大和豚総本店 (Closed)

是日經openrice book位有8折，去到就話今日餐牌上面啲定食有唔少改動，本來有果西冷牛扒轉左牛柳，都改得差幾遠下，串燒雞翼轉左芝麻雞翼。甘我地一行人點左3個定食同一碗拉麵，同埋加左一個巨人推進器梳打，問左有一公升野飲，4人share岩岩好。甘因為我喉嚨痛，所以冇咩好揀，就揀左個咖哩漢堡蛋包飯。其實都幾失望，漢堡扒比較乾同硬，係好足料肉，但感覺煮得老左太多，蛋係超薄一片薄到紙甘，只係蓋係飯上面，冇蛋包飯既感覺，咖哩味道正常，其實整體飯唔算難人食，但令人失望，份量都幾大，我食左一半就食唔落。至於定食啲配菜同前菜。味噌湯真係唔好飲，冇咩味。泡菜同青瓜正常味道，冇咩特別。三片三文魚都係一般，只能講係正常地冇驚喜。成晚最有驚喜就係果飲品，叫左巨人推進器梳打，揀左巨蜂提子味，問左店員係有1公升既。飲前會先上4隻小杯加粒圓冰，其實味道就係甜甜既提子梳打，冇咩特別，但勝在好玩同特別。不過果推進器有啲舊，同埋有啲黏稠，用完要用濕紙巾抹手，唔係隻手好立。整體黎講，服務冇咩特別，冇話特別好客，但又未至於態度惡劣。食物不過不失，係得野飲有啲特別同驚喜，其他就一般啦～如果唔係有折，呢個價錢黎講都幾唔抵食

又回到一星期一次的「星期日拉麵時間」，不過我個人的「星期日拉麵時間」，其實不是定期進行，當我一去到星期日那一天的時候，就為自己選擇食拉麵，還是食一些平日不會選擇的食品而煩惱。有時身處在一些，任何類型食店也從不缺乏的地方，例如「旺角」、「尖沙咀」、「銅鑼灣」，就會出現日本拉麵店，跟其他食店在我內心世界鬥個你死我活，我直到最後可能還是下不了決定。我站在旺角的港鐵站出口面前，還是要不斷反覆思量，沒定下一站應該食什麼東西才對。我忽然把目光向左一轉，看旁港鐵站旁邊的「雅蘭中心」商場，我漫無目標下隨便走入「雅蘭中心」，看到什麼就食什麼。我在「雅蘭中心商場」地方不斷摸索食店，苦無收獲下再搭扶手電梯，朝向一樓商舖的位置走去。結果我走到「雅蘭中心商場」一樓，我遇到一間賣日本菜的餐廳，餐廳的名牌叫做「大和豚総本店」。「大和豚総本店」店面雖然沒有大門，沒有招呼食客的店員，但是「大和豚総本店」門口卻有一盞大光燈，大光燈的光線射向「大和豚総本店」的食品餐牌身上，清晰得什麼人都能看得清楚明白。「大和豚総本店」裡面的樓面主要擺設，除了以玻璃窗，間隔不同用餐區域的之外，其餘檯櫈擺設，主要都是以木材作為材料去製造。另一

星期六日就最怕出旺角, 每行兩步都會撞到人, 不過適逢今日有事辦就括出去啦, 出雅蘭搞少少野就決定同商場解決lunch, 以免再四周圍搵食啦!雅蘭本身都有幾間餐廳, 唯獨依間門面望落舒服, 就決定一試啦！街邊太多人與喼坐位闊落, 兩個人都比四人枱, 環境寧靜又燈光舒服lunch set 包salad 同餐飲, 不過salad 菜就唔多新鮮啦老公既泡菜豚肉拉面, 佢話泡菜同拉面唔多夾, 味道怪怪地我就雞扒拉面, 反而我個湯底幾濃郁, 雞肉都juicy , 算不錯, lunch set around $85-$110 一個, 依個價錢唻講我覺得可以有更好喔！

叫左海鮮拉麵配秘制蟹膏濃湯望落幾吸引，先飲啖湯試味，都真係幾濃有啲似飲緊龍蝦湯既感覺個蟹膏味唔算好香，不過不失海鮮有魷魚🦑，兩粒帶子同蝦好神奇地個湯咁濃，啲海鮮入口係咩味都無好似用水灼到出晒味咁🤔係隻大蝦叫好少少，$110吉列大蝦配吉列豬柳有三文魚，泡菜同青瓜做前茶吉列豬都唔厚粉，炸得都幾好點埋沙律醬會無咁漏，$148雖然整體食物都還可以但呢個價錢黎講有啲貴所以都唔大興趣再食

旺角雖然好多食店，但因旺角太多人流，好多時食店都係爆滿。突然想起上次係Yamaton食lunch, 不是太多人，一去到就有位。睇左menu一陣，好快就決定叫二個套餐。豬手配稻延烏冬 (包半邊菠蘿及飲品－杯) - 豬手切成一片片涷肉，好味。泠烏冬食入口有彈牙感覺，烏冬好好食👍。雜錦刺身飯 (包沙律及飲品) - 這個刺身飯份量足夠，刺身除左有三文魚，吞拿魚外還有其它種類魚生。魚生刺身好新鮮，這碗刺身飯好好味。這二個套餐食物質素唔錯，所以價錢比－般午餐略貴。

有好一排沒有來這間餐廳食飯，今日放工行過，因時間尚早，店內唔係太多顧客，一於同老公兩人一齊再在這間餐廳食晚飯。入到去，物事依舊，人面全非，之前個餐廳經理已經唔再响喱間餐廳了，而全部換哂新面孔。而且佢個餐牌都換咗好多不同嘅種類，以前大部份都係食火煱為主，而現在就一半一半，多咗好多套餐，而今次我地叫咗以下食品：壽司拼盤加冷烏冬定食滑蛋吉列豬扒定食及兩杯飲料 - 紅粉佳人 及 魅力四射壽司拼盤加冷烏冬定食 - 佢壽司上面嘅魚生，可能因為唔係好夠凍，所覺得佢唔係咁新鮮，吞拿魚仲好似有小小“腥”味，但其他的還可以，冷烏冬夠彈牙可口。滑蛋吉列豬扒定食 - 蛋汁夠滑，豬扒夠 Juice ，包著豬扒嘅外皮夠薄及夠新鮮脆口。最好味嘅就是嗰兩杯飲品，用新鮮生果打做而成，感覺很清新，令人會有好 fresh 嘅感覺。

星期六下午時間專程嚟試蝦湯底拉麵個湯非常之濃我個人覺得好正又香不過我老公覺得味道好但係個湯太杰稀返啲會好D軟殼蟹拉麵感覺上好味D因為軟殼蟹索左啲湯汁吸引好多個拉麵上邊仲沈左啲蟹肉㗎

中午約左朋友係旺角食lunch，係朗豪坊行左一陣，見到太多人，於是轉移陣地去雅蘭中心揾食。剛上到二樓見到有間日式餐廳，門口無人排隊，於是找位入座。雖然是午飯時間，但整間餐廳祇有八成客人，我哋被安排坐係一張四人枱，環境都幾舒適。特式豬軟骨湯拉麵 - 豬骨湯好濃，但不油膩，豬軟骨略久淡些。雜錦刺身飯 (包沙律及飲品) - 這個刺身飯份量足夠，刺身除左有三文魚，吞拿魚外還有其它種類魚生。刺生新鮮，這碗刺生飯好味。雖然食物唔錯，但這個刺身飯要$118，午飯價錢略貴些。😅

一湯匙蟹膏跟拉麵上，並非溶入湯中，真係啖啖蟹膏，慢慢品嚐。另外湯底係龍蝦湯，超濃郁！海鮮有帆立貝，魷魚圈，蝦仁，及大大隻燒虎蝦。有水準，夠份量。飲品有特飲：綠野仙踪，清新檸檬薄荷蔬菜味道，so refreshing 😄！訂座時記得要求較涼位置，場內部分位置冷氣不足。

係旺角雅蘭搵食 最後揀左呢間 但等位等左好耐 希望啲野好味啦 等到好肚餓 一有位已經即刻點野食 叫左個定食 加🍺 朋友叫拉麵 等等 員工做野打爛野 送餐送漏野🤣 環境都ok 野食就一般性價比唔算高 呢個價錢可以食啲更好味嘅野🤔記得個拉麵好淡 冇乜味炸豬扒定食都幾好嘅 飲品唔抵飲🤣雞翼有啲燶同太乾三文魚有三塊 圖入面係兩個定食嘅份量 店員冇提 好彩我地自己知一個定食得3塊姐睇落幾新鮮 食落唔係好新鮮 不過都ok 架好彩冇叫拉麵 真係唔好食🙈

店內環境舒適，傾計一流，d位夠鬆動。一睇menu，我已經俾d甜品吸引住😍<吉列芝士豬扒>炸得好香，炸粉夠薄，一咬有好多芝士，同個醬好夾👍🏻<雜錦刺身盛合>刺身只係一般，三文魚有骨，下次唔會叫刺身。<鐵板菠蘿燒伴雪糕>菠蘿燒到熱辣辣，個面好脆！咬落好甜好多juicy！加埋雪糕同朱古力餅一齊食，食到我好開心，正呀！推介！！<紅粉佳人>有提子、橙、士多啤梨，好消暑，唔會太甜，好清新！飲落好多士多啤梨粒粒，好味！

假期約左朋友出街食飯，揀左依間大和豚食日本野，真心覺得價錢唔平，簡單一餐lunch套餐包汽水，其他飲品再加錢，閒閒地加埋一，都接近100蚊值唔值？真係見人見智。雖然lunch時間黎，但人唔算多。地方都算大，寬敞，唔算嘈，服務都算唔錯，會主動裝水。豬軟骨拉麵，豬骨濃湯味濃，豬軟骨夠入味，但唔夠爽，個糖心蛋超好味。泡菜豚肉拉麵，覺得偏辣，豚肉夠薄，份量都唔算少。吉列豬扒冷烏冬，可選擇熱，烏冬夠彈口，吉列豬扒炸份唔算多，肉厚但有d實。最後單叫左杯Corona特飲，薄荷青檸味重，味道唔錯。

同老公晚餐要小心選擇，因為佢好有要求。order了吉列蝦炸雞翼餐和是日精選火煱連雪糕甜品。老公覺得蝦的肉不夠鮮，雞翼炸過了火，(話早知都係叫牛扒，但最近都係食牛扒想轉下)，但很滿意白飯。飲品order了白桃梳打，也滿意。火煱自己控制時間，無得挑剔。薄薄片豚肉包裹住蔬菜絲，吃起來不會覺得太油膩。除了豚肉卷便是豆腐和年糕，没有飯或配莱，對女性的我是夠吃的，只是醬料只有醬油一款有點單調。火煱上枱後沒有提供火鍋用的餐具，要向職員要求才送上。當食完，D伺應收走哂枱上的餐具，坐了一會便埋單。離開餐廳後才醒覺精選火煱的雪糕甜品未上，埋單時職員也沒提及，也怪自己太大意了，老公話我應該坐耐D就會記得。套餐包括的甜點不是客人食完主餐後自動送上的嗎？

下午放假，待老公收工從元朗出來，差不多三點才吃飯。在外面看以為店內沒人，誰知道進店後發現原來人也挺多。我點了一個吉列豬扒配咖哩飯，老公點了石鍋牛肉飯，餐飲跟普通餐飲不用加錢 (冷熱同價)，我們都點了凍檸檬茶。凍檸檬茶最先送上，糖漿自己隨意加，茶底亦夠冰凍。石鍋牛肉快亦很快送到。嘩！牛肉多得像山一樣，高高地隆起，還好老公感覺肚餓，所以都能吃掉整個飯。我試了一片牛肉，配上一點京蔥，再點了另上的牛肉汁，味道及質感都不錯，不過最滿意還是份量。我點的吉列豬扒配咖哩飯也很快送到，麵豉湯味道較淡，但配料挺多。吉列豬扒的炸粉跟豬扒沒有很容易分離，緊緊地連在一起，不錯。肉質方面，有點鞋，肉汁不算太多，但炸得算是香脆。椰菜絲非常爽脆新鮮，份量亦算多。咖哩汁甜甜的，不辣，典型的日本咖哩，可以只有汁，沒太多配料。總括來說，性價比挺高，套餐來說非常不錯，值得推介！

經常行過旺角，晚飯時間都會見到餐廳外不少人排隊等候，心諗應該食物質素會唔錯，咁岩有日行過，時間尚早，見冇人排隊，就入去試試，一直以為係一間日式餐廳，原來有加入韓式風味，有泡菜豚肉火鍋，飲品又有燒酒。最後點了芝士吉列豬扒套餐和日式咖喱漢堡蛋包飯。吉列豬扒完全食唔到有芝士，炸的脆度亦只屬一般，價錢加一約$150。 個人認為不須再幫襯。友人點的咖喱蛋包飯亦一般，蛋唔滑，咖喱汁亦普通。前菜有韓式泡菜和三文魚刺身，亦是一般點了一杯飲品，類似沙冰的，飲品質素反而較好，比食物出色一點總結，餐廳環境和服務都挺好，但食物只屬一般