一樂燒臘飯店 (Closed)

人生路不熟, 去到大埔見東江雞非常多人, 便入來這間試試. 名為燒臘店, 星期日七點幾, 叉燒, 無, 燒肉, 無, 切雞無, 有咩呀, 有燒鵝! 本來我都好鍾意食燒鵝, 但我大肚唔吃得呢, 是但叫條魚同油雞飯啦.. 飯, 等o左四個未, 漏單, 飯極硬, 魚ok 啦, 好難蒸烏頭都難食, 食物, 無咩好唔好, 但最離譜係, 我見住燒臘部果三個師傅輪住全程在那掛滿燒鵝同"懶"係玻璃密封的房內煲煙, 嘩.. 以後都唔會再黎.

燒肉鵝飯有水準，$28 一碟加送例湯，我覺得幾抵食。燒肉皮脆肉入味，不錯！燒鵝就中上，個例湯都好好飲。

無新鮮鵝入口，以前好食D。依家都OK啦，依然勁多味精。千祈唔好食食吓停手，試過三次、係三次呀，碟飯食到一半、湯都未飲，睇睇吓書，手揸住筷子、匙更，D阿姐會唔聲唔聲連湯帶飯收O左你，三次都要嗌住至擺番低，無記錯仲要係三個唔同O既阿姐......但點都好，同區O既燒味飯佢都真係唔錯，又有缸幾靚O既珊瑚魚睇，雖然食完勁飲水......