Video
Telephone
27921816
Opening Hours
Today
08:00 - 18:00
Mon
Closed
Tue - Sun
08:00 - 18:00
Public Holiday
08:00 - 18:00
Above information is for reference only. Please check details with the restaurant.
除夕日，與家人車遊西貢，知道此處有個停車場，方便停車，所以到此食個中午飯。中午 12 點半到，可能是假日，停車場全滿，士多門口都企滿人，非常熱鬧🥳等了一陣，有車位亦有枱🤗 放心入座真係可能是假日，人多寵物多，都不敢太拖延太多時間，求其選咗是日精選「紅腸雞髀飯」及一個雞翼薯条🍟滷水雞髀非常入味👍🏻女兒都讚炸雞翼好好味此士多餐廳是我第一次到訪，以前成日都在電視節目或電影見過此場地一定會再來，好有假日氣氛🥳
continue reading
【又係駕駛人士既福音🅿️】大網仔停車場有兩間士多(茶記🤔)，我淨係去有利士多(右手邊個間)，次次去都要叫兩個餐，通常一個特餐⼀個下午茶，正！😎👍🏻【特餐 • $46】特餐有牛油多士、火腿奄列、豬扒/雞扒/雞中翼(三選一)配粉麵。多士係薄白包，大火烘左好脆！火腿奄列就轉左腸仔煎蛋，煎得好香口，唔似有d茶記輕煎同白烚無分別👍🏻佢既雞中翼係生炸，一咬d肉汁同油標晒出黎，肉質嫩滑，仲有唔使另叫都會分碟上，唔會擺係湯麵度淋晒🤩另外加左$6轉辛辣麵，怕辣既可以叫辣粉另上😉【辣魚餅薯條 • $40】辣魚餅就咁煎熱佢，純粹我鍾意食魚餅🤣薯條即炸好脆好出色，其實呢度既炸物都幾世界級，生炸雞脾雞翼吉列魚柳個d正呀👍🏻
continue reading
家在西貢北，當地有甚麼可以食野的地方，我當然是清楚的。不過，外人來到，通常都只知道馬路邊的謀人寺食店，並不知道，在某幾條規模較大的鄉村內，有不少好吃兼抵吃的食店的。《有利士多》，是大網仔兩家食肆中，我幫襯得最多的一間。仲有不知為什麼，我次次黎親大網仔食野，我只會走進《有利士多》。 雖然叫士多，其實是一間大排檔形式的茶餐廳。餐廳旁邊是入村的通道，是一間依山建築的食肆。天氣不熱，坐在落幾級樓梯的半露天位置最爽。 湯是任飲的，在附近工作而又有車揸的工友們，幾乎個個都一大碗湯。是日的紅蘿蔔豬骨湯，也可以說是雜骨湯，味道清甜，應該沒有味精。不過，應該是放晒所有骨頭骨尾一齊去煲，所以好肥，好油。 叫了一個大澳海鮮炒飯，其實就是一個蝦醬海鮮炒飯，有大澳蝦醬那一種獨特的腥味，但味道沒有過濃，感覺不錯，只是飯炒得未夠乾身。 奶茶就一般般，茶味夠但奶味唔夠。不是我最喜歡的那一種奶茶。 食後，才想起，點解我次次來都只會選《有利士多》呢?
continue reading
同朋友揸車入西貢玩，中途有啲肚餓，聽講話有間士多好有大自然味道之餘，食物質素亦唔錯，於是特登泊低部車去醫肚。叫左個切雞飯，雖然講唔上係好高級既菜式，但配合成個大自然環境，係令到成個飯升級左，而且切雞真係好靚，都好有雞味。路經西貢既值得坐低食下野。
continue reading
有利對我來說係好遠的地方，不過，有私家車的話，就真係好方便。那麼遠去到，就是享受它的環境，欣賞大自然，在酷熱天氣下，坐在有利（樹蔭下），竟然沒有流著汗來午餐，很舒服呢! 在室外環境下嘆檸檬茶，食返個肉片炒麵，你會問，咁遠去食，好食嗎? 哈哈！告訴大家，正常的檸檬茶，肉片炒麵，濕濕地的麵身，仍帶有一點乾身脆卜卜麵條，好有咬感，肉片嫩滑，材料豐富十足, 青椒洋蔥肉片全部都大大塊, 整體味道不會太鹹和太油. 食後總結: 有私家車人士, 值得一試, 超值好味, 享受寧靜自然的環境, 我回再來! 有利等我呀!
continue reading