壹籠

Open Now

Now Closed

因為鍾意飲茶，又鍾意食小菜，上網search後決定今晚試吓元朗世宙-壹籠入到裡面，環境無一般食肆嘅迫枱迫櫈感覺👍🏼，很寬敞，冷氣亦足夠，望落環境亦很整潔，坐底睇餐牌後，發現有最愛嘅水煮🔥，但因為唔食牛，就膽粗粗問吓男經理可否轉肉片，係可以嘅🙌🏼再叫咗兩隻乳鴿，優惠價$28一隻，跟住叫咗黑蒜蒸鮮排骨、黑松露鮮蝦春卷同埋糯米釀雞翼，好可惜發雞盲剔咗柚子蜜雞翼😓食物方面：水煮肉片-味道夠，底下嘅薯粉亦唔係敷衍兩注乳鴿-多汁脆口，一啲都唔乾黑蒜蒸鮮排骨-份量亦很足夠，大碟黑松露鮮蝦春卷-沒有油膩感，很脆口柚子雞翼-外脆內多汁味道、食物溫度、質素，都明顯係即叫即整👏🏼👏🏼估唔到咁高質，每位員工服務態度亦好好，值得出帖讚揚，不過，我下次一定要試糯米釀雞翼😉

星期天到處逛，來到世宙附近發現有一間小型的酒樓🍵，下午兩點多不用等位；重點是假日不用費時等位，馬上進去😘此處環境不錯，枱與枱之間都有點距離，坐位亦算寬敞。沒有叫飯🍚和麵🍜，只叫了些點心來吃。🔸秘製叉燒腸粉$25腸粉說是即拉的，皮夠薄及滑，但不夠熱😅🔸原籠古法馬拉糕$28原隻馬拉糕有6件，夠鬆軟，熱騰騰好好味😁🔸外灘生煎包$25一般的生煎包較油，此店的不論外皮還是包的底部都不會油👍🏻，只是内餡不夠濕潤😅🔸碧綠帶子菜苗餃$25一籠有三隻，皮薄餡足，除了菜還有帶子和蝦😘整餐加茶錢及加一服務費埋單共$135👌🏻

餐廳係世宙附近，都方便。對餐廳抱住簡簡單單食餐廣東菜既心態，所以完全無諗過想影相既準備。環境乾淨，新，舒適，只係可能樓底矮，比較嘈，餐廳內有２間私人房。坐下無耐，已經有一個男侍應好有禮貌咁講＂唔好意思，廚房新，出炒野會比較慢，可能要等耐點"。正常聽到姐係話你知唔等得就食第二間，我地再問，姐係大概幾耐，佢都答唔到，我地再假設"大概15 - 20 分鐘 ?" ，　＂差唔多"。ＯＫ，我地已有心理準備會等較耐，反正唔趕時間同唔太肚餓。叫左３個餸　：　薑蔥炒蟹($138), 蒜蓉蒸元貝殼（$128) , ＸＸ煮菜苗($68) 先黎薑蔥炒蟹（一隻蟹），外面有薑蔥味但入邊仲食到蟹肉既甜，唔係太濃太油，剛剛好。ＸＸ煮菜苗($68) ，依個就好麻麻當食完上邊個兩個餸個元貝仲未黎，去問個侍應（後生仔），佢入完廚房出黎話廚房仲未蒸，蒸既話大概都要等２０－３０分鐘，有禮貌地問我地仲要唔要，我地諗左諗根據以上兩個餸都唔錯，所以都博，＂等＂，拜託個侍應幫我地睇緊Ｄ。所以我係等既時候睇下有咩desert，原本想叫一個蛋白杏汁ＸＸＸ，但侍應都建議我地唔好今日點這個因為都是廚房煮，所以我地叫左另一個叫蜂蜜小米餅。叫完d

第一次食，其中兩個菜真係世界級。櫻花蝦炒飯，啲米竟然可以唔熟嘅，米中間個心仲係實白色，平價蝦皮當櫻花蝦，仲要得少少蝦皮，盛惠一舊。蔥油餅，勁呀，成個包咁，漲身嘅，半個包都係油，真係好恐怖。

今天請同事食新年午飯，知道有間新開張的酒家，便想想可試新味道新環境，便訂了枱，還預先傳真訂了2個4人午巿套餐再加小菜，諗住可吃得豐富點慰勞同事，但最後大家都帶點失望而回。首先去到，酒家有位女部長定主任，話套餐內的燉湯不足夠供應給我們，另外2位要飲粟米魚肚羹，墩湯款式亦沒有選擇，亦無介紹，放下枱便算，我們說笑話要計平我們，那位部長不滿地說『已經無要你哋加錢』，什麼態度，我唔相信燉湯會平過粟米魚肚羮囉！另外我們循例洗茶杯碗碟，問她有沒有倒水碗，佢話她們所有餐具已高温消毒，唔使再用水洗，我初頭都有點相信，但一看自己隻碗，唔使用手摸已見有浸油在面，我倒熱水想洗時更加嚇到我，居然浸泡後有張碎紙巾沖出來，我沒有講大話，是真的，我叫部長來看，她推說沒理由便算，服務態度有問題。菜式味道不過不失，4人套餐，蝦餃及小籠包每籠卻只有3粒，如何分配？小籠包有湯汁加分，乳鴿炸過頭，色澤過黑肉乾身，味道不佳，另外盛惠88蚊的酸甜骨，份量少，像小食般的碟奉上，大大細細濕濕碎的肉骨，仲慘過食街邊兩餸碟頭飯。兩個套餐再加2款小菜，8個茶位盛惠1,026，絕對沒有下次，最重要的服務態度要大大改善。果位女部長自從同佢過招後

我地有四個人，其中一個係小朋友，小朋友兩歲瞓著左，希望想要張有梳化嘅坐位，方便俾小朋友躺下瞓教，因我媽咪抱住小朋友甚為不方便進食，我見到有四至五張二人枱，加上當時時間尚早，客人並不多，於是我向店員提出要求，將兩張二人枱拍埋，變成四人枱，但店員堅決唔肯為我們移動，話嗰啲係二人枱，只供二人入座，唔可以拍埋，而我亦不知道這些枱是否不能郁動。當時店內情況有八張左右的四人枱是沒有客人的，如有更多的兩位客人亦必定能夠有位置俾他們，最後我們擔心要抱著小朋友進食，會帶來不便，所以我們唯有離開。我覺得呢間鋪啲店員唔識靈活變通，沒有盡力幫我地解決問題。

今日星期六，放假湊仔去上堂，兩公婆行咗去試新嘢-壹籠去到下午三點半就截單，快快手叫咗幾樣嘢首先，𪂹蛋燒賣，燒賣身都算比一般大但唔係太實有少少鬆，但味道可以。再嚟腸粉，皮夠簿.有碟叫小米糕，有小小米香但略為小許乾。粉果皮可以，但內料唔係好夠，但幾好味。馬拉糕個色唔係好深，但有啲實唔係發得好鬆個流心飽個色好出，黑底金缐，但就算後食亦未見流心有乾，幾好

相中寫明是杯仔甜品, 出來是一杯大甜品,  職員仲可以講無問題, 咁大間點心店,其實佢地知唔知咩叫商品條列, 在元朗好多間點心店, 就算你寫完點心紙, 是最後先出甜品, 但呢間已經貴過其他店舖, 水準差,服務差,  食物一般, 第一時間比你食甜品, 唔怪得知星期五咁大個場, 只得4台客,, ( 脆奶卷又多油, &法式焦糖布難食, )

這間餐廳是最近新開張的，我們一行十多人去試試午餐。這裡的點心都很有特色，很有新鮮感。蝦餃現在正有新開張優惠，1hkd 一粒，想不到價錢沒有影響質素，蝦餃大大粒。泰式炒金邊粉是一般酒樓比較少見的，吃下去熱辣辣，還有一陣麻辣的味道，好食又特別。蜂蜜米糕有淡淡的蜜糖味，表面燒得微脆，內裡鬆軟，大家都讚好。黑色的是奶黃包，賣相不錯，可惜裡面未見流心。春卷用小籃子送上，賣相精緻，內餡也很豐富。蔥油餅我覺得是必試的，表面很香脆，切開是滿滿的蔥跟肉碎，很惹味。也有其他菜色如馬拉糕，叉燒包，鮮茄浸菜苗，紅油抄手，小籠包等，味道也不錯。總括而言，上菜速度很快，食物味道好也性價比高，一定會再去。

環境裝修簡約, 舒適 , 不似一般的酒樓裝修, 比較寧靜, 茶只供應玄米茶, 沒有其他的選擇。美味煎蓮藕餅$22三件外皮有少少脆身, 內裏餡料豐富, 彈牙嘅鯪魚肉 , 爽口的馬蹄粒 , 香口的蔥粒 , 非常滋味, 沒有肥膩的感覺。蒜蓉蝦脆春捲$25蚊六件外皮炸得很香脆, 入口卜卜脆 , 內裏有甘筍絲 , 彈牙的蝦, 一啲都不肥膩 , 滋味可口。水晶筍尖蝦餃皇 ,一籠兩粒, 午市優惠, $ 1一籠, 每兩位只可以叫一籠 , 蝦餃皮薄薄，晶瑩通透, 入口有豐富爽口彈牙的蝦及筍絲, 鮮甜美味。懷舊鬆化蛋散$22五件蛋散入口鬆脆, 充滿蛋香, 加埋鋪在上面的蜜糖, 好滋味， 飯後甜品不錯的選擇。

屋企附近開左間新既點心餐廳，難得放假就同爸爸媽媽試試佢！餐廳既裝修以點心舖黎講都幾華麗，除左點心之外，佢仲有做唔同小菜/飯麵，平日晏晝都有唔同set，但今日假期就無得叫！由於佢今日新開張，顯得有d手忙腳亂，幾樣點心都賣曬，但見到員工已經盡曬力！菠蘿炒飯好足料，有好多蝦，仲有帶子！$78一d都唔貴，平時泰國餐廳食，起碼都$100樓上！蝦餃同燒賣都漲僕僕，有好多蝦係入面，但定價偏貴！蛋散份量頗多，但無咩特別，糖漿可以落多dd!煎釀三寶都無咩特別，22 蚊3舊唔算便，中規中矩！總括黎講，係一件多食物選擇既點心餐廳，但定價較同區其他同類型餐廳稍為進取，可以一試！另外，幾鍾意佢地既玄米茶！