EaT燒肉

Open Now

Now Closed

We observed that Monday typically has a smaller crowd. Still we had to wait 10 tables even we arrived at 8pm for a late dinner.We finished the meal at around 9.15pm. 20 tickets entered after us… HK people really enjoy later dinner.We ordered pork, chicken, A4 and A5 beef… not the best meat in town but still a good value to money. We ate till the last bite of rice.The waiting was worthwhile.

今日和外星人有個約會，相約在沙田河畔花園的「Eat燒肉」餐廳見面。餐廳以外星人基地為主題，由外星飛船運送我的燒肉套餐，還會說日語，新奇有趣，小朋友最鍾意。餐牌提供的食物種類有牛肉、豚肉、雞肉及海鮮，而且還有不同的配搭，任君選擇。今日午餐品嚐了特級牛五花（100g)套餐（可選擇不同份量），還有沙律及和風湯白飯。特級牛五花肥肉偏多，肉身比較薄，燒完後，沒有口感，也沒有什麼味道。但論價錢方面，算是便宜了，下次可能要選擇價錢較高的頂級和牛套餐，才會食得津津有味，回味無窮。

店名: EaT燒肉地址: 沙田大涌橋路20-30號河畔花園地下19-20號舖沙田圍站C出口，行9分鐘環境: 3/5價錢:3/5味道: 3/5就算星期三平日夜晚黎，都等左成個半鐘入到去佢裝修唔算話好特別，唯一特別係用一個類似地鐵車廂嘅嘢黎送餐特級牛五花&肩胛牛柳&牛小排套餐150g/250g$128/$178食落完全無特別，唔算話好有牛肉味😕佢有唔同調味料同醬汁可以加，但因為啲肉本身唔算好有味，加左之後就變到得翻啲汁嘅味🥲☹️而且就算叫250g，其實食落都唔算話好多好似燒一陣就食哂咁🤨#stitchfoodie沙田

好耐都無食過燒肉喇😌早幾日去左沙田一間外星人做主題既餐廳，仲有飛船負責送餐，又幾有趣架喎😆宮崎A5和牛臀溥燒套餐一睇就覺得好正🤤油脂分布平均，油香十足😋輕輕燒幾下已經食得！套餐仲有跟白飯、湯同沙律，滿足😌另外仲可以加錢將白飯轉做溫泉蛋紫菜飯～今次第一次黎食所以想試下白飯先，下次可以試溫泉蛋紫菜飯😆特級牛五花&牛小排套餐牛五花同牛小排都好香肉味，燒完肉質都仲好鮮嫩！加埋泡菜食都幾夾😋仲可以去下油膩感😌呢度既燒肉套餐都有好多款唔同既選擇，而且價錢都唔算貴～下次又再黎試吓其他燒肉套餐先☺️

早排同男朋友去左沙田探朋友，試咗一間好味又抵食既燒肉店，和牛定食套餐$200都唔使就有交易，店內使用機械人送餐，覺得幾盞鬼🥰>宮崎和牛套餐：有A5和牛肉眼蓋、A4和牛肩肉及A4和牛三角腩，肉眼蓋油花分佈均勻，肉質滑嫩；牛肩肉油脂分布少一D，牛味濃郁；三角腩係第一次食，估唔到脂肪同埋肉比例恰到好處，食落入口即化咁好正🫶🏻>宮崎A5和牛臀薄燒套餐：和牛切到好薄，好方便燒，輕輕一燒，油脂就出哂黎，燒到半熟咁口感軟嫩，仲可以點埋蛋漿食，食到好滋味。>紫菜溫泉蛋飯：有超多紫菜，溫泉蛋煮到啱啱好，用黎撈飯食好好送飯。>富士蘋果地雞肉：加咗蘋果汁嘅雞肉，食落甜甜地，雞肉味好出。>薄牛舌：牛舌醃到好入味，雖然薄薄地，但係依然咁有咬口。>魷魚下足：魷魚鬚慢慢燒到微微金黃焦香，食落特別香口，點少少燒肉汁食都夠味。>白桃烏龍茶及蜜桃茶：食燒肉好易食滯，飲下茶解膩都唔錯的。

最近好多人去沙田食燒肉🥩有別於傳統嘅燒肉專門店，充滿科技感嘅外星人主題日式燒肉餐廳點餐程序非常方便👍🏻由點餐到送餐都係自動形式，好似有一個飛船咁樣將食物送到🤣好有創意啊🥩特級牛五花、牛小排套餐 $158牛肉份量係200g牛肉脂肪分布平均，牛五花口感嫩滑有光澤好濃牛肉味，雖然未係入口即化嘅感覺，但係口感非常軟腍🤤可以沾鹽味汁、燒肉汁、玫瑰岩鹽或者黑椒等等味道更惹味😋🥩宮崎A5和牛套餐 $268有三款牛肉，包括A5和牛肉眼蓋、A4和牛肩肉、A4和牛三角腩入口即化，油和味重，一次食晒三款唔同牛肉嘅口感滿足哂喜歡食牛嘅朋友啊！兩款套餐都附上一碗白飯🍚用日本🇯🇵月光米，更有咬口，口感豐富EaT燒肉沙田大涌橋路20-30號河畔花園地下19-20號舖

我哋去EaT燒肉食一人一爐燒肉套餐用VGather apps預先取票，就可以快啲入去進餐喇！點餐喺掃QR Code 好方便，由外星人飛船負責送餐到座位，透過手機下單內置嘅晶片去追蹤我哋依家坐緊嘅位置。已準備嘅食物由飛船直接送到我哋面前，感覺好Cyber!ET外星人為主題👽，感覺真喺好有科幻感🤩，親民嘅價錢就可以品嚐到燒肉。採用一人一爐及獨立抽風系統，減低油煙度。我哋叫左一份 #宮崎A5和牛臂溥燒套餐 200g（$258）同埋西班牙豬五花 & 黑毛豬肋條 & 富士蘋果地雞肉套餐 300g（$108），套餐配上白飯、沙律或自家製泡菜及昆布清湯，加$15 有紫菜溫泉蛋飯🍚。宮崎A5 和牛嘅色澤鮮紅，雪花分佈均勻，細緻軟綿嘅肉質，入口有油脂香味。西班牙豬五花，口感都好讚，肥瘦適中，油而𣎴膩!

成日睇到近來「一人一燒肉」風氣好旺盛，睇啲介紹話沙田河畔開左間以外星人同太空做主題既主題餐廳，啱哂我個小朋友，撞正呢兩日假期我地去朝聖下，都知道繁忙時間要排隊，我地就早啲去。餐廳入面佈滿左好多外星人公仔既裝飾，我仔睇到收銀仲有啲文具賣😅都係時下最興既手機自己落單，都好快，5-10 分鐘左右燒肉餐就係飛船入面沿路軌黎到你面前，見到啲小朋友望到都心心眼，唔好話小朋友，連啲大人我都見到佢地係咁影相，其實都幾有新意有噱頭。一人一爐自己燒就最好，見到最平$48又有，或者想追求質素既和牛都有喎，因為有啲款都特別，咁我地就揀左其中兩個餐試下：🐮Prime Grade : 特級牛五花/肩胛牛柳/牛小排套餐（250g)$178一個餐可以試到3款牛又唔錯喎，牛五花唔太肥，肩胛肉較少油花，而牛小排則稔身，三款薄薄燒起黎好快熟。呢個餐我地加左$15 要紫菜溫泉蛋飯，黎到啲紫菜舖到滿哂好正！🐮宮崎和牛套餐（200g) $268A5和牛肉眼蓋/A4和牛肩肉/A4和牛三角腩：肉眼蓋油花分布平均，肉眼位夠稔；牛肩肉油分相對較少，但入口即溶；三角腩好juicy,因為油分較多，燒完出黎好香口，一入口滿佈牛香仲有少少脆脆地

當日咁啱經過沙田知道呢間舖有好多人排隊，所以都早少少6pm去到結果等咗50分鐘左右，weekend嚟講還好環境唔大少少窄套餐價錢係幾化算係和牛有少少黑，搵唔黑嘅擺上面遮住三角腩有2塊7成白色脂肪Overall質素唔差嘅晚餐要加一服務費。。。。。可惜燒到尾段，仲有三塊牛同大半條魷魚突然有2個店員連續同我講夠鐘首先係好有禮貌嘅姐姐，然後係男人有威嚴咁講以為自己睇漏眼，但入座又無店員同我講有限時不過都急急腳燒埋剩低嘅嘢食走嘅時候去留意有冇寫限時嘅字眼無論menu定門面都無寫網上fb同ig都唔見開單時間18:51，around 20:15催我哋走唔知舖頭expect一枱最多可以坐幾耐如果有限時不妨大方公開，其實無問題無謂客人誤會

宮崎A5和牛西冷套餐 150g ，$298p宮崎A5和牛西冷，喺和牛後腰脊肉部位，牛肉味濃郁，油脂飽滿而且分佈均勻，食落肉質嫩滑又juicy，入口即溶，真喺回頭率極高❗牛五花 & 肩胛牛柳 & 薄牛舌套餐 250g，$168另加$15升級溫泉蛋紫菜飯牛五花喺牛嘅培根，腹部後面位置，油脂較多，肉質較厚實，食落有濃郁又鮮香嘅牛味道，一試難忘；肩胛牛柳近牛嘅肌肉位置，爽脆又有嚼勁；薄切牛舌，燒烤後爽滑，食落油而不膩。 EaT燒肉地址：沙田大涌橋路20-30號河畔花園地下19-20號舖

不知所謂，攞飛等候時間非常耐，排左個半鐘都未到，去個7仔買野飲，但店員將號碼飛不斷㩒走(過左幾張)，上前跟他談論，服務態度惡劣，用極差態度要求重新攞飛，最後怒走！

係沙田圍既呢間燒肉店真係好hit 我大約平日夜晚6:45到攞籌 都要去到7:30先入到座 一直keep住有30人左右係到排 入到去係用QR code 去落單 之後就等架飛船送餐過黎🛸🛸我同朋友坐係吧檯一人一個爐 檯面上有4種醬汁、胡椒同埋玫瑰鹽比你自己去調味 超值得讚既係呢到爐既抽風做得超好 食完燒肉身上面小小燒肉味都冇👍🏻呢度好貼心都有唔同分量既飯可以揀 淨係白飯就唔洗加錢 我同朋友都食紫菜溫泉蛋飯 分別有100g 200g 300g 都係一樣加$15 我同朋友都鍾意食飯所以就揀300g 同埋感覺都抵d😝👽宮崎和牛 (A5和牛肉眼蓋、A4和牛肩肉、A4和牛三角腩）（200g）沙律+和風湯紫菜+紫菜溫泉蛋飯300g $283和牛牛花超靚 一睇就知真材實料 和牛肩肉係三款入面肉質較為結實而且脂肪較少 和牛肉眼蓋就肉味最濃郁 牛三角腩油花最為豐富 口感幾較為軟嫩 三款放入口都有入口即化既感覺👽Prime Grade 牛五花、牛小排(200g)泡菜+和風湯紫菜湯+紫菜溫泉蛋飯300g+額外加肩胛牛柳(50g) $201呢一個套餐既牛肉都會係面淋上汁醬輕輕醃下佢 醬汁既味道輕輕帶甜 容易帶起牛

外星人燒肉店👽🥩餐廳用外星做主題，裝修都好有科幻既感覺，座位閤落，唔少係一家大細黎食都坐得舒服。座位前有條送餐帶，用外星人送餐，呢下都幾有Gimmick既🚄睇住佢過到黎再打開個下見到啲食物又幾開心喎🤣我地叫左兩個set再加多兩份肉，套餐會跟飯、沙律/泡菜、湯，我地升級左做紫菜溫泉蛋飯，撈左蛋汁同紫菜真係開胃好多，都建議大家都叫😎枱上面有幾款醬汁俾大家點下，BBQ汁、燒肉汁、鹽味汁、玫瑰岩鹽、黑椒。🔸宮崎和牛$178🐮一共有3款，分別係A5和牛肉眼蓋、A4和牛肩肉、A4和牛三角腩，油花好靚，燒既時候好搶火🔥真係要逐塊燒望住，唔好燒燶！食落好軟嫩，有少少入口即溶既感覺😍🔸Prime Grade 牛五花，肩胛牛柳、牛小排$128🐮呢款平啲但都好好食，而且本身落左啲醬汁，味道都唔錯。🔸富士蘋果地雞肉$28🐥🔸薄牛舌$28👅散叫既肉都唔貴，加返碟我鐘意既牛舌😛雞肉燒完又幾好食，雞皮燒得香，雞肉又滑！📍#EaT燒肉 (#沙田美食) 沙田大涌橋路20-30號河畔花園地下19-20號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟🔖#吃是真愛_沙田

好耐無食燒肉，行過沙田搵完朋友就去試下呢間最近幾hit嘅燒肉店先😆餐廳主打用機械小火車送餐，感覺又幾得意~.📍EaT燒肉.🥩宮崎A5和牛臀溥燒套餐 ($258/200g) - A5和牛油脂分布平均，燒完油香十足，加$15升級左個木魚溫泉蛋紫菜飯~正啊😆🥩宮崎和牛套餐 ($268/200g) - 三層嘅和牛分別係A5和牛肉眼蓋、A4和牛肩肉同A4和牛三角腩，油脂最重係三角腩，但食落口唔會油到嘔果種，另外兩隻肉味都幾濃~點埋啲燒肉汁一齊送飯食真係唔錯喎👍🏻🥓黑毛豬肋條 ($48/100g) - 加配左一碟豬肌條，本身以為係一條條長嘅同有骨果種😂上到枱原來已經整好哂細粒無骨~好方便燒!

宮崎A5和牛臀溥燒套餐 $258 200gMiyazaki beef thin instead cap..平時已經超級鍾意燒肉！😍佢哋更有多款新鮮牛肉可供選擇！🥰套餐配埋湯，惹味泡菜，白飯。超好味，好興奮~.牛肉大大片，🥩而且有超優美的油花，我perfer半熟的口感，識食嘅朋友，🥚都可以點蛋漿食，大塊質感，👍更加滋味。.特級牛五花＆🐮牛小排套餐，鮮嫩多汁，而且牛肉味道好重。#dinner #燒肉 #A5和牛