山田本舖 (Closed)

山田本舖嘅古早蛋糕用金色盒裝住，好eye catching! 每次經過見到都會忍唔住行過去買番個蛋糕😂 之前試過原味同芝士味，原味真係幾出色，芝士味就相對地冇咁令人留下深刻印象🫢今次去買，咁啱核桃味蛋糕啱啱新鮮出爐，即刻買番件返屋企嘆！😁一打開個盒，古早蛋糕味勁香！核桃香脆，蛋糕軟棉棉，好濕潤，而且蛋味好重，好好食！👍🏻同屋企人唔洗五分鐘就KO咗成盒蛋糕！😂 呢間古早蛋糕店仲有好多唔同口味嘅蛋糕俾大家任君選擇，下次試吓其他味道先！😋

啱啱送咗阿女去補習班，要個半鐘頭之後先至接佢放堂。百無聊賴😌，響太子附近逛一圈睇下有冇啲新嘅食肆或店舖。一路行，聞到一陣好香嘅蛋味🤤，似乎係焗麵包，行近啲睇，原來係台式古早味蛋糕店。之前熱爆見到呢啲古早味蛋糕店經常排長龍，令到我想試嘅意欲都冇🙄。而家啱啱冇人排隊，又記得同事話呢間“山田本舖”好食😍，就買一個試下啦🥰。見到個menu list，有勁多款口味。我覺得最基本嘅，就已經可以試到係咪有真功夫😏。於是買咗一個Q 版低糖原味蛋糕，只係三十蚊港紙，價錢十分相宜🤭。買嘅時候熱辣辣有陣陣嘅香味滲出☺️，一路行都好想食😂。拎到返屋企雖然已經涼咗，但係食落口感非常軟熟，好有蛋香味，三十蚊呢個價錢，冇得輸。食唔曬，放入雪櫃第二日拎出嚟食依然十分軟熟，正👍！其實我都好想試食吓鹹蛋肉鬆古早味蛋糕，下次一定要買嚟試下😋。

年初四好多舖頭都未開，行經旺角山田本店，原早味蛋糕，久聞大名，今日第一次試⋯$30一個原早味蛋糕，當然無投訴，有兒時回憶同味道，蛋糕鬆軟，蛋味亦都足夠，$30一個真係冇嘢可以再講⋯ 其實佢仲有好多其實味道可以選擇，例如：咸蛋黃，流心芝士⋯ 等等！下次或者，可以再试吓其他味道⋯

成日行過啲古早味蛋糕店都覺得好香😂今次係第二次食山田本舖既出品，佢地既金色盒就最易認～上次試咗原味，今次就試最新出既芝麻味🖤//蛋糕體口感鬆軟，中間咬落去仲有啲半熟口感，都唔錯😉但最令人關注既芝麻味就好失色😅雖然面頭係加咗好多白芝麻黑芝麻粒，的確食到好香既芝麻味，但亦都係全件蛋糕唯一食得出芝麻味既位😮‍💨蛋糕體食唔出，即使單吃中間一層芝麻醬都食唔出，整體都幾失望😪

朋友生日，由於餐廳不能借用雪櫃，只諗到食古早味蛋糕。本來想試芝士同oreo, 但係戈日竟然無oreo😢 難免有點失望...所以只好選雙拼，揀了肉鬆配鹹蛋芝士👌兩隻都是比較冷門的味道，不是出邊一般古早味蛋糕店可以搵到的。我本來對古早味蛋糕沒太大好感，覺得味道好平凡亦唔平...但尼間店有令我改觀！鹹蛋芝士味道唔算好鹹，調味剛剛好。我無同朋友講蛋糕的味道，但大家一食就講得出是鹹蛋味，而且覺得味道好驚喜，亦唔算重口味！加上芝士的確是有流心, 絕無欺場！配以鹹蛋竟然又出奇地夾🤷‍♀️！好快就比一班朋友清曬！！肉鬆調味亦不錯，如果可以再重口味點，就會更加出色😋價錢略嫌偏貴，但有別於其他古早蛋糕店，味道咁特別，我覺得都值得一試呀！👍💪

今日早上去到太子工作半天，中午放工時見到已有好幾個人正在排隊等買古早味蛋糕，店員話差唔多出爐於是又排下。好快就買到了，仲要原味做半價，三十蚊就買到，真係好抵。見到個盒咁金光閃閃，成個人頓時充滿貴氣。因為係新鮮出爐，呢條古早原味蛋糕真係好香噴噴。返到屋企，打算作為下午茶點，所以雪凍佢再食。從雪櫃取出來，仍聞到蛋香，切開我先試一囗，軟棉棉，好好味。而且味道不甜，加埋自己沖既熱咖啡一齊食真係好飽足。阿囡話雪凍左有都唔硬，柔軟濕潤易入囗，好味道。

一直想試呢間古早旦糕雖然而家開左好多唔同既店但山田本舖係好早已經出現今日終於的起心肝黎買可能我晏黎到差不多六點黎到剩番既味道唔多呀肉鬆我麻麻地芝士我又唔食呀咁啱有半條原味就揀左呢個了番到家忍唔住食飯前就切開黎食一打開個盒已經聞到好香旦香味食落好鬆軟呀有空氣感得黎又好軟熟真係無令我失望呀而且半條兩個人都係食唔晒留番第二日做早餐下次可以試下其他味呀

一直都好好奇古早味蛋糕係點嘅但就覺得有啲貴 所以就冇買黎食😚😚今次親戚就買咗2款古早味蛋糕畀我食😆食完之後就覺得其實就冇咩咁特別 唔知點解會有咁多人爭住買😂1️⃣原味食落幾香蛋味 而且都幾濕潤同鬆軟嘅🤓味道都ok嘅 但就未正到值得再買多次黎試😚2️⃣芝士食完原味試呢款就有啲失望☹️☹️☹️試咗就咁食同焗返熱後食 兩種食法都覺得呢個麻麻哋🥴芝士好淡 而且啲芝士一pat嘢咁 個口感有啲唔係咁好😖覺得呢款就唔洗買黎試🙈🙈🙈(圖下就係芝士味嘅切件嘅樣 中間嗰啲就係芝士)

成日經過太子都會見到有人拎住呢個盒，所以想試呢間古早味蛋糕好耐，今日經過見到佢有九折，就買咗嚟試吓，結果冇失望，質素好唔錯，而且價錢唔算貴，可以一試！..杏仁抹茶紅豆味 $75本來古早味蛋糕既份量一般都比較大，不過佢嘅size更大，適合多人share。抹茶味唔係好濃，但係同紅豆好match，而且杏仁好香，味道唔錯至於質感方面，山田本舖嘅蛋糕比較鬆軟，有軟綿綿嘅感覺之餘，亦不失空間感，算係數一數二好食嘅古早味蛋糕！.

記得呢間初開嘅時候日日都排滿人有時食完飯經過想買個蛋糕走但見到條人龍同睇返個時間就卻步依家可能越開越多古早蛋糕變相經過唔洗等仲有幾款可以揀今次我就買咗個肉鬆蛋糕其實喺門口經過已經聞到好香蛋糕味睇住店員將勁大個蛋糕切開震下震下咁好治癒蛋糕上面嘅肉鬆好足料中間再夾咗少少肉鬆 好好味本身以為鹹食會好奇怪點知又出奇地match沖番杯茶就係個完美嘅tea當然呢個下午茶份量係勁大所以六個人share就啱啱好下次唔使排隊再試其他味

仲意食蛋糕🍰可以試下依間古早味蛋糕，小店分幾個時段蛋糕出爐，可以留意想買邊款蛋糕等出爐時間黎買蛋糕除左即整即焗夠新鮮，小店古早蛋糕好軟淋淋，食落口感吾差，而且味道多款推薦原味芝士、朱古力味必試原味芝士蛋糕內有芝士餡，食落吾會好咸，咬開芝士帶絲，出爐時間買最好😋而朱古力味蛋糕，蛋糕有朱古力粒，食落吾會太甜👍🏻除左依間分店，洗衣街近皆旺商場之前停車場條直街開多左間分店想買古早蛋糕，有兩間分店方便好多

古早蛋糕最近都很流行對於古早蛋糕本來自己都是一個小小粉絲🤪❤愛吃甜食的我 總會在假期買一盒回家當下午茶吃獎勵自己整週工作的辛勞❤今次週末路經太子附近就決定試一試山田本鋪金黃色的包裝盒是最吸睛🤩眼見一大件放入去便急不及待取回家熱烘烘地吃新鮮出爐的蛋糕🤩第一次試便試👉美碌朱古力味＄75😝🍫蛋糕上層鋪滿大大小小的美碌朱古力碎入口隨即沾滿口腔 味道非常香濃 卻甜而不膩🍫😝❤蛋糕體富有蛋香 口感鬆軟濕潤綿密又不失彈性 十分可口🍰❤另外特意拍這張在中間切到蛋糕一半的相～印象中不是所有古早蛋糕店的朱古力蛋糕有中間這層朱古力醬🤪🤪山田本鋪就有了🍫❤！蛋糕本來散發的朱古力味加上這層邪惡滿分的朱古力醬就是感受到double香濃的朱古力味🍫🍫❤❤！作為朱古力控的我滿足到慾罷不能的狀態🤪🤪❤🍫！吃一次立即上癮！以後吃朱古力古早蛋糕都會記得在這裡買了🤪🤪🍫🤗！下次會再試其他口味❤🍫太讚了!❤❤😎

|太子 軟綿綿 超軟熟 古早味蛋糕 🍰|呢間人氣古早味蛋糕鋪名不虛傳，未行到蛋糕鋪就聞到好大陣香味，留晒口水🤤🍰 古早味蛋糕 (原味) $60蛋香味十足，買完幾個鐘都勁香望落同食落都係咁軟熟濕潤，口感好舒服好滿足熱食會鬆軟啲，不過凍食實在嘅口感都正頗甜不過接受到雖然係原味但一啲都唔覺單調，會食唔停😂24小時內放入雪櫃，可以存放三日😋 味道: 7.5/10除咗原味仲有芝士、肉鬆、朱古力味等，有唔同出爐時間

近期掀起一股古早味蛋糕熱潮。外表看似平凡普通，實際上卻很考功夫的基本款蛋糕🤫新鮮出爐的蛋糕送到手上時，即使隔著紙盒仍能捉摸到來自蛋糕的溫熱♨️一打開紙盒已能嗅到香氣四溢的雞蛋香——————————————————————🔸原味$60 👍🏻蛋糕質感鬆軟綿密，入口軟綿綿 ；乾濕度剛好；厚度十足；味道香濃，充滿濃厚蛋香🥚；蛋糕香軟有彈性🍰——————————————————————味道：7.5 /10性價比：中回頭率：50%

《芝有古早味🧀》———————————————-#山田本鋪🤗最近古早味蛋糕咁Hit，我都走咗去試吓。大家睇佢金色嘅盒應該已經認得，呢間係位於太子嘅山田本鋪。咁啱呢日係平日，唔算多人排隊。-揀咗好耐心大心細，終於選擇咗佢嘅芝士味。完全係邪惡肥仔之選，厚厚鬆軟嘅古早味蛋糕完全包裹住中間夾住嘅芝士。味道配搭得好唔錯，芝士帶點鹹香，但又唔會蓋過古早味本身嘅蛋味。大大嚿夠食幾日😆-超級建議大家食之前擺入微波爐叮30秒，就可以做到拉絲嘅效果，芝士溶溶地就更加好味啦！🤣-⭐ 參考價錢︰芝士古早味蛋糕： $80（好似加咗價之前買$75🙈）🍌抵deal指數：7/10