香桃和風中華料理 (Closed)

同老友o係灣仔區食晏，見呢度位置適中，個名又幾得意，就決定黎一試。唉！試新野好多時都要付出代價架，因為難食o既一般比好食o既多‧‧‧一點鬆D黎到，人客都唔少，似乎都頗有捧場客。打開餐牌，見一般午餐都係48元左右，都幾經濟。不過大食老友當然唔係一般午餐可以打發架啦，於是叫左個最多選擇o既二人套餐，包一個湯、一個頭盆、兩道小菜、白飯/菜飯同甜品。個湯要左個唔知咩羹，有好多荀絲同馬蹄碎，用個迷你煲仔連蓋上，但就一D都唔熱。由於個羹o既質地好似豆粉茨，所以室溫飲都相當難食。頭盤我地要左棒棒雞，雞絲好少，個麻醬基本上係花生醬開水咁味，粉皮不過不失，整體都未去到難食，但就談不上好食囉！兩個小菜分別係香桃咕嚕雞煲同豆腐骨煲。前者總算有少少熱度，用左桃片代替罐頭菠蘿，都叫有D誠意，不過個汁o既味道完全蓋過桃味，所以用咩都冇分別。雞肉o既麵衣都算脆，份量唔多，味道普通。個豆腐骨煲其實即係豆腐加排骨煲，室溫上，略為厚茨左，又係麻麻地。最恐怖係佢o既菜飯，有陣漂白水味，而且完全唔熱！我地再叫左一碗普通白飯，漂白水味就冇咁重，﹝但都有喎﹞但保持該店一貫水準，唔熱！餐飯食到呢度，實在無法繼續─我地連甜品都唔等就