Video
Opening Hours
Mon - Fri
12:00 - 14:30
18:00 - 00:00
Sat
18:00 - 00:00
Sun
Closed
Above information is for reference only. Please check details with the restaurant.
Signature Dishes
今次又同上次果幾個同事再嚟呢間日本餐食野,老闆同待應都好好記性認得出我地,7點幾已經有一班日本人坐底飲酒,本來我地想今次試吓坐Table枱唔坐壽司吧的,可惜經已俾人訂了,不過坐壽司吧都唔緊要啦,坐底之後大家都提議一定要食返上次個秋刀魚刺身!(原來我上次打錯咗"池魚"!!)跟住就點咗碎吞拿魚腩卷,燒雞翼,燒冬菇,燒銀杏,最驚喜就係原來新設晚上定食,只限晚上6時至8時,種類有廿幾款咁多,價錢$80-230,我同同事研究咗好耐,終於忍唔住叫咗兩個定食,一個叫做柳川定食(有刺身又有蝦,魚,菜天婦羅),一個就係塩燒鯖魚定食,兩個定食有前菜,咸菜漬物,茶碗蒸蛋,沙律,麵豉湯,雪糕跟埋,認真豐富!今次個秋刀魚刺身真係好正呀!!從未食過咁肥既秋刀架!!!食唔返點算呀!??碎吞拿魚腩卷又有驚喜呀!未見過內外都佈滿碎Toro的好夠份量,簡直滿足呀!!串燒也令人流晒口水,尤其雞翼真的燒得出色!銀杏更是encore多一串!最好就係兩個定食!柳川定食雖然係最貴既定食($230)!但真係十分抵食!刺身十分新鮮又足料,真的十一分滿足!唔駛傷腦筋諗食乜野,快靚正!!!真係"平!!有定食套餐平食,貴!!有日本空運新鮮刺身散叫貴食"習於一身!!我們都開始愛上了這間日本料理了.
continue reading
朋友介紹試吓呢間叫做「柳川」(起初以為叫「神州」~哈哈!)既日本料理,喺正「謙記」隔離都唔係好難搵!門口設計十分冰冷,一道石牆掛著「柳川」招牌.下午一點幾步入餐廳,已有三四枱,有香港人也有日本人,我和同事叫了香蔥碎吞拿魚腩,海膽飯定食和壽司定食好正呀!!等了八分鐘左右,每個定食跟埋(前菜,厚燒玉子,漬物,麵豉湯仲有雪糕),我同同事分別揀咗芝麻同咖啡味既雪糕好好味!原來聽老闆說這兒下午六時至八時也有定食的,份量和價錢跟下午的當然有所不同,也有很多款式揀,啱晒我地辦公室時間放工之後嚟食啊!正呀!
continue reading
有人告訴我, 之前的宇津木已經結業, 取而代之係這間,昨晚朋友說想食日本菜, 於是便膽粗粗去試一試.見佢個菜牌價錢不太誇張, 於是就行入去.想不到如此新店, 都有一枱日本人客.點菜, 大部分都是細細碟的佐酒菜式, 沒有鐵板燒 shabu shabu 那些.我們點了涼拌茄子, 麻醬菠菜, 海草沙律, 不過不失.不過反而個壽司拼盆 ($350) 幾好, 但最驚喜係芝士年糕,我們於是 encore 叫多一碟.最後的 udon & soba 都是不過不失.最後, $1035兩個人埋單.
continue reading
續上篇***再來就是熟食了，先說燒芝士年糕，看上去有點像大福餅呢。中間的芝士雖則軟滑，但不同平日吃的濃味，是較清淡的芝士味，我最愛吃的是包圍著芝士的年糕! 煙煙靱靱，真的像吃mochi的感覺! 咬下去再帶少少甜味，之前吃了太多濃味的食物，一吃這個覺得非常滿足。另外還吃了燒免治雞肉棒，雞肝心腎，雞皮和雞軟骨。不一一評論，大致上也是好吃的，不得不提那個免治雞肉棒還有個蛋黃伴在旁，拆開雞肉棒讓它沾滿蛋汁來吃，真的一流! 雞肝非常甘香，不過又是一件夠哂數，這些食物實在不能多吃呢! 雞皮燒得脆脆的，再加上鹽燒的鹹味，也是可嚐的食物之一。之後還有燒一口牛，大蔥和牛舌，大蔥算是比較遜色的，因為吃下去雖則爽口但不夠鮮甜。牛舌偏鹹，不算很肥美的那種，吃下去有咬勁又不會過靱，是下酒的好食物。燒一口牛內生外熟，吃下去肉質很嫩而且頗多肉汁，牛味亦足，也是可叫來一吃!最後其實我已不太記得還有什麼，我記得有一個很清的豆腐鍋，還試了一點點茶漬飯。吃了這麼多濃味的食物，再吃那個豆腐鍋實在適合不過。那個豆腐真的很好吃，非常滑而且很香豆味，而且那個味道是會停留在口腔裡的呢! 茶漬飯也是相對清的食物之一，有點點紫菜三文魚碎等等，湯是最濃味好喝的，喝下去真的有點點茶的味道，加上淡淡較清的三文魚味，非常暖胃感覺很好~~~甜品就是雪糕，選了芝麻味，不過大概雪了很長時間，雖然是有濃郁的芝麻味，不過很多冰碎呢!是晚吃喝了多少東西我也不太清楚，但真的是非常滿足美味的一餐~ 價錢也不太清楚，但聽說是比大X戶便宜的。但這裡的品質真的很不錯呀，我還見到有兩三檯日本人來吃，店主店員也用日文和他們交流呢!!! 一直打一直看著相片，已經很想立即再來一次了。=)))))
continue reading