燒肉祭

Open Now

Now Closed

之前喺街上收過餐廳派嘅宣傳單張，見到食物賣相好吸引，呢日就同朋友一齊去食lunch～鹽麴豬頸肉丼（$68）🐖🐷醃製過嘅豬頸肉爽口彈牙，鮮味突出，仲加入左新鮮青蔥令丼飯入口更清新👍蘭王蛋封門柳丼（$78）🥩🐮🍳封門柳肉肉質鮮嫩，牛味濃郁，將蛋味濃郁嘅橙紅色嘅蘭王蛋同牛肉混合拌起來，令每片牛肉都沾到蘭王蛋蛋汁，非常好餸飯😋枝豆🫛午餐前菜係枝豆，枝豆用鹽處理過，所以入口咸咸地，好開胃🤤我哋仲揀咗兩罐日本汽水，邊食丼飯，邊飲日本汽水，好有日本feel🇯🇵😆佢

今日出左九龍灣做嘢，午餐揀左鴻威工業中心《燒肉祭》，餐廳裝修簡潔乾淨，數款日式燒肉午市套餐，味道不錯，價錢亦吾貴，性價比高之選午市套餐均配小食及罐裝飲品和風雞肉親子丼用上蘭王蛋做滑蛋口感非常順滑，雞肉肉質幼嫩，和風醬汁配上日本白飯，好滋味。小食配上毛豆健康有益壽喜燒配米飯含有蘭王流心蛋、肥牛、金菇、南瓜、野菜等，壽喜燒湯底清甜，流心蛋非常順滑，肥牛份量都多，肉質幼嫩，送飯一流飲品揀咗日本有氣橙汁、提子汁

呢日嚟到九龍灣食呢一間新開嘅丼飯店，牛肉嘅質素唔錯，性價比都幾高🐮 如果lunch你食更加抵食呀，有午市套餐包括咗前菜同埋飲品。蘭王蛋野菜壽喜燒丼一坐低就聽到隔籬枱話上次食過呢個唔錯，跟人哋嗌咗呢一個壽喜燒丼，預設嘅牛肉係美國牛胸腹，食落口都唔會好肥膩🙈 另外入面嘅配料包括有金菇、娃娃菜、冬菇、南瓜、芋絲、魚糕同埋最重要係佢嘅溫泉蛋🥰 佢係日本出名嘅蘭王蛋，真係勁流心，送飯一流。蘭王蛋封門柳丼另外試咗餐廳嘅另一款招牌菜，用醬油漬嘅蘭王蛋有別有另一個風味😮 個蛋汁較稠杰，味道仲帶點鹹味，所以更加好送飯。另外佢嘅牛肉係勁香牛肉味，而且質地好軟腍嘅封門柳，食完真係大滿足啊。汽水我地另外加錢要咗兩罐日本汽水🥤 蜜瓜味同提子味汽水，真係好似去咗日本旅行咁。如果唔加飲品，餐廳都有提供自助嘅水吧，有茶或者水揀🫖呢度嘅丼飯都可以無限添加，真係唔驚食唔飽啊🍚 喺附近返工嘅朋友lunch可以嚟試吓😚

工廈樓上餐廳可能係打工仔嘅天堂！ 經過見到呢間燒肉丼飯上嚟試吓，搭𨋢上2樓都好易搵。 餐廳嘅卡位都好闊落，設有自助水吧。蘭王親子丼$68 雞肉滑溜，蛋用左蘭王蛋，做出嚟嘅滑蛋特別有蛋香，醬汁味啱啱好，撈晒滑蛋忍唔住成碗飯都食晒！ 壽喜燒 有蘭王流心蛋、肥牛、洋蔥、大蔥、冬菇、蔬菜，吸晒壽喜燒汁，湯底甜身關西風，好惹味！ 蘭王流心蛋撈入白飯，橙紅色蛋黃好吸引🤩唔夠飯，仲可以refill添！ 飲埋罐日本蜜瓜、提子梳打汽水，又夠鐘返工了😅注意：餐廳只做午市，唔好摸門釘呀！

今日lunch 去九龍灣工廠區找美食我們點了鴻力工業中心，食"燒肉祭"餐廳裝修簡潔。不是太多人，有卡位。有自助水吧！有午市套餐我們點了鹽麴豬頭肉丼～烏龍壽喜燒牛肉丼～汽水小食枝豆🤣😂鹽麴豬頸肉丼未道ok,飯咁香軟糯。豬頸肉爽口彈牙。壽喜燒牛肉丼😋😋有牛肉，南瓜，金菇，冬菇...牛肉鬆軟，南瓜有點硬。湯汁配飯好好味！烏龍茶都不錯茶味香，冰涼爽口！日本汽水～橙汁10%果汁，都不錯不是太甜。😋😋😋

今日放假去揾阿妹食飯，喺九龍灣返工嘅佢，就帶左我去試，佢平時lunch time會食嘅餐廳"燒肉祭" ，佢話li間嘅性價比高⭐️B餐 豬頸肉丼豬頸肉好厚、好大舊，食落又唔硬，口味就好正，除左飯之外，仲跟左d沙律菜，好健康，跟餐仲有兜枝豆😍⭐️美國封門柳丼個飯一樣有跟沙律菜，封門柳好香牛味，有d口感，不過係好食嘅，仲有隻蛋黃、同肉汁可以同個飯撈埋一齊食，正😋⭐蜜瓜梳打⭐️提子梳打梳打飲品好出色，係罐裝嘅，唔會死甜，好香蜜瓜同提子味，好飲😋

最近去咗九龍灣嘅Yakiniku Sai食飯，呢間餐廳嘅燒肉選擇好豐富，吸引咗好多食客。我今次特別試咗佢哋嘅「鹽麴豬頸肉丼」同「燒雞扒丼」，套餐加$20就有沙律同汽水，幾抵食。🐷鹽麴豬頸肉丼 呢個丼飯嘅豬頸肉食落好嫩滑，帶少少鹹香，肉質多汁又唔會太油膩。啲飯粒粒分明，吸收晒肉汁，每一啖都好滿足。丼飯上面仲有啲芝麻同大蔥，增加咗香氣同層次感。🐔燒雞扒丼 燒雞扒丼嘅雞肉烤得啱啱好，外皮金黃，入面仲好juicy。雞肉嘅調味唔會太重，保留咗雞肉本身嘅鮮味，再加埋日式燒汁，味道好夾。丼飯上嘅雞扒份量好足，配埋醬汁食落更加豐富。餐廳嘅食材好新鮮，調味做得啱啱好，價錢都算合理。服務員態度友善，上菜速度好快，整體用餐體驗好舒服。如果你鍾意日式燒肉或者丼飯，呢間餐廳真係值得試吓！

係九龍灣搵飯食，見有工廈呢到有間主打蘭王蛋嘅日式丼飯，環境幾闊落，枱櫈都乾淨企理、坐得舒服，重點牆上有貓貓掛畫，作為貓奴好加分🤣✨蘭王封門柳丼｜$68封門柳丼唔錯🤤份量啱啱好，牛肉幾嫩而且牛味濃，配埋極濃蘭王蛋撈白飯一流🥳✨蘭王蛋親子丼｜$78蘭王親子丼蛋部分好嫩滑，雞肉大件同滑身，醬汁調味撈飯也很讚🥰lunch set嘅話送🥤汽水+🥗沙律其實都幾抵～另外仲嗌咗魚餅，彈牙兼香口，好食+推薦！👍🏻👍🏻👍🏻

尋日同老細過嚟九龍灣搵人～自不然會響啲工廈度搵嘢食，行過見到一間食牛肉飯嘅舖頭，佢主打除咗牛肉，竟然係蛋🥚？！仲要係蘭王～😍鬼咁肚餓，我哋一於入去試下啦！美國封門柳丼：老細平時打邊爐都鍾意食封門柳㗎喇～貪佢夠淋但係又有肉味～而家仲要加埋隻蘭王🥚睇佢個樣紅卜卜已經非常有食慾～一篤篤穿佢，啲蛋汁流曬落啲飯度，撈埋啲醬汁一啖過～美味嘅極限！！蘭王親子丼：唔想食生蛋，可以食滑蛋～雞肉都好嫩滑juicy，配埋滑蛋同埋醬汁，都非常惹味！店內仲有好多日本直送飲品任君選擇，我哋揀咗蜜瓜梳打同波子味汽水～夠飽又經濟！！

九龍灣工廈入面開咗間新嘅牛肉丼飯叫燒肉祭，主打牛丼，唔同部位嘅牛丼都有，如果唔食牛，餐廳亦有雞或豬供應，價錢仲好親民添。同同事是日來試下，點了丼飯同小食，加五蚊仲有汽水。⭐蘭王蛋慢煮牛舌丼叫了牛舌丼，牛舌厚切，燒得軟腍入味，丼飯上的醬油漬蛋用的是蘭王蛋，蛋味濃郁呢🤤⭐精選雙併燒肉丼另一碗叫了雙併丼，是牛肉片併豬腩片，用醬油煮過很香甜，滿滿一碗肉片食得好滿足呀。⭐章丸小丸子 & ⭐忌廉蟹肉可樂餅小食叫了小丸子同可樂餅，即叫即製熱辣辣好新鮮，小丸子軟綿綿加埋醬汁好好食，可樂餅炸得外脆內軟，正。⭐蘋果汁 & ⭐可樂小店有唔少日本罐裝飲品，是日先試試蘋果汁，仲有波子汽水、橙汁、提子汁等都想試下。聽店員講小店用的醬油全部都喺日本直送，真材實料㗎。

平時放飯嘅時候都成日會經過呢條街，近排突然間見到門口多咗一塊告示板，睇落餐牌都幾吸引，於是今日就同同事一齊上嚟食吓，點知真係有驚喜喎！呢間餐廳主打係牛肉don飯，全部都有120g，其實都算係抵食，對附近返工嘅打工仔嚟講都係一個幾好嘅選擇！呢到坐得都算好舒服，有卡位，枱同枱之間都有好多位，唔會好逼。今次我哋要咗一個蒜香和牛don同一個親子don。和牛don一上枱就比隻橙黃色嘅蘭王蛋吸引到。仲要有超多塊燒和牛，加埋蒜香味好足，超開胃，大大碗飯都食得晒。親子當日都絕對冇disappoint，比較濕潤，好下飯！呢到soda野飲都不錯，我鍾意提子味嗰個。

位於九龍灣鴻力工業中心內的「燒肉祭」，每到午飯時間好多在附近上班的人過來食，這裏的餐品選擇不算多，就是那幾款美味的特色丼飯吸引了眾多食客前來光顧，這店的丼飯本身已經夠大碗，所有餐點白飯還可以免費追加，真是很抵食👍我也是他們的粉絲🤭今日午飯又是不二之選😄我和同事點選以下兩款午市丼飯套餐，都是十分美味。蘭王牛丼，肥牛牛味濃，份量多，加埋醬油漬蘭王蛋配熱騰騰的日本白米飯，白米飯吸收了肉汁的精華，又好味又滿足😋蘭王親子丼，就是蘭王滑蛋雞肉蓋飯，雞肉嫩滑醃入味，半熟的蛋液，與白米飯撈埋一起，又是一道美味的傑作👍

燒肉祭 📍九龍灣宏冠道6號鴻力工業中心A座2樓A17號舖⭐️ 精選雙拼燒肉丼 $78 +$5蘋果汁放Lunch見到有間新開嘅牛肉丼飯，就同fd試試佢！ 落左單之後好快就整好，上枱仲新辣辣✨揀雙拼就係想一次過食到兩款肉😂 最驚喜嘅係佢超大碗😂😂 無論係飯定牛都好足料，仲有好多牛肉汁可以撈飯🍚，我一個女仔食一碗真係食唔晒，大食嘅朋友可以去試快，cp值幾高!🤣#燒肉祭 #九龍灣美食 #九龍灣好去處 #食肉獸之選

九龍灣工廠大樓也有好吃的這間工廠大樓裡的日式燒肉蓋飯性價比還不錯尤其下午茶時段來，大約四十蚊就可以解決一頓飯價錢這麼便宜，食材也沒有敷衍了事餐廳的蛋用的日本蘭王蛋，牛肉蓋飯的牛肉分量也很大牛肉味非常濃郁，醬汁味沒那麼重，只用了淡淡醬油+黑胡椒味調味飯也是粒粒分明，分量很大午餐來的話人均50-70r，豐儉由人，但我覺得最基本的蘭王牛丼已經很優秀了另外的親子雞丼也ok要是去附近不想吃商場裡的餐廳，可以試試看

呢間餐廳環境好似日式屋企feel甘響九龍灣工廠區入面，而且呢度營業時間係11:00-15:00嫁炸，想食真係要中午時間黎先食到，我地叫左一碗蘭王牛丼$58好抵食，即叫即整，蘭王蛋係比較金黃色，搞混入牛肉丼度食令牛肉更滑溜，蘭王蛋新鮮圓潤色澤好橙色，牛肉份量都算多，丼飯大碗用左珍珠米飯。蘭王親子丼配前菜沙律同汽水，汽水叫左日本蜜瓜汽水蜜瓜soda味濃郁，另一罐叫左提子，提子酸甜。親子丼即係滑蛋雞扒飯，雞肉份量都幾多，滑蛋拌飯蛋味濃。