佐賀燒肉谷 (創紀之城五期(apm))

Open Now

Now Closed

❤️燒肉頭盤 好霸氣既燒肉頭盤～有各款靚靚澳洲和牛/美國和牛既部位，包括肉眼芯~上級牛胸肉~特上牛肋肉同牛舌等等!! 仲有有鮑魚~大海老~青口等等既海鮮拼盤!!🧡無限追加燒肉 燒肉有唔同調味，燒汁澳洲和牛上級牛胸肉，肉質鮮嫩多汁～蒜蓉味美國和牛肩胛肉眼，味道蒜香味又濃郁💛醬油味煙燻壺漬封門柳 吸收咗醬油嘅香味，又惹味又濃郁，而且肉質結實，一大條封門柳剪開燒香，簡單燒香底面就已經又好食又有肉汁💚黑椒手羽 燒親肉都切點既雞翼，經黑椒調味，味道適中，唔會太辣，食完一隻又想食多隻💙清酒煮蜆 清酒嘅香氣加鮮甜既蜆肉，好鮮味~🩵貓山王榴槤刈包 榴槤肉綿密香濃，配上刈包嘅軟糯口感，榴槤控一定好中意💜小食 芝士炸雞 外皮金黃酥脆，內裡嫩滑既炸雞外，再加上濃郁既邪惡芝士醬，大推!! 仲有炸芝士年糕，咬開軟綿既芝士年糕有流心芝士流出，炸既火喉好一流呀!! 仲有好多款其他小食，都好高質～

我哋揀咗🌟Lv3 澳洲和牛海鮮放題🌟。而家佢哋仲推出咗🥭水果夏祭🍌（Lv3或以上放題可享用）。坐低冇耐就會送上🥩牛肉、🦐海鮮拼盤，、🍍雜果醬壺漬封門柳，仲有呂宋芒雜果沙律🥗。🍍雜果醬壺漬封門柳有陣陣果香，平衡返本身比較濃嘅肉味。非牛魔王嘅我哋食完拼盤牛肉就淨係食到🥩澳洲和牛上級牛胸肉、🥩澳洲和牛肉眼芯。呢兩款都係又嫩又香🥹。同埋我哋一致覺得汁燒比較好食（蒜蓉味噌/醬醃）。十幾款🥭水果夏祭🍌食品入面👩🏻最鐘意🍠日本香脆番薯、🥥椰青糯米糍。番薯啱啱炸起外脆內軟，淋埋糖漿勁邪惡。椰青糯米糍味道清甜解膩，冰冰涼涼好消暑。自助區仲有好多食品、飲品～

同朋友慶祝生日想食高質少少嘅燒肉，揀左呢間佐賀燒肉谷👍🏻 估唔到入面裝修咁靚🥰 之前做緊痛風海鮮祭🦐食套餐Lv3有極上海鮮拼盤送😍打頭陣店家會直接以拼盤形式等我哋可以試到唔同肉🫶🏻擺盤好吸引❤️ 完全滿足到我呢個牛魔王🐮 每款食落都各有特色～ ✨最香濃一定係澳洲和牛肉眼芯，雪花紋你特別靚🤤油脂豐腴，仲有少少入口即融😍 煙薰壼漬封門柳就幾重牛味🥩 海鮮拼盤係重頭戲🙆🏻‍♀️ 同樣擺盤好靚有日本燒生蠔、鮑魚、帆立貝牙帶魚、白鱔、虎蝦、蟶子😆 去到海鮮部份店員仲會幫手燒👨🏻‍🍳 海鮮款款都好新鮮！另外前菜、沙律、炸物小食應有盡有，私心推介煙三文魚柚子冷豆腐！自助吧仲可以拎埋飲品、甜品同埋雪糕🍦Lv3 澳洲和牛海鮮放題 $488

韓燒最怕食太多肉，消化唔到🥲今次推出咗水果夏祭，多咗同水果嘅配搭，有新鮮感之餘，仲可以減低油膩感，好似「擦」得多咗🤣🤭今次揀咗Lv3澳洲和牛海鮮放題，多達128款，牛肉、雞肉、羊肉、海鮮、小食等，種類豐富。限量版：每人一件榴槤刈包和呂宋芒雜果沙律，時令生果特別好吃日本和牛炒麵：體驗有趣，自己可以動手玩，而且連同牛油、椒一齊炒，好香又有鑊氣肉類方面較有特色可以試下雜果醬封門柳壺漬和雜果醬梅花壺漬，平時普通醬汁只可以沾蘋果醬、芥末汁和蒜蓉汁，呢款雜果醬酸甜開胃，而且好入味，味道似叉燒咁。另外，一開頭會有個層架，放晒各款精選牛肉，各有特色。我最鍾意係牛胸肉，肉質結實又有少少油脂。海鮮方面，原條魷魚筒、𠝹花魷魚、鮑魚、大海老、日本原隻生蠔、蒲燒鰻魚新鮮又高質，我和朋友追加咗3次！甜品方面都有驚喜，我留咗30分鐘食甜品～日式甜品有銅鑼燒、窩夫、貓喵福餅、大福🧇水果祭下，新加入朱古力棉花糖香蕉船、椰青糯米糍、榴槤炸彈、日本香脆番薯等，全部都值得留肚食～

又嚟咗觀塘Apm呢間「佐賀燒肉谷」食日式燒肉放題啦，可以食足120分鐘，最近仲推出咗水果夏祭，好多食物加入水果，好吸引呢，惠顧Lv3仲可以享用猫山王榴連刈包，正呀晚市一共有4款套餐，今次我就食Lv3 澳洲和牛海鮮放題，多達128款食物，仲有得任飲Sapporo生啤及清酒店員先送上頭盤，分別有本店招牌梯級牛肉拼盤、海鮮拼盤及雜果醬封門柳壺漬～ᴗ̈ 梯級牛肉拼盤一共有8款牛肉，最好味係澳洲和牛上級牛胸腹肉，油脂豐富、肉質軟嫩、有牛味😋任叫㗎，超正！超加嘅肉質都唔錯ᴗ̈ 海鮮盤有鮑魚、海蝦、海螺、青口及元貝，鮑魚同海蝦最好食，都係可以任叫的ᴗ̈ 雜果醬封門柳壺漬加咗雜果醬落去醃，味道層次更豐富，燒到表面少少焦香，唔錯食完頭盤，就可以去自助吧拎嘢食，同埋手機落單，食物選擇好豐富，自助吧仲有幾款水果夏祭美食，例如：火龍果炒牛肉、檸檬可樂雞翼，都幾好味😋水果夏祭，只要惠顧Lv3每位客人可以享用猫山王榴連刈包一件，榴連味又香又濃！卡位坐得好舒服，食物質素ok, 上菜速度都幾快，120分鐘，食完真係好滿足🥰

生日當然不會想煮，這陣子我一直想吃燒肉，所以男人約了佐賀燒肉谷，剛好有「痛風海鮮祭」 ，點LV3或以上的餐已經會送極上海鮮拼盤，可以吃到我最愛的海鮮，讚！餐廳的空間寬闊，桌子之間距離很足夠。因為最近吃了不少日本和牛，所以這次就點了較實惠的澳洲和牛海鮮放題，一次過滿足我想吃牛又想吃海鮮的願望。極上海鮮拼盤內容豐富，包括有日本蠔、三文魚、白鱔、虎蝦、蟶子、鮑魚、帆立貝，鮑魚厚肉有咬感，虎蝦夠鮮味肉質紮實彈牙，白鱔啖啖肉口感有彈性，三文魚油脂豐富，燒過後皮脆肉香，口感油潤。蠔沒有腥味、帆立貝、蟶子也表現正常。吃燒肉最怕又煙霧瀰漫又一陣燒肉味，這邊的抽風不錯，以上2個情況都沒出現。這個牛肉拼盤也很吸引，還附有牌子介紹是什麼肉。最喜歡的是煙薰壺漬封門柳，醬油味甜甜的，肉質軟嫩，肉味十足。其次是2款澳洲和牛，都很合我的口味，肉味重口感也好。其他幾款雖不是澳洲和牛，但質素也不錯。之後都點了不少食物，不能盡錄，圖中是我們特別喜歡的。除了牛，其實這裡的豚肉和雞也不錯，炸物方面我推非當有咬感的雞軟骨，還有男人不吃的榴槤炸彈，外面香脆，內裡是榴槤肉醬，吃完口內留香。除了任食海鮮肉類炸物等之外，自助區還有一些

這間日本餐廳位於觀塘的創紀之城五期，主打日式燒肉放題，嚴選日本九州佐賀縣農場空運直送的「一頭牛」佐賀和牛，即是原隻牛空運香港。店內環境寬敞舒適，裝潢充滿時尚的和風，完善的抽風系統令衣物不沾油煙味，亦有一次性圍裙提供，設有特大卡位具備私隱度，適合約會或多人聚會。佐賀A4和牛海鮮放題 - $658120分鐘任飲任食，超過140品。LV3或以上套餐推出「水果夏祭」有多款期間限定的美食。煙燻壺漬封門柳(醬油味)一大條封門柳脂肪不多但肉味濃，壺漬秘製醬料的調味，有濃厚的醬油鹹香，軟嫩又有嚼勁。貓山王榴槤刈包金黄而明亮的榴槤果肉，纖維幼細，味道濃郁，甜中帶甘。牛肉方面，佐賀和牛三角嫩肌有著霜降般的油花，豐潤的牛脂好香甜；A4和牛薄炙牛肋肉脂肪多且帶少許嫩筋，帶有嚼勁；和牛角切牛肉的香味四溢，柔嫩多汁；牛肩胛筋絡分布較多較扎實；牛小排油花分佈均勻，多汁鮮嫩細緻；牛肋條帶肉筋，軟嫩帶點嚼勁。呂宋芒雜果沙律新鮮翠綠的沙律菜，伴以酸甜的沙律果醬，又有香甜多汁的芒果肉、菠蘿及柚子，還有甘香濃郁的煙三文魚。海鮮方面，大海老爽滑彈牙，極易去殼；蒲燒鰻魚油脂香濃但不油膩，甜味較重；燒日本原隻生蠔裙邊帶脆，清甜清爽

佐賀燒肉谷之前都去過旺角雅蘭分店，今次去了另一間位於觀塘apm 5樓的分店再試下，這裡環境很乾淨，四人卡位坐得舒適，抽風不錯燒肉放題分為4個等級我們今次就叫Lv3 澳洲和牛海鮮放題超過128品+選擇‼️Lv3或以上送一份極上海鮮拼盤餐廳設有自助區除了有幾款小食，還有飲品、沙律、前菜、甜品、軟雪糕、自製紫菜飯以下海鮮拼盤和燒肉天梯都是坐低後，店員會自動送上，不用自己落單✨極上海鮮拼盤原隻日本生蠔｜白鱔｜帆立貝｜鮑魚｜蟶子｜虎蝦｜鹽燒三文魚鰭海鮮方面都唔錯，我特別推介：▪️原隻日本生蠔 - 蠔味濃郁▪️原隻鮑魚燒 - 鮑魚彈牙，有鮮味▪️鹽燒三文魚鰭 - 魚肉順滑富油脂✨牛肉天梯澳洲和牛 - 特上牛肋肉｜澳洲和牛 - 上級牛胸肉｜澳洲穀飼原塊牛板腱｜骨付牛肋骨 ｜極上安格斯牛小排｜牛舌｜嚴選牛肩里肌｜美國牛胸腹肉｜煙燻壺漬封門柳特別推介：煙燻壺漬封門柳/特上牛肋肉/上級牛胸肉/牛舌食物選擇真係好多，除了以上食物之外，更可用手機「QR CODE」選擇其他食物，有其他海鮮、牛肉、羊架、豚肉、雞肉、飯和麵等選擇，我比較推介原條魷魚筒｜蒲燒鰻魚｜霜降一口牛｜蒲燒鰻魚｜芝士竹輪｜軟雪糕｜食物豐富款式選擇多，

第一次來佐賀燒肉谷，選了$488的Level 3～澳洲和牛海鮮放題首先送上一個澳洲和牛拼盤和海鮮拼盤，吃完可以根據自己喜好再點。店員會過來幫忙燒烤，第一輪所有海鮮都是店員幫手燒的，店員燒的比較好吃，時間掌握得特別好。廣島蠔很鮮味，完全不用沾醬料。澳洲和牛有很多不同的部位，我自己特別喜歡牛肋肉。另外煙燻壺漬封門柳是店員推介，我們也有encore 一次。Level3 放題包了啤酒和清酒飲飲，啤酒是Sapporo 生啤。除了餐牌可以點的食物，自助吧枱還有自取沙律菜，蔬菜，熟食和甜品等等，十分豐富。最喜歡用沙律菜包燒肉吃，減輕油膩感，在自取區取菠蘿和窩夫來燒也很不錯。餐廳幾乎全部是卡位設計，坐得很舒服，而且店員服務很貼心。牛肉和海鮮質素很好。

10個香港人， 9個都愛食和牛和海鮮,  我都唔例外佐賀燒肉谷呢個 「痛風海鮮祭 」 就啱哂 唔單止有入口即溶嘅和牛放題， 仲有超高質海鮮一次過滿足哂所有要求呢個極上海鮮盤，質素真係出乎意外的好包括有日本蠔、牙帶魚、白鱔、虎蝦、蟶子、鮑魚、帆立貝，隻隻都大大隻，好飽滿D鮑魚勁厚肉， 虎蝦好彈牙蟶子d肉好嫩，日本蠔成隻手掌咁大白鱔同牙帶魚油脂豐富，用黎燒超正餐廳秘製，燒汁混合日本卵，真係超級好食日本蛋無蛋腥味，不論點海鮮定和牛都好夾。令食物加分不少和牛用木盒上枱， 好名貴一盒入面有牛肋肉，牛小排，牛肩胛，牛肋條同牛角切，牛三角嫩肌片片油脂都分佈均勻，入口即溶特別要讚下師傅特意將較多油脂的牛小排，牛三角嫩肌切薄d, 口感無咁漏， 食多幾片都得呢d A4 和牛仲可以放題任點架仲要讚下個爐好夠力，食出黎嘅食物非常香口仲有網紋架 燒到咁上下，仲會幫我地換網， 有服務A4和牛牛肋條，好長嘅一條， 入口無咁漏，但肉質香嫩，好有肉味 除左和牛同海鮮，餐廳仲有前菜，甜品，飲品同蔬菜任食。 當然唔少得呢個紫菜飯送烤肉啦唔止可以任加紫菜， 仲有木魚絲，彩色芝麻同櫻花蝦乾， 色彩豐富仲好好味😋 2個鐘嘅放題，

星期五下午十二點九到達， 之前喺網上訂咗位， 入到去，眼見都有八成入座率， 室內裝修算幾靚，座位也寬闊😏。我哋三個人坐卡位， 我哋兩大一細，嗌咗定量餐( 兩個98蚊+一個118蚊嘅餐，118嗰個有牛肉，98蚊嗰個餐只有豬肉雞肉🤑)，😝 出面自助bar有少量熟食 、飯、雪糕、飲品、 甜品、 沙律，燒烤的蔬菜 菇類 係自助拎， 但選擇唔算多 ，唯一驚喜係有 秋葵😍。總括嚟講， 為過下烤肉癮， 燒肉嘅質素都不過不失，就算食唔夠，都可以拎出面自助bar嘅食物， 填飽個胃 ，對唔太喜愛吃肉嘅我哋，覺得 性價比ok。🤩

又食燒肉喇😂 呢排真係食開有條癮😂😂印象中未試過喺APM食咁高質素嘅日式燒肉放題首先餐廳響大商場入邊好易搵一入到去就覺得呢一間餐廳環境好舒服坐落去一啲都唔迫～格局簡潔👍🏻燈光亦唔係昏昏暗暗果種今次食嘅就係LV3 澳洲和牛海鮮放題 ($488@)100分任食128款食品🤩一坐低店員好快就送上一盤超打卡able嘅牛肉拼盤個擺盤真係好靚😍 即刻要擺上ig story😂除咗已經包括埋LV1 - 2出現過嘅食物款式例如值得一試嘅「煙燻壺漬封門柳」、「美國和牛肩胛肉眼」、「醬燒赤雞雞爽肉」之外LV 3 一定要試嘅仲有「澳洲和牛肉眼芯」&「澳洲和牛上級牛胸肉」全部肉類質素都好好👍🏻 各有特色全部都好好食～特別欣賞澳洲和牛‼️因為真係好鮮嫩又有肉味👍🏻餐廳仲做緊期間限定嘅 #痛風海鮮祭聽到個名就知好震撼😂原來係有多幾款海鮮可以一次過食埋我哋食咗燒蠔、帆立貝、鮑魚、蟶子、清酒煮蜆、白鱔、鹽燒三文魚鰭等等海鮮勁新鮮🤩 燒蠔我encore咗幾次～三文魚鰭好肥美～白鱔超厚肉好好味！整體食物質素都係非常好首先完全冇出現一啲未解凍就上枱嚟情況另外醃製過嘅肉都好好味唔會太重手遮住曬啲肉本身嘅味道同埋，啲肉切得都好靚，

最近同同事farewell，由於他是食肉獸，所以午餐揀選烤肉。呢個係LV3燒㐸套餐，有大約128款以上食物，有同事鍾意嘅沙律、蔬菜、炸物。而我比較鍾意食肉之餘有啲海鮮。而呢個價位，餐廳提供一盤和牛同一盤海鮮。剛好我們一行人有人不吃牛，但喜歡吃雞，所以都能滿足各位同事喜好。吃了90分鐘放題，當中有3款部位我比較喜歡，如美國牛胸腹肉，肥瘦相間，烤熟一點有焦脆口感。而牛肩里肌，則充滿牛味。建議打隻雞蛋，吃前拌蛋汁，口感更滑更佳。至於海鮮，有原隻生蠔，由店員幫手燒烤，鮮甜厚肉。更附上鱔魚，入口口感彈牙，不過好多好食嘅海鮮都係定量，白鱔、聖子等只可吃一次，有點不夠食。另外比較有樂趣嘅係可以親自到甜品吧嘅雪糕，有得玩又有得食。

觀塘Apm有間好高質既燒肉餐廳，一入到去既環境好舒服，枱同枱之間都有足夠既位置，自助區既食物好多選題，而且員工既人數都好多，服務態度非常好，有時仲會幫手燒下肉👍今次叫既係level 3 ，澳洲和牛海鮮放題，超過128種食物選擇，而且自助區仲有超過40款嘅美食無限追加，比較特別嘅係有福餅同窩夫🧇，飲品都有好多選擇，亦都有熱飲嘅咖啡同埋湯品。去到今次嘅重點就係燒肉，一坐低佢就會送上一盤樓梯燒肉拼盤，同埋一碟煙燻壺漬封門柳，封門柳不愧為鎮店之寶，淨係食呢個都抵返晒，十分推介呢款。肉類既選擇都好多，建議可以每樣先叫一份，好食嘅再重錘出擊。特別想講吓個燒羊架，係高質素，記得留返個位俾佢。除咗燒肉之外，而家仲推出痛風海鮮祭，有日本蠔、牙帶魚、白鰭、虎蝦、蟶子、鮑魚同埋帆立貝，樣樣都係回本位。而日本蠔、虎蝦等等既海鮮都係無限追。好食嘅燒肉仲要配埋調味料，又有紫菜、櫻花乾蝦同埋唔同嘅醬汁任君選擇，都係嗰句，試過哂先知道邊樣最適合自己。總括嚟講環境舒適，食物高質素，呢個價錢絕對反映佢嘅質素，有機會可以再嚟。🍖Lv3 澳洲和牛海鮮放題 $488

今日想吃放題，所以搵了一間吃和牛的，吃和牛真的不能食放題，食8、9片已經好飽。喜歡食牛必推之選，我們選擇了LV4：日本佐賀A4 和牛海鮮放題兩人價錢買單$1447。簡單明瞭的店舖名稱環境都比較寬敞，而且每個座位都有一定的空隙，不會太過擠迫、整體都比較舒適A4日本佐賀和牛🥢4和牛薄炙牛肋肉🍮D肉質鮮嫩，帶有豐富的油花，經過燒烤後，外皮微焦帶有香氣，內裡保持多汁。肉質細膩，口感豐富，入口即化，散發出濃郁的牛肉香氣，原汁原味的美味。🥢佐賀A4和牛三角嫩肌▶️口肉質細緻，油花分佈均勻，入口即化，散發出濃郁的牛肉香氣。經過燒烤，肉質鮮嫩多汁，口感豐富，帶有淡淡的甜味。🥢佐敦和牛小排▶️相對以上的肉質，油脂分佈適當，沒有太多油脂，比較有嚼口，不會太油膩，可以多吃幾塊。🥢痛風海鮮 set▶️鮑魚鮮蝦帶子三者皆為海鮮珍饈，鮑魚肉質彈牙鮮甜，帶子鮮嫩多汁，鮮蝦鮮甜彈牙。鮑魚燒烤過後，散發出濃郁的海洋風味，口感豐富。鮮蝦清甜爽脆，帶子鮮美鮮甜。佐敦A4和牛都是可以任叫的，反而痛風海鮮set只有一份，不過都有多款的甜品，飲品可以任飲任吃。總統來說，和牛以這個價錢算是價超所值，不過都吃不了太多、和牛本身都比較油膩、