想不起來 (Closed)

拖左咁耐終於肯寫啦臨返屋企之前同男朋友係附近搵左間台式料理我最鍾意去台式料理餐廳既主要原因都係因為有好多果汁紅/綠茶比起飲咩咖啡呀汽水好味得多~杯水蜜桃茶 餐牌寫左係推介 於是就叫左黎試下啦但只係普通 味道有點淡 飲唔出水蜜桃既味道><米粉食落似粉絲我唔太鍾意食D咁幼既 好似冇乜嚼勁咁但男朋友話係台式既係咁樣@@反而小食就正好多雞翼同雞粒都好好味 份量又適中唔會話食到太飽食唔落米粉

又到左一個月一次既舊同學聚會, 今次一行4人, 由Winnie發板帶左我地去一間台式料理食晚飯, 呢間鋪我記得我之前都有同男朋友黎食過, 因為個名好特別, 所以記得"想不起來" haha原本都以為靜係食下飯麵之類既野, 但係原來仲有我至愛既串燒食, 呢次真係好驚喜 開頭以為都係d台式or港式串燒, 點知出黎竟然係好正宗既日式串燒, 真係要影低佢比大家睇下~燒秋刀魚$28 , 好正! 好仲意個蘿蔔蓉+魚汁鹽燒雞翼$16, 都ok, 雞皮幾脆汁燒牛肋條$18, 好特別既汁, 讚呀牛小排$38, 超正! 一定要嗌, 真係好軟好淋呀鹽燒雞尾$14, 老細話呢個一定要試, 出面好少有得賣, 冇騷味架試左真係好香雞油味, 又真係唔騷喎 可以一試仲有好多野食冇影低已經食左落肚喇, 由其係佢既厚燒牛舌, 我地4個人都要嗌encore呀, 可惜冇影低, 最後清碟下次有機會都要帶埋屋企人&男友再黎食過, 希望下次會有更多驚喜~等埋單既時候見到隔離枱4個人嗌左8串牛舌= = 好誇張呀

朋友生日 經過北角想不起來門口 見到有串燒食 就入去試下~~!點知有驚喜!!叫左好多野食,牛小排,牛舌,雞翼,雞泡魚乾,燒豆腐,燒粟米,雞軟骨,鴨胸 等等....叫到一台都係~~!北角竟然有咁既質素 真係唔錯!!而且價錢都唔貴!又多一個晚飯宵夜好去處!!樣樣都好食 掛住食冇乜影相 ~!最好食係牛小排 鴨胸 同粟米!!

星期六晚同男友食完飯行返屋企 ; 大約十一點左右 ; 經過書局街; 見到大大個紅色燈籠寫住"串燒" ; 口痕痕又唔夠飽就走咗入去try 吓; 原來呢間日頭係賣台式嘢; 夜晚再做串燒。問咗老闆有咩推介; 佢話可以try 吓個牛小排同埋燒牛肋條!咁老闆推介就try 吓啦! 另外仲叫咗個牛油粟米; 鹽燒雞中翼串; 同埋鹽燒秋刀魚諗住個牛小排係一串咁上; 點知原來係燒好再切片上! 要咗五成熟; 上到黎都幾大份吓; 食落D肉好"林" 好有牛肉味! 超正!!!!!!!! 不過好飽!燒牛肋條; 雞翼同秋刀魚都唔錯; 不過值得推介反而係最普通既牛油粟米! 粟米燒到岩岩好; 又香又甜! 勁想encore 多一客

晚上一支公食飯, 其實並不是第一次黎依到開餐, 次次都食鹽酥雞球飯, 今次食左個五香牛展湯米線+台式豬扒包， 米線個清湯底應該是豬骨湯底， 幾甜，夠火喉。豬扒包個包好過 m記的包. 值得一贊是這店應該是全條街提供最平的湯面, 湯米線套餐, 包埋珍珠奶茶的湯米線30元都唔駛, 通脹時代很難找呢....

不知所謂的台式怏餐今天想食台灣野, 就特意去呢間試試! 點知食到一肚子氣!1. 牆上菜牌同台面的菜牌唔一樣, (台面菜牌下午茶有酸菜肉絲米線, 牆上菜牌卻唔包) 二者價錢相差$8, 到落order, 食物到, 才寫單, 發現價錢係正價非下午茶餐價?! 問個店員說下單前要說明係下午茶, 但份量少一點, 現在改唔到架啦~~~ok！　當我唔小心看錯2. 好快食物來到，一食! 完全唔掂 ~~個酸菜肉絲米線完全酸菜味, 肉絲多根及肥肉, 友人之鹵肉米粉尚可! 3. 二個人叫了2個餐, 本應包飲品, 埋單時境然額外每杯飲品多收 $5, 由原以為合共$50埋單, 最後因菜牌問題下午茶變了正價$29 + 一個正價餐$29 + 不知名額外飲品價錢令呢餐下午茶變成 = $68! (如果食物好, 服務好, 其實都完全唔貴, 可惜沒一樣東西掂, 下次一定唔會再幫襯, 難怪下午茶時段店內只有1,2台客人~~)

今日同女友經過書局街，被門口的poster吸引左入去, 叫了一份台灣玉燥米線撈+珍珠奶茶女友點了一份五香牛展撈面+薑母奶茶. 傳統的肉燥撈米線, 感覺很新鮮, d 肉燥汁很入味,, 這個撈米線亦很配合這些食材, 女友喝的薑母奶茶, 有的似蕃薯糖水的糖水加左少少奶茶, 係第二到未飲過, 這店的食品很創新 價錢又抵, 埋單都係60令蛟.

不錯的台式食店, 好過果間"青X牛肉面" 多多聲, 一家四口兩大兩細去試食, 叫了牛肉面, 肉燥飯, 炸雞球, 台式烤腸, 娃娃棻.一杯重量級特飲牛肉面- 用特色器皿,睇落細細的,但原來入面都有好多面. 牛肉就少了點,只得四片, 如果多一點就更好. 希望下次去會有所改善肉燥飯-肉燥和飯的份量合適, 味道不錯.炸雞球, 台式烤腸, 娃娃棻- 每樣都不錯, 份量不算少.重量級特飲足夠兩個人飲, $18價錢不算貴,值得再去的食店.

午飯時間曾經過依道好多次,,今天決定入去一試我叫左一個炸雞翼米線+珍珠奶茶男朋友就叫左個肉燥飯+凍檸茶炸雞翼米線,,佢係分開上既,,首先比左個米線你,,第一眼見到覺得個米線好細豌但你食哂就會發覺都幾多,,而且個豌幾靚,,仲有個木架放住同埋就咁清食個米線都可以,,因為佢個湯都唔錯但我就覺得佢個雞翼好普通,,而且我唔太喜歡肉燥飯都OK,,我都有試左2啖,,同埋佢個飯都幾大個,,幾抵食個珍珠奶茶我就覺得好飲,,D珍珠同出面個D唔同,,我覺得彈牙D,,D奶茶就好甜,,但都影響唔到我咬佢D珍珠^^

這間台灣野除左價錢實惠，D炸物好食之外；它的珍珠奶茶就最棒！以前在這邊上班，差不多日日都要去買杯飲！尤其是夏天！這裡的珍珠又彈牙又大粒又滑，茶香和奶的比例剛剛好！又香又滑！每次飲完，個腦諗新idea都特別快！仲有呀！D店員都是帥哥！呵呵！^^

其實呢間餐廳都好耐之前食左，真係食左乜都差點「想不起來」!兩個人臨收舖先入去，叫左一個鹽酥雞米粉(都幾大件雞)同台南擔仔麵。份量唔算多，但係連埋一杯台式飲品(都ok好飲)，都平過某d茶餐廳架喇。佢用番台灣既擔仔既容器載麵，算幾有特色架喇。

１。肉燥飯：好入味，掂！２。花枝丸米粉：原來係墨魚丸，失望；米粉好快索晒水，搞到一pat pat。３。鹽酥雞球米線：不錯，不錯。飲品方面麻麻地喇，當然唔可以同果Ｄ仙ＸＸ比。

今個星期六同2個朋友咁啱經過書局街....發現新開左間台灣野,幾多人食緊,想試下,估唔到都幾好食......我地3個人叫咗2個飯餐1個米線餐....一個咖喱豬扒飯,一個肉燥飯同一個花枝丸米線...個咖喱豬扒飯舊豬扒好正,好'林',又多汁,正!!!D肉燥又好正,撈飯食一流.....花枝丸都okay,出邊D餐廳都冇咁好食野飲叫咗杯珍珠奶茶,茉香綠茶同熱薑母茶....杯奶茶好滑,有台灣風味.....茉香綠茶好香,茶味好純....薑母茶冬天喝最啱,暖胃.........唯一彈就係枱唔夠大,有D迫.....下次再去試下個尤魚酥,聽隔離枱嘩好好食總結,3個人食100蚊有找,抵!!!適合同屋企人or朋友食...

星期五，氣溫回升，真不知今個冬季需唔需要著厚衫。辛苦咗一個禮拜，是時候讓太座及自己休息一下。在屋企附近開了一間新嘅台式食店，要試一試。叫了一碟鹽脆雞肉飯，連一杯茉香珍珠奶茶共三十五蚊。賣相普通，雞肉用炸粉包裹著，或大或細，或厚或薄，食落卻是香脆可口的。可惜飯真是有點硬，用嚟炒飯一流，當作普通白飯可能會傷腸胃。茉香珍珠，事前吩咐少奶，飲落質感雖然冇咁厚，但有茉莉花嘅香味，不錯。至於珍珠嘅質素是不敢恭維了，質地鬆散，全不煙韌，不合格。太座點了豬扒米線，連芝麻珍珠共廿六蚊，是豬扒連米線一起上。豬扒浸在湯中，就算幾好食都打了折扣。奇怪的是見其他人點湯米線，餸菜均是另上的，唯獨是豬扒例外。豬扒其實唔差，入口算是嫩滑多肉汁。撇開珍珠，芝麻珍珠味道比較淡，但可以聞得到芝麻香氣，是合格的。此店食物質素整體而言，略嫌普通，在遍地都是台式食店嘅香港，要突圍而出，以這樣質素，不易。攪不好的話，命運只會如其名「想不起來」。