壹籠

Open Now

Now Closed

入咗嚟先至睇到食評，總之唔入嚟，食評超中肯，呢度真係冇服務啲嘢又唔好食。食材又差（真係巧婦難為無米炊）。.乜嘢酒樓可以用一款虾走天涯的？（答案：呢間） 。龍仔蒸蝦飯又係佢，炒蝦球又係佢，蝦餃燒賣又見到佢。（口感，味道，完全一模一樣，完全冇蝦味，得味精味）。食材差到一個點，鮑魚個樣好似塑膠，其實買一隻新鮮鮑魚都唔係好貴啫，係賺到盡啦？定係怕麻煩？ .工廠飯堂質素，酒樓價錢。行多2步去隔離街明星食好過。以後唔會再來，亦唔推薦。差！！！ 講完

服務態度差，點餐30分鐘都未上菜，但遲我哋入座嗰啲都可以上菜。問個侍應嘅時候，話冇落單。之後重新點單，但係之前點嗰啲又出現返。有熟客嚟嘅時候又可以優先俾人哋先。

今日去咗呢間酒樓，真係好失望！唔止價錢貴，仲冇嘢好食。我叫咗一籠小籠包，結果發現包裹唔夠熱，而且汁少得可憐。我食完一籠，都冇滿足感。除咗小籠包，仲試咗佢哋嘅腸粉。可惜都係一個災難。腸粉一夾即散，根本冇得食。平時去食腸粉，至少都要有啲彈性，但呢度嘅腸粉完全唔夠水準。最令人生氣嘅係，呢間酒樓冇提供wifi服務。連訊號都冇，真係上唔到網。喺呢個科技發達嘅年代，唔提供wifi服務係唔合時宜嘅。總括而言，呢間酒樓真係令人失望。價錢貴但食物質素麻麻，小籠包唔掂，腸粉散亂，而且冇wifi同訊號。如果唔係大榮華仲裝修緊我應該都唔會嚟呢度食。

鮑魚係酸嘅！鮑魚係酸嘅！鮑魚係酸嘅！重要的事情講三次！比左兩粒叫廚房師傅試下 竟然話罐頭鮑魚係咁帶住小朋友唔想嘈 直接全部揀出來 唸住齋食飯就算 點知 d飯係一舊舊！！都係完全食唔到！！全餐飯得個燉湯好飲 隻文昌雞又係硬到死！！其實貴d唔係問題 問題係你嘅服務 食物質素要跟得上！完全唔唸住解決問題 ！食客咁樣反映問題 經理居然連一句抱歉都無 完全無視客人！吸取教訓 以後d餐廳無咩人食緊 都係唔好入去 因為分分鐘食到肚痛！！全餐飯400蚊 食落肚都唔知有無100！要去嘅人慎重考慮下 附近不乏好食嘅食店！

元朗世宙有一間叫臺籠既餐廳…都有幾年嘅歷史，平時都見好多人去飲下午茶….位置都算坐得舒服之前同老友記去食咗一個套餐…一人一份 $298一位兩位起…仲會有+1….先嚟一個原隻鮑魚伴金錢….鮑魚唔係好大隻…再嚟一個宮庭花膠雞湯翅…的確分量十足😘另外一個醬油煎焗海蝦….味道唔錯，不過份量太少再有一個西施蒸海斑花件每人半隻乳鴿另外每人一隻小籠包甜品係冰花紅蓮燉雪燕坦白講，$298食呢幾道菜抵唔抵？真係見仁見智。但係勝在環境唔太嘈，而且地方都寬敞同朋友食飯聚餐都係一個好地方🤗🤗不過下次可能散叫會抵啲

週六約定好友 三對夫婦，食晚飯，前幾日老公一起行街 見到世宙 地舖原來有飲茶🫖 ，當日中午電話約定6位，晚上6:30來到 已經 留好位，環境算舒服，廁所去商場廁所，台同台之間 距離都算有距離，卿解 好地方叫了瑤柱雜菜煲拔絲菠蘿咕嚕肉 麻辣水煮魚片 清湯蘿蔔牛腩水晶蝦餃 X2鮮蝦花菇燒賣X2四碗雞公碗蒸飯.服務都算 周到，晚市人並不多，可能由於係巷子裡面知道的人並不多，旁邊有惠康和佳寶，也有日本城，算便利～六人加一大概$650港紙

今日中午約左3個朋友去世宙壹籠飲茶，我們4人叫左8樣點心:有素粉果，第一次食，比潮州粉果好味，黑椒牛仔骨牛肉非常嫰滑，黑椒味濃郁，正!煎釀三寶也很好味，但煎九菜餃味道偏咸，鮮蝦腸粉蝦肉彈牙，粉皮Q彈環境舒適，服務不錯，下次會再幫襯🥰

叫左碟紅油炒手，成碟好似未煮過咁滯，入面既豬肉竟然大部分都係紅色，根本都未熟，仲可以拎俾客人食🤮。同佢講果陣仲快快手收起佢，雖然有say sorry，但生豬肉真係唔可以接受😡……………………………………………………………………………….……………………………………………………………………………….

疫情前去過一次，不知為何，一直都無再去，可能是店舖的位置（對於我來講）。昨日諗起去飲茶，突然再想起 壹籠。約9時到，不用等位，有數張2人枱可選用，不是暗角位，座位寛闊，枱與枱之間的距離亦足夠，出入方便。開始搵食，首輪叫：蝦餃，义燒包，棉花雞，米網腸。這裡點心，全部都係即叫即做。剛好我的位置睇到遠處點心部的運作，透明廚房。見到內裡的點心師父好忙，不停處理點心。首先來個米網腸，表皮好薄及滑，餡料豐富，內裡的油炸鬼仍是脆的，好好味。跟住來义燒包及棉花雞，义燒包個包鬆軟，餡料足。棉花雞就水準之作，兩粒冬菇，有香味，兩件雞，入味，兩條蟹柳，略為遜色，底層，全是花膠好滑好（林），味道調到剛好。最後，來蝦餃，外貌唔錯，因爲即蒸，一啖咬落，餡料足，有齊蝦餃應有的味道，淡淡筍香，清香蝦味，好食。既然如此好味，再下一城。這次叫 鹹魚肉片蒸飯，牛仔骨，露筍鮮蝦餃，鳳爪。蒸飯出色，飯底乾身，米就粒粒齊，蒸到剛好，面料正常，好食。牛仔骨，入味及（林），容易食，唔黐牙。露筍鮮虾餃，比起蝦餃，又另一番風味，好食。鳳爪，一般，但都好入味。整體來說，全部點心，調味適中，新鮮，用心製作。最後一個驚喜是……8個點心＋2人茶

本來想俾好評因為味道不錯，待應友善，野食都幾好，但係今日2022年1月7日12點幾個收銀態度真係要扣哂分，事原張卡埋錯左，攪錯左我緊係要check 單，我查到茶錢收左10蚊睇張點菜單寫8蚊，我問一下佢就用吾太好的態度答我「過左11點收午茶，先生！」雖然錢好小我只是問清楚，點解我仲要受你氣！食完本來開心都攪到吾開心，待應態度好好收銀可以咁差，點可以甘嫁，越諗越嬲呀好激氣，真係唔想再去下次啦，員工個質素係好緊要，要加強訓練！

之前見到呢間酒樓有大閘蟹套餐，今晚去試下，店舖環境舒適，人客不是太多，所以D姐姐很好服務蕃茄蔬菜，個湯好好味义燒淮山，义燒太乾，淮山用藍苺醬ok喎個酸菜魚D魚好滑，但我覺得配菜仲好味個翅D湯好重金華火腿味，掂個雞飯都好味，但雞胸太多個蛋散熱辣辣呢個套餐可以一試

夜晚同同學溫書 溫完之後求其搵間野食 見到佢門面幾企理 就入去坐 本身有大大既卡位坐 但對住風口位 最後店員同風地轉左位 坐低發現個個都係食小菜 但我地諗住食點心 最後都係叫左點心 佢即叫即蒸 等得比較耐 但係樣樣野食都有無失望 食得都幾開心！個度環境寬敞 而且坐得舒服 我地叫左流沙包 小龍包 雞絲粉卷 雪茄春卷 蘿蔔絲酥卷 鮮蝦菜苗粿 樣樣點心都唔錯 菜苗粿個餡既味道ok 但個皮好爛 一夾起就爛哂 感覺好似蒸過龍咁 但雞絲粉卷個皮又無爛喎 春卷都好特別 外表同正常顏色唔一樣 但餡係好食 煙韌彈口 仲要岩岩炸出黎熱辣辣 好脆口 樣樣點心唔太咸 食完都唔覺會好口渴 蘿蔔絲酥卷好香 就係上海店個種其實都唔係好夠食 但係等太耐唔再叫喇 如果唔係有排都返唔到屋企 但要留意返佢有d點心係晚市唔供應架

放一日假想舒舒服服同小朋友共享午餐，所以去咗世宙壹籠飲茶，食到一半，個女侍應走埋我身邊，問我食得快唔快，我話唔快架喎，然後，佢就話有八個人要等枱，想我調枱給別人，我話唔想調，佢係咁叫我小朋友起身，又執枱上嘅嘢，限聚令下要拍張8人枱，我已經覺得好攪笑，仲要我表明唔願意調枱，都要我起身，真心覺得好嬲，原本想安靜的飲杯茶，慢慢食，最後成肚氣。

炎炎夏日，叫左兩樽豆漿，原本以為只係個樽污糟，但用飲管刮下刮下發現係刮得甩，咁都拎得出黎比人飲？相信豆漿係唔會有黑色渣掛？信唔過了。。。。。。。。。。。。。。。

呢間壹籠環境舒適 價錢較高亦看似合理 但其實唔係 星期日去 1. 一坐低佢地忙 無人即時招呼都唔緊要 環境又熱 要求開大冷氣 話已開到最大 食到身水身汗 仲要比個女經理啤 2. 叫人黎落單 竟然行埋黎同我講12點喇 夠鐘食飯！咁點解唔直接叫其他同事幫手？3. 我寫緊點心紙 個女侍應走埋黎搶走我張紙 話夠鐘 要轉午市！禮貌呢？4.上餐又慢 5. 到埋單 我地企係收銀處 個男經理一副厭世樣 嫌棄我地阻住佢走唔到！老實說 如果唔係周圍既酒樓滿座 都唔會揀呢間酒樓！極差 ！