小王牛肉麵

Open Now

Now Closed

諗住餓餓地坐低食小小野，想食牛肉麵，但得半根半肉揀😅冇計啦，照叫，黎到全根得1條肉，果條肉真係叫半根半肉啦🤣🤣呃錢都唔好咁過分呀個麵不過不失啦，湯都合格但杯金吉檸檬就非常之甜不過下次應該都唔會再黎環境都算乾淨，坐位舒服，啲姐姐服務都可以可惜輸左個廚房，牛根唔入味，牛肉麵冇牛肉不過呢餐都有得著令我明白下次去到另一間多肉既麵店要懷感恩既心呢度一路食一路感恩廚房師傅肯比一條牛肉我🫶🏻如果唔係我連果一條都冇埋🤣🤣

次次嚟鑽石山附近都覺得冇嘢好食，通常諗唔到食咩都會食小王牛肉麵，比起以前少咗好多分店，其他地方都唔係咁易有得食🥲🦥半筋半肉牛肉麵次次都食半筋半肉，覺得咁樣口感比較好啲，同埋肉嘅份量都好多好大件🥩而呢度 嘅湯底係養生牛骨湯，味道好香好濃郁，我幾中意呢個湯，會就咁飲🤣🦥香芒芝士奶蓋飲品反而無咩特別，芒果味道太甜，奶蓋唔夠香🤔🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 小王牛肉麵 (鑽石山)鑽石山龍蟠街3號荷里活廣場3樓373號舖

話說都唔係第一次嚟食，每次都會叫半筋半肉麵，今次下午茶四點半左右嚟到，都係跟以往一樣叫咗個半筋半肉麵，之前碗麵嚟到時會跟一羹乾乾哋類似雪菜調味，而枱面亦有一壺比客人加，嘗試問店員個店員有沒有好似完全唔知我講乜咁，當時成間舖得個5個客人，4個店員圍埋傾偈，亦懶得理咁嘅態度，好似阻住佢哋傾偈咁，本來一碗好有特色嘅台灣麵，無咗果羹乾雪菜之後就好似無咗個靈魂一樣，淡而無味，垃圾都不如，以後唔會再幫襯，絶對無下次！！！

有日突然想食台灣牛肉麵，去左荷里活廣場，好幾年前喺德福都試過呢間小王牛肉麵，不過已經唔係好記得咩味。平日既夜晚7點幾去到都唔使等位叫左兩碗麵同一個小食，麵係可以自行選擇粗幼同韌度，湯底可揀胡椒白湯/ 養生牛骨湯，另外仲有得揀配菜（高麗菜/ 小棠菜、芫茜、酸菜同蔥）▪️半筋半肉麵 ($66)呢個麵係配養生牛骨湯，湯底顏色係深但唔係好夠味咁，牛筋係幾稔，份量都唔算少，唔算好入味。揀左硬麵質地，不過都唔硬，普普通通。▪️牛肉麵 ($63)呢個就揀左配胡椒白湯，好濃郁既胡椒味，但高麗菜完全無味。牛肉普遍都OK ，係有一兩舊比較柴。 ▪️蚵仔煎 ($78)係有啲驚喜，但味道唔錯，煎得夠香脆，如果蚵仔份量多返啲會更好不過食完呢餐之後返到去好口渴，要咁飲水… 口乾感覺仲勁過平時食譚仔，睇黎間野都用左唔少味精，唔係特別好食，亦都唔特別推介

小王牛肉麵🍜🥩牛肉麵湯頭清甜，有濃郁牛肉味，紅燒牛肉屬於半筋半肉既牛肉，牛肉軟嫩入味，牛筋入口即化，兩者相輔相成！🤤粗麵有咬口，幼麵就非常掛湯，有辣有唔辣任君選擇～想要咩質地既麵，胡椒白湯定養生牛骨湯，咩配菜，全部都可以係點餐紙自己tick✅ 揀咩全部自己話事！😜原汁牛肉幼麵配高麗菜🍖🥬$63我貪幼麵容易咬d，亦都比較容易掛湯一啲，整體黎講，無論係牛肉定麵我都覺得冇乜挑剔嘅地方！牛三寶粗麵配高麗菜 $75🐂🐃🐄Attention!牛三寶冇牛歡喜㗎！🚨所謂嘅牛三寶係指金錢肚、牛筋同埋紅燒牛肉～金錢肚入味爽脆、牛筋入口即化，好似感覺到嘅骨膠原咁💆🏻‍♀️貪心唔知想嗌咩餸嘅一定係揀呢個！(明明係牛三寶麵，唔知點解張單出咗另外一個同價錢既麵😂)鹵肉蛋拌麵$58🥚🍗滷肉肥瘦適中，味道偏鹹，攞嚟撈麵就啱啱好～唯一要挑剔嘅地方就係半隻蛋唔夠食🥲如果有一隻就好啦！一口鹽酥雞 $35 🐔🐥即炸鹽酥雞，外脆內軟，咬開保留到雞既肉汁，一粒一啖啱啱好，最啱同朋友一齊share!🫶🏻總括嚟講，三個人食咁正宗嘅台灣牛肉麵，先$250左右，冇咩挑剔嘅地方啦～🤍

推介指數：🍽️🍽️🍽️🍽️🍽️｜Comment｜本身對呢間嘢嘅期望唔係好大但係入到去發現牛肉麵同埋炸嘢好出色尤其是牛肉麵嘅湯 好飲係養生牛骨湯 飲得出同普通胡椒白湯嘅分別如果唔係叫牛肉麵正常要加錢佢啲炸嘢 香脆鬆軟 特別推薦啲鍾意食炸嘢嘅人嚟佢個鳳姐戳戳 造型好特別不過真係雪得好硬要俾啲時間佢溶|食咗咩|🍖鹽酥雞🧆炸杏鮑菇🦪鹽酥蚵仔🍜鹽酥雞扒麵🍛豬手飯🍜牛肉麵🍧鳳姐戳戳📍Location🚇相近地鐵站：鑽石山站...#cmhere #hkig #hkfood #hkfoodie #炸嘢最好味 #台灣菜 #飲品都有啲心思

今日因工作需要外出，午餐時間唸住快快手係附近快餐店求其搵啲熱嘢醫飽個肚再努力工作。見到商場內有間小店叫小王牛肉麵，一於坐低唸住整番例牌碗牛肉麵啦。午市套餐半筋半肉湯麵 （養生牛骨湯）配前菜兩小菜+飲品一杯等咗唔洗10分鐘份午餐就準備好，不過份午餐上枱後心情馬上打咗一個突。。。碗麵嘅湯頭顏色好明顯唔係好對路。。。直接嘅感覺係黑麻麻。。。先試一啖湯，溫度唔夠熱，另外味道只係有濃濃嘅豉油味。。。放鬆心情再細嚐才有淡淡的當歸、草果、八角、甘草等嘅香料味，不過已經被豉油完全蓋過哂。。。牛筋、牛肉同麵底還可以，不過果兩碟所謂嘅小菜如果係台南朋友見到真係直接會駡人。。。（小菜細節如圖、下刪一百字。。。）。跟餐凍檸茶味道帶點苦澀。。。綜合嚟講只係一間”豉油”餐廳，東施效顰。。。重要收加一服務費真係想問句老板生意真係咁難做。。。？真心建議老板將心思多放在廚房出品及樓面各項細節才能留住客人的忠誠度！搵快錢並不是這樣的。。。（純屬個人意見）。。。希望老板可以加油！

簡單的一碗牛肉麵好想到臺灣旅行，去臺灣的話必定會吃的就是牛肉麵在香港的話，這家餐廳也算不難找半筋半肉的牛肉面湯底雖然沒有真的臺灣當地這麽濃但也不過不失牛筋是q的，滿滿的膠原蛋白牛肉也是嫩嫩的面條質地就是臺灣面還要配搭一些椰菜，蔥花不夠酸菜的話，也可以叫拿多一點

經過鑽石山見到小王牛肉麵冇咩等位，又肚餓，所以入去試下~叫左個半筋半肉麵，味道一般，正常牛肉麵味，湯底有少少藥材味，牛肉都夠淋，啲筋都算淋，所以都唔錯👍🏼不過佢的麵就麻麻地~唔算太出色，有少少扣分~但普通一碗牛肉麵嚟講都算過得去，唔難食~另外加左份鹽酥雞，都算新鮮，啱啱咋好，啲鹽都算平均，每件雞都算有鹽，所以都算有心。好過好多店得上面少少有鹽，下面冇晒味~但30幾蚊得細細碟就見人見智睇下抵唔抵~整體嚟講都唔洗$200埋單，總算可以接受~但對比台灣食果啲就一定冇咁正😂😂#台灣 #台灣美食 #小王牛肉麵 #牛肉 #牛肉麵 #牛肉麵🍜 #台灣牛肉麵 #半筋半肉牛肉麵 #黃怪獸 #黃怪獸覓食

同朋友兩條友潛完水經過鑽石山見好耐冇食過台灣嘢就嚟食見到食評好壞參半早就有心理準備「唔好有期望」去到5點半左右，其實都唔係好洗排隊服務態度我覺得冇問題，仲幾好咁比我地放好兩個行李入座本身想叫兩個牛肉餡餅食點知冇哂咁嚟到梗係要叫個牛肉麵話哂佢地店名叫牛肉麵，即係應該係招牌菜啦當然，首先嚟嘅都係牛肉麵我同朋友各自都叫咗碗半筋半肉麵。筋同肉嘅數量麵唔少我習慣會飲幾啖個湯底先嗯？！冇傳聞中咁難飲/鹹喎，反而有少少藥同蘿蔔嘅味道，有少少回甘，好好味，飲落好想追飲果隻！非常開胃！至於啲筋，淋得滯，唔太識回彈！牛肉唔太入味，煮到老哂、有少少散！到到個麵，係我同朋友都覺得難食，太硬個湯幫碗麵拉高分，但其實主角唔係麵咩？不過我都食哂嘅！因為湯真係好好飲！鹽酥柯仔太鹹⋯而柯仔太乾身⋯呢個精彩，叫鹹蛋肉鬆豆腐（咁上下）豆腐其實理應好夾肉鬆但對唔住，個醬汁出哂事，酸酸地，又甜甜地，成件事好唔夾！叫咗個果汁茶，茶嘅部份你見到啦就係咁不過最終都飲哂同食哂啲果肉！裡面有橙、酸梅、青檸、蘋果等等。兩個人埋單$239不過真係可一不可再試過就算喇臨走仲比我見到有隻曱甴🪳不過食肆有都正常，我都接受咗。

今日同個朋友去鑽石山睇戲，我地諗係睇戲前食個lunch先。我地見到呢間台灣菜幾吸引，價錢又唔貴，就試一試。朋友叫左個「半筋半肉牛肉麵」，我就食「鹽酥雞扒麵」，一杯抹茶芝士奶蓋，一杯珍珠奶茶。「半筋半肉牛肉麵」個湯底好濃郁，牛筋爽口，而牛腩唔韌，配埋啲配料，有酸菜，青蔥，芫茜，成個湯底都好濃味，好豐富，簡直想飲埋啲湯。「鹽酥雞扒麵」，我本身都中意食香口野，雞扒炸得好脆，好香，珍珠奶茶就不過不失，唔會太甜，而果杯抹茶芝士奶蓋就唔錯啦，好香抹茶味，面果層芝士奶蓋，咸咸地咁，口感幾特別～

牛筋麵58元，牛筋煙韌，湯底為養生牛骨湯，湯味太咸了，自選粗麵韌度為軟，結果麵的口感仍稍硬，自選配菜為小棠菜，味道一般，自選配料還有莞茜、酸菜和青葱，其中酸菜很酸很咸。台式滷肉蛋伴麵52元，自選粗麵韌度為軟，結果麵的口感較軟，與預期相符，自選配菜為高麗菜，高麗菜份量很少，滷肉方面，肥豬肉甘香，瘦豬肉較硬，自選配料還有莞茜、酸菜和青葱，其中酸菜很酸很咸。

牛骨養生湯好香😋每次都係食同一款🤣第一次午市時間食，套餐啲牛筋牛肉一樣足料👍🏻（$63）邊食邊寫呢個食評，因為真係覺得好食…同埋職員有禮貌👍🏻想讚下…分享下！😆 但….11:50am左右有一個唔知經理定係老闆娘嘅人入左黎，一入門口就喝個同事有人遞手呀（當時鋪面得兩個職員，一個喺水吧，一個收緊錢….其實…..真係分唔到身嘅😅）12:00左右我諗係夜班同事返黎….佢叫個同事過去真係好似喝咩咁喝😅在場4個同事都即眼望眼（我見呢位女高層30分鐘左右，keep 住都係皺住個眉頭😅，做服務行業如果個個都係佢咁嘅面口，肯定唔會再有回頭客）！純粹咁講，返工氣氛好緊要…佢嘅面口影響曬成間鋪同事嘅情緒，包括影響埋我成餐飯望住佢😂😂…影響同事情緒好直接咁影響到職員對客（但呢幾個職員好勁😂無比佢影響）👆🏻👆🏻希望呢間舖嘅女高層自己會睇返😅真心咁講…皺住個眉頭自己都辛苦啦，笑多啲人都開心啲😊 但中肯返一句，食物好食，每次預到嘅職員有禮貌👍🏻

<伏🤢>.🥣蚵仔麵線🥣：💰$50好細碗，外觀已經失望…似食緊有胡椒粉味既福字麵咁😅麵線似用水滾完咁，蚵仔粒都多，但完全唔係台灣個隻味…🥣滷水大腸🥣：💰$45隻滷水好深色，味幾濃但少少苦，底部有幾粒豆腐（但冇味既炸豆腐），大腸偏肥。🥣鹽酥杏鮑菇🥣：💰$30有9粒大菇粒，如果切細舊少少會易食啲，味道正常。.好味程度：⭐抵食指數：⭐環境指數：⭐⭐️

上次同女朋友食過半筋肉麵，同鹽酥蠔同豆腐都幾好味，諗住今日再去，點知今日水準勁差，照舊叫個筋肉麵，再加個牛三寶麵，筋肉正正常常，但係個牛三寶既牛肚，食落口又韌又柴，有小小似咬緊條抺布跟住叫左三個小食，照舊叫鹽酥蠔同豆腐，今次加個鹽酥雞，今次啲小食炸到好乾，豆腐就炸到變豆渣，炸蠔同雞就好似炸完放左好耐再反炸，得返啲炸粉味，叫左兩杯野飲，一杯水果茉莉茶，一杯水果花茶，水果茉莉茶就冇咩味，有小小似飲緊啲果汁先生加冰，放到啲冰融晒溝淡晒果陣味，水唔似水，茶唔似茶，水果花茶味度就，如果食得酸野，應該會覺得幾好掛，但係我應該唔食得太酸，飲左兩啖就再冇掂過杯野。唔知係今日個廚師係咪心情差，定係水吧條友新黎，今日喱餐食完，完全冇諗過再返轉頭食多次，埋單3百幾，食得都幾驚喜🤦🏻‍♂️