Video
Read full review
2024-12-16
887 views
上次經過, 見到舊時上海姥姥個位, 開咗呢間麵店, 今日去試吓, 要排隊。一坐低, 掃曲落單好正常, 不過佢要好似大陸咁, 落完單俾埋錢, 都冇問題, 不過... 淨係收微訊同埋支付寶! Hello? 呢道唔係大陸呀! 唔係個個香港人有呢兩樣! 你有心想人用電子支付, 點解唔收埋Payme、Google Pay、Apple Pay、Samsung Pay呢? 學匯豐話齋, 呢D叫地方智慧呀! 後面個枱叫侍應埋去, 聽到佢都係話冇呢兩個支付工具, 侍應話可以俾現金。 咁我都只可以叫侍應落單, 即刻收埋錢, 點知埋嚟呢個係講國語既! 突然間覺得好唔尊重地方智慧, 我特登唔同佢講國語, 雖然佢態度比其他侍應好。 如果佢地做到好出位個間火鍋店咁有誠意, 我尊重你👍, 不過呢間唔係。我叫咗酸菜牛肉麵, 微辣, $49, 麵量非常多, 細食或者唔夠餓既話, 可能會食唔晒。麵質唔錯, 不過湯底似乎係高科技「材料」, 而唔係用骨用肉去煲出嚟, 亦都慶幸味道唔係太濃, 畢竟「材料」呢家野, 少食為佳。牛肉係得幾塊片得好薄既牛腱, 可以再林D, 肉味唔濃, 肉量難以同台灣牛肉麵比較, 少得多! 辣度方面,
酸菜牛肉麵
$49
181 views
0 likes
0 comments
酸菜牛肉麵
$49
206 views
0 likes
0 comments
凍檸茶
$8
104 views
0 likes
0 comments
加$8有野飲, 我叫咗凍檸茶。 堂飲都用外賣杯, 好浪費。 飲管係紙造, 冇匙羹、攪棍提供, 😒點篤檸檬呀? 打開杯蓋一睇, 得一塊檸檬, 再試飲一啖, 唉... 真係加咗「材料」! 未篤檸檬, 已經飲得出有一種好假既檸檬味😒, 呢杯係大陸式凍檸茶。🤦中伏!
碗麵送到埋嚟, 係冇匙羹既, 櫃桶入面都冇, 只有筷子。隔離枱咁啱想要碗仔, 咁啱有位講廣東話既侍應經過, 叫佢「出面自己攞!」 拿... garbage in, garbage out。 唔講清楚「出面」即係邊道, 隔離枱即刻㷫咗! 我跟埋出去搵匙羹, 點知都係冇! 另一位講廣東話既侍應經過, 我問佢邊道有匙羹, 佢話「冇晒!」 唔好意思, 今鑊連我都焫㷫埋! 迫我回敬返佢一句「冇匙羹點食呀?」 佢敗走, 完全冇半點歉意。 心知自己理虧, 你無條件對我西面! 服務行業做到咁, 香港仲有咩希望? 返到埋位, 又有另一枱問侍應攞匙羹, 呢位講廣東話既侍應態度正常少少, 聽到佢話冇晒匙羹。 呢D明顯係管理上既失誤。
可取之處: 麵質爽滑, 飽肚又唔貴
進步空間: 唉... 一言難盡!
紙巾提供: 有
廁所狀況: ***** (商場廁所)
溫飽指數: *****
回味指數: *
翻兜指數: *
備註: 只收微訊支付 & 支付寶, 想俾現金要人手落單
Post
