靖壽司

Open Now

Now Closed

今日上到嚟呢間餐廳，叫咗兩個午市套餐。我個S04餐係有包埋「是日手卷」既，我就問侍應：是日手卷係咩味㗎 ？佢答我：我都唔知當時我見到佢咁嘅態度都冇打算再追問啦，到時嚟咩就食咩啦，反正味道冇得揀。之後輪到我朋友叫餐，佢個餐係冇跟手卷嘅，佢就額外加咗一個鰻魚手卷。到上菜嘅時候，嚟咗一個鰻魚手卷，咁我哋就問侍應，係咪仲有一個手卷未嚟？佢就話係，咁之後再嚟多一個都係鰻魚手卷。好理所當然我就get到「是日手卷」都係鰻魚啦。到埋單之後，見到收咗我兩次鰻魚手卷錢，我就通知返一位女侍應。點知佢同我講，是日手卷係螺肉，我個鰻魚手卷係額外加嘅。我同佢講我只係額外加咗一個手卷啫。我問幫我落單個侍應是日手卷係咩味，佢答唔知，我就算，我冇話要自己再加多一個手卷。跟住佢仲係咁老屈我話我自己追加。就算係追加都好，咁係咪起碼我要食到三個手卷先？而家我個是日手卷係直接冇出現過。總而言之呢間店嘅態度同埋銷售手法都極度不良。一定冇下次！

一行六人第一次中午12:45試下呢間餐廳𨋢當時只有兩個人入到甘就上咗去攞位先啦個大廈又等𨋢等好耐，隔咗兩三分鐘先有同行四個人喺下面等𨋢 餐廳個前台等咗30秒都唔夠佢就話要將張枱比其他人跟住我哋就嬲嬲地走咗服務真係勁差

叫果樣冇果樣，我地問咩都冇既，佢話:「新鮮咪咩都冇。」咩邏輯？咁唔可以準備多少少，明知lunch hour。店員串串共就話唔開魚咪冇囉！又話你唔訂你打電話嚟訂咪留比你。食過幾次，食物ok, 但今日食d湯淡過水，好似加水再煲咁！魚生比hea貨你。最後比錢過左$500，唔收咭？！我說之前收架喎，佢話壞左！然後，等life時仲追岀嚟鬧，咩事？準備執？

營業時間11:30， 我地11:40到， 係門口等staff serve我地， 全場冇人，啲位都已經係執曬， 但佢唔俾我地入， 叫我地揀左野食先， 我地隔左陣（2mins）未揀到， 佢再追問， 我地話未揀到可唔可以坐左先， 佢再次叫我地等，好似示意係未落單就唔可以坐咁， 但呢間餐廳係收加一服務費， 我地之前食過都唔係咁， 而且食物質素都ok所以先會再次光顧， 今次體驗實在太令人失望而且覺得不被尊重☹️， 好難再次考慮光顧😢。

喺人多車多既牛頭角返工，Lunch真係唔知食乜好，最近經過牛頭角偉業街93WYS發現呢棟大廈都幾多嘢食，樓下就貼滿各層樓既餐廳Menu。天氣咁熱想食下凍嘢，俾靖壽司個餐牌吸引左。上到17/F樓雖然全層，但係都唔算好大，想食要預時間等位喇。定食選擇既配搭都幾多，而且亦都可以散叫每個定食都有麵豉湯同埋一個沙律我就叫左日式稻庭烏冬（細）配7件壽司，稻庭烏冬夠彈牙好食油甘三文都幾新鮮朋友叫左 燒鯖魚配壽司+迷你牛柳粒當飯+茶碗蒸，份量超多，建議4個女仔叫3個定食都夠晒，如果嘢飲就要另外加錢總結：環境幾舒適，食物質素唔錯，呢個價錢如果包多杯凍飲就Perfect

Since office moved to Ngau Tau Kok from Wong a Chuk Hang. The food chooses is much more.The team decide to explore some sushi restaurants this weekend and pre booked this place.The girls ordered sushi 🍣 set, meanwhile I ordered sashimi don set 靖之和風刺身丼.The sashimi is fresh, especially the scallops. Portion size was decent and the price a bit over in the area but this is expected for Japanese food.The only bad comment I would say it’s the air condition. It’s was too cold.

觀塘組相約食個迎新年嘅午餐😛佢哋揀咗呢個日本嘢😌呢幢大廈都間唔中都嚟而家先發現有間日本餐廳😦價錢唔平喎，唔怪之得冇乜人等位定還是因為差唔多新年冇咁多人返工呢不過啲食物質素都可以😌我食嗰個角切魚生飯，啲魚生都好新鮮同埋佢都幾大粒，我想像中嘅角切係好細粒所以有啲意外🤣不過我嗰個餐都要$100但係佢就包埋有沙律，有湯，嘢飲就另外加錢賣相都唔錯👍🏻最like佢嘅紫蘇葉做襯托🙊我食埋㗎😂😂

話說朋友同我食生日飯，知道Lunch時間會多人，所以我地特登早D去食，1150分落完單，12點餐到，3個人總共叫左差唔多500蚊壽司餐，我同另一個朋友食得較快，用左20分鐘左右就食完，剩餘一位朋友仲食緊，到1225個服務員羅張單過黎，話好多人等緊位，唔該我地，放低左張單，之後我另外一位朋友係1230左右都食完，佢又再過黎吹多次，我地諗住飲埋杯茶走既時候，1235又走過黎再吹我地，果下真係焫著，即刻講由入坐食野都沒45分鐘時間，使唔使吹你走3次，你話茶餐廳幾十蚊一個餐我會明，會識做，一間日本餐廳，一個餐都過百以上，仲要連45分鐘食都沒，入座時又沒講明，見你差唔多食完就吹你走，真係勁差，最後臨走時仲要話我沒品同出門時眼俾俾住你，呢間餐廳唔會再有下次🤬🤬🤬

🥢雞肉串$18🌟推介雞肉串燒可以免費轉麻辣，極推薦🌶。辣度唔高但係好香。唔止厚肉份量多，無骨嘅雞髀肉仲充滿肉汁。🥢稻庭烏冬$72🌟推介鵝油撈烏冬邪惡得嚟真係令人食到停唔到口😭。啖啖都係油香，仲有好多蔥花同炸蒜。🥢蟹子沙律$58生菜、青瓜口感爽脆，配上蛋黃醬同大量蟹籽，草青味大減。🥢三文魚腩刺身$45肥美而且重油香。🥢牡丹蝦刺身$80大隻而且鮮甜彈牙。🥢帆立貝刺身$38四片帆立貝刺身比想像中厚，仲有唔少鹹香嘅三文魚子。性價比好高。🥢牛油果加州卷$52齊晒蟹柳、牛油果、青瓜，口感同味道都好豐富。壽司飯醋味比平時輕。🥢燒羊架$68肉質軟腍，脂肪部份有少少羊羶味🤤。

餐廳在牛頭角citibank/宏利對面的樓上舖，一出lift已看到不少日本風的佈置。食物和清酒類型選擇多，價錢合理，適合東九龍朋友聚腳和放工輕鬆一下，餐廳提供包場服務。 🐟三文魚腩刺身 $45厚切又大條的三文魚腩，新鮮肥美，脂肪條紋清晰，厚身有咬口，令人滿足。 🍣 油甘魚腩壽司 $20@油甘魚的厚薄適中，入口嫩滑，魚肉油脂豐富，配合壽司飯又唔會膩。 🍣 拖羅蓉卷 $45拖羅蓉的份量多，拖羅的顏色粉嫩，魚味甘甜，入口即溶。 🦐牡丹蝦刺身 $80大隻又彈牙，食落蝦味濃郁又夠鮮甜，蝦頭仲有少少蝦膏好juicy。 🍢麻辣雞肉串 $18推介! 雞肉嫩滑，燒得外皮脆口，雖然外表普通，但配合麻辣醬後，整串雞肉層次提升，唔會好辣但十分惹味，值得一試。 🍤雜錦天婦羅 $63天婦羅的種類多，有大蝦、番薯、茄子、南瓜、魷魚等。天婦羅炸得剛剛好，炸粉也不厚，大蝦的肉質緊緻又鮮味。番薯用日本甜薯，入口特別甜，整體性價比高。

平時朋友要湊小朋友真係好難約到佢難得星期六約到就拉佢去試下我好想試嘅餐廳衝到過去竟然冇開門...係同一大廈望下有咩食就見到呢間日本餐廳望落都可以咁就試下啦揀左天婦羅餐配鵝油撈飯跟餐有三件壽司同甜品朋友要左天婦羅跟鵝油撈烏冬另一位朋友就揀左燒雞扒烏冬跟餐有手卷天婦羅炸得好好唔會油淋淋, 南瓜同蕃薯都好粉鵝油撈飯面頭放上炸乾蔥同蔥令到成件事更惹味朋友話個烏冬好滑~我深信應該好好食因為我朋友個女食完一啖之後就好乖咁坐定定食哂成餐飯XD小朋友係唔會呃人嘅跟餐附送嘅壽司同手卷都唔係隨便魚刺身夠厚, 壽司飯唔會太大我食左兩件先記得要影相好食到忍唔住展露左幸福嘅笑容然而大肚中嘅朋友只能表示羨慕

餐廳位置在牛頭角manulife對面的樓上店，原本打算試另一間cafe，原來要訂位才有位，結果在樓下的眾多餐牌介紹，選擇了這間日式料理店。以午餐來說，選擇由麵類飯類，刺身至壽司等等，結果被壽司set 吸引。壽司配烏冬 $128壽司set 包括6件壽司，1件玉子，1個小烏冬，另有飲品前菜餐湯等，尚算豐富。壽司方面，未算是熱門的高級刺身選擇，有1牛油果蟹籽反卷意外地好食，牛油果新鮮，蟹籽也多，而玉子燒香甜，蛋味濃而夾起沒有散開，應該是自己製作而不是普通冷藏的口感。 烏冬由於選用稻庭烏冬，正常發揮口味，湯底是日式醬油，微甜而不會很鹹。沙律和餐湯份量也正常。環境算有用心裝修，後來店員有介紹晚市也有營業，附近上班的人可以一試。(如想吃更豐富，另有其他更貴午餐選擇)

門面及店內裝修都好有格調主打用木紋主色既枱櫈及木枝吊燈裝滿日本酒既牆身櫃配以柔黃色嘅燈光滿滿和式既感覺樓底高空間感大 每個座位都有咕臣坐得幾舒服整體價錢唔算貴 壽司同刺身更算平價食物質素都幾好 特別係大拖羅夠厚身油脂好足牡丹蝦大大隻 睇樣都知好新鮮師傅係蝦頭有特別處理 可以食盡所有蝦肉三文魚腩壽司上邊塊魚生用咗類似蝴蝶切嘅刀法即使三文魚開邊都好大件仲算厚身每件都係12蚊真係好抵食天婦羅嘅茄子同蕃薯炸得好靚特別係茄子面層薄切令到表面鬆脆底層保留茄味大蝦及南瓜正常而不會overcook最後埋尾叫左麻辣雞肉串同牛冧肉串忌廉撈烏冬落足鮮忌廉甜甜地又滑身不是平時食開既忌廉醬所以特別creamy 及飽肚

呢日放工之後同屋企人去左牛頭角呢間日本餐廳食dinner。呢間日式餐廳位於牛頭角既商廈高層入面，可以望到海景，環境舒適。打開餐牌，見到有好多選擇。呢度既野食抵食之餘又高質。今次點左三文魚腩壽司同白身魚壽司，三文魚腩超肥美，白身魚都好新鮮。另外亦都點左帆立貝同埋牡丹蝦刺身，帆立貝好厚身，只需要$38就有4塊！牡丹蝦都好大隻！除左魚生之外，其他野食都好高質，蟹籽沙律幾fresh。熟食方面，點左雜錦天婦羅同埋鵝油拌稻庭烏冬！

今次係觀塘一個好舒適嘅日本餐廳食飯，地方好靜好舒服，可以好好享受下寧靜既空間我地叫左個2人餐前菜係蟹籽沙律呢個醬好特別，配埋簿切青瓜同蟹柳，成個撘配好清新，一啲都唔漏，仲掛住食晒呢個沙律先食主菜😋😋😋壽司就叫左三文魚，赤身，熟蝦，北寄貝，好新鮮鮮甜！😛😛😛手卷就叫左鰻魚，拖羅蓉，非常足料，食到手卷尾仲有料，非常滿足，紫菜扑扑吹！☺️☺️☺️天婦羅呢，叫左大蝦，日本蕃薯，日本南瓜，啲炸粉份量岩岩好，大蝦好大隻同彈牙，證明真係新鮮野，蕃薯南瓜甜甜地，所有食物都係即刻新鮮炸出黎！😍😍😍牛柳粒，鹽燒雞翼串燒，雞皮好翠，最中意食呢個質地既雞翼！日式叉燒烏冬，熱辣辣，叉燒用醬燒過，配埋個湯，正！