吧。晚上6時20分左右到達，不用等位，直接坐下。因為只有2個人吃，無得order太多菜式。服務員見我大肚，都主動斟白開水給我，值得一讚。老公點左: 排骨擔擔麵，紅油抄手。他厭豬扒唔夠脆，但讚抄手個醬汁唔錯。而我就order左: 糖醋魚塊，干扁四季豆，配白飯。首先2樣的賣相已不討好，四季豆太大條，另外加一些類似炸菜的炒埋一碟就算，只吃到豆本身的味道，我食開既同呢個差好遠，同樣叫干扁四季豆，但用上細條D既四季豆及有肉碎作配料的。而糖醋魚塊比較大件，應再切細一點，醬汁好杰撻撻，雖然味道還可接受，但只用數件青椒，洋葱，紅椒配魚塊，比較簡陋，可嘗試下多加其他配料，如雜果罐頭，汁再稀一點會更好。另外可以增添一些菜式，希望未來會更好

由於放工太晚，加上Happy Friday, 所以9：30pm到了餐廳仍要等一會，之前都有來過，已覺得食物好食，今次再來我們2人點了黃魚煨麵，上海醬鴨，高力豆沙和小籠包都好好食，只有馬蘭頭百葉卷就不太好食，菜太少，皮太厚！至於服務方面就一般，坐下之後沒有倒茶給客人，每次要飲水都要叫侍應，而且水太熱又不提醒客人小心，差點拿杯時燙傷手。總之食物一流，服務就一般啦！

2013年5月12日，母親節，與媽和弟約好一同吃午飯慶祝，感謝媽的照顧和辛勞。腦海中閃出了夏麵館，想起以前吃過的擔擔面回憶，於是便決定和家人去吃，期望能讓有水準食物讓家人品嚐。適逢母親節，加上午市時份(1pm)，預計要花不少等候，但最後不消十五分鐘便能夠進場就坐。就座後便開始點菜，媽對點菜沒有太多要求，弟只指定要一個炒飯(名字忘記了)和 “雞絲粉皮”，因此，其餘的菜則由筆者揀選，點了“排骨擔擔面” 和 “上海小籠包” 回憶，另外還品嚐了 “上海醬鴨” 及 “黃花魚餵面”。一共點了六個菜，三人連加一，共花費$294。 (由於未有嚐過 “炒飯” 和 “黃花魚餵面”，待下次有機會才為它們點評一下。)===食物水準 雞絲粉皮 (左圖撈前；右圖撈後)-底部是粉皮，表面有青瓜絲、雞絲、醬汁。乾身的粉皮口感和外型與河粉很相似，但粉皮不細碎，不易斷，可口彈牙；青瓜絲爽脆，可惜瓜味欠奉；雞絲肉質瘦削，偏「鞋」不滑；醬汁還好，味香「搶」口。-整體而言，此菜評價普通，除了粉皮的彈牙爽口，其他材料沒有亮點。 上海醬鴨 -「醬」主要是由酸醋和甜醬調教出來的，這「甜酸」味道開胃，令人食指大動。-鴨

呢間麵館以往留意過好多次，入去食就頭一次。一人點左夏味鱔糊麵。麵條相當爽，有咬口。尐鱔滑脫脫，亦好好噍。材料睇落有心思，似乎有尐筍絲之類既野配搭，整體感覺不俗。都無乜其他野要特別講，從我一個嘴刁之人搵唔到咩地方批評佢，重加上將碗麵食得咁清，就足以證明佢非一文不值。但同時亦有點可惜，搵唔到更多優點可以詳細說明。簡而言之，如果目的只係想食碗麵，呢度完全無問題。只是不能期待有好大驚喜。以後如果無心思左揀右揀其他餐館，或許會再光顧試埋其他麵，因為至少係一個 safe option。

因為妹妹和表弟將會離開香港，所以趁他們走前吃頓飯，見見面。夏麵館，一間我從沒有聽過的上海菜館，因為從來都不會想掏腰包吃中菜，每天也在吃，外出也吃實在很厭倦。不過與家人多數也吃中菜，特別是有老人家，吃中菜比較適合吧。第一次來夏麵館，環境不俗，裝潢與一般上海菜館大同小異。入座時侍應說用餐時間只限一個半小時，最討厭有時間限制的餐廳不過不管他 可能從小到大已經被上海味道圍繞，所以很小在外吃上海菜，加上本身已經經常吃，更何況上海菜沒甚麼好吃。其實我最討厭就是吃生煎包小籠包了，覺得中間的豬肉很肥膩很臭，我只會吃那個皮 一行八人來到，叫了一個三人餐和其他食物。酸辣湯($48)我頗喜歡酸辣的食物，所以這個湯深得我歡心。看相片便知道很足料吧酸酸的，湯料很有口感，當中的黑木耳脆脆的，很好吃。$48一大煲都算化算吧。雞絲粉皮我從來都覺得自己喜歡吃雞絲粉皮是因為喜歡芝麻醬而已，正如我很喜歡吃日式冷烏冬，也是因為芝麻醬作祟。這碟雞絲粉皮賣相不夠吸引呢，只有很少芝麻醬，完全不夠味，如果再多點芝麻醬會比較好香菇麵筋賣相很醜怪，黑黑的，味道也一般。賽螃蟹很喜歡吃蛋白，蛋白營養價值高之餘，味道也很好，滑不溜口。只吃了少

麻醬拌麵-好好味👍酸辣湯-好飲✌鍋貼同小籠包都好味👌老上海炒飯好味，但蝦太細！😔高力雪球-我最鍾意食！❤馬蘭頭百葉卷-就覺得唔好食！總括嚟講啲野食都OK好味！！！👍

星期一放三點半，真係歎！約埋阿媽去夏麵館食個下午茶！下午茶時段人唔多。要咗一個嫩雞燴麵同一個麻醬拌麵…家傳滬曉嘅嫩雞燴麵就食得多，夏麵館嘅就第一次試，估佢唔到咁好味！麵身仍然夠挺，唔會糊到一pat pat；個湯底先正，好濃有少少creamy, 雞粒又多，菜粒又多，好味！仲有我至愛嘅麻醬拌麵，麻醬好濃，唔夠仲可以問侍應再攞多啲！麵身好靚好彈牙！我嘅至愛！