Video
8-min walk from Exit L3, Tsim Sha Tsui / East Tsim Sha Tsui MTR Station
continue reading
Opening Hours
Mon - Sun
14:00 - 20:00
Above information is for reference only. Please check details with the restaurant.
當時用指定支付工具可以有優惠，就專程黎到尖沙咀碼頭呢到試下呢間Gelato. 本身我對gelato係好大期望，之前食過其他舖頭嘅都係好好食，今次亦充滿期待咁想試下呢一間。一入到去就覺得好逼，冇乜位坐，唯有買完走去碼頭個邊食。我地揀左幾隻味，望落顏色都ok，係冇試食嘅情況就揀左走左。店員都花左比較多時間都驗證個優惠，呢點就反映店員唔係咁熟手。拎到雪糕就行岀去，影幾張相再行冇幾步竟然溶緊，咁就即刻食快啲，估唔到味道好一般，好假同好重香精味，仲要搞到成手係雪糕⋯⋯
continue reading
為咗支持下本地企業而買嘅雪糕🍧🍨買咗4隻味: 士多啤梨、奶茶、香蕉、椰子奶茶味實在太好食☕☕茶香奶滑，似足頂級港式茶記嘅水準🥛🥛但平時我唔鍾意茶記，一來態度麻麻，二來個奶茶熱嘅又唔系好能夠清理口腔食物嘅肥膩感，凍嘅通常加咗冰，太稀。🍵🍵依家雪糕版，保留到濃滑嘅奶茶香，更加系負18度嘅消暑醒神溫度❄❄呢個港式西式fusion嘅刺激實在太振奮人心啦。雖然另外3隻味都係一般嘅水準，但係味道唔太差，亦都有新鮮水果味嘅感覺，下次想試下開心果味。不過聽講佢會一季轉一次口味，希望奶茶一直都喺度啦🤭🤭
continue reading
建議：時不時會有特色味推出，如果想試奶茶味，不妨去港島區分店睇下 (當日尖沙咀店就有 大白兔糖味/wasabi choco/清薑)天氣開始忽冷忽熱，食雪糕既時間其實四季都無停過😂 上次食過 Mamma Mia Gelato，今次就係試下 XTC Gelato 🍨 分店有3間：2間係港島，1間係尖沙咀碼頭。標榜住香港製造 同有本土特色口味，當然要支持下👍 店員比左當日既特色口味：真·白兔糖 同 芥辣朱古力。▫️白兔糖雪糕真係第一次試，真心超白。兔。糖，超濃奶味，不過就偏甜，店員話因為真係用依款糖整👍 ▪️芥辣朱古力，一開始以為會好攻鼻，聞落唔會好勁wasabi 味，食落都只係好細微。反而係朱古力好濃遮左攻鼻味😂今次試左：單球 (HK$40) 雙球 (HK$50)▫️清薑+開心果 每次食Gelato都會必點 開心果，因為都會超濃郁 同 有果碎，XTC 既開心果當然係無失望喇😌 清薑都幾有驚喜，啖啖都食都薑味，但就唔會辣👍▪️蘋果羅勒雪葩+朱古力雪葩好香蘋果味，不過就少少偏酸，配超濃朱古力都幾夾🤭 XTC 既朱古力真係好濃，濃到好似dark choco 甘。整體黎講，Gelato 口味選擇都幾多。甜度黎講，味道算係偏甜。不過特別味/ Seasonal 都幾得意👍
continue reading
店鋪：XTC Gelato (尖沙咀)地址：尖沙咀天星碼頭KP-01號舖XTC Gelato售賣香港製造嘅意式雪糕🍦，佢哋嘅雪糕選用經認證嘅澳洲牛奶同少量忌廉去整🇦🇺 ，低脂之餘不含乳化劑、人造香料同色素，佢哋嘅雪葩仲適合素食人士食用🍨XTC Gelato搜羅世界各地最安全同可靠嘅材料，例如法國嘅Valrhona朱古力🇫🇷、馬達加斯加雲尼拿豆🇲🇬同菲律賓農場直送嘅芒果🇵🇭等等。今次去尖沙咀分店食果陣見到有二十款口味可以揀，仲有一部分嘅創新口味同季節限定口味，包括杏仁甜酒、芥辣朱古力🍫、三葉草蜜糖乳酪🧀️、蘋果羅勒雪葩等今次就試咗佢哋嘅大白兔糖同開心果味，仲有山竹雪葩同獲獎嘅朱古力味。朱古力味用咗70%可可，食落濃郁夠晒dark😍，啱晒我呢啲鍾意食dark chocolate嘅人；大白兔糖味簡直喺兒時回憶，估唔到會整成雪糕仲要隻味勁似🐰，唔會好甜；開心果仲有粒粒開心果碎，食完真喺覺得好幸福🥰
continue reading
天氣開始又濕又熱，去食雪糕啱晒依間一直好想嚟食，喺天星碼頭旁邊，細細間裡面有幾個位可以坐低慢慢食。單球要$40，雙球$50，抵咁多當然叫個雙球試咗佢個朱古力同薄荷朱古力味，好有Gelato一貫雪葩嘅口感，朱古力夠晒濃唔甜，又唔多奶唔會覺得膩，讚👍🏻 薄荷朱古力很推薦佢個顏色唔會好似坊間咁綠色，而喺白色嘅，上面有好多薄荷葉碎同朱古力碎， 喺真正薄荷味！坐得舒服，雪糕用料十足，健康又好食，下次會試埋佢個開心果味
continue reading