人和荳品廠 (Moved) New Location

天氣熱，又夜收工，胃口不佳，不想吃飯，不如來點小吃和甜品，讓自己開心點才是正事。魚肉煎豆腐，上枱熱辣辣，加點豉油和丁點豆瓣醬，豆瓣醬的小香辣，把豆腐的豆香都提升了，4小件，剛剛好。來碗凍豆腐花，豆花滑滑，配著紅糖，即時心情變好。別小看只2樣食物，今晚份量剛好！題外話：如果冷氣能再強勁點會更好！

人和荳品廠呢四件嘢趴喺度 不用怎麼介紹 都知係人和荳品廠嘅出品啦, 值得讚的是 , 每次食親都是熱騰騰的, 豆腐嫩滑, 煎得香. 可惜豆味不算香濃, 辣醬不宜加太多。$16 有得坐, 有冷氣嘆, 價格相宜， 人流不絕， 是速食下午茶的一個選擇。

吃過豐盛的海鮮西菜，轉場到附近的人和荳品廠享用中式甜品。人和荳品廠以荳品起家，豆腐質素富保證。魚肉煎豆腐製作熱辣香口，外脆內軟，魚肉墊在豆腐下方豐富了小吃的味道。甜品椰汁豆腐花，椰香飄逸，與豆香相夾，而豆腐的極滑口感更是一絕，值得一試！

人和係香港有好幾間分店好多，開係銅鑼灣呢個食肆林立的地方，眼見坐無虛席，相信真係應該有好多人幫襯，如果唔係租金咁貴，佢地邊有錢賺。我叫左煎魚肉釀豆腐，$16有4件，豆腐同魚兩邊都煎香左，有少少外脆內軟，豆腐好滑又唔會一夾就散，質素果然不錯。而魚肉真係得果少少架咋，但唔影響味道的，加埋豆瓣辣椒醬超夾，一個人話咁快食哂4舊。滿足 ☺️我覺得呢度食物幾平，因為出面一串魚蛋都要$10仲要無位坐。呢度叫少少野，可以坐低慢慢食。最重要食物唔錯！

同妹妹去呢間「人和荳品店」覓食，店內裝修簡樸，帶點舊式茶餐廳風味，但依舊客似雲來。餐牌選擇都系豆製成品，價錢亦吾貴，好多款都想試，但可惜眼闊肚窄，最後兩人簡左以下幾款。豆腐花($12)非常滑溜，本身已有淡淡既糖水，再加上黃糖味道更佳，值得一試。杏仁豆腐花($16)配上香濃杏仁汁既豆腐花味道更豐富，凍凍既一碗透心涼。魚肉煎豆腐($16)豆腐口感比較扎實，兩邊煎至金黃，豆味香濃，底部釀入一片薄薄既魚肉，亦可按照個人喜好加上甜醬或微辣豆瓣醬。滷水豆卜($16)豆卜完全吸收哂滷水汁，咬落去十分juicy，但略嫌滷水汁味道稍遜。是次消費$60，非常推介豆腐花，又香又滑，有凍有熱，亦可以配上多款吾同既糖水。

等食物的时候看到墙上的书法装饰，认真看是心经，顿时觉得很亲切。我点的是红豆豆腐花热的，加鱼肉煎豆腐，都是新鲜的冒热气的。豆腐花香滑，价格也便宜。鱼肉煎豆腐一般吧，有点油且热气。服务员的声音洪亮，而且有好几个服务员，没有写纸计数的习惯，都是埋单的时候服务员和收银喝一声多少钱。所以服务员的中气很足。

一向樂於支持香港特色小店，但銅鑼灣人和荳品在找錢方面大家要小心，我親身經歷了三次差點接過懷疑有問題的硬/紙幣，是銀行大慨不收那種。如果掌櫃是一位中年女人，找錢時大家千萬要檢查清楚 ( 有時不是她掌櫃的 ），她試過把整個變成綠色，又凹又凸的硬幣或明顯穿窿紙幣給我，昨天還無恥贈我一句“你無用過港紙呀?” she thought she was very clever and trying to embarrass and patronize me, 我是100%香港人，她的態度讓香港小店蒙差！我堅持要她更換完整的硬/紙幣，她有換給我，只是，這已是第三次在人和荳品銅鑼灣店遇到相同事件，我沒理由相信這是一時大意，所以我以後絕對不會再幫親。 

平時經過見到門口既煎豆腐 就會諗"下次lunch黎食先"終於 今日經過 未食野 又想食清淡d就自己一個入去坐低左中午12點 附近學生未放飯 所以好多位叫了煎豆腐 & 柴魚花生粥都只係$36 以銅鑼灣黎講 都唔錯啦煎豆腐咬落去外面仲係脆架豆腐幾結實 我無落汁醬 都好味粥入面既柴魚係厚切的不過就煲到無乜味 咸味應該落晒d粥除左花生，仲有d青口仔，我婆婆叫依d做"淡菜" (唔知係咪咁寫)，平時我家煲粥都會落d黎吊味食完好溫暖不過始終係粥 食完5點左右已經好餓

本地薑人和，由細食到大，一直都好支持。食完晚餐就去懷緬下。Top seller 魚肉煎釀豆腐，雖然已經升到$16一碟4件，但係都難以抗拒。魚肉煎後好香，配豆腐食真係好味。薑汁豆腐花，豆腐花滑lu lu，薑汁可以再濃些，加黃糖食，唔錯。

最近發生了一件事令我對自己開始懷疑，想着究竟是自己還活在古時太天真？還是現今社會變得太快太現實，人也變得商業化，但各位不好意思！我最後還是決定依着自己的良心去寫。坦白說若然有客人對食品有所不滿，正所謂貼錢買難受，食了難吃的東西客人內心其實已經想爆粗，無論是客人親口提議改進還是看到食評得到批評，在香港做生意面對周邊競爭作為一個老闆是否應該想辦法改進？幸好今天遇到一個好例子令我對香港美食再有信心，記得上個月我又如常到這間鋪頭吃豉油王炒麵和熱豆腐花，可惜豉油王炒麵味道異常地喊，幸好最後有熱豆腐花的甜味中和我的舌頭味蕾，付錢時也忍不住向老闆娘反映她立即道歉並說會日後改進，到今天我再到這間鋪頭吃豉油王炒麵和熱豆腐花，味道非常好回復水準，其實這就是客人想要的結果，各位老闆你們究竟明白嗎？話說我到這間人和吃豉油王炒麵和吃豆腐花不經不覺已經超過20年，可以說是陪着我長大，眼見他搬了幾次鋪，之前看着是爸爸級老闆看店到現在由她女兒看管，可以一代傳一代的生意在香港已經少之又少了，在這裏吃的食物都多了一份人情味，當然面對社會經濟的變遷，食物價格方面也會增長，現在豉油王炒麵$16熱豆腐花＄12，但一切也可以接受

放假入去睇肥髀，臨搭車前買口痛晚餐，加碗糖水比肥髀！店內裝修簡單，桌椅都幾迫！食物款式唔多！以豆類為主！落單後好快包好比我！食物簡單發泡膠碗包裝！芝麻糊豆腐花（$16）肥髀食！柴魚花生粥（$20）仲見到米粒形狀！夠熱！好香柴魚味，因為口痛，只食到浸淋咗啲嘅花生，柴魚香不過食唔到！整體味道ok!店員爽手！態度幾好！口痛都好難揀食物！

香港飽攬各地美食，林林總總，選擇繁多，更可幸是豐儉由人。最近多了途經渣甸坊，上星期光顧過人和荳腐花一次，已奈不住回頭品嘗。熱豆腐花($12)豆腐花白滑無瑕，乍看似嬰兒肌膚，嬌嫩柔滑；此話儼如護膚品廣告，誠然，舌頭的觸覺確實如此。暖烘烘的豆花，滿滿一匙，咕嘟便溜進喉嚨，豆香濃郁同時植物蛋白質亦甚豐富。上桌時已下了些許糖水，淡淡的甜，可隨意另加黄糖。凍芝麻糊豆腐花($16)芝麻糊杰度足夠，香濃而不過甜，綿滑中附有微細芝麻粒。可惜跟隨豆花有點多餘水份，混合豆花和芝麻糊之際，畧畧稀釋了芝麻糊。店家若能於盛豆花時，將多餘水份稍稍倾倒去，效果理想不過。凍豆花細緻順滑亦然，但相比之下，熱豆花更體現出滑溜中的滑溜，單獨的豆花豆味尤為突出。除非特别喜好冷食，或大熱天時不涼不快，熱豆花更勝一籌。凍荳漿 ($7）甜度合適，帶着陣陣豆香。除正常味道，也提供無糖(淡)荳漿，同售$7，照顧到不同需要。市面上動輒二、三十元一碗的豆腐花，比比皆是；雖然人和豆花未必是最便宜之選，純以個人而言，銅鑼湾地㸃就腳，人和豆花算是價廉物美。適值十一黃金週，不少食客慕名而至，舊式茶餐模樣的小舖一室熱閙，也秩序井然。

嚟呢度食豆腐花，有返兒時食既感覺，好細滑，只加糖水已經好足夠，唔駛黃糖，滑不溜口的感覺，而家已經好少有。鹵水豆腐都好滑，唔係炸過嗰d, 真係豆腐，效果更好，都係好享受滑既感覺，亦唔太鹹。豆卜就一般啦，但吸晒d汁都好juicy既

經過渣甸街，想起三十多年前與同儕曾在此吃到能與深水埗公和匹敵的豆腐～豆腐腦泛著濃濃的豆香，煎豆腐質地幼滑，灑點醬油及胡椒粉，魚肉豆腐味道層次豐富，加上連窮學生也能支付的價錢……曾讓我對渣甸街留下美好的印象。故地重遊，雖不敢肯定舊舖是否叫人和，但重溫美好回憶總是誘人的，於是不管剛吃了午飯，入內光顧。店內有空調，較昔日進步，但空氣中卻沒有豆香，豆腐腦、魚肉豆腐比公和貴，已教雀躍的心情冷了一半。輕嚐一口豆腐腦，還好，有豆香，質地幼滑，配上黃糖，。魚肉豆腐卻是另一回事，煎得過久，有點硬，破壞豆香；也許魚肉太薄了，怎樣輕嚐細嚼也嚐不出魚肉味道！這種魚肉豆腐16元4件實在太貴了！要重拾昔日情懷，真不容易啊！

自小喜愛荳品看見一磚磚的豆腐感到好有藝術感小心翼翼 頓感溫柔百倍今晚經過 回憶依舊輕食魚肉豆腐豆香豆滑 魚肉鮮美即場製作 煎得恰度金香 配上豆辦醬 味蕾大增 令人回味 緊接一尊又一尊另點了薑汁豆漿 起驅寒之意解渴之餘 柔柔豆味滲出喉嚨感受到薑汁之熱感 簡單一個中式輕食 層次豐富爽