想不起來 (Closed)

和妹妹撐檯腳﹗這店我幫襯不下數十次。唔可以話每況愈下﹐但的確不及那些年。老實說價錢同食物和環境我覺得可接受﹐唯獨是走台式路線台式飲品卻一次比一次難飲。所以飲野吹水我都不會在來這裡了。食物請看圖參考﹐但都唔洗再考了﹐寫此食評﹐是想告訴大家﹐此店已在元旦結業。本來打算再和妹吃一次﹐經過﹐見掛了一大幅橫額說將會開木子甜品。這一帶整式變成甜品霸權街。幫襯了這麼多年﹐結業難面傷感啊﹗

星期三是打工仔最認真工作的日子，所以我跟男友跳出美孚來到荃彎找尋美食滿足一下自己。不過經濟有限，所以想不起來的標價還可接受，於是決定想不起來。未入場前，有一段小故事，因為男友買了椰奶，而想不起來說不能外帶食物，我因為工作得很累，所以我一直黑臉望向男友，服務生對我的態度不溫不火的，倒是盡職，男友說先喝完再入座，我就拉他再走多一個圈，只是我繼續的的黑臉。再回去，侍應抱持態度招呼我們，男友要了套餐的牛扒，而我要了肉燥雞軟骨飲品喝泡泡，男友是藍莓，而我是朱古力味道出奇地ＯＫ，可能是我愛吃濃味食品，那肉燥味道正常，好吃的是雞軟骨，夠香夠脆又有汁！正！男友的牛扒也很抵食，牛扒是大件有厚度而不是簿得似紙，而味道剛一般水準，不過他也讚（抵）！而飲品方面，２杯也是麻麻，不過也不失香港的台式飲品面子，至少不是藥水味！只是環境有待改善，座位很窄，台腳也不平穩，坐得很不舒服。不過也沒辦法吧！這個價錢的食物水準如此，環境地方將就好了！總言，有下次，因為味道跟價錢也是公道之選。

每次經過大河道,我都諗住入去食,但係裡面長期滿座,所以今次我無論如何都會試一次。裡面有5款set dinner，男友叫咗焗香草汁吞拿魚意粉，我叫咗露荀鮮蝦雜菌炒飯。炒飯唔多似炒，冇鑊氣，露荀唔爽，有少少鹹。意粉香草味過重，太過刻意，不過冇搶到吞拿魚既味。意粉焗得麻麻，芝士冇拉出黎0個種好滋味既感覺(有睇pizza hut既廣告應該知道我講乜)我有d 失望……

想不起來不是常常食，因為款式不是太多，而且覺得普普通通。今晚無意間行到附近，便隨便進去吃晚飯，見有一人份量的火鍋，便試試。叫了一個豚肉蕃茄火鍋，配一碗飯，另加了一份肥牛和烏冬，兩個人吃。番茄湯底真的很足了，不過豚肉只是普通豬肉，不是太好吃，肥牛還可以。火鍋配台式飲品，感覺一流，價錢便宜，可以再試~

昨日六點已覺得有點餓...便和朋友去路德圍吃晚飯~因為落雨不想吃要坐出面的地方...所以便走進這裡吃飯環境有點兒那個...但見價錢都幾平所以都算LA!!朋友叫了個...什麼鵝肝鴨胸XX飯之類的餐~而我點了原隻魷魚什菌飯~兩個都是套餐所以有包餐湯和蒜蓉包~ 餐湯是白湯~但試了兩啖便算了...是用熱水沖粉的那種...而蒜蓉包也是燶燶的....飲品到了! 朋友要了綠茶而我點了蘋果綠~嘩....那個綠色真的有點嚇人...味道....比較酸....下次點綠茶好了...心想...死了....餐湯蒜蓉包和飲品都那麼可怕...main course怎麼辦?我們還見了一蚊的鹽酥雞~又OK WO! 一蚊有得食~好抵呢~然後我的魷魚飯到了~呵~意想不到地又幾好食~朋友也說她的都好味~呼...幸好最後都吃飽飽地離開~

11/7/10)荃灣食店,已試得七七八八,行過黎路德圍「食街」看看有沒有新點子。這疑似台式食店,開了許久,也沒曾有意欲試。今躺唯有試吓啦。環境感覺好亂,有點”立次次”,椅子的折舊程度,更是驚嚇。勝在下午茶廉宜。其實說下午茶,那並不包飲品。台式飲品+$8,特色飲品+$13。兩人只加了一杯飲品,反正置在食吓野啫。薑母茶,很夠薑!味道和台灣買到的,一磚磚黑糖薑茶相若。肉燥瑞士雞翼飯,飯量有成兩豌飯咁多!但肉燥汁很少,味道都唔錯。雞翼沒有瑞士汁甜,似豉油雞翼多D。珍寶熱狗,麵包微熱。欣賞她把珍寶腸切了花,使醬汁更容和在麵包中!其實食物ok,但環境實在太差了,不會試。

諗住放完工,拿拿臨食完飯就番屋企陪老豆睇波所以行過見到,e?"想不起來"個名咁得意咪入去試下......嗌咗個肉燥豬扒飯同大嘅蜜瓜薄荷沙冰等緊野食黎個陣聞到一陣好香嘅味,咪問下d侍應係咩黎原來係炸雞球(唔記得個全名= =|||)即時嗌黎試下因為啱啱見住佢炸好,所以外脆內嫩不得了,正!!講埋杯野飲薄荷味幾重,不過略嫌甜咗少少唔知係咪天氣熱,融得比想像中快遇然一試又覺得唔錯喎,比到驚喜我下次搵埋班friend去試下個咩雞球先,so good ar!!!!

走到荃灣不知道吃什麼好，就在街上逛逛，進了這間想不起來。一蚊雞優惠 - 叫兩個餐就可以用$1要這個鹽酥雞，好抵！味道也不錯~晚餐set的餐湯和餐包 - 味道和賣相都ok韓風泡菜肥牛釜飯 $45 - 開始時漏了泡菜，之後才補上。味道一般啦風味咖喱豚肉雜菌迷你窩 $39 - 咖喱不夠香，料還算豐富，加$5換了烏冬，不過烏冬都是普通貨色，個人認為不加那$5要飯更好。整頓晚飯最特別是那個一蚊雞優惠，抵食~不過整體食物和飲品的味道都很一般，未必會再去了~

到底想不起來呢個名改得好唔好呢? 平時晚上經常坐滿人, 今日路過終於都決定一試餐牌上寫住VIP有既優惠, 可惜我地都唔係VIP, 問完之後, 原來食完即join都得, 總之第一次唔用得, 還是食完再算吧叫左個兩個餐, 意大利芝士焗辣肉醬意粉 & 意式茄蓉烤羊架飯餐湯有點稀, 不提也罷, 蒜茸包太燶, 而且不夠蒜蓉味, 也是失敗作另外兩人叫餐仲可以加$1多一客鹽酥雞, 鹽酥雞頗香口脆身, 即炸但唔會好多油, 做前菜一流, 要挑剔係大件左d, 如能細少少會更好意大利芝士焗辣肉醬意粉只是普通, 雖不是難食, 但普通得我已經無印象意式茄蓉烤羊架飯煎得好香, 羊架份量好多, 可惜係羊本身質素唔好, 食而無羊味, 空有一身技術, 煎得多好都無用餐飲係茉香綠茶, 不用加錢, 綠茶好大杯, 好清新好解渴, 非常抵飲唔怪生壞命, 最怕改壞名, 吃過一次之後, 你有甚麼想得起來嗎?

睇個店名...第1時間只會諗 X:呢間野好唔好食? Y:想不起來..諗多幾秒先知佢原意係---想 =>不起來 試左沙嗲雞窩..原來真係有埋爐幫你放火係底同打邊爐形式一樣..好吸引初初..之後滾左..試左d送..試極唔覺拍得住打邊爐既味..再試d雞.ok一般.最弊端係份量小..得4舊左右..仲要係唔知話佢中等/細size好..總之就係few la..而且d雞斬得唔好..好多骨碎7零8落..爭d咬爆牙..有跟飯..仲有杯野飲..但要+5$ 幾好飲..仲有惠顧兩個餐就+1$送左碟炸雞..個碟反而最好食..有6~7件左右..埋單每位45$左右..唔抵食囉...難怪無乜人食窩..

我好少寫食評! 除非超級值得推介又或者好似今次甘超級難頂, 我絕對懶得寫!!!!!今次的起心肝黎寫係因為真係想嚴重警告各位食客, 唔想味蕾被毒害, 任何情況下都唔好入去試食!!!D侍應黑口黑面, D 食物一入口'lur'都'lur'唔切! >=[ !!!!1. 餐湯入面D生粉多都係一patpat甘入口2. 塊蒜蓉包紙甘薄, D蒜蓉只有五毫子甘大3. 我叫左巴黎汁雞肉螺絲粉, 巴黎汁係咖哩味, 雞肉係酸宿既, 一舊都食唔到4. 我男朋友叫左和風豬扒飯, D豬扒有兩陣味, 似係調左用黎煮其他野, 結果有人叫和風就照拎黎加D和風汁落去照煮!!!結果係~我哋食唔夠兩啖就忍唔住埋單去對面再食過!!!

已經係第二次黎堂食，第一次黎時已經落左ORDER等餐死，諗住再俾一次機會，點知，今次情況更差。宵夜時段，人流一般，但侍應數目算多.....不過，全部集中企埋晒在室內同一個位，不斷傾計！我可以話，哩間店的店員關係好好，可惜，當顧客冇到！設有露天位，但侍應企晒在室內，仲要一堆咁企埋一齊近廚房，方便同廚房的同事傾計落左單，只係食個宵夜，簡單的一個公仔面，同埋一個燒雞翼，以及一杯珍珠奶茶...點知，等了又等，個幾兩個字先等到杯奶茶黎....飲埋杯奶茶，個面都未到....繼續俾耐性等，終於黎到，已經係20分鐘...照計咁遲煮，碗面應該係熱辣辣至0岩，點知，係暖暖地而已食埋碗面，雞翼都未到，追問之下，話整緊，好明顯冇落單，都算，我繼續等，再等多10分鐘都仲未到！忍無可忍叫侍應：我唔要喇！幫我埋單！佢一句唔好意思都冇，仲話已經整緊，我嬲到震，同佢講，我碗面已經等左20分鐘、個雞翼半個鐘都唔黎，點等！佢不發一言收左我錢，過番黎找錢時，仍然一句唔好意思都冇哩D係咩態度？侍應基本職責係分散在不同位置讓顧客可以點到菜、叫到你地，但哩間舖頭的侍應最大職責就係：傾計請佢地返黎好似係聯誼！就算幾唔滿意，客顧反映意

餸: 三片腸仔 味道正常一塊雞扒 又硬又乾一塊豬扒 更硬更乾飯:白飯 正常肉燥 只是豉油 + 豆粉水 + 極少量肉粒 假裝的肉燥!!!餐飲:淡而無味 只有顏色 怪怪的!價錢:有被騙的感覺 總結:盡能力吃了一半 實在吃不下需另去買小食來填填肚建議:慎入

今日上完堂，十點向荃灣同男友食飯其實都唔係第一次食想不起來，好耐好耐之前都食過幾次但愈食覺得愈難食，所以就無再去但近排上到黎openrice見到有人讚好就心思思試多次啦，反正咁平今次叫左兩個鍋，無咩特別，菜呀菇呀就一大炸肉？得果一兩塊囉.......好味？唔覺。難食又唔係ge....放得入口果隻但我覺得佢D waiters真係好唔得佢間鋪頭我無記錯果日應該有4個waiters向到有三個企門口傾緊計，一個較老ge女人向我張木台後面落緊單好啦，我叫野食，揮揮手果個較老ge女人好唔好老脾咁講:等等啦你小姐~送多一個怒啤眼神，真係多謝晒原來你果3個傾計緊ge waiters唔係負責落單嫁~失覺失覺最尾先有一個後生少少ge女人黎寫單等等等等等...等左差唔多半粒鐘男友開始頂唔順，追單仲要等多幾分鐘，又再等等等好喇，兩個鍋終於黎左................我以為佢咁好，整到半熟先上木台啦.................但係....全部生嫁喎放一放湯，擺D生野落去都要成9個字？難道D雞呀豬呀係即"湯"，D菇呀菜呀係即摘ge？個鍋黎左，但兩碗飯仲未黎再問，又等多5分鐘....畢碗飯都要成個字？

星期二晚上八點來到,,可能下大雨的關係,,並不多人和男友叫了日式咖哩豚肉什菌窩($39),,鮮茄牛奶肥牛什菌窩($41)每個窩都送一碗飯,,用湯來送飯十分好味!!!(轉烏冬+$5) (加台式飲品+$5)日式咖哩豚肉什菌窩 - 所有材料都在窩中,,咖哩味較普通,,像是合味道咖哩味,,什菌和菜都不算少,,豚肉被我們遺忘了,所以比較韌鮮茄牛奶肥牛什菌窩 - 肥牛是另上,可以自己淥,,一塊的大小已比上吉野家的兩塊!!雖沒有雪花但也十分好味,,我們都覺得比其他連鎖快餐店好湯雖沒有牛奶味,,但茄味很濃郁!!!!所有菜和什菌吸收了湯汁都變得很蕃茄;PPP到後段我們把咖哩窩內的食物都搬到鮮茄窩內煮=D這些窩的火都極猛!!! 很快就滾得很厲害!!不過他有個小鐵蓋可以自行調較火力如果加飲品就會變成套餐,,可以以$1加鹽穌雞或炒菜當日店內有新店員,,雖未是熟手但態度不錯,,鼓勵鼓勵!!是晚十分飽足,,比去連鎖快餐店吃更好!!!