人和荳品廠 (Moved) New Location

以前係其他地方食過，都知佢好岀名荳品食物，好耐冇食過而且今日又咁啱行過，所以就坐低食下宵夜🤤佢上菜速度真係好快，舖頭坐滿人，但落完單之後幾分鐘啲野食已經上齊，效率好高呀😂呢個魚肉煎豆腐都只係16蚊!!雖然舊魚肉唔係好大舊，但佢勝在即叫即煎，夠晒熱辣辣，好香好好食🤤🤤配埋個甜甜地既辣醬簡直一流😍點可以少得豆腐花😍呢個係最普通既豆腐花，雖然比起其他地方黎講12蚊都唔算最平，但佢真係好滑好滑好滑!!!!!而且仲要唔甜，好香荳味，物超所值呀😍鼓油王炒麵就16蚊，冇咩特別🤔另外仲有豆漿，好好飯，完全冇渣😍

一直都知道人和豆腐花出名正，今次試過終於知點解咁多捧場客了。星期五晚九點黎到，裡面已經差唔多坐滿，好好彩即刻搵到兩個位坐低咋趁天氣都有啲熱，都係叫個凍豆腐花食下啦涼粉拼豆腐花一直係perfect match ga lah, 但呢度既豆腐花相當重豆味，啖啖豆香喺口真心爽，而且仲好滑添，唔使幾耐已經咕嚕吞哂落肚lu 朋友叫左芝麻豆腐花，芝麻糊粉量好足，成個底都係（但幅相影唔到haha), 由於豆腐花本身都有啲糖水喺度，所以兩者加埋都幾甜，但朋友鍾意所以都ok 今次食得都幾開心，下次一於搵多啲朋友再黎食過😆

豆腐花($12)又出名滑漏冇走雞!!! 同埋佢唔太甜, 唔洗加好多糖,健康之選, 0岩哂我地又要為食又要叫減肥既OL! 呀姐好快幫手搵位, 係坐得迫少少, 但係地方好乾淨, 唔會好辛苦咁去食, 食完仲想食少少野就一定去呢度!! 平時D甜品店都冇呢度做豆花咁專業, 所以好多時唔夠豆香! 但呢度專豆品, 出品一定有保證! 魚肉煎豆腐加豆瓣醬, 煎得又香又脆好香口!魚肉係才少咁架咋，但加埋豆瓣辣椒醬超夾，一個人話咁快食哂4舊!! 之前食過 柴魚花生粥好足料,LUNCH 食一定會叫多幾樣, 因為細細件試多幾樣好開心! 

表妹來香港遊玩，一定盡地主之誼帶她周圍吃！她問我那𥚃豆腐花最好吃，即時呆了！因為本人一向喜歡吃咸的東西，甜品好少食豆腐花，真是不知道😅 不過，我有位朋友是豆品癡，每日一定要吃豆類食物，才心安理得，於是，即刻WhatsApp 她，結果，她介紹了這店😻好意外！我一直以為吃滑溜豆腐花，一定要去大埔、元朗、大嶼山這些地方才吃到！怎料，這豆腐花又滑溜又有豆味，真的好好吃😻😋表妹還吃了2碗😱😱😱我一定會再來encore👍🏻👍🏻👍🏻

呢間豆品廠既豆腐依舊滑溜，難怪佢既捧場客咁多，呢個煎豆腐外脆內軟，用黎形容佢就最適合不過，食落都唔會好油滷水豆腐都唔錯，但大家食既時候小心d汁彈到件衫，我就係人版

原來我真係好耐冇同媽媽出街shopping 了以前細細個，阿媽一話做完功課有街街去心裡面會有種莫名的興奮就算落樓下街市都已經十二分興奮👧🏻中學大學，到現在出黎社會打拼，假日多數都係同朋友出街玩今日係屋企執屋睇番d 舊相突然發覺 原來我好耐冇同媽媽手拖手出街了-今日同媽媽有個約會途經依間人和荳品，媽話好想試下佢話隔離屋個師奶推介過叫左魚肉煎豆腐豆味香 抵食大大件魚肉都新鮮阿媽都話正佢話知我鍾意食豆腐佢會記住依種味道回家研製俾我食媽媽是最好的

繼續同事推介系列😂😂 特推人和荳品廠既壤豆腐😍 講到超吸引，點可以唔試！去到係超級多人，排晒隊.. 即刻知佢威力😆👉🏿✨魚肉煎豆腐 Hkd 16 💸📌俾我既感覺係原來豆腐都可以整到好惹味🤣真係出面煎到脆卜卜，一咬落去真係有啲卡擦聲！雖然魚肉得薄薄一塊，但我覺得冇肉都好食呀！一份有四大舊，加埋佢自己整既豉油同辣醬，真係好食到暈架～超正♥️👉🏿✨原味豆腐花 Hkd 12 💸📌平時食開啲凍豆腐花都唔凍既..但呢個就令到我有透心涼既感覺，就算冇加黃糖都好好食，已經有味，加左黃糖更正！滑溜溜👌🏽真係好好食架😭😭

上星期五夜晚 兩個人食左一碗芝麻豆腐花同煎豆腐 共32蚊。呢啲舊式舖頭又唔開單比人 個事頭婆五十歲啦 仲以為自己好醒 張張台叫過乜 幾多錢都記得晒 。食完埋單 個事頭婆話36啊 ， 我話下 加左價咩啲野 ?佢話 你地食左紅豆豆腐花麻 廿十蚊㗎同埋炒面啊 迷36。我迷話我地係食芝麻豆腐花同煎豆腐。 佢知自己記錯左先冇出聲。我心諗 佢啊開單比人 啲遊客又唔知 真係佢話收幾多記照比幾多錢㗎wo 咁呢啲錢都好易賺囉 👎🏿👎🏿

Monday Blue冇心機想食得清清地唔想食咁多肉，食沙津又怕生冷，諗起附近有人和就去食下豆腐當lunch。一點時間唔洗等位，仲有卡位坐，但一點半就開始多人啦，可能個個食飽都想加個甜品？今次叫左個煎魚肉豆腐加柴魚花生粥。粥好大碗，唔係綿到睇唔到米嘅粥，碗底好多花生同柴魚，好足料，口味清淡應該冇味精。煎魚肉豆腐煎到金黃，薄薄一層魚肉，表面脆內裡滑，加埋甜醬食不過我眼闊肚窄，食到個肚差啲爆開，細食者請留意

Cheap, fast and just good old homey and reliable. The place doesn't have a lot to offer, just soya products and seating isn't the most comfortable but it's a no frills kind of authentic experience. Those looking for a quick bite and quick stop can look no further than this neighbourhood gem!

今日同媽媽去銅鑼灣行街，行行下好肚餓，又唔想食得太飽，就去左人和荳品廠醫一醫肚。一人一碗豆腐花加碟豆腐！<熱豆腐花，$12>熱豆腐花黎到時唔係好熱，岩哂而家夏天熱辣辣食個熱豆花都唔會太熱！熱豆腐花勁滑勁香！<凍豆腐花，$12>凍豆腐花明顯地無熱豆腐花咁滑，不過都好夠滑！加上夏天食完個凍豆腐花即刻涼爽哂。<煎釀豆腐，$16>煎釀豆腐＄16有四件，計返都要＄4 一件，話平唔平，話貴唔貴！不過就好值得去食！除咗個煎豆腐煎得好香脆之外，裏面都好滑，一啲都唔嚡！加埋佢個辣醬十分惹味！整體而言，平靚正之選！行街行得攰想搵個地方坐得食少少野，絕對係首選！推介！

以前細細個好鐘意食豆腐花但係對豆腐花冇咩特別既要求細個當然鐘意食甜食所以只要夠甜就okay但當有一次我媽咪帶我黎人和食過豆腐花之後我就好嘴刁除咗人和豆腐花之外其他地方既豆腐花我都覺得唔好食因為人和豆腐花真係好滑好滑其他港式既甜品係英國都可以食到但豆腐花我真係係英國食唔到所以呢個暑假一黎銅鑼灣我就會黎人和食豆腐花除咗真係好好味同埋價錢夠平民化之外呢一間人和滿載住我好多好多回憶所以我特別鐘意去渣甸坊呢間多過鵝頸橋附近個間仲記得第一次去渣甸坊食人和都未搬㗎個陣時賣梗9蚊一碗事隔多年都加咗價但都只係12蚊碗所以我情願去食豆腐花我都唔去食雙皮奶（而家食雙皮奶真係好貴好貴其實淨係望相都覺得滑當然啦我覺得熱豆腐花仲滑所以炎炎夏日既天氣我都堅持一定要熱唔要凍呢度既豆腐花啦豆漿啦全部都好重豆味所以真係好好食同埋好好飲最重要係我呢d冇咩收入既學生食都唔會覺得肉赤因為價錢真係已經唔算太貴所以平時我都會好推薦俾我d朋友一齊黎食

Best place to wait for a friend in Causeway Bay, 7 HKD for a soy drink and 16 HKD for a tofu pudding with ginger. Yummy!

自從搬來港島無間斷幫襯，一食就8年Lunch輕食又係你，等開飯前打底又係你，今個星期都已經食咗2次了！最愛就係煎魚肉豆腐加花奶豆花。煎豆腐出色在於每次都新鮮煎起熱辣辣，豆花則輕滑又清新，加花奶食，豆香奶香配合剛好，是在我心目中香港食豆花的唯一

今日就出左銅鑼灣試試依間人和荳品廠既野。起初都唔係抱住好好既心態入去食。點知食完之後發覺又好似幾好味喎原來。我就食左魚肉煎嫩荳腐 ....豆腐很嫩滑配合魚肉真係一絶。推介✔️✔️✔️✔️