Video
9-min walk from Exit B, Shek Mun MTR Station; 8-min walk from Exit B, Shek Mun
continue reading
Telephone
36531112
Opening Hours
Today
11:00 - 23:00
Mon - Sun
11:00 - 23:00
*Advance reservation is required
Above information is for reference only. Please check details with the restaurant.
-
Online Booking Service Coming Soon
秋意漸濃，當然是約埋蟹迷朋友出動食大閘蟹啦！這晚逸軒，有中餐行政總廚李家鋌 Bosco師傅與其團隊呈獻的金秋蟹宴，完美展現出創意巧思與精湛廚藝。蟹宴用上精挑上乘的江蘇大閘蟹，並由人手鮮拆蟹粉，以三道結合的 逸•拼 作為前菜：蟹粉蟹肉脆皮雲吞，蟹粉經炒煮後，香氣撲鼻，更加金黃香濃；以鬆脆的新鮮蟹肉雲吞，沾上蟹粉及黑醋粒同吃，鮮味爆登；別忘了爽脆的炸龍爪菌啊！天府口水汁鴛鴦雞卷，以烏雞及黃油雞配上秘製口水汁，伴以吸汁萵苣絲，麻香微辛的味道，實在吸引。燒椒醬輕煎去殼富貴蝦，瀨尿蝦入口鮮甜柔嫩，輕煎後配上燒椒醬，麻香味十足，加上啖啖蝦肉，相當誘人。逸‧湯原個椰皇濃湯燉花膠，以螺頭、赤肉、雞肉及椰子等同燉，湯頭尤其清潤清甜，淡淡椰香，加上厚身花膠，滋陰養同時補充骨膠原。逸‧藝主角來了！原隻清蒸江蘇大閘蟹，約7両重巨型公蟹，半流質黃澄澄蟹膏中帶點透明啫喱狀，甘香濃滑，連蟹腳都肥美過人，入口盡是豐腴滋味。大廚更貼心配備沖繩黑糖薑茶驅寒溫胃，薑味溫和順喉，當中開花豆腐甚為養眼。接著也是大家期待的蒜煎336小時熟成日本豬，精選鹿兒島優質豬肉，口感柔嫩同時肉味突出，肉汁豐沛，若沾上海鹽或香脆蒜片同吃，即變得惹味。蟹粉蟹肉燴冬粉，濃郁的蟹粉及蟹肉，跟具嚼勁的冬粉拌勻，吸盡精華，滿口蟹香。逸‧匠羽衣甘藍二少爺炒飯，飯粒炒得乾爽香口，夾雜酥脆羽衣甘藍及鮮嫩帶子，口感豐富惹味。逸‧嚐甜單薈萃有兩款甜品，分別是美美的紫薯桂花冰粉及芝麻糕。紫薯桂花冰粉本已帶著桂花的香甜，加上適量黑糖更讓人心動。
continue reading
今晚我又陪老婆大人去食大閘蟹！聽講今晚佢要會一會猛男，作為一個貼身吖係貼心嘅老公梗係要陪住佢去啦。呢一餐我哋去咗帝逸酒店嘅逸軒嘆大閘蟹，嚟呢度食記住要提前72個鐘預訂，唔係嚟到冇得食就唔關我事呀。今日食嘅叫做金秋蟹宴，呢個餐總共有九味菜好多嘢食，我咁大食都要捧住個肚走。淨係前菜都有三樣咁多！呢個係蟹粉蟹肉脆皮雲吞，脆卜卜嘅蟹肉雲吞點啲甘香嘅蟹粉食落口感好好，特別鍾意佢入面炸咗嘅龍爪菌真係好鬼爽口。呢件好似太極咁樣嘅叫做天府口水汁鴛鴦雞卷！原來佢係用咗黃油雞同埋竹絲雞嚟兩溝，配個好香但唔算太辣嘅口水汁真係好鬼惹味。跟住呢味燒椒醬輕煎去殼富貴蝦真係啱晒我呢啲懶人！因為師傅已經將瀨尿蝦嘅殼去晒，可以一啖擺入口食爽到不得了，呢個醬唔係妖辣嘅食落去麻麻嘅口感，加埋瀨尿蝦嘅鮮甜真係食得好過癮。跟住呢碗湯就不得了喇！呢碗係椰皇濃湯燉花膠，佢有好濃郁嘅椰子香味仲越飲越香甜，入面有一件厚厚嘅花膠在場嘅女士飲得非常開心，大叔嘅我對呢件花膠亦都非常受落。點解話今晚要砌猛男！咪就係因為呢隻大閘蟹公足足有成七両咁重囉。呢隻大閘蟹膏都好夠金黃色嘅蟹膏食落去好甘香唔錯呀。有老婆大人服侍將啲蟹腳拆晒肉俾我食，你話啲蟹肉又點會唔甜吖哈哈。食完大閘蟹有呢碗沖繩黑糖薑茶暖胃，入面仲有一朵手工嘅豆腐花，連碗薑茶都靚到咁師傅想攞人命咩。跟住呢個叫做蒜煎336小時熟成日本豬！熟成過嘅豬肉味食落去更加濃郁，配埋蒜片同蒜心一齊食口感十足好味道。呢個咁晶瑩剔透嘅係蟹粉蟹肉燴冬粉！冬粉即係粉絲將啲蟹粉同蟹肉撈勻食爽口彈牙又鮮味。最後仲有呢碗羽衣甘藍二少爺炒飯！炒得好乾爽嘅飯粒入面仲有帶子同豬油渣，鮮同香一齊襲擊我個口感覺真係好幸福㗎。甜品有紫薯桂花冰粉同埋芝麻糕！紫薯桂花冰粉個樣咁鬼靚老婆大人鍾意到不得了！食落去有爽滑嘅冰粉同埋香甜嘅紫薯粒，唔使加黑糖都已經好好味，另外芝麻糕食落去都好爽滑芝麻味夠香濃。
continue reading
秋意漸濃，又係食大閘蟹的最好時機，今年你食咗未？沙田帝逸酒店內中菜廳「逸軒」，由行政總廚李家鋌師傅帶領，團隊嚴選當造又肥美的江蘇大閘蟹，加上精湛的廚藝，創造出全新的「逸軒金秋蟹宴」(供應日期由即日起至12月8日 及 需提前72小時預訂），令食客能品嚐到豐腴甘香的大閘蟹美食。套餐包三味前菜、燉湯、二味主菜、冬粉、炒飯 及 甜品。三道前菜分別係蟹粉蟹肉脆皮雲吞、天府口水汁鴛鴦雞卷 及 燒椒醬輕煎去殼富貴蝦。蟹粉蟹肉脆皮雲吞～外層炸得酥脆，中間包裹着新鮮的蟹肉，旁邊放有色香味濃的蟹粉，每一口也帶出鮮味；而外層酷似珊瑚的龍爪菌，是武夷山脈特產野生菌菇，口感嫩脆爽口，芳香宜人，更有效降低血中的膽固醇和甘油三酯水平等功效。天府口水汁鴛鴦雞卷～大廚選用鮮嫰帶韌性的烏雞肉，配上秘製麻香的口水汁，微辛辣香味，更有效提升味覺的享受。燒椒醬輕煎去殼富貴蝦～富貴蝦俗稱瀨尿蝦，大廚非常貼心，先把蝦殼去除後再輕煎，配上秘製炒成的燒椒醬，食落肉質細嫩又鮮味，滋味無窮。
之後上枱的是「原個椰皇濃湯燉花膠」，食材非常豐富，內有螺頭、赤肉、雞肉及椰子等，湯底清甜又滋潤，帶有濃郁的椰子香味，厚身花膠蘊含豐富膠原蛋白，與椰香相結合，滋味倍增；飲完還可輕易把椰肉刮出食用，更覺滿足。清蒸江蘇大閘蟹（7兩）配沖繩黑糖薑茶～大廚選用產自江蘇近七兩重的巨型公蟹，打開蟹蓋，呈現滿滿金黃甘香的蟹膏，蟹肉鮮甜幼嫩，入口豐腴滋味；由於大家忙於拆蟹，場面立時安靜下來。之後配上這杯頗有辣度的「沖繩黑糖薑茶」，立時有驅寒暖胃的感覺，薑茶中放有杞子、葉片及切成菊花形狀的豆腐，香滑可口，也提升了視覺效果。蒜煎 336小時熟成日本豬～大廚使用經過336小時(14日) 熟成的優質日本豬肉，肉質還保留淡淡粉紅色，口感柔嫩幼滑，肉味香甜，肉汁豐盛，配上旁邊的細鹽，更能突顯肉香；蒜片炸得香脆，翠綠色的蒜芯，味甜鮮嫩又爽口，很出色的菜式，非常喜歡。蟹粉蟹肉燴冬粉～混合在一起的蟹粉及蟹肉，味道香濃，配上清淡具嚼勁的冬粉，真是非常適合；看似簡單，其實冬粉在吸收了蟹香的精華，味道濃厚又滋味，不錯吃。羽衣甘藍二少爺炒飯～炒飯中加入大大粒軟嫩的帶子、香濃的燒鴨粒及炸得酥脆的羽衣甘藍，金黃色的米飯粒粒分明，加上本地豉油，鹹鮮有致，層次豐富，甚是滿足。甜品薈萃(紫薯冰粉薑汁 及 芝麻糕)冰粉外觀晶瑩透明，口感清涼，能有效解暑降溫；冰粉中加入帶有淡淡甜味的紫薯，最後加入適量的薑汁糖水調味，食落不會過甜，更帶有少許薑的辛辣味，冰涼又好味！旁邊放有軟糯香滑的「芝麻糕」，食落甜而不膩，芝麻味香濃；吃完甜品，也正式完成今次的晚餐。「逸軒金秋蟹宴」推廣日期由即日至2024年12月8日，每位HK$988；套餐更可以優惠價另加雄蟹每隻HK$248（每隻約7兩），另收加一服務費；記得要提前72小時預訂。#沙田 #帝逸酒店#逸軒金秋蟹宴#蟹粉蟹肉脆皮雲吞#天府口水汁鴛鴦雞卷#燒椒醬輕煎去殼富貴蝦#原個椰皇濃湯燉花膠#清蒸江蘇大閘蟹（7兩） #沖繩黑糖薑茶#蒜煎336小時熟成日本豬#蟹粉蟹肉燴冬粉#羽衣甘藍二少爺炒飯#甜品薈萃#推廣日期到12月8日#逸軒地址: 沙田源康街1號帝逸酒店2樓電話: 36531112
continue reading
今天又再跟大家分享大閘蟹！冇辦法踏入農曆九月大閘蟹當造，可以品嚐時間太短所以喜歡的就要密密食。今年第三蟹選到沙田帝逸酒店的逸軒品嚐，因為餐廳由我很喜歡的Chef Bosco主理，對他的出品我放上十萬個心。這一夜我們選吃的是今秋蟹宴，總共由九道菜組合而成，相信我們必定會非常滿足地離開。逸‧拼總共有三款前菜！率先享用這客賣相美絕的蟹粉蟹肉脆皮雲吞。香脆的蟹肉雲吞配搭甘香鮮味蟹粉惺惺相惜，像魚子醬般的黑醋珠珠帶來酸香滋味，另外還有口感爽脆的炸龍爪菌來豐富菜式的口感好精彩。天府口水汁鴛鴦雞卷包含了黃油雞和烏雞，配搭了香麻惹味的口水汁，這道是沉浸於香辣味道的滋補菜式。最後一客前菜名叫燒椒醬輕煎去殼富貴蝦！瀨尿蝦貼心地經已去殼享用時非常暢快，配麻度十足的燒椒醬來品嚐，刺激味蕾之餘鮮味更加吸引。逸‧湯~原個椰皇濃湯燉花膠 ！奶白的濃湯熱氣沸騰味道鮮甜香到一個點喔。燉湯除了有螺頭、赤肉、雞肉及椰子外，還有充滿骨膠原的厚身花膠，這個燉湯滋補又養顏如何可以不愛它啊。逸‧藝~清蒸江蘇大閘蟹！我們這夜品嚐來自江蘇7両重的巨型大隻仔，現時這麼重手的大閘蟹真的買少見少了。打開蟹蓋後看到爆羔度非常滿意！除了黃羔之外還有我最喜歡的白羔，入口非常纏綿味道甘香鮮美質素不俗。如果您是位大閘蟹癡一隻不夠喉的話！這個套餐可以優惠價$248/隻加購7兩重的大隻仔來滿足饞嘴。吃罷大閘蟹後喝一口薑茶是常識吧！餐廳盡善盡美將沖繩黑糖薑茶如詩如畫地表露出來，浮游於甜辣薑茶中的豆腐「花」盡顯美態十分養眼。蒜煎336小時熟成日本豬！熟成牛肉見得多豬肉真的比較少有。經過這麼長時間的熟成肉味更見突出，但肉汁依然豐盈口感非常迷人，配以香脆蒜片和清甜蒜芯作首尾呼應，令到整道菜式味道更加立體和可愛。蟹粉蟹肉燴冬粉！濃稠蟹粉鮮甜蟹肉跟冬粉混為一體，口感煙韌彈牙加上濃郁的蟹粉怪好吃耶。逸‧匠~羽衣甘藍二少爺炒飯！炒飯弄得好乾爽可口內裏還有豬油渣怪不得這麼香，配搭鮮嫰帶子嘴巴表示好開心，但我覺得最點睛位置是那脆炸的羽衣甘藍，除了帶給香氣外還有口感令我不其然愛上這位二少爺。逸‧嚐~甜品薈萃！我們得到紫薯桂花冰粉和芝麻糕，兩款甜品的色調形成強烈對比，但美味程度就沒有差別同樣吸引。金秋蟹宴套餐收費為$988/位(+10%)，由即日起至12月8日供應，記得提前72小時預訂喔。
continue reading
📍沙田逸軒✨嘆星級推介師房套餐🎉睇電視見到帝逸酒店逸軒中餐行政總廚李家鋌🤩煮粵式美饌咁出色😋😋即刻打去預約星級推介師房套餐💡一嚐李師傅主打招牌菜，盡享時令食材、精緻菜式🤟🏻 🤟🏻🔹逸‧拼 - 蘋果木煙燻煎刺身帶子刺身帶子肉質細嫩、散發鮮甜味，加以蘋果木煙燻製法，帶有濃郁煙燻香，增添幽香迷人氣息，配上手指青檸，酸甜清新夠哂開胃！🔹逸‧拼 - 女兒紅南乳無激素脆皮雞於席前點火淋上女兒紅，酒香濃郁～無激素脆皮雞色澤朱紅，皮脆雞肉嫩，南乳醃得入味，啖啖咸香滋味！🔹逸‧拼 - 寶石酸薑皮蛋剔透皮蛋內裡釀入酸薑，味道酸甜醒胃，咬落清脆爽口！配以濃香燒椒醬、糯米紙同食，有驚喜！🔹逸‧湯 - 北海道赤肉蜜瓜花膠燉海螺燉湯材料豐富，味道清甜滋潤～北海道赤肉蜜瓜煮至軟稔，入口甜香多汁；巨型花膠滑溜充滿膠質；海螺爽脆有嚼勁。金黃色湯頭清潤甜美，沁人心脾！🔹熟醉奄仔蟹肥美奄仔蟹以「熟醉」方式處理，用上花雕醃製，香醇入味，酒香鮮爽！蟹肉同蟹膏熟度剛好，入口鮮嫩滑溜，甘香並重！🔹逸‧匯 - 百花脆皮關西遼參第一次試禪衣炸關西遼參，咬開更有爽口蝦膠，整體口感輕盈香酥～伴碟有鹹香惹味既微辣肉醬，配搭雞頭米，煙煙韌韌，出色！🔹夜香花小米金果冬環伴甘筍清甜多汁既冬瓜環煮至香軟滑口，配搭爽甜甘筍，底有濃香雞湯，食落份外清新唔膩口！🔹逸‧匠 - 日本靜岡番茄焗白樺豬扒飯 李師傅招牌菜式之一既焗豬扒飯絕對要試！用上靜岡番茄，色澤鮮艷，糖度高、酸味小；配搭日本北海道白樺豚肉扒，肉質柔軟、脂肪紋路適中，入口鮮嫩多汁，加上金黃芝士焗製，面頭再放上日本人氣蘭王蛋，色香味俱全，實在令人一試難忘！🔹薑湯甜豆花大廚以高超刀工切出精緻花狀豆花，熱呼呼薑汁配滑嫩豆花，香甜又暖胃逸軒🌟星級推介師房套餐🌟📍香港沙田源康街 1 號帝逸酒店 2 樓電話：3653 1168
continue reading