山崎麵飽

Open Now

Now Closed

為左迎接復活節而出既十字包,佢既做法似乎好日式,唔多正宗,不過都唔錯既,個包包香甜多軟綿綿,上面既糖膠都幾正,多d就好lu~果皮同提子都唔多, 其實我覺得佢似雜果甜包多過復活節十字包, 不過都幾好食既

軟法式芝士包, $5.5一個個包圓圓扁扁, 包入面有粒粒車打芝士, 份量足夠, 個包冇咩味道, 但勝在一點油膩感都冇, 包身軟得黎, 又有少少煙韌既口感, 幾唔錯, 配埋粒粒既芝士, 好好味! 因為$9有兩個, 所以我買左兩個, 我食緊第一個時已然覺得好好味, 一邊食一邊諗諗: 如果叮熱左可能會更加好味, 於是我立即把剩下既另一個包叮熱, 馬上食, 嘩, 果然更加美味!七彩香橙手指蛋糕, $10四個蛋糕有香橙既味道, 唔會太多太甜, 都幾好! 蛋糕面有幾粒提子乾和幾粒紅色, 綠色, 橙色既乾果, 提子乾我都幾鍾意, 但d乾果就唔太鍾意, 因為覺得唔好味, 而且又有色素, 唔多有益! 好彩d乾果只係放於蛋糕面, 蛋糕裡面係冇既, 所以我好容易就可以將d乾果搣走!復活節十字包, $5一個圓形既麵包上面界了一個十字, 而包裡面就有提子乾和紅色, 綠色, 橙色既乾果, ! 同七彩香橙手指蛋糕一樣, 我唔鍾意d乾果, 雖然份量唔算太多, 但都係唔啱我! 至於個包既味道, 就冇咩特別, 唔係唔好味, 但又唔算好味, 再者, 我覺得個包好似膿左少少, 個麵包外皮好深啡色, 唔知係未個師傅今次失手,

出左好耐既包包,都係第一次食,佢又真係super soft, 連皮都好軟,不過比起panash 既超熟,我又鍾意超熟多d wo~因為哩隻唔係太香麵包味,口感panash粘口d,我覺得好味d

there are two kinds of whole wheat bread (both in bag). the square one is not good and the irregular one is much better.

我最喜歡吃牛油千層，牛油味好香，仲要把麵包一片片撕出來吃才好好味。

23/12/04 before taking a bus to the Airport, we bought a meat 鬆bread to share. we split it into half. there is no meat 鬆in my part but there is quite many in my friend's one. it tastes so-so.

因為小妹頗喜歡南瓜的食品, 所以見有南瓜薄餅, 南瓜脆條和南瓜曲奇, 就揀o左南瓜曲奇黎試, 試完有點兒失望, 因為完全食唔出有南瓜味, 同普通曲奇餅無咩分別, 這樣就欺騙了我這個南瓜迷了

今個月新出左幾款南瓜食品!南瓜薄餅$5, 其實係包, 完全唔似薄餅, 一個圓形扁身既麵包, 有一個白色紙兜裝住, 包面有少量南瓜蓉, 中間有一片南瓜肉, 麵包係白麵包, 入面係冇南瓜既,除左包面有少少南瓜味外, 整個包都冇咩南瓜味, 但個包幾軟, 清清地都幾好味既!南瓜脆脆條$5, 長形, 金黃色, 即好似南瓜既顏色, 質感有少少muffin, 但又冇muffin 咁鬆散, 又唔係好似麵包咁軟, 大約似牛油蛋糕咁上下啦! (我指個質感, 唔係味道) 個面有少少砂糖粒, 脆脆地, 而下面既部份有幾粒提子, 大約得四五粒, 間唔中都有d南瓜肉, 但好細粒, 好似粒米咁上下大粒, 仲要係好少, 所以又係冇咩南瓜味!南瓜曲奇$10, 一袋有五塊, 都幾大塊, 比藍罐曲奇大塊d, 又係金黃色, 又即係好似南瓜既顏色, 餅上面有一粒南瓜肉, 味道又係冇咩南瓜味, 好似普通牛油曲奇咁, 不過就唔油, 又唔會好甜, 至於質感就唔係十分脆, 但係又唔係個種喎, 都唔差既, 一次過食晒都唔會覺得漏, 唔會覺得滯, 唔會好口乾!

今日收工之後經過南豐中心見到一個個好靚既芝士波忍唔住入去買左3個都只係5蚊咋雖然凍左間shop入面又無A1 bakery咁細心可以叮熱佢黎食但我凍食都覺得好好味呀有好香既芝士味加上煙煙un un既口感真係好正架我怕肥咋,唔係一定買10蚊有七粒架!!哈,下次一定再去買而家加兩蚊仲可以買到紅豆豆沙餅呀!!好抵!

初時睇個名都唔知搞乜鬼,攞袋黎研究一下,至知原來即係湯種方包,自稱比一般方包軟熟,阿媽話想買番袋黎試,咁咪買囉!番去食,一開袋已經聞到包香,包裝話一袋有五塊,但係我個袋竟然有六塊喎!唔知係咪袋袋都係咁…方包厚度明顯比一般方包厚好多,一塊抵得住兩塊,至於軟熟又真係幾軟熟,不過有少少似食緊蛋糕質感(當然只係質感/口感,而唔係味道)。總括黎講,不過不失啦!都可以番炒既!

細細個，麵包卷濃濃的芝麻醬，真係好味到暈！

我都食過重芝士法國,我覺得超正超正,尤其熱食,簡直無得頂,又多芝士,而且有d溶左有d仲係一粒粒,法包又脆,真係非常好食呀!

我都食過老虎卷呀! 我o個次係o係上水分店買o既, 裡面有好多芝士, 所以我覺得幾好食!

一條好似法包既包, 裡面係d溶左既芝士,個包好"un", 係超級"un", 未食完個包, 已經咬到牙軟,d 芝士又好少, 好似搽麵包咁, 薄薄既一層, 實在滿足唔到我呢個芝士迷,早知食返個重芝士法國, 仲好d!

半個既法包, 見到裡面有幾多芝士粒, 面頭都有少少芝士,幾好味,如果係啱啱出爐既話, 個法包就會香脆d, 我諗會好味d,但呢間分店既麵包,全部都係外面送黎,所以都唔會買到出爐既麵包! 我係芝士迷, 所以覺得d芝士唔夠多!