幸福堂 (Closed)

風波落幕,好飲定唔好已經唔重要曾風光一時夠膽開在老虎堂旁邊打對台,可惜佢最後輸左,執粒收場曾經一杯幸福黑糖奶,風摩全港,一日賣千杯,連大陸朋友都會來飲可惜最後營運問題,正式說再見講返佢既飲品,有幾款味道都幾特別其中以茶底我反而喜歡飲,茶味香濃,加上水果香甜,順侯好喝黑糖珍珠奶杯改用中杯,幾啖就飲完奶味係好濃滑,但係亦太甜,珍珠係做得唔錯,幾有彈性排隊1小時,真係可一不可再但係佢已經算係香港其中比較好飲既一間(未轉食材供應商前)

今天很開心因為吃了很多好味的飲品，特別是試了幸福堂的珍珠奶茶，真的不錯。我平時很怕很甜的飲品，但這款的奶沒有落糖，只有珠珍帶甜味，而且奶味香濃，算是近來珍珠奶茶界中不錯的

黎到銅鑼灣當然係要試下間出名既珍珠奶茶店今次試幸福堂。幸福堂既黑糖珍珠鮮奶既珍珠同黑糖一齊炒，所以每咬一粒珍珠都會有好濃既黑糖味黑糖配上鮮奶，仲有少少milk foam係上面，奶味好足

凍凍地既天氣，飲一杯暖暖地既黑糖珍珠鮮奶真係好正。焰遇幸福黑糖珍珠鮮奶（暖既💓🥛）本身無超大期望，不過一飲真係好大驚喜，因為真係好好味！！黑糖有焦香既味道，而珍珠好入味，好煙un，好甜，配埋鮮奶真係好好飲！覺得甘多人排都係值得既！💓💓

極速飲完唔駛回頭🙅‍♀️，唔怪得隔離老虎堂落雨都排晒長龍，佢就拍烏蠅，一被完錢佢唔夠3秒轉身拎左杯唔知擺左幾耐既 #黑糖鮮奶珍珠，完全冇奶味，而且齋得一個甜字！#幸福堂#飲完唔覺幸福

黑糖珍珠奶茶都算係係香港牽起一番熱潮繼老虎堂係香港開左分店後 都有唔少台式飲品店主打呢個黑糖飲品落戶香港老老實實朋友同我都不是嗜甜的 都亦難擋「黑糖」的魅力所以有日經過cwb 就諗住去試下老虎堂杯波霸厚鮮奶以為老虎堂都開左一段時間 應該都唔使排好耐隊點知去到發現 係!超!級!多!人! 就決定轉戰開係佢旁邊的幸福堂相對人流如鯽要排好耐老虎堂 係幸福堂落柯打到獲得一杯黑糖珍珠奶時間就少好多從佢介紹果段片得知 佢係用正宗手法去炒d黑糖珍珠 最特別的係會即場炒 果然新鮮製作 難怪離遠隱隱約約都聞到黑糖的味道先係杯邊加入新鮮製作的黑糖珍珠再加入鮮奶令到每杯黑糖珍珠奶的紋理都唔一樣就咁睇都覺得好吸引珍珠煙韌的程度恰到好處 食落有口感之餘仲有陣焦香的味道鮮奶當中的黑糖仲相當濃郁 同埋會食到未炒熔的黑糖 奶味相對上就淡左少少 總括黎講 呢杯黑糖珍珠奶甜左少少 對於鐘意黑糖同珍珠有咬感的朋友黎講 係不錯的選擇

對幸福堂印象停留係 尖沙咀既兩次遇見。視為近年的 黑糖珍珠鮮奶 高分代表飲過它 就唔想再浪費quota飲始終多飲無益鹿角巷、老虎堂（個人感覺普通貨色，只屬高級版comebuy，呢兩間以多奶為主，珍珠偏重口味 除咗都係過江龍名銜之外無咩吸引 ）幸福堂唔同嘅地方係有 鹹味奶蓋同時口感有鮮忌廉般香滑清新，層次感令到味道更加昇華亦是係我唯一最欣賞既地方而令我對其他不感興趣既原因。因為對了口味 自然會偏心。唔係專登嚟，只係食完一碗滿足的炊豕家再路過 「幸福堂」認唔住講左句oh my god!即刻衝過馬路 買！ 唔該 我要黑糖珍珠鮮奶多奶蓋丫店員指 其實比例是固定的，多奶蓋會令整杯口味偏鹹。所以都係建議黃金比例。 成交！！噢 有少少失望 品嘗黑糖既timing 同奶蓋既比例果真每間分店都有分別同譚仔一樣😛 諗起葵芳譚仔最正係重慶中辣一開始行近店鋪發現好多人圍住等緊隔離》老虎堂喎當然我有飲過佢地既出品麻麻地就唔會再有幻想我完全無視人龍 直衝幸福堂落單。今次珍珠偏軟淋可能無人龍流量唔快少了彈牙嘅口感可以理解。但係點解奶蓋冇咸味？個感覺有少少落差Overall 黑糖令珍珠好入味唔係偏甜。比例上冇問題只

🇭🇰#香港捐窿捐罅記 instagram: foodkiller_dkDrink week第一擊🍹一日連續飲左兩杯黑糖鮮奶🥛係咩感覺？ 我相信大家都想試🌝不過我話你知 諗都唔好諗😂好辛苦架😗 果日咁啱落雨 見到幸福堂條隊短左咁多😝就一次過飲晒 幸福堂同珍煮丹 兩間人氣店😂-幸福堂d黑糖珍珠係人抄既👍 不過衞生真係差少少 因為係馬路旁邊 所以食晒d廢氣🤦‍♂️ 講返杯野🥛 黑糖味真係好淡🤢 唔知手抄係咪淡d😂 我用盡力咬珍珠都係出唔味☹️ 不過佢既牛奶🥛幾creamy 幾滑👍 不過對比隔離果間 又冇人地用日本3.6牛🐮奶🥛咁好🤦‍♂️ 所以大家如果都係想排 排隔離果間更好🙂 味道更好 更重黑糖同奶味🥛重有幸福堂杯野係一早整好🌝我一買完就即比我🌚咁我就唔明點解條隊仲可以行過咁慢😅☹️-🎈銅鑼灣渣甸街36號5號舖-平均傷害：$30好味值：5.5/10

😂最近幸福堂的新聞好多, 但話晒都叫做過江龍, 又甘多人讚好, 甘岩去經過, 竟然見唔太多人排隊輪候, 就梗係要買來試下係咪真係甘正啦~😌等左5-10分鐘左右就有了~🔹點左招牌的「黑糖珍珠鮮奶」($30)見到店員係現場即炒黑糖，可以滿足到視覺上的享受!😍但所講的現炒黑糖, 都係將預先整好的黑糖珍珠落穫再翻炒炒熱一下, 炒好的黑糖珍珠就被倒進杯底, 再係杯邊澆上黑糖漿, 再注入鮮奶, 所以會見到雲石紋理的美感☺️一入口有濃郁的黑糖甜味, 隱約仲有一陣焦糖香味, 可能因為係鑊裡面炒過的緣故~😅不過我地就略嫌奶味同甜味過重, 個人覺得有d過甜，但講到珍珠的口感就幾煙韌😋對於鍾情黑糖同鮮奶的朋友就岩晒, 如果好似我地甘怕太甜的就可能要諗諗🤔幸福堂仲好多其他口味飲品任君選擇~還未找到我們的黑糖珍奶小幸運, 我們會繼續努力尋找榜首🙆🏻‍♂️🙆🏻‍♀️🔴Follow Instagram: Foodmarker.hk

黑糖既飲品近期好熱賣，所以今日順路經開銅鑼灣又見唔係咁多人排隊，就買杯黎試下喇 ; 叫左佢地既主打「黑糖珍珠奶茶」。黑糖珍珠奶茶 ($30) : 效率好快落左單唔洗兩分鐘就已經有得飲 ; 杯既外形肥嘟嘟，比我既感覺好温馨同幸福 ☺️；味道方面 : 黑糖味道好濃郁，而且奶味較重，不錯幾好飲可以一試。

本身見啲評論麻麻已經冇打算試，再加上係佢同臺灣的問題更加冇，但班女人係都要試，好啦。星期六夜晚差不多十點先黎，買唔冼等，攞要等~5分鐘。叫黑糖珍珠鮮奶。啲奶好杰，好似飲花奶咁。我杯甜度OK, 其他人的話太甜。珍珠唔好趙，太淋。最差係一路飲都會飲到糖！啲糖未根本未溶！飲沙咁！啲奶實在太杰，飲到一半頂唔順掉左。咁就無左今個禮拜嘅珍珠quota. So far仲試左天仁(喊)、85C(OK)、老虎堂、一芳(OK)嘅。老虎堂完勝。

又係大家最鍾意睇嘅黑糖奶茶post😖😖😖今次試埋最後一間幸福堂🥴🥴 有d朋友話佢幾好飲 但反而呢個我有小小失望😰 首先佢無得嗌甜度 一開始佢真係唔算好甜 但飲到最後啲黑糖溶曬 最後個三分一杯就變相好似飲緊糖水咁🤢🤢🤢 其次覺得佢鮮奶味唔係好夠🤔 因爲我自己係好鍾意飲奶🤣佢奶味整得唔夠突岀 所以呢到又扣咗分🤦🏻‍♀️ 而珍珠佢整得係ok ge🥺 幾有咬口幾煙韌🤟🏻 但overall係cwb有幾間比較之下我唔會揀佢 ☹️-

✎ 黑糖珍珠鮮奶 $30⠀⠀⠀⠀⠀⠀⠀⠀⠀可能第一杯飲嘅黑糖珍珠奶茶就係喜茶所以對呢味飲品既standard就定左個個Lv之後好似試左好幾間都覺得唔係個回事咁🙈起碼無咗個層焦香既topping + 融融地既黑糖珍珠已經打個折⠀⠀⠀⠀⠀⠀⠀⠀⠀⠀⠀⠀不過幸福糖炒過嘅黑糖珍珠帶點微溫同有少少微融呢個位我係鍾意嘅同凍奶茶 mix 埋，可以先分開飲啖想飲凍既就撈埋一齊先飲但味道同整體都幾普通 如果無人排可以買下要排隊就唔值得lol

我公司就係附近，成日都見到樓下超級超級多人排隊！咪試吓囉⋯⋯我配搭埋隔離間榮記車仔麵一齊食！哈哈😄我覺得佢個造型係幾靚、成日見啲人買勁多勁多杯外賣，好老實、一般都要成$30、真係全部攞嚟交租！有乜可能杯嘢飲咁Q貴？飲完我又唔覺得有幾特別、亦都冇令我上癮、冇再次去排隊嘅感覺、或者你會覺得我要求高，不過事實、香港人就係咁嘅心態、見人排我就排，唔好執輸的心態！好唔好飲真係見仁見智！我只可以話、$30唔值得我仲要排咁耐隊囉⋯⋯

見今日係銅鑼灣嘅幸福堂唔多人排隊，決定去試一試🤪本身想叫黑糖鮮奶，但叫錯咗黑糖珍珠奶茶🤦🏻‍♀️佢set死咗冰嘅份量同糖嘅份量，我覺得有得自己揀會更好。整體來說都ok好味，有奶味而且不會太甜。