有鑊氣-酸菜魚 (醫局街)

Open Now

Now Closed

開瓶費：FREE深水埗醫局街一間粵菜川菜館，環境唔大，人手都不足，但係呢日星期日晚真係爆到九彩。冇訂位嘅我地要坐係門面一張四人枱，而且要8：30還枱！尖椒糖心皮蛋 $ 38呢個價位比到兩隻份量你，難得而且底下仲有少量炒熱過嘅青尖椒同辣椒油，非常香口惹味，佐汽酒一流黑鑽脆豆腐 $ 88雖然係$88，但係份量冇欺場！而且少見會有黑色炸皮嘅椒鹽豆腐。佢炸得非常好，外脆內軟又夠熱辣辣潮式煎蠔餅 $ 108蠔餅反而就失色，蠔肉過細冇味，而且睇到佢炸到好多一粒粒位，變咗炸蠔仔。。。鑊氣小炒皇 $ 118呢碟餸永遠都係考鑊氣嘅菜式！呢度炒得好靚，配料十足，香氣撲鼻，又係佐酒菜式菠蘿咕嚕肉 $ 98鮮菠蘿大約有1/6個，非常新鮮爽甜，唔係淨切，外層有燒炙過。咕嚕肉有8-10件，件件香脆肉彈，不過略嫌汁醬少咗啲😜乾隆鹽水鵝皇 半隻 $ 248灰灰白白嘅佢好入味，唔會過鹹，肉質依然保持鮮嫩彈，連胸位都未出現乾柴。再加上佢配咗一個蒜茸白醋同鮮沙薑油，蘸上又有另一種風味，真係大開眼界有鑊氣係大角嘴都有分店，環境接近，同樣地方不大，人手少，但係佢依然做到食物好，服務有，認真免加一就唔好太多要求！我只係需要佢幫我

幫襯左幾次，今次母親節食飯經驗真係好差。首先打去訂位先，職員態度已經好差，我以為因為太忙佢地先咁差態度，老實講我之前去幾次都正常服務態度唔係咁既，所以先會回頭幫襯。訂位時我訂6:00，佢有提及只可用膳至8:00，之前每次去都係咁，所以我知道亦接受。然後當日去到，我地落單，落完個職員已經話，淨係可以落一次單，唔可以再加單。我果下已經好不滿，訂位時講可以用膳到8:00，但冇提及只可以落一次單！同埋啲野食唔好食，啲咕嚕肉唔脆的！同之前食差好遠！唔會再幫襯下一次

較預訂時間早15分鐘到達，無能店員通知店內只有一張四人枱準備給預約客人，枱昰留給4位預訂相同時間而尚未出現的客人。我的2人預約安排在戶外門口枱或待有枱走才到我們。目測每枱最多只食咗一半，店員也不能確實入座時間。請注意⚠️目測2位或4位都是用同size 枱… 其他食客也感奇怪，在百思不得其解同時，店員還高傲反問”仲有啲咩幫到你?” 只有趕客同埋趕客！食物好嘅地方又豈止一間，留港消費多年的顧客也跟你永別了！

知道冇訂檯，所以5:45到。阿姐周圍望咗好耐，叫我哋食一個鐘！！！我寧願你同我講冇位俾唔到我哋。定阿姐想我哋即時表現劏開個胃，倒啲嘢食落個胃到！！！網上評論幾好食都冇用，做嘢嘅人唔經大腦🧠

今非昔比，我都係第一次寫劣評，食物水平差咗好多，伙記態度又冇禮貌，去有鑊氣食完真係谷鬼氣，什麼黑脆豆腐咸到不得了，辣子雞又咸，咕噜肉又差，叫咗8樣食物冇樣好，以前食完會推介比其他朋友，現在就會話唔好再去，食餐飯要受氣，水準又差，真係揾鬼再幫襯

我嘅午市confort zone推介之選，小菜午市menu樣樣皆good! （小菜menu仲有八折）係上菜速度真係慢嘅，有幾次等唔到直頭cancel空住肚走。不過會返頭食係因為一食落肚連吐氣都吞埋😂😂椒鹽豬扒飯（蛋炒飯底）午市餐牌個人之選有時仲有剁椒蒸排骨/蒜蓉蒸魚，沙薑雞飯⋯⋯都係好好嘅選擇！就係反而湯嘅選擇如酸菜魚就唔算十分出色。好味到爆嘅椒鹽鮮魷，不過每次都差唔多最尾先嚟到，等得有啲耐。另外有啲煲仔嘅選擇十分有鑊氣㗎！勁餸飯！呢到值得一試！

第一次去食，一早就訂定位，食物味道ok不過*問佢有冇水或者茶*個待應竟然答我"冇"當日我係有帶老人家去食，佢需要食飯前食藥， 咁大間小菜館餐廳 竟然唔提供水或茶真係好搞笑*想賺多啲飲品錢* 明嘅已經每個人都有叫飲品, 問你攞杯水都竟然搭冇(真係好難怪啲人話香港畀你哋搞死曬)打電話去訂位有預留佢嘅招牌菜鹽水鵝，但係佢間野係有鑊氣酸菜魚做舖頭名，訂位係有話海鮮需要預訂 ，但冇提酸菜魚都要一早訂定， 用得呢樣嘢嚟做個舖頭名都應該要睇下訂位嘅客人，去到叫又係話冇問佢侍應畀啲水我哋去洗嘢餐具，應完(等陣)完全冇再理過我哋其實你哋咁樣做生意幾好食都冇用啦

今日突然好想食咕嚕肉🫣即時梗係諗起冰鎮咕嚕肉不過呢間舖頭 👅經常都要訂枱如果唔訂枱 其實好難食到😓Walk in 都未必等到枱😵‍💫因為佢嘅小炒真係好出色每碟餸都好有鑊氣 所以就叫有鑊氣😅😅但係冇辦法 突然間想食所以揸車去搏一搏運氣今日竟然行大運😍入邊竟然有兩張吉枱簡直難以置信🥹介紹吓每次必食嘅菜式第一當然係冰鎮咕嚕肉👅佢係我食過 暫時最好食嘅咕嚕肉👍🏼首先皮脆肉滑 入邊嘅肉唔係全部肥豬肉你食到係好新鮮嘅豬肉🐷外脆內軟 食落口外面係凍冰冰入邊軟滑加Juicy 🙊🙊食咗一舊之後 唔會停到手💥推介指數：10/10 🌟鑊氣小炒王拿拿拿….呢個小炒王都係我食過最好食味道剛剛好 食到鑊氣嘅味道😍所有配料都唔會馬虎唔鍾意食腰果嘅我都令我每次都一定要叫小炒王佢嘅腰果好香 炸魚仔香口又有我最鍾意食嘅鮮魷 蝦乾👍🏼👍🏼💥推介指數：10/10🌟重慶香辣雞煲記得上次都有雞煲🐔因為記得好食 所以今次再食多次今次味道就淡咗啲🙈🙈雞嘅質地滑 但唔重雞味而佢個香辣味較為淡不過都唔係差嘅😅💥推介指數：8.5/10🌟豬油飯好少食飯嘅我 嚟到梗係食碗豬油飯咁難得我會食餐飯 🐷梗係唔會放過啲豬油啦用砵仔蒸飯 再加豬油同特

舅父上機前，要去下「有鑊氣」。大部份嘅菜都要預訂，好食嘅鵝，有鵝雜跟埋，好飲嘅湯，唔訂無得飲。不過今次人小小，食唔到半隻鵝，叫多幾個小菜同小食👍🏻生炒骨都係，叫左份普通嘅，除非有7-8 人以上，先食到出名嘅「冰震咕嚕肉」😅份量太大，下次齊人先再叫。呢間近屋企，不過無訂位唔好諗住閒日可以walk-in 😌未食過震試下👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

上次行過見到呢間寫住有鑊氣諗緊係咪真係咁有鑊氣呢不過見到全場爆滿，仲有人等緊位咁應該都幾好食所以就即時排隊入去食🥳哇呢個冰鎮咕嚕肉真係不得了我食過咁多間冰鎮咕嚕肉，佢真係最好食小炒王 真係好有鑊氣勁正再配過砵仔豬油撈飯

今日就走咗落深水埗嗰間風評甚佳嘅食店，酸菜魚一上場，我心裏嗌咗句：哇噻，呢個湯頭酸溜溜嘅，完美捕捉到酸菜嘅精髓！魚塊食落真係滑過BB嘅屁股，一啖嚟，魚肉嘅鮮味直沖腦門，真係得令至極！🐟😋👍小炒皇叫得我心花怒放，炒得金黃黃銀魚仔啱晒口味，九層塔仲係噴香，蝦米添咗層鮮味。簡單嘅食材，廚師卻炒得叮噹，鑊氣十足，啖啖肉，味到幾成瘾！間食店嘅脆皮咖喱牛腩都係硬菜一枚，牛腩皮脆唔膩，裏面肉軟糯，包裏面滲出咗咖喱嘅香濃，簡直係強強組合！抵死！🍛🤤言歸正轉，人均消費都算著數，但係呢個水準，啲料理有得同高級餐廳正面交鋒。朋友，約飯就約大家嚟試吓呢啲咁有料嘅風味佳餚啦！保證滿意，仲唔快D嚟親身感受下？🔥🥢🥳

13-10-2023 （星期五晚） ， 一行3人處理完私事搵飯食， 其中朋友提議去依間食店， 因為係後面街， 咁無所謂啦， 去到晚上7點半到， 等左3分鐘就有位， 店內係比較迫， 小店都預左， 食物質素唔差， 份量夠晒大， 杯超大杯檸水 可以share 兩份飲 😅😅 黑豆腐好好食， 酸菜魚夠大碟， 味道中上， 係個生菜包一般 。其他都可以可以 。

今次同幾個朋友去聚會好開心可以嗌多幾樣嘢食😜佢個招牌冰鎮咕嚕肉真心好食～個面嘅糖漿有少少趣，但係入邊好Juice仲係暖 $168老壇酸菜魚好香，啲魚好滑，仲好大盤，份量好足😍$298小炒皇好味，足料 有鑊氣👍$108尖椒糖心皮蛋就有啲失望，呢隻黃色嘅皮蛋比較爽口，冇黑色皮蛋嘅香味 $38家鄉炒米粉 好有鑊氣，不過個人覺得淡左小小，可以再重味啲$68潮式煎蠔餅，新鮮炸起外脆內軟，好Juice🤪$98啫啫通菜煲 好惹味，送飯一流 $68我哋飲咗花膠行汁潤肺湯，不過唔記得影相，冇味精好足料香濃👍👍值得一試$60/碗我哋食咗咁多嘢先$1000買單，真係超級抵🤪服務都好好，服務員好細心留意每一位顧客嘅需求，回應得好快，嘅缺點係啲座位好迫，舖位好細，出入好困難

本人今日8:10分到達，當時門口無人等位，伙記話下一張有人就到你哋，15分鐘後有4位女人到來，當時伙記都同他們說都是我們先，等候期間其中一位婦人就同個伙記說了2句，之後就比嗰4位婦人衝入去坐下，我質問處理的夥計點解你可以俾佢坐下，你既然話我先。佢指話俾我聽，我唔知邊個夥計安排，叫我自己問返。原來呢間嘢收錢就可以打尖！

以前香港的大排檔，最講求就是有鑊氣！但隨著大排檔越來越少，有鑊氣嘅小菜已經買少見少！最近，經朋友介紹，去咗深水埗這間中菜館！每一個小炒都充滿鑊氣，絕對是以前大排檔水準！對有鑊氣小炒的愛好者，一定要試！