新斗記 (Closed)

星期日Family day，決定去飲茶🍵消磨下時間。細佬提早左成個鐘去等位，人都幾多下，黎過幾次平均都要等1個鐘左右，最後12點半成功入座😊剔完點心紙，一舉手好快有人黎，之後幾次要加水都好快，服務幾好👍🏼上菜都幾快，但食物就無咩特別，點左個芝士長春卷，炸得幾脆，但無咩芝士味，上菜個杯有點hea，下次可以唔洗點。揚州炒飯幾足料，蛋炒飯底，幾好食👍🏼雪山叉燒包個皮好酥脆，未試過可以試試～蝦腸同燒賣都幾好食👍🏼👍🏼好大隻蝦，都幾彈牙，不錯。蘿蔔糕一般般，無咩特別。流沙包幾香，但完全唔流😂改名叫奶黃包會貼切d...附上其他參考資料📃新斗記d水準都ok、應該會再來的😊

價錢真係唔平，唔知點解屋企人咁鍾意，味道同出面酒樓味道差不多，今晚7個人食團年飯，叫了個8人餐。份量好多，真的食不完，蒸魚就姍姍來遲，等了差不多1小時才上。最好味~反而係上湯浸白菜仔，其他就認真不過不失。雞都滑，不過唔知點解望落有啲唔太新鮮。另外服務就較差，見都見到7個人坐喺房，侍應分嗰個羹未問過我地就預先分定再直接上俾我地，但係佢分得6碗，其中一個未得飲o咗嘴!最後我地自己再分返一碗出來，這點~侍應服務要不得，追條蒸魚又愛理不理，又係冷冷淡淡咁。

一直都聽講呢到好好食咁岩放假就可以黎呢到飲下茶喇點心賣相相對其他酒樓精致腸粉拎上黎好靚煲仔飯都好好食但其他普遍無咁熱 同份量偏少價錢又比較貴之下 抵唔抵就見仁見智喇唔知夜晚小菜係點架呢

一放假就瞓到昏迷咁，擘大眼已經係一兩點嘅事，呢一日阿媽話想飲茶喎，咁就即刻起身換衫去市中心啦，印象中好似係一點半開始派飛，兩點鐘入座嘅，我哋第一輪入到，都坐得幾舒服嘅，因為新斗記係唔會搭枱，兩個人都會係坐四人枱，呢個都係我哋會再嚟嘅原因，因為有時食野，要望住對面兩個人食係有啲尷尬，特別係對方食相唔係咁好嘅時候。。每次來我都一定會叫呢個燒鵝瀨，食唔食到鵝脾就睇彩數嘅，重點係佢個皮好香，入口唔會係一啖油咁大把，佢仲好甘香。

今日冬至，一星期前已book定新斗記做節。準時六點半嚟到，但知客竟然話冇我booking嘅資料，當堂嚇咗一跳，再攪清楚後佢都即刻為我哋安排座位（如果佢企硬話我冇預約我真係唔知點算）。與其他酒樓一樣大時大節只有套餐，點咗個$1688五至六位餐。餸菜方面十分未因大時大節影響水準，乳豬、西蘭花蝦碌、鮑魚、海皇羮、炸子雞全部都好好味，最欣賞係條珍珠龍躉，好鮮味。最後仲有桂花榚做甜味，但比較甜。整餐家中老嫩都食得好開心、好滿意，下次做節都會優先考慮呢間

今天星期一，見無假期咁人多，帶左爸媽來吃，叫左火山石即燒1/4乳豬，老人家話讚，生炒上肉排唔錯，果然係餐廳推介必食！仲叫多個瑤柱蛋白炒飯。食物很足料👍🏻👍🏻👍🏻👍🏻服務員態度有禮貌。環境唔錯，坐得都算舒服，只是每台之間有點窄，不過預左。下次再來試其他。

難得放假⋯訓飽飽⋯同啊媽、家姐食茶！超耐無來新斗記飲茶⋯午餐時間，叫左蝦蛟、三色腸粉、乾炒牛河、咸水角、雪山叉燒包、蘿蔔糕！新斗記野食質數差左好多，個碟乾炒牛河，連醬油都少，炒到碟河粉都唔夠色⋯味道一般般，餐茶廳都好味過佢😞好彩蝦蛟唔錯、三色腸粉夠滑，雪山叉燒包都無以前甘好味⋯唔通換左廚師？🤔唯一好處係拎飛等位唔太耐，唔洗等半個鐘就有位，三個人，食左差唔多三百蚊，媽媽話價錢偏貴，我覺得都可以接受！

周六晚市， 好彩有位唔使等。 入到去原來唔滿， 大把位。整體味道不過不失， 乳豬，生沙骨ok其他偏濃味。 啲餸菜性價比低， 有進步空間。 五大一細平均三百多一位， 食個晚飯唔算貴， 但啲餸菜無論賣相味道，比其他同價位嘅食肆差。六個人但只安排一細枱， 食食下啲侍應要不斷拎走煲湯同兩壺茶去第二枱，先夠位放新煮好嘅餸， 又喺咁要拎走啲餸轉細碟。 一餐飯經常被打斷。 所以草草食完就走。啲嘢食就上得算幾快，啲職員落單加茶都算快，態度ok無黑面。 環境好一般， 雖然唔算多人，有好多空桌，但就把啲枱排得好迫， 可能因為租金貴要用盡空間。 但食客就坐得唔舒服。

由入門口三位知客態度己經差， 幾張飛仔你就唔理你，跟住就自己搵位無人招呼，到坐底5分鐘無人理過，再問佢拎Menu 搵野食，前後用左15 分鐘，總括嚟講野食麻麻，招呼極之差！。。。。。。圖一，腸粉味道還好，但熱度不夠。圖二，羅白糕香味夠味度不錯。圖三，蝦餃 皮厚雪藏味好重。圖四，乾炒牛河，好油炒得太過火。圖五，潮州粉果，皮薄味道一般。總括黎講賣相可以，但味道平分一般，環境還好，招呼就麻麻，如果要比咁既價錢唔會再黎食！

喺屯門搵地方食中菜晚飯，一定係嚟呢間。空間大，位多，價錢合理，又喺商場人流冇咁多嘅位置，食物水準幾好 。嚟咗幾次都冇失望，不過晚餐除咗套餐，散嗌嘅菜式如果再多啲就好！今次坐房，其中一張枱，明顯靜好多，但有時想叫個人嚟落單都難。嗌咗條魚、咕嚕肉、鹵水拼盆、蝦。條魚蒸得啱啱好，肉嫩，好食。但係等咗有啲耐。可能夜晚多人，㕑房做唔切。咕嚕肉炸粉厚咗啲，但係都幾好，起碼佢夠脆，汁又啱啱好！鹵水拼盆就希望有埋鵝腸，但冇。同埋覺得咸咗啲。蝦都ok，不過不失，大大隻。

今日經過屯門市廣塲新斗記入有去試下午茶。入坐後就叫了一碟豉油王炒麵， 藥膳鳳爪 ，得意腸粉 ，一隻乳鴿 ，最後甜品就係南瓜糕。 豉油王炒麵份量十足 ，乳鴿就好似过火，腸粉就真係好得意.，藥膳鳳爪都ok，南瓜糕甜味適中 ，總括嚟講今次下午茶都非常好

呢間酒樓已經喺香港12年喇！ 佢地嘅菜式都得過獎㗎， 尤其係燒味就更加係出色， 但我今次嚟呢度，就冇食到佢哋嘅招牌燒乳豬，但食咗以下嘅食物 :金牌拆肉泥鯭粥豉汁蒸魚雲蒜蓉白菜仔黑毛豬叉燒佢哋嘅泥鯭粥，我每次嚟呢間酒樓食都會食，因為佢哋嘅泥鯭粥都好味好，唔會腥，粥底夠綿。 豉汁蒸魚雲味道適中唔會太濃味，配埋佢個蒜蓉白菜仔就啱啱好喇。 當然佢哋個黑毛豬叉燒更加頂呱啦！ 因為佢哋出名燒味嘛！半肥瘦適中味道，濃淡適中！

有朋自遠方來 作為主人家的我 當然要好好招呼喇 我揀咗一個交通方便 喺市中心嘅一間茶樓新斗記 好等朋友從九龍入嚟落車就可以方便去到 當然食物質素亦不錯 價錢就畀我平時去開嘅茶樓貴少少啦 排隊等位人數就絕不少啦 我要早兩個小時去等位我哋都食咗好多嘢呀 南瓜餅 腐皮卷 都係我最愛 兩個多小時嘅歡樂聚餐 之後再去附近行街 一樂也

今日約咗妹妹去屯門市廣場行街 經過新斗記 見門口唔係太多人等就入去試下啦之前係新斗記多數都係食晚飯 晏晝飲茶都係第一次點心都ok呀 但係今次想講係佢嘅糖水我叫咗紅豆沙綠豆沙同南瓜餅 呢幾款傳統糖水可能好多酒樓都有得食 但係依間真係算整得唔錯 佢個紅豆沙同綠豆沙唔會太甜 又唔會水汪汪咁 啱啱好 而個南瓜餅南瓜味好重 果皮好正下次嚟都會再食

其實唔多講，奉勸各位無論你小朋友幾多歲，一定要拎BB櫈坐，10歲坐BB櫈一律都唔收茶位。如果小朋友2歲唔坐BB櫈，都照計你茶位。你可以將2張大櫈搭上，該公司都應為屬於BB櫈。總括由該公司既女公關經理所說，該公司制度收茶位是坐唔坐BB櫈計。如果唔太自在小小茶位錢，可能覺得小題大做。但現今飲茶茶樓收茶位錢，已經唔係以前既$5-$8既小數目。從來未飲過一間茶樓決定收茶位錢準則由坐BB櫈來決定🤔新斗記食物唔差，但員工質素、公司制度都有待改善。