夏麵館 (荷里活廣場)

Open Now

Now Closed

1個人搵野食，見到夏麵館有下午茶餐，又唔使等位就入左去，叫左排骨擔擔麵，加12蚊有2隻鍋貼，送豆漿。擔擔麵湯底麻香辛辣，如果怕辣既記得叫小辣，麵條熟得剛好有咬口，惜排骨雖香脆但味道一般，豆漿香甜，鍋貼多肉多汁，埋單76蚊，價錢可以接受啦…

今日出左黎做野+lunch, 睇水牌都係呢間最啱口味.  夏麵館好耐無食過, 睇餐牌好似唔同以前, 而家比較大眾化.要個菜肉雲吞麵, 麵唔夠彈牙, 帶腍身, 因為個湯都幾清, 而D麵又清, 所以食完個口好淡. 菜肉雲吞幾大粒既, 但個皮較厚, 而且有少少硬, D餡料就幾足, 而且味道夠, 肉幾嫩.可能揀左清淡既麵, 唔夠濃味所以麻麻地.

好耐冇食夏麵館，今次經過見唔駛等位，就入黎食。$98 蟹粉炒年糕，個人好鍾意食蟹，本來叫呢個冇乜期望，只係滿足個人口福。出奇地好多蟹粉，真係好好食，夠晒足料，大讚$34 鮮肉小籠包(4隻)，心急食左一隻先，HEHE，皮薄又多汁$70 椒鹽豬排骨，呢個又係出奇地好食，好惹味，排骨好多肉，又夠淋~$72三鮮兩面黃(雞肉、河蝦及火腿)，一上枱已經好香，又香又脆，好好食呀~仲有叫左個牛肉麵同豆漿，茶錢連加一，埋單四百幾蚊，都合理既。但見隔黎枱用團購劵，原來有七二折，即係我地俾多左百幾蚊，心理上覺得好唔抵了!! 下次要買團購劵先黎!!!食物比以前進步左好多，下次會再黎。

荷里活廣場d餐廳食過晒咁濟，今日返晏，返工前落去搵食，見夏麵館有set lunch，50蚊起有交易，有前菜、麵、飲品，即管試下。朋友揀左涼拌粉皮、雪菜肉絲麵。粉皮蔴醬味道好好，值得一讚！我揀左涼拌茄子排骨擔擔麵。涼拌茄子不過不失，但醬汁太甜。兩碗麵都好大碗，麵可以揀煙un，又真係幾煙un。午餐來講，60幾蚊有前菜、主食、飲品，幾抵食。

曾聽說過這間夏麵館食物不錯蠻美味的，今天剛巧在廣場裏見到，和友人進內試試吧！店内裝橫不過不失沒太特式的設計，燈光柔和，整體環境讓人舒服！•夏麵館 屬上海菜•很有趣，盛麵的碗很巨型，湯底偏淡，麵線爽彈！•雞球麵跟麵是分開的，不錯，這樣就不會打散了雞球的原汁原味，味道獨特，帶點甜味，雞肉嫩滑！炒飯，能考廚師功力，這碟炒飯炒得到一粒粒，乾身，混了咸魚,蛋絲,蔥粒,雞粒伴炒,口感豐富，咸魚香味撲味！總結，認同坊間的話，的確蠻好食，但略感價錢貴了點！

我同太太都很喜歡鑽石山的荷李活廣場。因為，這商場很容易就會有長達三小時的泊車優惠，所以，每一次想出街，又想不到去邊時，荷李活廣場是一個很不錯的選擇。在商場食買玩三個小時，我們一家人總會編排一個飲食的項目，可是，此商場內，有提供素食的食肆不多，而當我們發現《夏麵館》有不少的素食選擇時，這地方自自然然地成為我同太太每次來都食的食店。而這是我們最近兩次來的簡單評語。 《夏麵館》，是一間上海麵店，所以他們用上了古江南式的風格來裝修。不過，始終是一間食麵為主的食店，而且是一間客似雲來的連鎖店，所以，不會期望這店會幾舒適，會坐得幾舒服。畢竟，這兒的格局，基本上就是吃飽就最好早點走，出返去行街好過的樣子。 我要了一碗酸辣湯麵，因為可以滿足我兩個需要，有湯又有麵。麵，是陽春麵，放在麵湯中，又爽又滑的，而且份量好大，我本打算連麵連湯食晒的，但單是麵的份量，已經食到我全飽。再者，湯底是一個正宗足料的酸辣湯，酸度同辣勁都合我口胃，感覺非常美滿，而且非常之飽。 素食的麵，有這一個麻醬拌麵。因為是拌麵，沒有湯，可以讓我清清楚楚地看出《夏麵館》的大大碗麵，其份量有幾足，一目了然。當然，這麻醬拌麵有麻醬同花生醬的配

前幾晚回家途中，在開飯網站找到荷李活廣場一間名為夏麵館上海餐廳，看似不錯便往買外賣，誰知衹得到一個失望：1）侍應工作態度不良：在門口被指點要走到餐廳篤篤落單外買，一張單被落單侍應點來點去。2）4樣飯餸計數成為185元正，但給我之收據衹有總額而沒有每款分別之銀碼，之後就叫我出門口等，本能叫自己再查一查銀碼有否出錯，我在門口放置之餐牌計了幾次始終計到收多了兩元，兩元是小事，但覺得被騙，便要求較高級之部長又似經理自己計一計，他便找藉口説飯落錯為另一個麵，但我找來找去都在餐牌找不到這價錢之麵食，他到最後說不好意思地退回兩元給我，我質疑那落單之侍應怎會按多兩元出來，在想如果客不翻查的話，無疑給了餐廳賺多一點之機會。3）回家打開膠盒更失望，那個炒飯炒麵已不似正宗上海炒法，而且可以説是炒淨飯炒淨麵，又咸，尤其個韮黃肉絲炒麵，差不多找不到肉絲，而似淨豉油皇炒麵，而炒飯似淨欖角炒飯，完全不值賣價。我和家人食了一半已不能再入口了。所以不能不投訴一下這餐廳，好讓食客知道和分享問題，而這餐廳已決定不再光顧。

公眾假期嚟食lunch都預咗上菜會比較慢. 但等了30分鐘想問吓反而俾阿姐話"今日假期咁多人梗係耐, D麵又唔係我煮". 其實我只係想知有冇漏單... Anyway, 等多10mins 終於來了一碗魚湯麵. 超級咸, 勁重胡椒味, 食唔落口同佢講. 拎走碗麵一分鐘返嚟. 加了大量水入去. 係另一種難食. 一間冇要求, 難得地差的餐廳

荷里活廣場是我和男人常去的地方，但因為同場金滿庭，夏麵館真的比較少去。那天因為不想等位，便轉去夏麵館。樣樣都想吃，自選涼菜五小碟就最適合。我們選了雞絲粉皮、鎮江水晶肉、虎皮素鵝、美味海蜇和糖醋小排。當中我最喜歡的是虎皮素鵝，其實是炸到香脆的迷你腐皮卷，口感味道都好，而且剛好一口一個。雞絲粉皮夠麻醬香，粉皮夠滑，美中不足是沒青瓜。鎮江水晶肉的皮夠彈，啫喱入口即溶，肉夠稔，但如果啫喱和肉的分佈平均一點會更好。美味海蜇也算美味，味道得夠，海蜇爽口有彈性。糖醋小排很入味，骨肉很易分離，但口感略嫌粗糙。又一冷盤夏味燻蛋，賣相沒有很好，燻得算入味，蛋黃也呈糖心，不過蛋白不夠嫩。小籠包不過不失，皮的厚薄可接受，但內裡肉湯算清，肉餡的味道也可以，肉質也夠軟。蔥油開洋(蝦米)伴麵，蔥用醬油炒過很香，味道夠但不會太鹹。麵質也不會太軟，夠爽口。紅油抄手賣相已經有點驚嚇，好像很乾，皮又散開。不過紅油味道調得還不錯，微甜微辣，有少量蒜味，肉餡也很不錯，可惜皮真的很乾。不過價錢相宜，間中食也可以的。

放工後有點肚餓，經過夏麵館，門口餐牌嘅蟹粉小籠包幾吸引，故入內坐下即點了兩隻加1杯熱豆漿。滿懷希望地等了很久，終於送到面前。先喝了一口豆漿，只有甜而沒有豆香味。再嚐一口小籠包，首先是感覺皮有點厚，不够薄，雖內有肉汁，但有點腥味，肉質鬆散，沒有咬口，只有四字形容【大失所望】！

Honey 同囡囡都愛吃夏麵館, 今天比平常早了半個小時, 在一向難揾食的荷里活廣場, 大派用場識饗樂的人一定知道那家上海菜館出名做吔菜! 邊吃邊饗受, 人生一大樂事! 話雖如此, 價格也是點菜的一種元數, 我們三人看過餐牌, 先來過二人餐花雕醉雞, 花雕酒味濃, 雞很滑溜, 入味 , 咸淡適宜, 吃雞之餘, 我也偷偷喝了2 啖花雕酒汁, 不錯之選四喜烤夫, 軟綿、豆味十足, 夠甜 , 配以金針雲耳, 味道濃, 很好餐湯有酸辣湯及三鮮豆腐羹可選, Honey 及囡囡不吃辣, 我們選了三鮮豆腐羹。 湯底濃郁, 有蝦肉、豬肉及小許荀絲青瓜配以煑融了的滑豆腐, 清甜入味這味囡囡最愛的菜螃蟹, 蛋白滑溜, 少許蟹肉、 青豆、 紅椒絲、 七味粉, 蝦球爽脆, 調味適宜, 我同囡囡都喜愛加浙醋, 開胃去膩, 非常滋味懂吃的來夏麵館一定會食炒年糕, 炮製得這麼好吃的師傳不多, 火喉夠才能把肉絲、津白、香菇及配菜的味道下放在厚度切得剛剛好的年糕, 吃過必食的菜, 感覺大滿足好味的食肆，不到一會已滿座了!三個人吃二人餐, 平均價只是101 巧底吃

放低了狗仔去沖涼 同朋友去搵午餐食。上海野好內冇食 所以揀了呢間。點了四喜烤夫 燻蛋 小籠包 牛腩面 老上海炒飯。全部食物都是不過不失。最好食係燻蛋 溏心的。其他都偏咸。唔會特別想再去食下一次。

今日假期，一早同朋友行完山，見有些肚餓就要搵地方醫肚了。恰巧附新就是荷里活廣場，兩點半正好就是下午茶時間。就點了一個下午茶套餐，價錢亦十分大眾化，大概$28-$50就有交易。麻醬拌麵($28)：份量不算太多，作為下午茶剛剛好，是傳統上海款式的麻醬麵，味道不錯。豆漿(凍)：跟餐免費送凍或熱豆漿一杯，大大杯的，雖然是免費的，但不會是淡而無味，還喝得出豆漿的黃豆味。鮮肉小籠包：$20有四隻，尚算不錯，皮不算太厚，但可以再薄一點會更好。

一段時間冇黎過呢間餐廳，今日就專登黎幫襯一下。一去到門口，等位既人唔少，但竟然唔見登記既員工。等咗一陣，終於有人出黎，於是咪排隊攞籌囉，但原來入面大把位，唔知佢地留黎做咩。入座後就劃嘢食，直到入單，都冇人斟茶，叫咗侍應好耐先有人理。首先係小籠包，包皮都薄，有肉汁。之後係黃魚煨面，雖然魚湯好甜，但好係係落超市有售既濃縮魚湯。魚肉都算滑，整體唔錯。跟住係椒鹽黃魚，外層脆，魚肉仍滑，熱辣辣，好味道。最後就係鍋帖，冇心情影相，追咗好多次，冇人理，都最後我地埋單要取消鍋帖，突然又黎咗。餐廳話75分鐘要交枱，但佢地咁慢既速度同咁既服務，想有人返轉頭幫襯都難。

一早在荷里活廣場訂了飛睇戲，還有小小時間，就選了商場入面的夏麵館食個下午茶。下午茶套餐都有不少選擇，價錢亦十分相宜，真是花多眼亂！最後選了<<津白肉絲炒年糕>>及<<凍豆漿>> ($44)即使是下午茶，津白肉絲炒年糕的份量亦都相當大碟。年糕炒得恰好，配上津白、肉絲及冬菇絲，味道又不會太咸。凍豆漿亦十分大杯，一點也不稀，豆味十足。另外再加$10配了<<豆沙鍋餅>>豆沙鍋餅炸得蠻好，外皮很脆，入面有豆沙作餡料，和正宗的豆沙鍋餅一樣。$10就有四小件，很抵食！