宜記甜品

Open Now

Now Closed

🐝堅尼地城l 港大人必食呢間小店好受港大朋友仔歡迎，係堅尼地城C出口斜路行5分鐘就到麻醬鴨胸蟹籽冷麵(冷麵醬加麻辣汁)$53 7/10宜記冷麵醬再加麻辣汁真係不得了，一食就真係停唔到口，建議一定要嚟試吓，食落清爽又惹味芒果珍珠西米露(芒珠西) $33 6/10真係好懷舊，回憶既味道，不過宜家芒果好似細舊左以下呢幾樣今次冇叫，但係之前食過都係唔錯的👍🏻咖喱雞球蛋包飯 (加麻辣汁)豬頸肉炒一丁鰻魚炒飯五色冷麵混醬宜記甜品 (西環)西環堅尼地城士美菲路12S-12T號新發大廈地舖

杨枝甘露好吃的芒果和椰奶很香、柚子酸度刚好、西米Q弹，总体酸甜度都刚好！外面有的杨枝甘露会掺芒果罐头还是啥就人工添加剂味儿很明显，他们这个就都很天然很舒服！！！

每次U team 練習後都一定會會幫襯宜記，價錢親民，份量夠，服務親切。唔肚餓嘅同學仔可以叫楊枝甘露、西瓜涼粉等嘅甜品，又或者飲紅豆奶茶、西瓜冰、凍檸茶；肚餓嘅可以揀湯麵、湯烏冬、咖喱飯、冷麵，炒飯炒公仔麵等。食咗咁多次，最正係炒飯同炒公仔麵。近排用碗上，好似份量大咗，又食得方便咗，仲非常足料！今日第一次叫粟米蜆肉炒飯，超多蜆，出去食碟炒蜆都無咁多，食極都食唔晒。隔離叫咗豬頸肉炒公仔麵，鑊氣夠，冇多餘嘅油，好香口，加埋 XO 醬炒真係好惹味。所以差唔多次次都係必叫。炒飯炒麵襯凍檸檬茶少甜少冰，好消滯解暑。

喺中西區竟然仲有甜品店我哋冇去過？MM爸鐘意食甜野無人不知，蕉媽經常捨命陪君子，陪佢食甜品（我諗好少人唔鐘意甜野，但食甜野又會肥又對皮膚唔好，蕉媽平日一定會忍）但陪人就要破戒啦。今次去呢間平民食位置非常隱蔽，仲要係開下午5點至半夜2點，星期六唔開，所以日頭經過見到長期關門。是晚我同MM爸驚蟄去行夜山，行完MM爸提議食甜品，所以夜晚10點去咗呢間宜記。入到店內見到幾群大學生，估計係因為近香港大學學生宿舍。我哋點咗芒果珍珠黑珍珠和原味木糠布甸。芒果珍珠黑珍珠由芒果🥭、黑珍珠、小黑珍珠、棷汁組成。芒果🥭味道非常香濃，大小珍珠口感一個爽脆一個煙韌。好食😋估唔到原味木糠布甸咁大份，形狀好似一個大餅分成六份，口感有啲似雪糕，但同時又好鬆化，非常複雜的感覺，推介大家試吓。平民價錢食到美食，一樂也😍。宜記甜品 (西環)西環士美非路12S-12T號新發大廈地下

喺港大完咗個活動，諗緊食咩好嘅時候已經係夜晚9:30，再加上限聚嘅情況下有唔少餐廳都已經閂咗門，當我仲諗緊要唔要返屋企嘅時候，有個港大嘅舊生就提議去食呢一間位於西營盤地鐵站附近嘅一間甜品店；呢間甜品店除咗有甜品食之外，佢都有唔少熟食小食，好啱我哋又想食甜品又想食正餐嘅人🤤🤤雖然呢間餐廳嘅裝修擺設都有舊式嘅糖水舖風格，但係我冇諗過原來佢哋嘅甜品同埋熟食都好好食同好足料🤤😋😋而我呢就食咗「肥牛炒烏冬」及「楊枝甘露」😻😻⭐️肥牛炒烏冬 💰41佢嘅肥牛炒烏冬唔單止有鑊氣，仲有好香濃嘅美極豉油味道，成個炒烏冬唔會淨係得肥牛同烏冬，入邊仲有生菜洋蔥等等配料，起初order嘅時候都驚會唔好食，點知一黎到就發現幾好食喎，食下食下，成碟就比我食晒啦😋😋⭐️楊枝甘露 💰31呢一間楊枝甘露都好重料㗎，有好香濃嘅芒果同奶香味，而且佢嘅西米露會唔會煮得太「淋」，係有煙靭口感嘅西米😋我極力推薦佢嘅楊枝甘露🤤🥰 ⭐️日式餃子拉麵 💰50⭐️麻醬豬頸肉蟹籽冷麵 💰57⭐️日式燒牛肉飯 💰49⭐️燒汁豬頸肉飯 💰50

呢排天氣又熱又濕，好難頂，行行下街，想搵啲凍嘢食下飲下，無奈戴住口罩勁唔方便，靈機一觸，行快兩步嚟到呢度食個冰凍甜品。呢度除咗有海量嘅甜品供應之外，其實仲有非常多平靚正嘅熱食，吸引好多附近嘅學生幫襯。我叫咗我嘅至愛楊枝甘露，無論份量同水準都完全合格有餘。我覺得呢個楊枝甘露嘅特色係椰汁西米露份量較多，所以份外香甜，至於芒果部份，果肉又多又甜，配埋芒果汁真係好正，唯一可以挑剔嘅係柚子肉有少少苦，唔知係咪唔當造呢。

😃宜記甜品😃打完波唔知食乜就諗到佢嘅宜記🌝近期冇咗晚市 去呢度買外賣就啱啱好啦😂詳情可以睇返佢哋嘅ig 佢哋每日都會upload menu私心少少推薦麻辣麻醬青瓜火腿蟹柳撈麵(圖二)🤣基本上Menu冇你啱嘅組合 你嗌就會有㗎喇😂———📍 堅尼地城士美非路12S-12T號新發大廈地下#food #foodie #foodiehk #foodiehkig #hkfoodie #hkfood #hkfoodblogger #hkfoodshare #goodfoodhk #foodieinternationalchat #堅尼地城美食

堅尼地城地鐵站一出行3~5分鐘到達嘅宜記甜品，唔好俾佢個名呃到，除咗甜品之外，佢仲有好多飯餐，同埋米線，炒公仔麵等等！開放時間由下午五點至凌晨兩點，我每次打完波都會去幫襯買燒嘢食。亦都係港大學生嘅飯堂。我最鍾意食佢就係麻辣雞翼米線，（酸辣都有），雞翼有四隻，而且又有菜同埋勁多粟米。 凍檸茶都係我必飲嘅嘢，因為茶底好味。最後梗係要加多個甜品啦，我就鍾意食佢芒果珍珠西米露，或者芒果班戟都好正！但堂食嘅話就唔多位，但係佢性價比真係好高，10個推薦！

This restaurant near the mtr station. So we can walk for only 5 minutes to the restaurant. We usually went there after school for dinner. It offers high variety of food like meal with rice, ramen and dessert and also drinks. We have ordered curry rice with egg and fried chicken and beef. It is so delicious and yummy. The price is low and the portion is quite large. We enjoyed the meal lot. The fried chicken is so crispy and yummy. They just fit our taste.Quite recommend this resto!

相信讀港大嘅朋友仔，對宜記都唔會好陌生，平時打完波我都會去宜記買外賣，但佢而家好似冇做堂食？🤔所以我哋都主要買返宿舍食~~平時就最鍾意食鰻魚炒飯或者五色冷麵，啲friend話麻辣雞球飯都正，同埋嗌得宜記就當然鍾意食佢啲甜品啦！價錢都親民㗎，又幾大盒同幾啱食，而且食咗咁多年都好有感情。仲要係黃店喎，梗係要多多支持啦！💛同埋打電話嗌外賣真係好快，試過嗌7個飯好似20分鐘就到，深夜嗌宵夜就真係要嗌宜記haha

如果讀HKU/住西環好難無食過位置處於山腰嘅宜記, 話就話係甜品舖但其實大部人都係嚟食晚飯同宵夜, 餐牌主要係港式嘅日本野同埋份量多😌✨五色冷麵💰45💫評分: 8.2/10📝有蟹柳、鴨胸、青瓜、粟米、蛋絲作為材料, 口感豐富, 自家製麻醬一流, 你落單可以mix and match你鍾意嘅餸e.g可以揀埋叉燒、蟹子, 芒果其實最多差幾蚊🤣, 好抵食😋😋😋整自己獨一無二嘅🤣 ✨珍珠桔檸蜜💰21💫評分: 7.7/10📝酸酸甜甜又有珍珠咬吓🤣我啲莊友個個都好鍾意其他熱門選擇🤩🥄鴨胸蟹子炒飯 🍚鰻魚蟹子炒飯🥢溫泉蛋泡菜豬頸肉飯 🍛蛋包咖喱豬頸肉/雞球飯 🥭芒果珍珠西米露 - 芒珍西🍮木槺布甸宜記甜品📍西環士美非路12S-12T號新發大廈地下(堅尼地城🚇 A出口行4分鐘就到)💫評分: 8/10💬宜記算係其中一樣大學回憶嘅味道, 好似唔係因為出post都好少會每一樣野宜記嘅野食都影吓🤣, 好掛住有得成日食宜記嘅日子, 住hall叫宵夜食, 係soc房同莊友食, 打完ball同🏑teammate食🥲, 番咗工真係好掛住u life, 如果仲未grad就真係要好好珍惜, 可以食宜記原來係好簡單嘅hoi

個名叫宜記甜品，但吾係只賣甜品，我買左辣牛肉炒烏冬，其實我期望佢係鮮牛肉，點知係肥牛，不過佢都係好味嘅，份量亦吾少，我估吾到自己食曬。食曬之餘、我叫左碗腐竹雞蛋糖水，連碗腐竹雞蛋糖水都食埋，仲飲埋杯凍檸茶。😅果然係甜品店，佢嘅甜品真係無得輸，個腐竹雞蛋糖水，除左有腐竹、雞蛋之外，仲有白果，同好多好淋好入味嘅薏米，令我十分驚喜🥰用心之作，下次再encore 。下次叫set dinner 包埋飲品，感覺抵食啲😝

行左陣先找到，原來地鐵站後還要往上走.... 本來知道夏雪係黃店，但原來夏雪堅尼地城店已經不復存在，新店在大圍，在黃藍地圖找到宜記，都幾近地鐵，但要行一段上斜。 木瓜燉雪耳：都不錯幾清潤，但可能不是木瓜季節，有點苦。呢個價錢，算係有心之作，合格。士多啤梨蛋糕：很特別，似雪糕多d，加上木糠都幾好味，有鬆化口感。$廿幾三十蚊咁大份，你仲想點，一個人KO都不覺太溜。除了甜品，仲有好多經典的冰室食物，撈麵炒飯之類，應有都有，超級抵食。最緊要係黃

好耐無理堅尼地城食野，今日食完晚餐忽發奇想黎食以前成日食既糖水舖。呢度除左糖水仲有正餐食。不過我地已經食飽，個胃淨係有位食糖水。鮮雜果珍珠愛玉凍（$35）有好多新鮮生果，有芒果、火龍果、木瓜、蜜瓜。愛玉凍係好似日本啲舉藥咁。士多啤梨味木糠（$26）係雪櫃攞出黎好透心涼。甜度適中，唔係死添。仲有其他味，好似朱古力、雲尼拿味等等。Menu其實好多野食，甜品都好多變化可以選擇，不過今日竟然無我最鍾意既芒果班戟。

Called a bunch of food and they forgot two desserts but refused to deliver again said they are closed. And told us they will deliver the desserts the next time we call food, which is just stupid. It’s not like I will call from this place everyday or I have nothing else better to think about but remembering that they owe me two desserts??? Im very likely to forgot that I paid $30 but got nothing to eat in this store and that’s just free money going into their pocket. I just want a refund, don’t t