大和豚総本店 (Closed)

Happy Friday一行10人去食lunch，週圍都好難搵位，見大和豚唔洗點等位就過黎食，食完就知點解冇人等位。其實好耐之前食過晚市已經覺得質素一般，但當時唔係食招牌菜所以打算俾多一次機會佢，特登叫返個吉列定食試一試。吉列豬柳配稻庭烏冬 $108 (加一後$119)前菜係細沙津，個汁略嫌過酸。主角嘅吉列豬柳份量超少，得2小塊，個size同散紙包差不多，重點係肉質唔腍滑，完全唔係豬柳應有嘅口感；伴碟嘅車厘茄冇洗過，上面有泥 ☹幸好個烏冬味道口感都正常，份量夠大，可能間餐廳都驚你唔夠飽所以臨尾上大大碗烏冬#曲。

大女兒問今晚吃甚麼?🤔我在operice中西日韓意找可以訂位的餐廳，找到這間，女兒看了說幾特別，就選了這間，方便老人家地鐵或的士可以到達。選了兩個晚上套餐，還點了炒雜菜， 煎餃子，牛舌好好味燒菠蘿雪糕竟然兩老食到 說好好食， 至於飲品都唔錯，有熱飲，凍飲及酒類，還境靜靜地又幾舒服，一家人傾談不錯的地方，最緊要價錢合理，可以再來

今日一個人，早上完成我嘅任務之後，已經一點，行吓行吓去咗雅蘭，都唔知食乜好。行到上雅蘭一樓，就比佢個lunch Banner那吸引左。價錢OK又唔使等位，所以就入咗去試一試喇！睇佢個名就知道要食豚肉啦！見佢如果唔係lunch set嘅，係main menu 度好多都係吉列嘢。所以呢，我揀咗個吉列item嚟食😬「咖喱吉列炸蝦配豬柳定食」🤩等咗大概五至10分鐘到就送來啦！賣相都幾吸引 😍吉列豬枊 - ok 吉列炸蝦 - 大隻，鮮甜，好味 😋最後飲番杯熱檸茶先 😂 

泥到旺角食lunch🤩可能因為閒日關係，而且過左lunch hour，不用排隊而店鋪客人亦不多。Lunch既menu選擇不算多，我點左吉列豬柳配熱烏冬，友人則點左吉列豬扒配冷烏冬。吉列豬柳配熱烏冬豚肉肉質嫩，外皮唔厚，咬開有肉汁溢出！😋烏冬很滑，唔會太腍。左﹕吉列豬扒配冷烏冬豬扒肉質較「鞋」，而烏冬旁的小杯內有醬汁可以點泥配烏冬一齊食，醬汁酸酸的，挺特別。而餐飲我地都點左凍檸茶，不過我地都覺得完全無味，即使督左好多下檸檬，但都無檸檬嘅酸味亦無茶味。整體：炸物剛剛炸好，熱騰騰，不會太肥膩。雖然食物質素不過不失，但價錢偏貴，性價比不算高，以呢個價錢可以有更好選擇。

突然想到吃日式炸豬排，覺得去尖沙咀銅鑼灣又遠，所以見到旺角附近有，就選擇試下呢間餐廳,見門口有些奬牌和得獎貼紙，諗住它曾經2017/2018攞過奬，此店應該唔會差得去邊，點知就奶野了！我個人嘅comment 係餐廳環境可以，服務員態度可以接受但係只是唔明佢地啲炸物會有油《益》味，係唔係證明佢地啲油是千年油還是什麼呢？我真搞唔懂！搞到我邊飲水邊吃，不想浪費食物，勉強完成八成就埋單閃人，返到屋企仲要嘔，搞到今早唔C服！下次一定唔會再去！

今次一行6人，叫左幾款野食一齊share：1）吉列set - C 餐2）韓式泡菜豚肉鍋3）壽司廿四美4）芝士泡菜雞扒石鍋飯5）吉列大蝦豬排定食個豚肉鍋賣相都唔錯，所有食物味道都幾好，之後我地仲叫左藍碟花荔枝汁推進器大家一齊飲，用黎打卡都幾好，飲品都重荔枝味，服務生準備左杯加一大粒冰比我地飲用。最緊要冇限時用餐，坐耐左傾計都冇問題！

早排約朋友食飯, 去咗喺旺角雅蘭一樓有多國菜可以食嘅大和豚総本店dinner. 本身以為有大和呢兩個字, 就以為係日本餐廳, 但原來唔係。平日夜晚7點幾到, 門口唔算多人, 等咗未夠1分鐘已經有侍應帶我地入座。餐廳嘅座位都幾闊落, 而且張枱都幾大, 可以叫好多野食又唔會太迫。叫咗個138蚊嘅吉列豬扒飯set, 跟餐連一碗味噌湯同埋前菜。前菜用有三格嘅小碟裝住, 分別有三文魚、泡菜同埋醃青瓜粒。三文魚唔算太新鮮, 但以前菜質素黎講可以接受, 味噌湯同泡菜亦都一般, 反而係醃青瓜粒幾有驚喜, 飯前食幾開胃。主角吉列豬扒飯塊豬扒好大塊, 佢用咗面包糠而唔係一般炸粉同炸漿去炸, 所以包住豬扒嘅外皮唔會太厚, 亦無搶咗豬扒嘅肉味。建議豬扒要連埋生菜一齊食, 可以解油膩。飯量太少, 可能豬扒送飯好快將塊豬扒食哂, 只食豬扒會有少少乾。店員服務態度唔錯, 環境以旺角鬧市嘅鋪頭黎講算比較好, 加上有唔同款式嘅野食, 呢間餐廳可以試。

Overall: 🌟Environment: The environment was nice. When we went on Friday night, there were not a lot of people. Service: The service was fine. Nothing special. Taste: We went as a group of 4. First we were thinking to order few dishes so we can all share. But end up, there aren't many options for sharing. Therefore, we ordered a set dinner each. I ordered the beef steak set dinner. It came with sashimi as an appetizer. The fish was okay. Fresh but nothing special about it. The main course- the st

系迪士尼玩完一日，緊系要食啲野啦。不過迪士尼太多人所以出左去食。一大班人緊系揀個中間點——旺角啦。但去到又唔知食乜喎，所以是但系一個出口出左見到雅蘭個水牌都幾多野食啊，是但揀左間試下囉。因為我地8個，都算多人，所以要等左一陣間位咁啦，都唔算好耐。岩哂我呢個選擇困難證唧人系門口揀下食乜好。本身好想食長腳蟹果個拉麵架，但佢sold out 左，所以叫左蟹膏海鮮拉麵，佢個海鮮拉麵其實得蝦蝦蝦同蝦😂 都有一舊細細地嘅元貝、魷魚同埋小小蟹肉碎咁囉😂 佢都有比到蟹膏嘅，不過本人就覺得比較溜囉，但佢個蟹湯底系好果嘅，好鮮甜，好多蟹味，下次要去試埋個長腳蟹拉麵先😋

🦀🦑🍜@🍤海鮮拉麵配秘制蟹膏濃湯望落幾吸引，先飲啖湯試味，都真係幾濃有啲似飲緊龍蝦湯既感覺個蟹膏味唔算好香，不過不失海鮮有魷魚🦑，兩粒帶子同蝦好神奇地個湯咁濃啲海鮮入口係咩味都無既🤷🏻‍♀️好似用水灼到出晒味咁係隻大蝦叫好少少，$110炸豬扒，炸大蝦定食仲配一隻芝麻雞翼豬扒炸完之後，都仲好juicy層炸粉都唔係好厚配埋沙律醬，可以減低油膩感覺另外仲叫咗杯提子梳打不過飲到最後就太甜係有冰嘅位置飲先冇咁甜

因要攞眼鏡，一個人獨獨地咁出咗旺角。本身已經唔鍾意一個人食嘢，仲要喺咁多人嘅旺角……咁多人嘅週末，一個人食嘢！堅獨食！叫咗個吉列豬柳蝦定食，前菜有泡菜及醃青瓜，味道係好一般嘅一般，有3小件三文魚刺身，都幾肥美但其中一舊有肋，要讚嘅係個芥末，有少少渣又夠辣口，似係即磨芥末。吉列豬柳蝦炸得鬆脆，豬柳都算嫩口，蝦肉夠爽又彈牙，炸雞翼炸得脆又夠香口。食物對比價錢都算合理，店員服務唔錯，整體今次獨食都幾舒服。

星期日晚，黃金週，旺角找東西吃，路過大和豚總本店，剛巧有位。自家製叉燒拉麵 ($84)，女兒說好好味，很難得；大蝦、帆立貝拉麵 ($108)，蕃茄湯，女兒說豬骨湯好吃點。吉列大蝦拼吉列豬柳，配三文魚刺身及串燒雞翼 ($148)，吉列豬唔硬，ok 啦。壽司盛 十二帥 ($178)，一般。前菜是韓國泡菜，在日本餐廳，感覺怪怪。

因為生日，就同朋友去呢間去食，等候時間唔長，夜晚有晚餐，所以就揀咗個晚餐嚟叫。250有個火鍋，份量可以夠兩個人食，其實都叫好抵，仲可以額外加啲配料，其實都唔貴，所以都係誠意推介。另外餐廳環境都係乾淨，其實靜靜傾計都唔錯。不過其實服務就相對麻麻哋，唔係太熱心，感覺唔係太良好，如果可以改善服務質素咁呢間餐廳就完美喇。另外甜品都好好食，一杯朱古力雪糕一杯雲呢拿雪糕，咁都幾好食。總結，如果想食食材良好的食物，而家錢就好的話，這間絕對推介，為服務質素要改善，始終要吸引高質素的客人，服務質素佔一個很重的比例，侍應的對答技巧，細節，其實顧客係會看在眼裏的，所以期望這間餐廳可以改善服務質素，食物，價錢已經好好，總括來說也是推介的。

幾年前黎幫襯過、今日黎見到見格有少少不同了燈光好像比較暗入座前被告知晚餐限時1.5小時，今日亦係happy friday, 不過到最後我地超時都無俾人趕走呢到除左日本料理，亦有酒類飲品提供不知是否人手不捉，職員的服務態度一般講返食物，entrance旁邊有放了少少食物的模型，其中一樣吸引的就係火鍋我點了美人鍋（飛魚鍋），豚肉好好味，好香。由於係鍋物，所以可以另外再追加配菜，我就追加了烏冬三文魚刺身好食，同埋有俾幾片三文腩

與友人下午茶食得太飽，來個輕食晚餐，點了刺身拼盤及壽司十二件。刺身質素平平，當中以吞拿魚最好，帶子size 大，但可惜沒甚鮮味，頗為失望。壽司方面，壽司飯是手握，大小適中，但飯調味可更佳，我比較喜歡多d醋味。餐廳座位多，環境ok，算寧靜，幾適合傾計。