幸福堂 (Closed)

趁著上週末天氣好特意前來排老虎堂和幸福堂，人龍雖長幸好十五分鐘就已經到手。黑糖現炒&有得抽籤，也算是一個賣點~由於剛好黑糖用完，等多了幾分鐘才整好，老虎堂杯奶已經等了三分鐘導致紋路不清了。幸福堂這杯黑糖份量望落就非常足夠，掛杯+最後撒黑糖，打卡一流。因為不能上下搖，只能依賴飲管攪拌。味道方面，【黑糖味】頗濃，甜度自然也比較高。【珍珠】份量適中，大小略為不一，口感也參差不齊，有些太稔有些又很有嚼頭。【奶味】比較淡，可能是因為黑糖味比較濃搶鏡了吧最喜歡幸福堂的部分是，它讓我能夠避開珍珠只吸奶的部分，不會每一口都一定有珍珠夾雜。對比老虎堂，【黑糖味】 幸福堂重【甜度】幸福堂甜【奶味】老虎堂重【珍珠份量】幸福堂可以做到“避開珍珠只飲奶”的效果，可能因為珍珠更大粒或者份量少一些？【珍珠】幸福堂參差不齊，一d好稔一d好咬，老虎堂普遍稔最後結論，可以一試也可以encore，前提是不需要排隊超過二十分鐘

呢排好興啲黑糖乜乜乜，食完飯難得黎到銅鑼灣當然就順道去試下啦。本身係排老虎堂，但波霸已賣晒，又排得好長，所以就飲隔離嘅幸福堂。只係排左十五分鐘到就可以攞到飲品喇，人流控制得幾好。門前有員工即場炒黑糖珍珠同將珍珠入杯。加入鮮奶後，杯就岀現了黑糖紋。鮮奶本身味淡，但加入黑糖後，個味都係遍淡，冇乜黑糖味，鮮奶味反而仲重啲。珍珠唔夠煙韌，比較林身，我個日比較喜歡q感有咬口嘅珍珠希望下次再試嘅時候，啲珍珠會有改善啦。

自從幸福堂進駐之後 銅鑼灣又多一間珍奶競店開正係老虎堂隔離 有時條隊都覺得好亂排左半個中度 叫左杯招牌黑糖珍奶好好飲 佢融合哂之後陣奶味唔會好重 黑糖味都幾出 試咁多間黎講 依間係最好味

要飲一定等下雨天飲 淨係等左15分鐘就有得飲喇😎我諗好多人都同我一樣係幸福堂同老虎堂之間揀 話哂都只係一鋪之隔🤣今次幸福堂少人就試吓啦😍 黑糖珍珠鮮奶都係公價$30，第一啖未搞匀飲係濃濃既黑糖味，珍珠因係不斷係門面用黑糖炒緊所以比較淋身，但不得不讚佢既珍珠吸哂黑糖既味道❤️好濃郁！然而唔似老虎堂咁搖匀左啲珍珠就會比啲冰整凍同彈牙返🤨整體係值既，但老虎堂係永遠既first choice😘最近銅鑼灣出左咁多黑糖珍珠店搞到我都心郁郁走去排隊，好彩暫時都冇伏😎

呢間新登場幸褔堂，地點係人龍店老虎堂隔離，令條街一時間出現一東一西嘅人龍。主打古法手炒黑糖珍珠，冇呃大家架！因為大大鍋個就喺正counter隔離，飲品係即場沖俾大家睇。雖係夠晒透明度，但現場見只有半個人高嘅膠板隔開，衛生方面希望會再做好啲。一攞上手黑糖紋好靚，而且時間keep到好耐，打咭一流，跟著用手攪18下就飲得。味道唔會過甜，奶味夠濃，面頭會有一層火炙黑糖奶蓋，口感就更creamy。另外珍珠黑糖味都幾特出，不過略嫌幾煙韌，咀嚼需要俾多少少力。

📍銅鑼灣📍飲得到嘅幸福💞幸福堂❣️本身都以為要搵好耐先搵到，原來係正老虎堂隔離排幸福堂只係10-15mins，都可以接受，但老虎堂真係起碼排成個鐘以上🙈🙈所以真係無咩太大興趣😟啲人個個係個邊排完，趁等緊又過嚟排，係呢度拎完都仲未等到個杯🐯真係好誇張🙈🙈但係排緊幸福堂個陣仲可以求吓籤有個好大嘅籤筒，睇吓自己嘅運氣🤣🤣今次就試咗杯黑糖珍珠鮮奶同珍珠奶茶😍不過我覺得奶茶個杯好飲啲如果下次無咁多人都會再買

見銅鑼灣近排好熱鬧都係講緊老虎堂同埋幸福堂，所以決定排隊排埋一份，試一試佢好唔好～排隊已經超多人，係搵咗一陣先搵到龍尾我就覺得幸福堂排隊人數多過老虎堂～派左大概10分鐘左右，就買到啦，幸福堂都幾有創意，好多新款玩意，gimmick都幾多，首先排隊到收銀位，就可以抽籤，睇睇自己運程，然後可以喺收銀下邊搵自己嘅籤文~ 我就抽左中簽，內容提及感情，準唔準就因人而異，我都係得啖笑~ 但係我覺得幾有誠意同埋話題性 我叫咗招牌黑糖珍珠鮮奶~ 幾驚喜係佢嘅珍珠親自有員工喺獲到炒~ 第二個gimmick位，夠特別 但係佢標榜手炒黑糖，所以都好期待等多大概5分鐘，就已經拎得啦，冇想像中排得咁耐！即刻打卡飲左一啖，我覺得一般般，可能我期望比較高，但係結果冇乜特別，鮮奶淡淡地，配黑糖嘅甜，感覺啱啱好，不過未去到驚喜好飲~ 但係又話題性，都值得一試，打下卡都好🤣👍🏻

去開銅鑼灣忍唔住試下新開既幸福堂 雖然好多人排 但十五二十分鐘就買到 等多五至10分鐘就有得拎 個人認為味道不太出眾 黑糖味道唔太夠 對比起鹿角巷既味道真係被比下去 應該未必會再排隊飲~

行過銅鑼灣SOGO附近見到人群聚集，原來係最近係香港開既台灣珍珠奶茶店幸福堂。店面既人龍佔據整條行人路，但排隊都唔算特別耐，用左大約十五分鐘就攞到呢杯港女必試既黑糖珍珠鮮奶。一飲落口，濃厚的奶味隨即襲來，加上以健康作招徠既黑糖，包保你五分鐘內飲哂成杯。

我跟朋友在幸福堂排了半個鐘才買到黑糖珍珠奶茶，雖然黑糖珍珠奶茶不是很甜但是我覺得沒什麼特別之處，而且只是普通黑糖珍珠奶茶沒什麼驚喜，我和朋友也感到少許失望，p.s 雖然要排隊半個鐘才買到但是真正拿到珍珠奶茶只需10分鐘！

星期日上午10點9已經係門口等開門 已經好多人排緊 到11點15分完買到 算快order後都出得快 唔似老虎堂要等咁耐味道嚟講 第一啖真係好濃黑糖味 以為係黑糖珍珠點知飲到一半 畀奶溝淡後 啲珍珠變返普通黑珍珠所以我覺得珍煮丹係三者中最好（老虎堂 幸福堂 珍煮丹）因為飲到尾啲珍珠依然有黑糖味！

去開cwb，見有3個人，就一次過試左幸福堂同老虎堂，咁樣先比較到架嘛。講排隊先，兩間做法唔同既。幸福堂條隊就郁得比較慢，等多耐d。但係一到你去買，買完之後前後5分鐘就拎到你杯野走。total總共等左25mins，都仲可以接受既。真係有人即整d珍珠比你睇到手喇，試一試佢先。因為真係好熱，所以第一下係真係覺得好好飲。飲多幾下，開始覺得無咩味。當時都唔覺，但係當幾個人飲完，又輪到你飲個下，每次都覺得又淡左？？最後係真係覺得太淡，由其係當老虎堂都出埋黎時，兩個一比較，真係覺得呢杯偏淡(唔係話唔鐘意甜既係就會好這，我都唔鐘意甜，但係我都唔覺得好正)另外珍珠軟硬程度麻麻地，同老虎堂一比又低一個level。總括，真係唔會再試。

……………………《又一過江龍🌪幸福堂》💰$30 黑糖珍珠鮮奶黑糖珍珠奶茶真係一間接一間，排極都有💨💨💨店外有個巨型籤筒勁得意...可以自行解籤⚱️平日下午無咁多人排隊...等左35分鐘左右就有得飲😌店員現炒黑糖珍珠...倒入杯整出幸福紋🤤最頂層係用火槍燒過既黑糖，中層係口感厚厚既鮮奶，底層係藏著幸福紋既黑糖珍珠❣️黑糖珍珠唔算勁煙韌...記得飲前要先用飲管攪拌*幸福堂都唔錯，其實一試無妨😌不過我個人比較鐘意老虎堂🐯既黑糖味比較重，同有大細珍珠混合💕................👇🏻地址👇🏻幸福堂銅鑼灣渣甸街36號5號舖 .……………………

接二連三香港不斷開左好多黑糖珍珠既飲品店，坦白講，其實多到有d驚，好似總有一間係你左近咁。見今日得閒又唔算太熱，就諗住搵一間試過究竟🤔周日12點幾，泥到幸福堂門前，都有十幾個人係條隊度，收銀速度幾快手，等左10分鐘就到我喇！😬職員係門口位置即炒黑糖珍珠，之後沿住杯邊倒入去，咁成個杯邊就比d黑糖完美圍住喇，然後就交比後面職員加鮮奶落去。等候時間比我想像中快好多，5分鐘就拎到杯野飲！攪完20下先飲，就變左下面張圖既色喇黑糖味好濃，珍珠咬落去無膠既感覺😍 混埋鮮奶味道剛好！值得推薦呀！

台灣茶飲幸福堂登陸銅鑼灣遠遠已經見到人龍主要排隊點飲品，睇號碼拎飲品珍珠鮮奶無得揀選甜度和冰量但幸好唔會超甜人氣古法手炒黑糖珍珠鮮奶當然要試下黑糖珍珠鮮奶（$30）奶蓋上有少少燒過既黑糖加埋杯邊幸福紋黑糖，賣相好靚但話要搖勻飲飲落好香黑糖味，加上濃厚既鮮奶，好有飽足感黑糖珍珠，口感有d較淋，唔夠煙韌可能而家天氣熱，一d都唔覺得佢多冰，飲到尾已經無乜冰粒剩抹茶珍珠鮮奶（$28）反而有少少驚喜，抹茶夠濃唔會甜珍珠有嚼口，炎炎夏日都幾解渴