幸福堂 (明發大廈) (Closed)

✨呢間幸福堂台式飲品店，我已經飲過好多次，佢哋嘅質量一直都好唔錯！所以一直有時經過都會買黎飲🥳！依排疫情期間，好多網上都做緊優惠，今次我無意間發現OpenRice外賣自取都有做緊優惠，呢兩杯抹茶珍珠鮮奶加埋都係$28咋！原價一杯都要$28蚊，即係買一送一！真心好抵‼️.💬抹茶珍珠鮮奶整體黎講，味道唔算好甜，抹茶味係偏甜嗰啲，唔算甘香，飲得出抹茶味，但抹茶味唔算出，珍珠有咬口，我覺得用依個優惠價錢買覺得還可以，但係用正價既話，我都係買番佢地既普通珍珠奶有保證😂！..

台式珍珠奶茶鑽石幸福珍珠奶茶 $28呢杯真係無得輸，茶味濃茶味香，同其他茶底唔同，加上奶既比例岩岩好！香滑！珍珠軟又有咬口。岩d鐘意奶茶夠茶味既朋友仔！幸福堂最愛～。。📍叫少冰更好味

放假難得行一陣街，天氣熱到不得了，經過呢間幸福堂，見到啲生果茶好吸引，就叫咗一杯《一顆葡萄柚鮮榨茶》，當然我係揀咗少甜嘅。雖然都有唔少客人等緊佢哋order咗嘅飲品，但係都唔洗等太耐。一接過杯飲品，就會好順手咁篤吓杯中生果西柚，入口冰凍清爽，幽幽柚味，都食到少少西柚肉，真係解暑良品。只可惜冰嘅份量係整杯飲品嘅3/4，啜唔夠幾啖只剩番一大杯冰，相當唔夠喉。希望下次幫襯時唔好咁多冰，或者我要求少冰至得。

幸福堂而家做推廣星期一至五有九款飲品揀兩款$45👍🏻另外，凡買任何飲品加$10 可以換一杯迷你小qq凍飲品，啱哂減肥又口痕嘅朋友/小朋友可以過下口隱🤣我鍾情珍珠奶茶，大杯揀左（top2)鑽石台灣珍珠奶茶，qq杯揀左(top1)黑糖珍珠真鮮奶。Top1 黑糖珍珠真鮮奶 *要試下*用真鮮奶再配黑糖，厚厚牛奶配古法炒黑糖珍珠真係好夾，好香滑可口，好快就飲唒。Top2 鑽石台灣珍珠奶茶傳統奶茶配古法炒黑糖珍珠，可能溝左茶所以會飲下停下，𡁻下珍珠，耐飲好多 啱唒行街一族👍🏻

去到太子，口渴🥵梗係搵吓邊度係黃店啦💛出街消費，幫襯還掂，人都開心啲加上而家呢個咁嘅政府，整埋啲十九政策出嚟🤬簡直係叫啲小店執笠其實一人行多一步，可能就幫到佢哋嘅生存㗎啦正正可能因為呢個疫情嘅關係，佢做緊$45買2杯既優惠紅豆鮮奶加珍珠🥛粒粒嘅紅豆配上鮮奶加埋啱啱煮起嘅珍珠又唔係太甜，好好味🤤台灣珍珠奶茶🥤可能因為啱啱煮起珍珠嘅關係隔咗一陣啲冰都融晒🧊搞到杯奶茶有少少暖暖地不過都好好飲，最鍾意佢唔甜呀👍🏻茶味都仲好濃，我真係好想飛去台灣飲下最正宗嘅幸福堂🛰簡簡單單嘅珍珠奶茶，但就擁有好豐富嘅人情味門口貼滿捐款收據，仲有連豬🐷認證點可以唔飲佢啊💪🏻

雖然台式茶飲熱潮好似減退左少少，之前嘅黑糖珍珠奶茶十分hit，開到成行成市，不過我仍然好鐘意飲，已幸福堂都係比較有名氣既一間，今日經過旺角登打士街，俾佢門口即炒珍珠吸引左，即刻買返杯試試！好多茶飲店都會標榜佢哋嘅珍珠係即炒嘅，但事實又係咪呢，呢間應該冇呃人，因為店員真係會係你面前炒珍珠！好吸睛！《黑糖珍珠仙草鮮奶》$38仙氣山水畫，名乎其實好靚好特別，感覺層次好分明豐富。整體來講甜度啱啱好，唔會好快就覺好漏，而奶味都好濃郁，唯獨珍珠有啲甜，但口感煙韌有彈性，仙草又好滑溜，出色！整體不錯。《抹茶珍珠鮮奶》$28抹茶係我另一最愛，當然要試。茶味方面都好濃，而且唔甜漏。而珍珠係草莓味，靚得黎又好食！推薦👍🏻

之前係台灣已經試過一次幸福堂,覺得幾好飲,所以見香港原來都開左,所以就想睇下試唔試得返台灣既味道~結果我覺得都做到同台灣差唔多o既口味~最得意o既就係佢仲做緊個優惠,加10蚊可以有杯細o既~幾岩一D想試味又唔想飲咁多o既人~

临去旺角火车站想买d野饮，甘岩睇到转角位有间人气唔低的幸福堂，想试下唔系黑糖的饮品。「抹抹暗恋抹茶珍珠鲜奶」本身中意抹茶饮品，所以就试抹抹暗恋。抹茶味唔算浓，不过d珍珠几好吃，够烟韧有嚼劲。转角位地铺，无企位和座位，只有外带

下午係太子shopping 完，經過幸福堂，見到好多人排隊，早已聽聞幸福堂既人氣手製黑糖珍珠，好奇心下我都決定幫襯下！原來落order既時候旁邊有個巨型籤筒，客人可以抽埋籤，十分盞鬼！今次叫咗焰遇幸福黑糖珍珠鮮奶，黑糖珍珠咬口都尚算彈牙，不過個人鍾意有咬口嘅感覺所以覺得可以再彈牙啲。杯野係冇得叫少甜嘅...因為當你叫少甜嘅職員話連啲珍珠都會少咗所以我就嗌咗個正常甜度，不過好彩出嚟個結果唔會話太甜。鮮奶用明治奶，十分香濃不過我叫左少冰，但好似冰量冇少到杯野好快就飲哂

自從幸福堂風波後一直冇去飲，今日同朋友行開見到又想飲，就點咗杯珍奶。本身想少冰，但原來佢既冰set定哂冇得少，不過飲到最尾都唔怕好淡所以覺得ok佢既珍珠都幾有咬口，黑糖味亦濃，味道唔錯！

台灣大熱既黑糖珍珠鮮奶，次次經過都見有好多飲，黑糖味道幾出，不過都係覺得甜左少少，而鮮奶入口香滑，份量比較細杯。最後自己買多包鮮奶倒落去，反而味道剛好，一杯既價錢可以飲兩次。

台灣No.1 幸福堂【珍珠奶茶】⚠️⚠️‼️真📍幸福堂終於抵港！店內有個鑊炒珍珠！珍珠係現場炒，有焦香既味道！/今次飲左店內人氣Top3 既「黑糖珍珠仙草鮮奶」，呢杯野睇落成幅「仙氣山水畫」咁😍。入口d珍珠仲係暖粒粒！甜度冰量店舖固定！仙草一大舊，夏天飲涼涼地都幾爽，珍珠甜甜地有嚼口，奶味濃而不膩不甜。飲完有種幸福感。/幸福堂 既Top 1係 黑糖珍珠真鮮奶, Top 2係 鑽石幸福珍珠奶茶 (女神奶茶) , 有機會要再試！分店全港都有，仲要係旺區！—幸福堂🥛旺角弼街51號明發大廈地下A號舖(近花園街)🥛旺角登打士街43H號登打士廣場地下7號舖🥛鑼灣渣甸街36號地下1號舖🥛尖沙咀樂道5號嘉樂大廈地下1號舖🥛元朗阜財街2號宏豐大廈地下11D號舖🥛荃灣路德圍26-42號安富大廈地下4C號舖—🌟回頭率:8/10⭐️味道:8.5/10💫特式:8/10✨環境:8/10💫服務:7/10

店舖放著籤櫃和巨型籤筒, 讓客人抽籤過過癮。買飲品可抽籤, 希望抽中籤王, 送我一杯飲品。其實現在已是21:45, 還有這麼多黑糖珍珠, 賣不完會如何處理呢？焰遇幸福 - 黑糖珍珠真鮮奶 $30之前出現幸福風波, 久未光顧, 見事情告一段落, 確認真身, 便光顧一下。首次光顧, 當然要試其人氣銷量 Top 1的黑糖珍珠真鮮奶。珍珠煙韌, 黑糖甜度適中, 奶味算濃, 唯質感略稀, 可能與冰量有關。由於面頭製造了焰遇(焦糖面), 攪拌過後, 焦糖碎令飲品多層口感。

真正的幸福堂終於來到香港好似台灣店一樣 店內有個鑊炒珍珠而且呢間店更有手製珍珠每日都會有師傅在場即製珍珠 好特別手製的珍珠比起機製的勁彈牙 更有咬口今次和朋友點了幸福堂最出名的焰遇幸福黑糖珍珠鮮奶和蜂巢蜜檸檬焰遇幸福黑糖珍珠鮮奶原來是在面頭放了用火槍燒過焦糖 店員建議可以打開蓋用口飲用就可以飲到脆脆的焦糖黑糖珍珠好彈牙 又唔會過甜 配上鮮奶味道一流夏日首選是蜂巢蜜檸檬好清新 飲完即時解渴甜甜的蜂蜜配上青清的檸檬異常配合難怪排隊時見到好多人都買呢個新產品個杯仲好特別 寫住男神/女神同男朋友一人一杯就岩晒另外 門口仲有個解簽櫃等緊飲品時可以去抽一張簽文 睇睇自己的運氣

夏天咁熱真係要飲返杯凍野☺️💦飲完有幸福嘅感覺😂幸福堂一向出名飲珍珠奶茶，而且係黑糖珍珠都係即刻炒，所以黑糖味好老，而且珍珠夠彈牙。鍾意幸福堂即炒黑糖珍珠，無化學成份！喺台灣飲過都已經覺得好好飲，香港開咗排長龍，而家終於比較緩和一啲，只係等一陣就有啦。店外仲好搞笑，有個籤筒比你抽，之後可以喺隔離嘅百子櫃解籤✨飲品杯好搞笑，有男神及女神，隨機比😛▫️飲左玫瑰茶🌹面上有青檸，酸酸甜甜，好香玫瑰味▫️草莓珍珠鮮奶🍓士多啤梨味幾香，奶味夠濃🥛