椰林莊餐廳小廚

Open Now

Now Closed

平日來這裡都是食晚飯小菜套餐，當晚實在太凍，加上大風兼落雨，即時想起這裡的火窩。火窩都是近來應節推出的。有幾個選擇，例如藥膳醉鷄窩、辣雞煲等等。之前晚飯時聞到鄰桌的胡椒粉腸蝴蝶腩窩好香，就一於試試。單點一個胡椒粉腸蝴蝶腩窩盛惠$208送一碟生菜，跟餐的話$278，送一款煲仔飯、半隻鮮鷄、兩款$38火窩配料/一款$48火窩配料及一碟生菜。我們二人要了套餐，火窩配料選了肥牛。煲仔飯好多款式，我們要了咸魚肉餅飯。個窩好足料！好大窩！超多粉腸，好軟滑蝴蝶腩好正，一啲都唔韌個湯有胡椒香但又唔嗆喉，仲有好多酸菜同支竹。淨係食個窩都好飽。肥牛都好大碟，而且唔會只得肥膏，亦唔會太瘦。半隻鮮雞都好大碟，仲有個份量唔少嘅煲仔飯，我們二人每人兩碗。其實唔大食的話，個餐應該3-4人都夠食。呢餐真係大滿足食完飽到上心口。離開時街上寒風刺骨，但我倆成身暖晒

今日入咗屯門探個舊同事， 順便一班舊朋友聚舊兼晚餐， 朋友極力推介這間椰林莊小菜館， 佢話係這區十分出色的小菜餐館。當晚我們七點半左右到達已高朋滿座， 幸好我們訂了枱， 餐館門面普通 ，裏面座位亦不算太多 地方還算迫夾。 坐下不久我們便點菜 朋友推介了五六款菜式 ，我們再另選了幾個小菜。 小菜價錢亦可接受， 款式還算特色 口水雞， 唔算太辣， 略為美中不足 係有啲骨碎。 豉椒涼瓜炒大腸， 又一惹味小菜送酒佳品。 花菇扒豆苗。 芥末沙律醬炒牛柳粒， 這個非常特別惹味， 食到停唔到口， 送酒一流 火車頭茄子， 豉椒汁鐵板上， 即茄子釀豬肉。 撈起臘味糯米飯， 本身辣味飯已經好好食， 這裏還加了大量蔥花和花生粒， 使飯更加香口好味 椒鹽豆腐拼椒鹽鮮魷， 鮮魷新鮮。

今日同朋友仔去屯門工廠區買野，行下行下就去到康德花園附近，見到呢間茶餐廳，唸住是是旦旦又一餐我唔係太肚餓所以就叫個炸雞肶加沙律餐，雞肶本身已經有滷水再拎去炸，攪到塊皮唔脆仲太喊，沙律就完全冇沙律醬既酸味朋友仔食豬頸肉旦飯，配咖哩汁佢話份量夠食，可惜咖哩汁用粉開，一d都唔辣

今日去咗屯門食椰林莊最鍾意呢度啲嘢食，因為夠平，而且仲好好味。叫咗個蠔皇琵琶豆腐。蠔皇味道濃，豆腐好滑，一家人食最好。另外叫左個海南雞，雖然唔係好正宗，但雞肉都整得滑，唔會太老，但個味道就有少少淡，可以再香濃d。另外叫左個菠蘿生炒骨。呢味正啦！我最鐘意，酸酸甜甜，加埋生炒骨既肉質滑，食落好有水份。菠蘿仲好新鮮好甜，越食越開胃。最後叫左個薑蔥炒鯇魚，一上菜薑蔥既陣陣香味已經飄曬過黎，特別鐘意呢間野，魚肉新鮮，味道好食，最重要既係，份量夠大。我地四個人食，淨係食左268蚊，真係抵到爛，而且好飽好滿足。下次屋企唔煮就再過黎食！

青芥末牛柳粒超級好食 個青芥末味調得岩岩好小小辣好令人上癮 食到唔停口個牛柳粒肉質滑嫩 好好食火車頭茄子成條茄子原隻上 上面孃左魚肉同豬肉上木台時再加燒汁勁正 個味道勁正 不過就油左少少麻麻燒蓮藕餅超好食入面有粒粒爽口既蓮藕粒 加上魚肉同豬肉好正我估係唔到配甜酸醬食係咁正羊仔腩羊肉完全唔穌 好正 羊味濃口感豐富 正

以前食扇貝...就想起蒜蓉粉絲蒸或用豆豉做,現在就多一个選擇,就係將帶子肉煎香然後淋上蛋白芡汁.食落夠香口,新鲜...仲可喝小小芡汁...值得推介..so good ！

其實已經食過幾次, 真係確保水準一致, 忍唔住記低佢.朋友十二個黎食, 個個都讚好, 不枉揸車入黎食~先黎黃金三寶, 即係咸蛋黃鮮魷, 豆腐, 南瓜 (聽講可以轉第二樣)...咸香鮮齊晒, 有新意又好味, 仲乾身無油立立, 正.... 果日咁啱有靚蟹, 鹽焗奄仔.....打開仲要"重皮"....好耐無食過, 可遇不可求...無得頂...回味無窮蛋白花鵰蒸蟹, 靚食材, 尤其海鮮, 一食就知.....靚料...仲要配合煮既功夫...先無浪費食物....蛋白又滑又鮮味...個個搶住食, 清得黎鮮味不絕......蟹當然唔使講, 肥美肉厚....啖啖肉香煎扇貝, 第一次咁食法, 煎到群邊金黃色好香, 打左玻璃獻, 鮮甜....仲有椒鹽尿蝦, 脆皮羊腩, 蒸魚(啱啱好, 勁滑) , 燒雞, 都好食過好多大酒樓....不得不提...咸蛋餐肉菜粒炒飯...又名膽固醇炒飯....真係又愛又恨...香口到不得了....好味仲要抵食~ 滿足晒

平常很少機會到屯門吃飯, 今晚為慶祝未來師嫂的牛一, 師兄一早約定我去屯門食「海鮮」... 起初實在想像唔到喺大興邨何來有海鮮檔, 去到見到個門面, 更加估唔到用每人$110既價錢就可以享受到以下咁高水準既美食。1. 黃金焗尤魚八點人都未齊, 所以食住哩碟黃金尤魚頂住肚餓先。一入口就嚐到咸蛋黃的鮮香同幼細質感, 尤魚彈牙, 唔會死咸。唔錯唔錯... 2. 魚露香茅蝦廚師以泰式手法入饌, 新鮮大蝦伴以蒜茸、洋葱、香茅、葱及魚露等, 比起純豉油皇大蝦多咗幾分香茅味, 味道變得較有層次感, 鮮得來不會過咸。但如果香茅味再濃啲會更加好。 3. 手撕雞 (兩隻)蔡師傅話此餸菜之味美, 一隻實在不足以讓所有人都大飽口福, 故連叫兩隻。食落肉質沒有一般店家的"霉", 已有好感。但最精采之處莫過於一起涼拌的青瓜和紅/白蘿蔔絲。原來這裡的酸菜都是自家醃製, 味道清中帶酸酸甜甜, 口感爽脆, 和同屬自家調配的麻醬和雞肉配合得天衣無縫。 3. 細鱗兩食 (炒球 / 蒸頭腩)當晚吃的細鱗重約4斤, 由店家相熟的釣魚翁釣回來, 市面少見。細鱗炒球, 肉質略嫌少許"林", 而且尚有少量骨未起, 稍稍扣分

諗住叫美食坊既焗飯...點知激到一肚氣!就試下椰林莊..O...佢冇焗飯架!叫左XO醬海鮮炒飯!外觀唔太吸引...但味道都OK..XO醬分量小左D...多小小就好喇~~~~~~佢料都幾多!一般既...蝦仁,蚧柳,八爪魚仔,鮮魷,魚都有...佢D飯已經炒左底,食落都幾香口~

近期比較懶...食都懶得行...愛上叫外賣~~椰林莊話叫2個就送外賣...好~我就叫2個....西多士+雞翼+咖哩角 - $22炸豬扒+沙律 - $24連兩杯野飲~~西多都ok既...雞翼就真係好咸!!!炸豬扒好大塊...睇落好抵食~但食落好硬"骨骨"...可能肉太小,粉多炸乾左啦~~沙律唔好食!!要求唔高都算ok既....

07/10 晚上6時30分報告我間唔中都會去呢度食晚飯, 就係因為好食先會再去其實佢係一間普通的飯店, 不過晚去的話要等位, 因為真係好多人食, 環境一般, 不算太擠迫, 地方算清潔, 一行七人叫了:西芹炒班球: 用少少蒜蓉爆香, 加上翠綠的西芹, 班球大塊, 食落口也不會散開, 很新鮮咕嚕班球: 甜酸度適中, 不過覺得個魚的鮮味好像被汁搶去, 西芹個碟好食d沙薑雞: 很嫩, 很香, 很滑, 雞剛剛好, 脾中沒有任何血絲(很多地方都有, 火喉控制得不好), 好味馬拉盞炒什菜: 豐富的咸香味, 配上多樣的蔬菜, 可以叫佢少d油, 食落去菜清甜而不膩, 又有馬拉盞的香味椒鹽鮮魷: 鬆脆的魷魚, 再舖上炸蒜蓉粒, 我食飯之中見廚房都出咗4,5次, 可想而知好唔好味?再加一碟蒜蓉炒白菜, 七個白飯, 還會送上例湯, 不過好重味精, 三百二十元, ok啦!

下午茶時間在家中沒事做對廚房內食剩的食物沒有興趣夏至時間天氣熱沒有行路的幹勁唯有到附近的茶餐廳吃個tea豉油王炒麵有冬菇絲、銀芽、紅蘿蔔絲麵多油，口感頗硬、麵及配料份量不多＄１９一個下午茶(配咖啡或茶，凍飲加＄２）這樣的份量，實在不值難怪只有我與另外一位阿叔在店內吃貴價下午茶椰林莊還是吃晚飯抵一點！

不知道大家認為以上的一碟下午小食加上一杯氣水值多少錢?什少到茶餐廳食下午茶的我今天想到茶餐廳吃個下午茶下著大雨不想走太遠就來此坐下吃個下午茶店內居然空空如也一個客人也沒有與早餐時段的場景相差很遠坐下來看看餐牌最平的都要$19左看右看想來想去最終決定要炸雞翼及沙律(如圖)炸雞翼的確炸得很脆差的是只有三小隻沙律更是「值錢」以薯仔、蕃茄為主要材料份量也不多不出三兩口就把整碟東西吃完抵食嗎?我個人認為不抵比大型連鎖快餐店更貴下次還是去光顧大財團好了!

下午在市中心逛街用股場收穫大手掃貨大有收穫卻腳仔酸痛晚飯時間市中心必很多人懶得排隊的我們決定到家附近吃晚飯何況掃貨後金錢已用得7788.....椰林莊乃是首選因它只是一家茶餐廳沒有酒樓的貴氣不是假日的晚飯飯堂一家三口不用排隊直接入座要了一個二人餐雞例牌上檯時看見雞件夠多夠睇頭可是雞肉十分差勁一吃就知道是雪藏雞沒有雞味不在話下雞肉更是霉霉的劣！椒絲腐乳通菜味道不及大排檔鑊氣也不夠只是頗大碟菜也沒有太老但油偏多最憎吃多油的菜薑蔥魚頭煲本人最憎的一碟小菜原因...沒有東西可以吃不知道在吃魚肉還是在啜魚汁(味精?!)鑊氣同樣不夠以薑為多魚頭數目少不抵食!老火湯油偏多是菜乾豬骨湯沒有飲媽媽說味道不錯有沒有味精就留待明早由媽媽開估!跟餐白飯兩大碗埋單$113三人都飽了....捧腹回家

是日早上要回校考試出發前要先補充能量!為了趕巴士選擇了距離最近的椰林莊吃早餐上班日子店內坐滿了人難得在角落中找了到坐位快快的叫了雪菜肉絲米粉餐跟煙肉及蘿蔔糕配上一杯西洋菜蜜雪菜肉絲米粉一如以往米粉與雪菜的份量充足肉絲如圖所見份量不多...但一個人食綽綽有餘不知是不是太多人的關係煙肉煎得不夠燶不脆....蘿蔔糕還好不是太粉~吃到蘿蔔絲可是比較油西洋菜蜜我最喜歡的飲品可以清清熱氣特別在考試的日子睡得不好西洋菜蜜的甘甜可以有助輕鬆心情在附近來說這裡的早餐價錢較為大眾化及合理所以很多長期顧客!唯一的不足之處就是坐得不舒服要肩並肩排排坐.....