逸雅軒

Open Now

Now Closed

野食普通 係夠熱既但樓面態度極之惡劣 問多句即刻黑面帶位叫你自己行入去搵叫野食點心紙唔比 後尾問佢兩者價錢係咪有分別竟然同你講價錢差成十蚊係 冇差別 ！真心唔會再幫襯 食著一肚氣

因未更新餐牌價錢，結賬時系統多收了四十蚊，本來不是甚麼大事。部長也明白事理，爽快退款處理（部長從一開始已計算無誤，馬上決定退回差額及因差額而多收了的加一），本已圓滿解決問題。但不明白為何收銀員一直不肯退回因差額而多收了的加一，還堅稱自己沒有計錯數。經一番解說後，她仍不明白為何自己多收了「額外的」加一，還帶挑釁性地指區區幾蚊唔同我計較，好像我在無理取鬧，想佔酒樓便宜。其實這不單是區區幾蚊的問題，而係你真係計錯數收錯我錢，這收銀實在極不專業。定位為做街坊生意的酒樓，欣喜他們嘗試設計一些抵食菜式組合，也很想支持他們。但當面對如此傲慢的服務態度，真係食完都谷住道氣。面對這些低級的錢銀爭議時，收銀員當下是否應簡單配合部長的安排而非一意孤行？我實在找不到其他能夠溝通的門路，我希望將這經歷寫出來，讓貴公司了解情況。

我今天在國際大網紅的直播內看到新何太說 貴酒樓的燒賣很差呀。 我們一家人以後也不會光顧 貴酒樓了。  而且給新何太在酒樓粗言直播， 第一， 影響小朋友, 旁邊看到有小朋友坐著。  第二, 影響酒樓的等級, 有這些垃圾在酒樓用膳。

禮貌叫服務生，一係唔回應，一係態度差劣，唔係話當自己客人就大晒，但連基本尊重都無，無見過服務態度咁差的餐廳。食物一般，價錢不貴不平。貼錢比人鬧，服務咁差真係無下次。

今晚同朋友兩位去食晚飯，叫了一個孖寶，京都骨配四隻元貝，嗰碟京都骨外邊全部都係麵粉，在家好多糖漿炸出來，全部都係黐牙，舊麵粉裏邊祇有一點肉和大部份肥豬肉。 從來未食過咁特別。另外嗰四隻元貝，一啲味道都冇，一定係死嘅，再加上 蒸佢好耐好耐，硬到飛起，最抵死廚房就係加啲有油益味啲油落去。35文嗰隻的雞優惠，外皮整得算唔錯，但係隻雞未發育好細隻。全晚只係杯茶水和啤酒冇問題唔錯。終於知道點解咁多香港人返大陸食飯消費了。

以前點心紙有焗西米布甸，面和心也好好味，吃了還想再吃，很希望歺廳再供應番這款甜品。朋友説在另一歺廳點心午歺吃到法式梳乎厘，我當然也希望逸雅軒能供應。逸很多方面也好，我希望吃到更多款式的點心。

茶靚，環境和食品ok, 價錢合理， 唯獨是樓面態度差，大部份黑口黑面， 呼喚時明聽到都唔回應， 有回應的就語氣極差，反而送點心的姐姐還可給到一個窩心的態度 （ 有點心到時， 點心姐姐用溫柔語調的說話說……早晨！你的XXX點心, 謝謝） 這才是真正的服務態度呀！

服務極差，全程幾乎沒有服務，冇人主動幫手加熱水，要自己來。叫服務生，個個都唔睬你，或扮聽唔到，或扮睇唔到。埋單時，我哋三個人，計4個茶位，埋單前後共花費25分鐘，極度唔爽。有一位西裝男士，應該是經理或老細，服務態度就非常好，好有禮貌，嗌佢就一定幫手，但係四圍去，偶然先會見到佢。食過兩次了，食物價錢一般，唔平唔貴，食物品質也一般，味道也一般，沒有哪一個特別有驚喜，但也唔難食。PS: 湯米線唔好嗌，懷疑佢無落調味料。

6月24日揾食肥華，一心帶靚媽到此酒楼食午膳，為咗要食佢嘅，杏汁炖旦白及生磨合桃糊，呢兩款甜品，可惜去到此酒楼，開咗位睇點心紙，先知這兩款心儀甜品，已下架，被雪耳燉木瓜及陳皮紅荳沙，所取代，事實如此，肥華衹好移船就磡柯打此兩款甜品，及兩款炒粉麵和一個芋角類食品，幸好今日出場的兩款糖水和蝦球伊麵及古法炒牛河，都屬水準之作係美味之選，唯是個芋角酥就令人失望，食咗一隻便無興趣再食，而今日此店人手嚴重不足，因侍應門各有各忙，對於客人嘅服務態度，就未能令肥華滿意

提早做父親節，出外吃晚飯，揀咗呢間平時會飲茶嘅酒樓食晚飯。我哋叫咗一品燒雞例牌，龍蝦伊麵，苦瓜粉絲煲。餸菜好似平凡，燒雞好新鮮，剛剛好的脆，不太鹹，也不用點佢哋提供嘅醬汁。龍蝦伊麵有驚喜，啲龍蝦啖啖肉，伊麵嘅湯汁配合得非常之好，以免有彈性，好味。苦瓜粉絲煲也很出色，粉絲夠爽，苦瓜又想又唔苦，整個菜非常惹味，我的老爸表示呢一餐非常合佢口味，難得難得。可能因為臨近父親節，酒樓都逼滿人，但係侍應嘅數目好似唔夠多，見到佢哋走來走去，頭都暈埋，但係態度仍然OK ！

同屋企人食晚飯，叫左一個六人餐再加其他餸。服務方面：呢間酒樓的侍應、經理一向都唔錯，可能招呼開街坊，友善啲。食物質素方面：說實的，湯真的不好，說好的老火湯也不感覺是老火湯；說好的燉湯也感覺有點味精。小菜倒是不錯的。藉得一讚的是那個清蒸大海斑，有一個放了小蠟燭的座，大家都常說：「蒸魚要快吃，冷了魚會鯹。」但有這個座温著蒸魚便不會冷了，到吃完了整條魚，底下的蠟燭或著著，豉油都還是出煙的，這個細心位值得一讚。

麗城薈最近開咗間新酒樓叫逸雅軒、當然要去試吓。新酒樓茶具都好靚、環境都唔錯👆鮮肉窩貼餃、肉汁丰滿、好正👍淮山雞扎、除了用准山包住之外、內面包含一個新鮮嘅淮山、雞肉、魚肚、芋頭。小编個人感覺麻麻、反而喜歡以前用腐皮包住、會好味好多。燒賣好多蝦仁、超级彈牙👍👍👍蝦餃好抵食、13元2粒、皮薄餡靚🤩🤩🤩排骨飯都唔錯、份量唔細、好抵食、味道正正常常。總括：早茶好抵食、可以encore、值得推介。