YATA Gudetama Café by Izumi Curry (Closed)

2015年11月9日 (星期一) 10:55am 不用等位 蛋黃哥餐具是特別訂製，充滿可愛感覺。 Café 內無論牆壁、餐桌、椅子、裝飾、公仔擺設也是蛋黃哥的樣子，搞笑語句，叫人興奮，洋溢快樂氣氛。❤ 沙律、湯烏冬、咖喱飯及燒餅等菜式都配上一隻有它嘜頭的煎蛋或溫泉蛋或蛋包飯或溏心蛋，而雞蛋是由日本熊本縣直送香港。 奄列吉列豬扒咖哩飯 - 吉列豬扒熱騰騰脆卜卜，咖哩味香辣，金黃色雞蛋包裹米飯，蛋算滑嫩。在畫上蛋黃哥懶洋洋表情、戴上廚師帽和舉起"煩"字牌子之下，更覺生鬼有趣！❤❤ 整體份量很大，幾乎無法完全吃下。 天婦羅咖哩烏冬 - 大蝦和茄子炸得脆口，溫泉蛋上也有它的搞笑表情，流心蛋漿滑溜，烏冬彈牙。以金菇、粟米粒和青蔥作配襯。咖哩湯底非常濃味，辣度頗重。另外，碗內放了一張"是~但啦~~"牌子，無眼睇的模樣躍然紙上，非常搞笑。❤ 蘋果汁 - 冰凍好味，陶瓷杯前後皆印有可愛的懶慵姿態，吸晴又漂亮。連帶餐巾也印有此圖案，妙極！ 我當然不會放過與蛋黃哥合影，隨即找來2隻毛公仔和1個cushion。 《 餐牌 》：【溫馨提示】：❶ G1-5 是套餐，免費送橙汁 / 蘋果汁❷

湊熱鬧係要付出代價的.....等位既時候..真係好煎熬既感覺..點解..點解可以咁慢..點解明明2張台係隔離 要分開2次去拎餐紙 餐具 抹台..就好似煎一隻蛋要2分鐘  煎2隻蛋要幾耐? 而呢度就真係要4分鐘!連個廚房都忍唔住走下出黎執一執...最後等左接近2個鐘...唔緊要! 因為個人好鐘意食咖哩蛋包飯...都無乜邊度整到我唔鐘意食~!個吉列豬扒...ER..好似食緊麵包糠..太多..入面豬肉已乾透..蛋唔係話好滑..  咖哩汁&芝士汁.. 正常~ 下面既漢堡扒..到底係咩黎? 雜肉碎?最後跟餐可選橙汁OR蘋果汁

本人十分喜歡蛋黃哥，今天我和男友終於有機會試了，我們大約1:45分左右開始排隊，那時都有很多人排隊，我們足足等了1小時零幾分鐘才能入座！餐廳環境方面，全間餐廳的牆壁都看見蛋黃哥圖片，而且座位又有蛋黃哥的公仔，枱上的餐紙印有蛋黃哥的樣子，十分可愛^_^我們叫了芝士漢堡扒咖哩飯和洋食餐(蜜糖腸和煙肉)。由於沒有橙汁，飲品我們叫了蘋果汁和烏龍茶。芝士漢堡扒咖哩飯外形方面，芝士煎蛋上印有蛋黃哥的樣子，十分可愛^_^ 另外洋食餐的飯都是蛋黃哥的造型，很可愛^_^味道方面，芝士漢堡扒咖哩飯十分美味，不過漢堡扒加了洋蔥粒，本人不喜歡吃洋蔥，但漢堡扒都味道不錯。芝士煎蛋十分美味，煎蛋加了芝士很juicy，煎蛋完全覆蓋整個飯，又好看又好吃！咖哩是正宗的日式咖哩，不會辣，適合我這些想吃咖哩但不能吃辣的人！飯是日本珍珠米，又圓又大粒，咖哩份量很多，和飯一起吃十分美味！不過洋食餐卻味道一般，蜜糖腸的皮太厚，煙肉味道一般，而且白飯完全沒有味道，咖哩汁太少，即使白飯和咖哩一起吃，都不好吃。蘋果汁方面，普通的蘋果汁味道。烏龍茶方面，都是普通烏龍茶的味道，不過不失。價錢方面，芝士漢堡扒咖哩飯$129，洋食餐$99，蘋

今日陪好朋友到觀塘APM新開的Gudetama Cafe潮聖。聽聞會很多人排隊，所以趁放假，下午5:30便來到，到達時客大不多，但因為限時90分鐘，其中一位朋友又未到，所以便先到APM四處走走，6PM再回來。從門口望入餐廳內，已是佈滿了Gudetama的佈置。餐廳的面積不大，座位只有30個左右，而且大多是2人位，所以如果一班朋友來的話應該很難帶位呢。餐牌只有兩版，選擇不多。我們3人點了解3樣食物：奄列蛋咖哩牛腩飯、奄列吉列豬排咖哩飯、日式海鮮燒餅。其中奄列蛋咖哩牛腩飯和奄列吉列豬排咖哩飯是套餐，所以跟餐送蘋果汁或橙汁，我們選了蘋果汁。蘋果汁的味道沒驚喜，與支裝的無異。奄列蛋咖哩牛腩飯：外表很吸引，Gudetama的表情印在米紙上，放於奄列蛋上，很可愛。奄列蛋很滑，重蛋味；牛腩帶部分煮得不夠稔，但都很入味；咖哩味濃。飯的份量很大。奄列吉列豬排咖哩飯：同樣地，Gudetama的表情放於奄列蛋上，賣相討好；吉列豬排炸得比相像中的好，甚至可以說是有水準，炸粉與豬排很貼，即使咬下去時都不會散開，而且炸漿不厚，很脆；豬排有肉汁。但飯的份量實在太多，我們完全吃不完呢！日式海鮮燒餅：燒餅的醬汁和木魚碎

我自小已經很喜歡吃蛋黃，尤其喜歡半固體狀的蛋黃，溏心蛋、奄列、Egg benedict和Tortilla Española等我都非常喜歡。懷孕期間要每天一蛋，我是少數吃得很高興的孕婦（笑）。因此，我覺得蛋黃哥非常有親切感，不過已為人母，就避免買那些可有可無的精品…來gutetama café吃吃飯，拍拍照就好。首先要感謝R爸用每星期唯一一天的寶貴例假照顧蝦米腸。我才可以去買木棉樹的繪本，之後「順道」來吃咖哩飯。我有很長時間沒有吃得這麼輕鬆！拍照的時候沒有小小孩搶我的相機，感覺真好！（放監mode on）我早上10時45分到達，店內只有兩檯客人。gutetama café是Izumi Curry開的，那我當然是吃咖哩飯，雖然餐牌上也有很多其他蛋料理…日藉女店員告訴我，菜單上很多套餐都沒有供應，原來是漢堡扒還未補貨，幸好我點的奄列吉列豬扒咖哩飯（$119）不受影響。近11時，我旁邊來了一對可愛的母女，我不禁幻想著小學生的蝦米腸，拿著蛋黃哥的公仔，讓我拍照…（咳…學了R爸的妄想陋習）。她們想吃咖哩飯，但店員竟然說飯賣光了！要30分鐘後才煮好飯。沒想到早上11時會沒有飯吃…幸好我早來…套餐可選

想一見或一嚐蛋黃哥，除了光顧尖沙咀The One的点心代表外，也可到觀塘一田的YATA gudetama café by IZUMI CURRY。據報道，一田的Kumamoto Café於十月四日起，搖身一變，成為了另一間以蛋黃哥Gudetama為主題的Café﹗蛋黃哥主題Café以黃白色為主調，無論牆壁、枱面、餐具、坐椅、公仔和小擺設等，都是蛋黃哥「Hea爆又萌爆」的造型設計，配合那些抵死金句，如「唔想起身~~」、「放過我啦~~」、「瞓住食~」、「是~但啦~~」「呼‧‧‧好舒服~」等，既搞笑有趣，又引人共鳴。椅子設計成可愛的雞蛋造型，由蛋白蛋黃組成，閃閃發光，再配上蛋黃哥圖案的咕𠱸，超級可愛﹗一個人，再加上時間尚早，不用排隊，已被安排入座了﹗餐牌只有一張紙，墊在枱上，作墊枱紙之用。一看，只有四款咖喱飯、一款洋食餐、三款烏冬、兩款沙律，以及日式炸雞和日海鮮燒兩款小食，售價由$59至$129不等。另加二十五大元，可選橙汁或蘋果汁一杯，再加一服務費。蘋果汁$25以黃色杯盛載，杯子前後繪有蛋黃哥的Hea爆圖案，以靚靚杯墊蓋著杯口。最後，小妹並沒有使用那個杯墊，收藏起，打算轉贈蛋黃哥粉絲蝸阿牛

梳乎蛋大熱，加上地點都幾近我，朋友叫到，都去試試啦！佢既前身係熊本熊CAFE，反而我又冇食過。新開冇耐，專登揀冇咁多人既星期四下午時間去食，但都幾多人排隊！一場黎到就係為左佢，冇理由唔試試既！其實呢度都係開放式，未入到去，排緊隊都可以睇下佢既裝修。入到去，D枱櫈都做得幾靚，話哂主題餐廳，都唔會太過馬虎既！每枱都會有公仔陪你食，當然唔少得影相時間啦！周邊環境連餐紙都做得好靚影完玩完，係時候叫野食！價錢同裝修一樣咁靚！叫左個海鮮燒餅，上到枱，當然相機食先，為左迎合主題，燒餅上加隻煎蛋而且有梳乎蛋既樣。有醬汁，令到咬落去唔會整得太乾身，但味道。。我唔係好識欣賞！ 再叫左個咖哩豬扒飯，日式咖哩汁向來都唔辣，而豬扒唔會太厚粉，但個蛋就做得好一般。再叫左明太子海鮮烏冬，上面既溫泉蛋相當吸引，撈埋烏冬一齊食味道唔錯，唔會太咸！整體黎講，去得主題餐廳都預左價錢高，質素一般，如果你鐘意梳乎蛋可以去試下，但係我覺得試一次就夠，因為咁既價錢，可以食其他較好既餐廳。

之前在同一地點試過以熊本熊為主題的店子，今番路過，看見餐廳易了手，小人便和朋友入內一試。店方主打咖喱美食，以黃色作主調，雞蛋做主題，就連椅子也是一隻隻可愛的雞蛋。奄列咖哩牛肉飯，奄列的造型賣相可愛得不得了！一副懶洋洋、愛理不理的表情，躺在咖哩飯上面，樣子萌爆。推介奄列牛肉飯，日式咖喱向來偏甜不辣，難得的是這兒的咖喱不過甜，味道恰到好處，佐飯為不二之選。 牛肉煮得香濃入味，再加上蛋香十足的奄列，雖然未到仍有流質蛋漿的最高境界，但質地嫩滑，幾樣食材一迸送進口裡，滋味滿分！餐廳能以普通的材料製造出賣相得意盞鬼的食物，且質數不差，實在教人驚喜。

尋日去咗試梳乎蛋主題餐廳，可能因為係平日朝早，所以唔洗等位，如果唔係實有排排門面已經好有「蛋」味既然係主題餐廳，由檯到櫈通通都係佢做主角菜式唔算多，去果日仲要冇哂漢堡扒，有D失望叫咗一個明太子海鮮烏冬、咖哩牛肉飯同埋煎餅上菜速度都算快，呢樣影下果樣影下D嘢食就嚟啦蘋果汁可能因為本身嘅味都唔算濃，D冰一溶就更淡所有菜式上面當然都會有梳乎蛋個梳乎樣都算幾好味！唔錯！至於咖哩牛肉飯味道就普通咗少少不過個牌仔好可愛，將佢隻手仔插響其他菜度好得意！個人係幾鍾意食紅薑，所以食得津津有味不過我對面果位就唔多欣賞本身有做好「主題餐廳嘅嘢食多數都貴夾難食」嘅準備，今次都算幾有驚喜當然唔係話十級水準，不過呢個價錢再加埋梳乎蛋陪食嘅氣氛都算好OK！臨買單問職員拎嘅小小紀念品同埋加48蚊換購嘅杯

今日好開心有得第一批黎蛋黃哥Cafe，因為我係蛋黃哥fans，所以超興奮！！之前Kumamon Cafe同点心代表都有食過，以蛋黃哥嘅食物種類同環境黎比，我比較鍾意呢間，環境同所有佈置已好有開心氣氛，另外食物黎比点心代表大部分係甜品類好溜～蛋黃哥Cafe見個餐牌暫時未有甜品，唔知遲d會唔會有～試食咗個日式海鮮燒餅$79，食完第一下已覺得食物比之前Kumamon Cafe好味有進步！！ 豬肉海鮮菜同醬汁整個配合得好味～另外义燒咖哩烏冬$79，個烏冬好滑，個咖哩汁少少辣但好惹味，配埋隻蛋同义燒非常好！！下次我想再黎試埋個洋食餐同奄列牛肉飯，因個造型好得意！！