贏樂小館

Open Now

Now Closed

下午茶時間，諗住食個 tea set，但原來呢度係冇嘅，雖然係咁，見 menu 都有食物吸引到我，就繼續吧。佢哋有好幾款涼拌小食，叫份豬耳啦，有幾種辣，但我係超少辣喎，老闆就話出聲就ok，因為即叫即調(辣度)，咁就 tailor-made 我的辣味豬耳喇。由於即調，就算得我一枱客，都要等等，坦白講，呢種等係值得嘅，因為個味道真係啱我。另外叫咗份豬手麵，老闆話個麵係同出面不同嘅，似上海湯麵同幼身烏冬。一嚟到就試咗件豬手，嘩，估佢唔到咁'林'，超正，而且有好多芽菜，好味。個麵呢，就互相纏繞住，食時有啲論盡，味道... 如老闆所言似烏冬。小小的店，竟然見到有獨立洗手間。

因為喺附近返工嘅緣故，會經常幫襯。睇落好似平平無奇，一間普通餐廳，但真係好好食。本人特別推介豬扒/雞扒餃子手工面，豬扒煎得好靚，餃子皮薄餡靚，手工面都好入味(因為好多時啲麵都冇湯底嘅味，但呢間真係好食)。如果鍾意食辣仲可以轉麻辣湯底😋😋 都推介海南雞飯，飯同雞都好好食，海南雞飯醬料又任加🤤如果唔太肚餓都可以叫淨餃子，佢好多款餃子，而且餃子全部都皮薄餡靚。唯一缺點係等得比較耐，因為都係老闆娘自己煮。

逢返油麻地開夜必食，星期五難得放工都買到煎雞扒配酸辣手工麵(雞扒唔係日日有，好多時放工叫定外賣自取時 已話賣晒）女仔食雞扒+手工麵實夠飽，男士既話雞扒加埋餃子應該會好d.酸辣係佢地自家既，可以要多酸辣菜，好開胃湯底特別，出面食唔到。唔係死酸死辣，值得一試，同埋唔係味精湯（有d 鋪頭食完我要係咁飲水）有手工麵同米線選，我勁鐘意佢個手工麵😍同d 湯好夾。雞扒煎得岩岩，味道正 餃子有生餃賣，通常會買椰菜餃返屋企，就咁滾又得，煎又得不論係新客熟客佢地一樣好友善會同你傾下計， 我會繼續支持😋

油麻地廟街附近搵食，經過此店，入內一試，點了秘製豬軟骨麵，甚有驚喜！豬軟骨炆到好入味，肉質軟滑，軟骨既爽又黏，非常好食！麵亦軟硬適中有彈力，亦好食！餐廳整潔，老闆斯文有禮，加分。期待下次試埋其他菜式。

夜晚冇飯開，在公司附近隨機搵間小店外賣飯盒。呢間小店在橫街，座位不多，不過環境乾淨。今晚叫左海南雞飯，50蚊有找。一小時回到家，打開見到雞同飯的份量都好足。雞多滑，飯更是有驚喜，凍左都好香好夠味，食下食下就食哂。送例湯，打開更是不得了，係椰子煲雞腳，好濃好鮮。呢個價錢，性價比超高！

係百老匯電影中心睇完戲已經晚上十點幾，想食個宵夜，行到廟街附近見到呢間小店，老闆好熱情係門口招呼，所以即管試試。點了豬扒餃子手工麵，豬扒煎得香口，不過不失，餃子是店內員工親手包的，所以都幾大粒幾足料，他們自家製的麻辣醬都真係幾惹味。小店經營不易，經過的朋友們可以入內支持下。

一間非常不起眼的小店！第一次幫襯本想快快趣填飽個肚做嘢！誰料每樣食物都是非常有水準！各款手工水餃，海南雞，口水雞，炸豬扒麵，麻辣豬肚，麻辣豬耳，酸辣麵。。。正！。食材新鮮，好味道（應該無落味精），份量又足夠！食得出店主很用心去經營每一道出品！位置問題，收費街坊價錢！有時外賣水餃返屋企打邊爐，家人一陣間掃晒！ 店主很友善，真心希望越做越大，生意興隆。有時候發掘這些小店，給你意外驚喜，不僅祗是飽腹，更加吃出人情味來，真的很滿足！

用餐環境：乾淨、整齊服務態度：好友好食物：A. 無骨海南雞份量足、啲醬酸辣好味，搭配酸辣米線超正 B. 例湯（冬瓜鳳爪湯）熱辣辣又足料 C. 韭菜煎餃底部香脆、餡料新鮮價錢：實惠

同男朋友去到贏樂食海南雞飯同埋餃子，次次都食唔厭我自己最鍾意海南雞醬撈埋啲油飯食，酸酸地少少辣好開胃，啲雞鮮嫩又多汁間店細細間，不過環境乾淨，唔會話好迫都坐得幾舒服男朋友最鍾意食佢哋啲煎餃，粒粒都係自己撈餡再包，唔係超市買一袋袋嗰啲，每隻餃子係滿滿嘅餡同埋肉汁，不過都唔會話好貴，最緊要好食雖然選擇唔係話好多好多，不過我覺得咁樣先好，如果係多得來，但唔係樣樣都好食，咁何必呢不過都會期待之後會出多啲唔同嘅嘢食

嚟間店做街坊生意，唔係大街，所以人流就差d. 佢菜單上既款式唔多，不過佢d嘢都幾好食，餃子明顯係自己整，皮薄多肉，而且咬落真係有肉汁必出嚟。另外值得一提，老闆服務態度好好。佢d食物都幾有誠意，希望佢生意可以越嚟越好。